Сура Ат-Тур pdf Нохчийн

Сура Ат-Тур

PDF —

49 Аят Meccan PDF

Built right in your browser — download starts automatically

Сура Ат-Тур pdf — Дахьа (Нохчийн)

Сура Ат-Тур pdf Нохчийн — Дахьа Сура Ат-Тур Гочдар. Ат-Тур (Meccan) 49 Аят.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сура Ат-Тур

49 Аят · Meccan · Нохчийн

ﮞﮟ

Ламанах /дуй боу Ас/.

ﮠﮡﮢ

МогIанашца яздинчу жайних а /дуй боу Ас/,

ﮣﮤﮥﮦ

ша даржийначу анний тIехь /яздина/ хилла долчу.

ﮧﮨﮩ

Шена зиярат дечу цIийнах а /дуй боу Ас/.

ﮪﮫﮬ

Айбина хилла болчу тхевнах (стигалах) а /дуй боу Ас/,

ﮭﮮﮯ

/къематдийнахь цIарах/ буьззина хир болчу хIордах а:

ﮰﮱﯓﯔﯕ

баккъалла а, хьо Кхиош-Кхобучун Iазап доьжна ма ду (догIур долуш ма ду).

ﯖﯗﯘﯙﯚ

Ма дац цунна ша духатухург.

ﯛﯜﯝﯞﯟ

/Оцу къемат/дийнахь стигал дIатохалур ю тохаяларца,

ﯠﯡﯢﯣ

лаьмнаш а дIадолалур ду дIадоладаларца.

ﯤﯥﯦﯧ

Бала бу-кх оцу дийнахь /дин/ харцдечарна,

ﯨﯩﯪﯫﯬﯭ

шайна даьсса хабаршца самукъадохуш болчу.

ﯮﯯﯰﯱﯲﯳﯴ

Оцу дийнахь уьш кхуьссур бу жоьжахатин цIерга нуьцкъала кхоссарца.

ﯵﯶﯷﯸﯹﯺﯻ

/Эр ду цаьрга/: "ХIара ю и цIе‚ шу ша харцъеш хилла йолу.

ﭑﭒﭓﭔﭕﭖﭗ

Бозбуунчалла ду хIара я шу ца гуш ду?

ﭘﭙﭚﭛﭜﭝﭞﭟﭠﭡﭢﭣﭤﭥ

Дāга цу чохь‚ собар де я ма де – цхьатерра ду шуна. Шуна бекхам беш бу аш йеш хиллачу Iамалшца".

ﭦﭧﭨﭩﭪﭫ

Баккъалла а, /Делах/ кхоьруш берш – /ялсаманин/ бошмашкахь а‚ ниIматашкахь а хир бу,

ﭬﭭﭮﭯﭰﭱﭲﭳﭴ

зовкх хьоьгуш шаьш Кхиош-Кхобучо шайна деллачуьнца. Шаьш Кхиош-Кхобучо жоьжахатин Iазапах ларбина уьш.

ﭵﭶﭷﭸﭹﭺﭻ

/Эр ду цаьрга/: "ГIоза даа‚ г1оза мала шайна шаьш йеш хилла Iамалш бахьанехь".

ﭼﭽﭾﭿﮀﮁﮂﮃﮄ

Вовшашца могIаршца лаьттачу маьнганашна тIе тевжина /хир бу уьш/. Оха бāлор бу царна хьурал Iинаш .

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙ

Шаьш ийман диллина хилла берш‚ шайн зуьррет а ийманца шайна тIаьхьахIиттийна хилларш – царна тIекхиор ду Оха церан зуьррет а. Церан Iамалех хIумма а эшор а яц Оха. Массо а стаг а ша /дуьненахь/ карадинчуьнца закъалт ву .

ﮚﮛﮜﮝﮞﮟ

Оха /хан мел ели/ латтор бу царна стоьмаш а‚ жижиг а царна дезаш хиллачух.

ﮠﮡﮢﮣﮤﮥﮦﮧﮨ

Цара вовшашка кхийдор бу чагIаран кад‚ шеца /и молуш/ даьсса къамелаш доцуш‚ къа а доцуш болу.

ﮩﮪﮫﮬﮭﮮﮯﮰﮱ

Царна /гIуллакх деш/ тIехьийзар бу кIентий-ялхой‚ шаьш Iалашдеш долу луълуъ санна болу.

ﯓﯔﯕﯖﯗﯘ

Царах цхьаберш вукхарна тIебоьрзур бу, хоьттуш.

ﯙﯚﯛﯜﯝﯞﯟﯠ

Цара эр ду: "Баккъалла а, тхо ма дара хьалха тхан доьзалх кхоьруш (уьш хIаллакхиларна).

ﯡﯢﯣﯤﯥﯦﯧ

Дала къинхетам бина тхох. Цо кIелхьардаьхна тхо самýман Iазапах.

ﯨﯩﯪﯫﯬﯭﯮﯯﯰﯱﯲ

Баккъалла а, тхо дара хьалха /дуьненахь/ Цуьнга доIанаш деш. Баккъалла а, Иза ву диканиг а‚ кхинхетаме верг а".

ﯳﯴﯵﯶﯷﯸﯹﯺﯻ

/Керстанашна/ кхерам тасарна тIехь дāим латта! Хьан Делан ниIматаца хьо вац бозбуунча а‚ жинийх верг а.

ﯼﯽﯾﯿﰀﰁﰂﰃ

Я цара олу: "Илланча ву. Хьовсур вай – замано дIалуьстур ву иза".

ﰄﰅﰆﰇﰈﰉﰊ

Ахь āла /цаьрга, х1ай Мухьаммад/: "Хьовса шу. Со а шуьца цхьаьна хьовсачарах ву".

ﭑﭒﭓﭔﭕﭖﭗﭘﭙﭚ

Я церан набаран гIенаша хьоьхуш ду те и царна‚ я иза дозанах даьлла къам ду те?

ﭛﭜﭝﭞﭟﭠﭡﭢ

Я цара олу: "Цо кхоьллина иза ?" ХIаъ‚ уьш ца теша-кх!

ﭣﭤﭥﭦﭧﭨﭩ

Цунах тера дийцар дахьийла цара, шаьш бакълуьйш белахь.

ﭪﭫﭬﭭﭮﭯﭰﭱﭲ

Я уьш хIумма йоцчу хIуманах кхоьллина бу‚ я уьш шаьш бу кхуллурш?

ﭳﭴﭵﭶﭷﭸﭹﭺﭻ

Я цара кхоьллина стигалаш а‚ латта а? ХIетте, ма онда тешаш бац уьш.

ﭼﭽﭾﭿﮀﮁﮂﮃ

Я цаьргахь ю хьан Делан хазнаш‚ я уьш бу урхалла деш?

ﮄﮅﮆﮇﮈﮉﮊﮋﮌﮍﮎ

Я цаьргахь лами бу‚ /уьш шеца Iарша тIе бовлуш/, ладугIуш цу чохь /дуьйцучуьнга/? Схьадаладойла церан ладугIучо билгала делил!

ﮏﮐﮑﮒﮓﮔ

Я Цуьнан мехкарий бу ‚ шуна кIентий бу?

ﮕﮖﮗﮘﮙﮚﮛﮜ

Я ахь цаьрга мах боьху, уьш декхарша базбина болуш?

ﮝﮞﮟﮠﮡﮢ

Я цаьргахь къайле ю‚ цара дIаяздеш?

ﮣﮤﮥﮦﮧﮨﮩﮪﮫ

Я мекарло езаш бу уьш? Ца тешаш хилларш – царна йина мекарло!

ﮬﮭﮮﮯﮰﮱﯓﯔﯕﯖﯗ

Я церан АллахI (ц1е йолу цхьа Дела) воцург кхин дела ву? ЦIена ву и Дела цара /Шеца/ накъост лацарх!

ﯘﯙﯚﯛﯜﯝﯞﯟﯠﯡ

Царна стигалара охьайогIуш кийсакаш гича а‚ цара эр ма дара: "ТIеттIа йолу марха ю".

ﯢﯣﯤﯥﯦﯧﯨﯩ

Бита уьш‚ шегахь ткъес йолчу шайн денна дуьхьалкхетталц.

ﯪﯫﯬﯭﯮﯯﯰﯱﯲﯳ

Оцу дийнахь церан мекарлоно цхьанна а хIуманах кIелхьарбохур бац уьш‚ царна гIо хир дац!

ﯴﯵﯶﯷﯸﯹﯺﯻﯼﯽﯾ

Баккъалла а, зулам диначарна цул совнаха Iазап хир ду‚ делахь а, царах дукхахболчарна ца хаьа-кх.

ﯿﰀﰁﰂﰃﰄﰅﰆﰇﰈﰉﰊ

Хьайн Делан хьукманна собаре хила /х1ай элча/. Хьо Тхан бIаьргашна хьалха ву (Оха ларвеш ву хьо). Ахь, хьан Далла хастам беш, тасбихь де, хьуо хьалагIоттуш.

ﰋﰌﰍﰎﰏﰐ

Буса а тасбихь де Цунна‚ седарчий дIатуьлуш а /де тасбихь/.

Делера Куръан

Tuesday, August 18, 2026

Don't forget us in your sincere prayers