సూరా అత్-తూర్ pdf తెలుగు

సూరా అత్-తూర్

PDF —

49 వచనం Meccan PDF

Built right in your browser — download starts automatically

సూరా అత్-తూర్ pdf — డౌన్‌లోడ్ (తెలుగు)

సూరా అత్-తూర్ pdf తెలుగు — డౌన్‌లోడ్ సూరా అత్-తూర్ అనువాదం. అత్-తూర్ (Meccan) 49 వచనం.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

సూరా అత్-తూర్

49 వచనం · Meccan · తెలుగు

ﮞﮟ

తూర్ పర్వతం సాక్షిగా

ﮠﮡﮢ

వ్రాయబడిన గ్రంథం సాక్షిగా

ﮣﮤﮥﮦ

విప్పబడిన చర్మపత్రం మీద

ﮧﮨﮩ

చిరకాల సందర్శనాలయం సాక్షిగా

ﮪﮫﮬ

పైకెత్తబడిన కప్పు (అంతరిక్షం) సాక్షిగా

ﮭﮮﮯ

ఉప్పొంగే సముద్రం సాక్షిగా

ﮰﮱﯓﯔﯕ

నిశ్చయంగా, నీ ప్రభువు శిక్ష సంభవించ నున్నది

ﯖﯗﯘﯙﯚ

దానిని తప్పించేవాడు ఎవ్వడు లేడు

ﯛﯜﯝﯞﯟ

ఆకాశాలు భయంకరంగా కంపించే రోజు

ﯠﯡﯢﯣ

మరియు పర్వతాలు దారుణంగా చలించినప్పుడు

ﯤﯥﯦﯧ

అప్పుడు, ఆ రోజు అసత్యవాదులకు వినాశం ఉంది

ﯨﯩﯪﯫﯬﯭ

ఎవరైతే వృథా మాటలలో కాలక్షేపం చేస్తూ ఉంటారో

ﯮﯯﯰﯱﯲﯳﯴ

వారు నరకాగ్నిలోకి నెట్టుతూ త్రోయబడే రోజు

ﯵﯶﯷﯸﯹﯺﯻ

(వారితో ఇలా అనబడుతుంది): మీరు అసత్యమని నిరాకరిస్తూ వుండిన నరకాగ్ని ఇదే

ﭑﭒﭓﭔﭕﭖﭗ

ఏమీ? ఇది మంత్రజాలమా? లేక దీనిని మీరు చూడలేక పోతున్నారా

ﭘﭙﭚﭛﭜﭝﭞﭟﭠﭡﭢﭣﭤﭥ

ఇందులో మీరు కాలుతూ ఉండండి. దానికి మీరు సహనం వహించినా, సహనం వహించక పోయినా అంతా మీకు సమానమే! నిశ్చయంగా, మీ కర్మలకు తగిన ప్రతిఫలమే మీకు ఇవ్వబడుతున్నది

ﭦﭧﭨﭩﭪﭫ

నిశ్చయంగా, భయభక్తులు గలవారు స్వర్గవనాలలో సుఖసంతోషాలలో ఉంటారు

ﭬﭭﭮﭯﭰﭱﭲﭳﭴ

వారి ప్రభువు వారికి ప్రసాదించిన వాటిని హాయిగా అనుభవిస్తూ ఉంటారు. మరియు వారి ప్రభువు వారిని భగభగ మండే నరకాగ్ని శిక్ష నుండి కాపాడాడు

ﭵﭶﭷﭸﭹﭺﭻ

(వారితో ఇలా అనబడుతుంది): మీరు చేస్తూ వుండిన కర్మలకు ఫలితంగా హాయిగా తినండి త్రాగండి

ﭼﭽﭾﭿﮀﮁﮂﮃﮄ

వారు వరుసగా వేయబడిన ఆసనాల మీద, దిండ్లకు ఆనుకొని కూర్చొని ఉంటారు. మరియు మేము అందమైన పెద్ద పెద్ద కన్నులు గల సుందరీమణులతో వారి వివాహం చేయిస్తాము

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙ

మరియు ఎవరైతే విశ్వసిస్తారో మరియు వారి సంతానంవారు విశ్వాసంలో వారిని అనుసరిస్తారో! అలాంటి వారిని వారి సంతానంతో (స్వర్గంలో) కలుపుతాము. మరియు వారి కర్మలలో వారికి ఏ మాత్రం నష్టం కలిగించము. ప్రతి వ్యక్తి తాను సంపాదించిన దానికి తాకట్టుగా ఉంటాడు

ﮚﮛﮜﮝﮞﮟ

మరియు మేము వారికి, వారు కోరే ఫలాలను మరియు మాంసాన్ని పుష్కలంగా ప్రసాదిస్తాము

ﮠﮡﮢﮣﮤﮥﮦﮧﮨ

అందులో (ఆ స్వర్గంలో) వారు ఒకరి కొకరు (మధు) పాత్ర మార్చుకుంటూ ఉంటారు; దాన్ని (త్రాగటం) వల్ల వారు వ్యర్థపు మాటలు మాట్లాడరు మరియు పాపాలు చేయరు

ﮩﮪﮫﮬﮭﮮﮯﮰﮱ

మరియు దాచబడిన ముత్యాల వంటి బాలురు, వారి సేవ కొరకు వారి చుట్టు ప్రక్కలలో తిరుగుతూ ఉంటారు

ﯓﯔﯕﯖﯗﯘ

మరియు వారు ఒకరి వైపుకొకరు మరలి పరస్పరం (తమ గతించిన జీవితాలను గురించి) మాట్లాడుకుంటూ ఉంటారు

ﯙﯚﯛﯜﯝﯞﯟﯠ

వారు ఇలా అంటారు: వాస్తవానికి మనం ఇంతకు పూర్వం మన కుటుంబం వారి మధ్య ఉన్నప్పుడు (అల్లాహ్ శిక్షకు) భయపడుతూ ఉండేవారము

ﯡﯢﯣﯤﯥﯦﯧ

కావున నిశ్చయంగా, అల్లాహ్ మన మీద కనికరం చూపాడు మరియు మమ్ము దహించే గాలుల శిక్ష నుండి కాపాడాడు

ﯨﯩﯪﯫﯬﯭﯮﯯﯰﯱﯲ

నిశ్చయంగా, మనం ఇంతకు పూర్వం ఆయననే ప్రార్థిస్తూ ఉండేవారము. నిశ్చయంగా, ఆయన మహోపకారి, అపార కరుణా ప్రదాత

ﯳﯴﯵﯶﯷﯸﯹﯺﯻ

కావున (ఓ ప్రవక్తా!) నీవు హితోపదేశం చేస్తూ వుండు. నీ ప్రభువు అనుగ్రహం వల్ల నీవు జ్యోతిష్కుడవు కావు మరియు పిచ్చివాడవూ కావు

ﯼﯽﯾﯿﰀﰁﰂﰃ

లేదా? వారు: ఇతను ఒక కవి, ఇతని వినాశకాలం కోసం మేము ఎదురు చూస్తున్నాము. అని అంటున్నారా

ﰄﰅﰆﰇﰈﰉﰊ

వారితో ఇలా అను: మీరు ఎదురు చూస్తూ ఉండండి, నిశ్చయంగా, నేను కూడా మీతో పాటు ఎదురు చూస్తూ ఉంటాను

ﭑﭒﭓﭔﭕﭖﭗﭘﭙﭚ

ఏమీ? వారి బుద్ధులు వారికి ఇవే ఆజ్ఞాపిస్తున్నాయా? లేక వారు తలబిరుసుతనం గల జనులా

ﭛﭜﭝﭞﭟﭠﭡﭢ

ఏమీ? వారు: ఇతనే, దీనిని (ఈ సందేశాన్ని) కల్పించుకున్నాడు" అని అంటున్నారా? అలా కాదు, వారు అసలు విశ్వసించ దలుచుకోలేదు

ﭣﭤﭥﭦﭧﭨﭩ

వారు సత్యవంతులే అయితే దీని వంటి ఒక వచనాన్ని (రచించి) తెమ్మను

ﭪﭫﭬﭭﭮﭯﭰﭱﭲ

వారు ఏ (సృష్టికర్త) లేకుండానే సృష్టింపబడ్డారా? లేక వారే సృష్టికర్తలా

ﭳﭴﭵﭶﭷﭸﭹﭺﭻ

లేక వారు ఆకాశాలను మరియు భూమిని సృష్టించారా? అలా కాదు, అసలు వారికి విశ్వాసం లేదు

ﭼﭽﭾﭿﮀﮁﮂﮃ

వారి దగ్గర నీ ప్రభువు కోశాగారాలు ఏవైనా ఉన్నాయా? లేక వారు వాటికి అధికారులా

ﮄﮅﮆﮇﮈﮉﮊﮋﮌﮍﮎ

వారి దగ్గర నిచ్చెన ఏదైనా ఉందా? దానితో పైకెక్కి వారు (దేవదూతల మాటలు) వినటానికి? అలా అయితే! వారిలో ఎవడైతే విన్నాడో, అతనిని స్పష్టమైన నిదర్శనాన్ని తెమ్మను

ﮏﮐﮑﮒﮓﮔ

ఆయన (అల్లాహ్) కు కూతుళ్ళూ మరియు మీకేమో కుమారులా

ﮕﮖﮗﮘﮙﮚﮛﮜ

(ఓ ముహమ్మద్!) నీవు వారితో ఏమైనా ప్రతిఫలం అడుగుతున్నావా? వారు ఋణభారంతో అణిగి పోవటానికి

ﮝﮞﮟﮠﮡﮢ

లేక వారి దగ్గర అగోచర విషయపు జ్ఞానముందా? వారు దానిని వ్రాసి పెట్టారా

ﮣﮤﮥﮦﮧﮨﮩﮪﮫ

లేక వారేదైనా పన్నాగం పన్నదలచారా? కాని ఎవరైతే సత్యాన్ని తిరస్కరిస్తారో, వారే పన్నాగానికి గురి అవుతారు

ﮬﮭﮮﮯﮰﮱﯓﯔﯕﯖﯗ

లేక వారికి అల్లాహ్ గాకుండా మరొక ఆరాధ్య దేవుడు ఉన్నాడా? వారు కల్పించే భాగస్వాములకు అల్లాహ్ అతీతుడు

ﯘﯙﯚﯛﯜﯝﯞﯟﯠﯡ

ఒకవేళ వారు ఆకాశపు ఒక తునకను రాలి పడటం చూసినా: ఇవి దట్టమైన మేఘాలు!" అని అనేవారు

ﯢﯣﯤﯥﯦﯧﯨﯩ

కావున వారు తమ (తీర్పు) దినాన్ని దర్శించే వరకు వారిని వదిలి పెట్టు. అప్పుడు వారు భీతితో మూర్ఛపోయి పడి పోతారు

ﯪﯫﯬﯭﯮﯯﯰﯱﯲﯳ

ఆరోజు వారి పన్నాగం వారికి ఏ మాత్రం పనికి రాదు. మరియు వారికి ఎలాంటి సహాయం కూడా లభించదు

ﯴﯵﯶﯷﯸﯹﯺﯻﯼﯽﯾ

మరియు నిశ్చయంగా, దుర్మార్గానికి పాల్పడిన వారికి, ఇదే గాక మరొక శిక్ష కూడా ఉంది, కాని వారిలో చాలా మందికి అది తెలియదు

ﯿﰀﰁﰂﰃﰄﰅﰆﰇﰈﰉﰊ

కావున (ఓ ముహమ్మద్!) నీవు, నీ ప్రభువు ఆజ్ఞ వచ్చే వరకు సహనం వహించు. నిశ్చయంగా, నీవు మా దృష్టిలో ఉన్నావు. మరియు నీవు నిద్ర నుండి లేచినపుడు నీ ప్రభువు పవిత్రతను కొనియాడు, ఆయన స్తోత్రం చెయ్యి

ﰋﰌﰍﰎﰏﰐ

మరియు రాత్రి వేళలో కూడా ఆయన పవిత్రతను కొనియాడు మరియు నక్షత్రాలు అస్తమించే వేళలో కూడాను

పవిత్ర ఖురాన్

Tuesday, August 18, 2026

Don't forget us in your sincere prayers