Surah At-Tur pdf Hausa

Surah At-Tur

PDF —

49 Aya Meccan PDF

Built right in your browser — download starts automatically

Surah At-Tur pdf — Sauke (Hausa)

Surah At-Tur pdf Hausa — Sauke Surah At-Tur Fassara. At-Tur (Meccan) 49 Aya.

📚 Karatu 🎧 Saurara mp3 📜 Alqur'ani Mai Tsarki

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah At-Tur

49 Aya · Meccan · Hausa

ﮞﮟ

Inã rantsuwa da ¦ũr (Dũtsen Mũsã).

ﮠﮡﮢ

Da wani littãfi rubũtacce.

ﮣﮤﮥﮦ

A cikin wata takardar fãta shimfiɗaɗɗa.

ﮧﮨﮩ

Da Gidan da aka rãyar da shi (da ibãda).

ﮪﮫﮬ

Da rufin nan da aka ɗaukaka.

ﮭﮮﮯ

Da tẽkun nan da aka cika (da ruwa).

ﮰﮱﯓﯔﯕ

Lalle, azãbar Ubangijinka, haƙĩƙa, mai aukuwa ce.

ﯖﯗﯘﯙﯚ

Bã ta da mai tunkuɗẽwa.

ﯛﯜﯝﯞﯟ

Rãnar da samã ke yin mõtsi tanã kai kãwo.

ﯠﯡﯢﯣ

Kuma duwãtsu nã tafiya sunã shũɗẽwa.

ﯤﯥﯦﯧ

To, bone yã tabbata a rãnar nan ga mãsu ƙaryatãwa.

ﯨﯩﯪﯫﯬﯭ

Waɗanda suke a cikin kududdufi sunã wãsã.

ﯮﯯﯰﯱﯲﯳﯴ

Rãnar da zã a tunkuɗa su zuwa wutar Jahannama, tunkuɗãwa.

ﯵﯶﯷﯸﯹﯺﯻ

(A ce musu): "Wannan ita ce wutar da kuka kasance kunã ƙaryatãwa game da ita."

ﭑﭒﭓﭔﭕﭖﭗ

"To, shin wannan sihiri ne kõ kuwa kũ ne bã ku gani?"

ﭘﭙﭚﭛﭜﭝﭞﭟﭠﭡﭢﭣﭤﭥ

"Ku shigẽ ta. To, ku yi haƙuri ko kuma kada ku yi haƙuri, dai dai ne a kanku, kawai anã yi muku sakamakon abin da kuka kasance kunã aikatãwa."

ﭦﭧﭨﭩﭪﭫ

Lalle, mãsu taƙawa, sunã a cikin gidãjen Aljanna da wata ni'ima.

ﭬﭭﭮﭯﭰﭱﭲﭳﭴ

Sunã mãsu jin dãɗi da abin da Ubangijinsu Ya ba su, kuma Ubangijinsu Ya tsãre musu azãbar Jahĩm.

ﭵﭶﭷﭸﭹﭺﭻ

(A ce musu): "Ku ci, ku sha, da ni'ima, dõmin abin da kuka kasance kunã aikatãwa."

ﭼﭽﭾﭿﮀﮁﮂﮃﮄ

Sunã kishingiɗe a kan karagu waɗanda ke cikin sahu, kuma Muka aurar da su waɗansu mãtã mãsu farin idãnu, mãsu girmansu.

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙ

Kuma waɗanda suka yi ĩmãni kuma zũriyarsu suka bĩ su ga ĩmãnin, Mun riskar da zũriyarsu da su, alhãli kuwa bã da Mun rage musu kõme ba daga aikinsu, kõwane mutum jingina ne ga abin da ya sana'anta.

ﮚﮛﮜﮝﮞﮟ

Kuma Muka yalwata musu 'ya'yan itãce da nãma irin wanda suke marmari.

ﮠﮡﮢﮣﮤﮥﮦﮧﮨ

Sunã mĩƙa wa jũnansu a cikinta hinjãlan giya, wadda bãbu yãsassar magana a cikinta, kuma bãbu jin nauyin zunubi.

ﮩﮪﮫﮬﮭﮮﮯﮰﮱ

Kuma waɗansu samãri nã gẽwayãwa a kansu, kamar dai sũ lu'ulu'u ne wanda ke kulle.

ﯓﯔﯕﯖﯗﯘ

Waɗansunsu suka fuskanta zuwa ga waɗansu, sunã tambayar jũna.

ﯙﯚﯛﯜﯝﯞﯟﯠ

Suka ce: "Lalle mũ mun kasance a gabãnin wannan (a dũniya) a cikin iyãlanmu munã jin tsõro."

ﯡﯢﯣﯤﯥﯦﯧ

"To, Allah Yã yi mana kyautar falala, kuma Yã tsare mana azãbar iskar zãfi."

ﯨﯩﯪﯫﯬﯭﯮﯯﯰﯱﯲ

"Lalle mũ mun kasance, a gãbanin haka, munã kiran sa. Lalle Shĩ, Shĩ ne Mai kyautatãwa, Mai rahama."

ﯳﯴﯵﯶﯷﯸﯹﯺﯻ

To, ka tunãtar kai fa sabõda ni'imar Ubangjinka, bã bõka kake ba, kuma bã mahaukaci ba.

ﯼﯽﯾﯿﰀﰁﰂﰃ

Shin zã su ce: "Mawãƙi ne, munã jiran, masĩfun mutuwa game da shĩ"?

ﰄﰅﰆﰇﰈﰉﰊ

Ka ce: "Ku yi jira, domin nĩ ma lalle inã a cikin mãsu jira tãre da ku."

ﭑﭒﭓﭔﭕﭖﭗﭘﭙﭚ

Shin, hankulansu ne ke umarin su da wannan, kõ kuwa sũ wasu mutãne ne mãsu ƙetare haddi?

ﭛﭜﭝﭞﭟﭠﭡﭢ

Shin, cẽwa suke yi: "Shi ne ke ƙãga faɗarsa"? Ã'a ba su dai yi ĩmãni ba.

ﭣﭤﭥﭦﭧﭨﭩ

Sai su zõ da wani lãbãri mai misãlinsa idan sun kasance sũmãsu gaskiya ne.

ﭪﭫﭬﭭﭮﭯﭰﭱﭲ

Shin, an halitta su ne bã daga kõme ba, kõ kuwa sũ ne mãsu yin halitta?

ﭳﭴﭵﭶﭷﭸﭹﭺﭻ

Shin, sun halitta sammai da ƙasa ne? Ã'a ba su dai yi ĩmãnin yaƙĩni ba.

ﭼﭽﭾﭿﮀﮁﮂﮃ

Shin, taskõkin Ubangijinka, sunã a wurinsu ne? Kõ kuwa sũ ne mãsu rinjãya?

ﮄﮅﮆﮇﮈﮉﮊﮋﮌﮍﮎ

Shin, sunã da wani tsãni ne wanda suke (hawa sunã) saurãron (lãbãrin samã) a cikinsa? Sai mai saurarõnsu ya zo da wani dalĩli bayyananne.

ﮏﮐﮑﮒﮓﮔ

Shin, Yanã da 'ya'ya mãtã ne kuma kũ, kunã da ɗiya maza ne?

ﮕﮖﮗﮘﮙﮚﮛﮜ

Shin, kanã tambayar su wata ijãra ne, sabõda haka suka zama mãsu jin nauyin biyan tãrar?

ﮝﮞﮟﮠﮡﮢ

Shin, a wurinsu akwai ilmin gaibi, sabõda haka sunã rubũtãwa?

ﮣﮤﮥﮦﮧﮨﮩﮪﮫ

Shin, sunã nufin wani kaidi ne? To, waɗanda suka kãfirta sũ ne waɗanda ake yi wa kaidi.

ﮬﮭﮮﮯﮰﮱﯓﯔﯕﯖﯗ

Shin, sunã da wani abin bautãwa ne wanda bã Allah ba? Tsarki ya tabbata ga Allah daga abin da suke yi na shirki!

ﯘﯙﯚﯛﯜﯝﯞﯟﯠﯡ

Kuma idan sun ga wani ɓaɓɓake daga samã yãnã fãɗuwa, sai su ce wani girgije ne, mai hauhawar jũna.

ﯢﯣﯤﯥﯦﯧﯨﯩ

To, ka bar su, sai sun haɗu da yinin nan da za a sũmar da su a cikinsa.

ﯪﯫﯬﯭﯮﯯﯰﯱﯲﯳ

Rãnar da kaidinsu bã ya wadãtar masu da kõme, kuma bã a taimakon su.

ﯴﯵﯶﯷﯸﯹﯺﯻﯼﯽﯾ

Kuma lalle, waɗannan da suka yi zãluncin, sunã da azãba (a nan dũniya) banda waccan, kuma mafi yawansu ba su sani ba.

ﯿﰀﰁﰂﰃﰄﰅﰆﰇﰈﰉﰊ

Sai ka yi hakuri da hukuncin Ubangijinka, lalle kai fa kanã idãnunMu, kuma ka tsarkake Ubangijinka da (tasbĩhi) game da gõde Masa a lõkacin da kake tãshi tsaye (dõmin salla kõ wani abu).

ﰋﰌﰍﰎﰏﰐ

Kuma daga dare, sai ka tsarkake Shi (da tasbĩhin) dalõkacin jũyãwar taurãri.

Al-Kur'ani

Tuesday, August 18, 2026

Don't forget us in your sincere prayers