Suuratu Al-Mu'minun — Aaya 1

1. Kelme ɗe poti faamnireede:

• "أَفْلَحَ": woni heɓde faayiida, foolde, e hisde e bone.
• "الْمُؤْمِنُونَ": woni ɓen gomɗimɓe Allah e Nulaaɗo Makko on, ɓen gollotooɓe e sariya Makko.

1. Firo Aaya nden:

Allah no holliri wonde gomɗimɓe ɓen heɓii faayiida mawɗo. Ɓen gomɗimɓe Allah e Nulaaɗo Makko on, ɓen gollotooɓe e ko O yamiri, ɓen woɗɗitii ko O haɗi, ɓen heɓii ko ɓe ɗaɓɓunoo, ɓe hisii e ko ɓe hula. Ɓe keɓii weltaare e nguurndam moƴƴam, ɓe keɓii wonnde e Aljanna poomaa nden. Faayiida nden woni foolde e hisde, woni heɓde ko weli e daɗndude e bone. Ndee aaya ko batu weltaare wonande gomɗimɓe ɓen, sabu ɓe ngonnoo e ɗaminaare nden, nde Allah tabitini ɗum e maɓɓe.

1. Nafaaji ɗi ndee aaya waajitoo:

• Ndee aaya no holliri wonde gomɗinal e golle moƴƴe ko ɗiɗi mbaɗata neɗɗo heɓa faayiida.
• Nde no newnana gomɗimɓe ɓen weltaare, nde holliri ɓe wonde ko ɓe ngoonɗini kon ko goonga.
• Nde no ɓamtira yimɓe yiɗde naatde e gomɗinal, sabu ɓe nana wonde gomɗimɓe ɓen ko ɓe fooluɓe, ko ɓe hisuɓe.
• Nde no waajitoo wonde faayiida goonga wonaa e jawdi aduna, kono ko e gomɗinal e golle moƴƴe.
• Nde no holliri wonde Allah no barkina gomɗimɓe ɓen e aduna e laakara.