Şüəra surəsi pdf — Yüklə (Azərbaycan)
Şüəra surəsi pdf Azərbaycan — Yüklə Şüəra surəsi Tərcümə. Şüəra surəsi (Məkkə) 227 Ayə.
Related
- Şüəra surəsi TərcüməAzərbaycan
- Şüəra surəsi mp3Dinlə
- Quran Index Azərbaycan114
More Surə PDF
Şüəra surəsi
ﭑﭒ
26:1
Ta. Sin. Mim.
ﭓﭔﭕﭖﭗ
26:2
Bunlar aydın Kitabın ayələridir.
ﭘﭙﭚﭛﭜﭝﭞ
26:3
Onların iman gətirmədiyinə görə özünü həlakmı edəcəksən?
ﭟﭠﭡﭢﭣﭤﭥﭦﭧﭨﭩﭪ
26:4
Biz istəsəydik, göydən onlara elə bir əlamət göndərərdik ki, onun önündə başları itaətkarlıqla əyilərdi.
ﭫﭬﭭﭮﭯﭰﭱﭲﭳﭴﭵﭶ
26:5
Mərhəmətli Allahdan onlara elə bir ayə gəlməz ki, ondan üz çevirməsinlər.
ﭷﭸﭹﭺﭻﭼﭽﭾﭿ
26:6
Onlar ayələri uydurma saydılar. Məsxərəyə qoyduqlarının xəbəri onlara yetişəcəkdir.
ﮀﮁﮂﮃﮄﮅﮆﮇﮈﮉﮊﮋ
26:7
Yoxsa, onlar yer üzündə cürbəcür gözəl bitkilər bitirdiyimizi görmürlər?
ﮌﮍﮎﮏﮐﮑﮒﮓﮔﮕ
26:8
Həqiqətən də, bunda bir əlamət vardır. Lakin onların əksəriyyəti mömin olmadı.
ﮖﮗﮘﮙﮚﮛ
26:9
Bəli, sənin Rəbbin Qüdrətlidir, Rəhmlidir.
ﮜﮝﮞﮟﮠﮡﮢﮣﮤ
26:10
Bir zaman Rəbbin Musaya demişdi: “Get o zalım qövmün –
ﮥﮦﮧﮨﮩﮪ
26:11
Firon xalqının yanına! Onlar qorxmurlarmı?”
ﮫﮬﮭﮮﮯﮰﮱ
26:12
Musa dedi: “Ey Rəbbim! Qorxuram ki, onlar məni yalançı hesab edələr,
ﯓﯔﯕﯖﯗﯘﯙﯚﯛ
26:13
belə olduqda ürəyim sıxılar, dilim də söz tutmaz. Buna görə Haruna da vəhy göndər.
ﯜﯝﯞﯟﯠﯡﯢ
26:14
Onların məndən əvəzini çıxmaq istədikləri bir günahım da var. Buna görə məni öldürəcəklərindən qorxuram”.
ﯣﯤﯥﯦﯧﯨﯩﯪﯫﯬ
26:15
Allah dedi: “Xeyr, bu mümkün deyil! İkiniz də möcüzələrimizlə onların yanına gedin! Şübhəsiz ki, Biz də sizinləyik, hər şeyi eşidirik.
ﯭﯮﯯﯰﯱﯲﯳﯴ
26:16
Fironun yanına gedib deyin: “Biz aləmlərin Rəbbinin elçiləriyik!
ﯵﯶﯷﯸﯹﯺ
26:17
İsrail oğullarını bizimlə birgə burax!”
ﯻﯼﯽﯾﯿﰀﰁﰂﰃﰄﰅ
26:18
Firon dedi: “Biz səni körpə ikən götürüb saxlayıb boya-başa çatdırmadıqmı? Sən ömrünün bəzi illərini bizimlə yaşamadınmı?
ﰆﰇﰈﰉﰊﰋﰌﰍ
26:19
Elədiyin pis əməli də elədin. Doğrudan da, sən bir nankorsan!”
ﭑﭒﭓﭔﭕﭖﭗ
26:20
Musa dedi: “Mən onu edəndə nadan olmuşam.
ﭘﭙﭚﭛﭜﭝﭞﭟﭠﭡﭢﭣ
26:21
Mən sizdən qorxduğum üçün yanınızdan qaçıb getdim. Amma sonradan Rəbbim mənə hökmranlıq (peyğəmbərlik) verdi və məni elçilərdən etdi.
ﭤﭥﭦﭧﭨﭩﭪﭫﭬ
26:22
Başıma qaxdığın o nemətin də İsrail oğullarını özünə kölə etməyindir”.
ﭭﭮﭯﭰﭱﭲ
26:23
Firon dedi: “Aləmlərin Rəbbi nədir?”
ﭳﭴﭵﭶﭷﭸﭹﭺﭻﭼﭽ
26:24
Musa dedi: “Əgər yəqinliklə inanırsınızsa, bilin ki, O, göylərin, yerin və onların arasında olanların Rəbbidir!”
ﭾﭿﮀﮁﮂﮃ
26:25
Firon ətrafındakılara dedi: “Onun nə danışdığını eşitmirsinizmi?”
ﮄﮅﮆﮇﮈﮉ
26:26
Musa dedi: “O sizin də, ulu babalarınızın da Rəbbidir!”
ﮊﮋﮌﮍﮎﮏﮐﮑ
26:27
Firon dedi: “Sizə göndərilmiş bu elçi, sözsüz ki, dəlidir!”
ﮒﮓﮔﮕﮖﮗﮘﮙﮚﮛﮜ
26:28
Musa dedi: “Əgər anlayırsınızsa, bilin ki, O, şərqin, qərbin və bunların arasında olanların Rəbbidir!”
ﮝﮞﮟﮠﮡﮢﮣﮤﮥ
26:29
Firon dedi: “Əgər məndən başqasına sitayiş etsən, səni məhbusların yanına ataram!”
ﮦﮧﮨﮩﮪﮫ
26:30
Musa dedi: “Bəs sənə açıq-aşkar bir şey göstərsəm necə?”
ﮬﮭﮮﮯﮰﮱﯓﯔ
26:31
Firon dedi: “Əgər doğru danışanlardansansa, göstər onu!”
ﯕﯖﯗﯘﯙﯚﯛ
26:32
Musa əsasını yerə atınca, o dərhal dönüb açıq-aşkar bir ilana çevrildi.
ﯜﯝﯞﯟﯠﯡﯢ
26:33
Əlini qoynundan çıxardan kimi o, baxanların gözü qabağında ağappaq nur saçan bir əl oldu.
ﯣﯤﯥﯦﯧﯨﯩﯪ
26:34
Firon ətrafındakı zadəganlara dedi: “Həqiqətən də, bu, bilikli bir sehrbazdır!
ﯫﯬﯭﯮﯯﯰﯱﯲﯳ
26:35
O öz sehri ilə sizi torpağınızdan çıxartmaq istəyir. Nə təklif edirsiniz?”
ﯴﯵﯶﯷﯸﯹﯺﯻ
26:36
Onlar dedilər: “Onu qardaşı ilə bir qədər gözlət və şəhərlərə adam yığanlar göndər ki,
ﯼﯽﯾﯿﰀ
26:37
bütün bilikli sehrbazları sənin yanına gətirsinlər”.
ﰁﰂﰃﰄﰅﰆ
26:38
Beləliklə, sehrbazlar bəlli bir günün müəyyən edilmiş vaxtında toplandılar.
ﰇﰈﰉﰊﰋﰌ
26:39
Camaata deyildi: “Siz də yığışırsınızmı?
ﭑﭒﭓﭔﭕﭖﭗﭘ
26:40
Əgər sehrbazlar qalib gəlsələr, ola bilsin ki, biz də onlara tabe olaq”.
ﭙﭚﭛﭜﭝﭞﭟﭠﭡﭢﭣﭤﭥ
26:41
Sehrbazlar gələn kimi Firona dedilər: “Əgər qalib gəlsək, bizə mükafat veriləcəkmi?”
ﭦﭧﭨﭩﭪﭫﭬ
26:42
Firon dedi: “Bəli! Belə olacağı təqdirdə sizi özümə yaxın adamlardan edəcəyəm”.
ﭭﭮﭯﭰﭱﭲﭳﭴ
26:43
Musa onlara dedi: “Nə atacaqsınızsa, atın!”
ﭵﭶﭷﭸﭹﭺﭻﭼﭽﭾ
26:44
Onlar iplərini və əsalarını yerə atıb: “Fironun qüdrətinə and olsun ki, biz qalib gələcəyik!”– dedilər.
ﭿﮀﮁﮂﮃﮄﮅﮆﮇ
26:45
Sonra Musa əsasını atdı və əsa onların düzəltdikləri şeyləri uddu.
ﮈﮉﮊﮋ
26:46
Sehrbazlar səcdəyə qapandılar
ﮌﮍﮎﮏﮐ
26:47
və dedilər: “Biz iman gətirdik aləmlərin Rəbbinə –
ﮑﮒﮓﮔ
26:48
Musanın və Harunun Rəbbinə!”
ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬ
26:49
Firon dedi: “Mən sizə izin verməmişdən əvvəl siz ona imanmı gətirdiniz? Şübhəsiz ki, o sizə sehr öyrədən böyüyünüzdür. Tezliklə biləcəksiniz! Mən sizin əllərinizi və ayaqlarınızı çarpaz kəsdirib hamınızı çarmıxa çəkdirəcəyəm”.
ﮭﮮﮯﮰﮱﯓﯔﯕﯖ
26:50
Onlar dedilər: “Zərər yox, biz onsuz da öz Rəbbimizə qayıdacağıq.
ﯗﯘﯙﯚﯛﯜﯝﯞﯟﯠﯡﯢ
26:51
Biz Firon xalqı arasından ilk iman gətirənlər olduğumuza görə Rəbbimizdən günahlarımızı bağışlayacağını umuruq”.
ﯣﯤﯥﯦﯧﯨﯩﯪﯫﯬ
26:52
Biz Musaya: “Qullarımla birlikdə gecə yola çıx. Çünki siz təqib olunacaqsınız”– deyə vəhy etdik.
ﯭﯮﯯﯰﯱﯲ
26:53
Firon şəhərlərə əsgər toplayanlar göndərdi.
ﯳﯴﯵﯶﯷ
26:54
O dedi: “Bunlar kiçik bir dəstədir.
ﯸﯹﯺﯻ
26:55
Onlar bizi qəzəbləndirmişlər.
ﯼﯽﯾﯿ
26:56
Biz hamımız ayıq-sayıq olmalıyıq”.
ﰀﰁﰂﰃﰄ
26:57
Biz onları (o zalım tayfanı) bağlardan və çeşmələrdən çıxartdıq;
ﰅﰆﰇﰈ
26:58
xəzinələrdən və gözəl yerlərdən də qovduq.
ﰉﰊﰋﰌﰍﰎ
26:59
Beləcə, Biz İsrail oğullarını o yerlərə varis etdik.
ﰏﰐﰑ
26:60
Günəş üfüqdən qalxarkən Firon öz əsgərləri ilə onları izləməyə başladılar.
ﭑﭒﭓﭔﭕﭖﭗﭘﭙ
26:61
İki dəstə bir-birini görüncə Musanın səhabələri: “Biz yaxalanacağıq!”– dedilər.
ﭚﭛﭜﭝﭞﭟﭠﭡ
26:62
Musa dedi: “Xeyr, Rəbbim mənimlədir. O mənə doğru yol göstərəcəkdir!”
ﭢﭣﭤﭥﭦﭧﭨﭩﭪﭫﭬﭭﭮﭯﭰ
26:63
Biz Musaya: “Əsanla dənizə vur!”– deyə vəhy etdik. Dəniz dərhal yarıldı, on iki yol açıldı və hər biri nəhəng bir dağ kimi oldu.
ﭱﭲﭳﭴ
26:64
O birilərini də ora yaxınlaşdırdıq.
ﭵﭶﭷﭸﭹﭺ
26:65
Musa və onunla birlikdə olanların hamısını xilas etdik.
ﭻﭼﭽﭾ
26:66
O birilərini isə suya qərq etdik.
ﭿﮀﮁﮂﮃﮄﮅﮆﮇﮈ
26:67
Şübhəsiz ki, bu hekayətdə bir ibrət vardır. Lakin onların çoxu iman gətirmədi.
ﮉﮊﮋﮌﮍﮎ
26:68
Həqiqətən, sənin Rəbbin Qüdrətlidir, Rəhmlidir.
ﮏﮐﮑﮒﮓ
26:69
Onlara İbrahimin əhvalatını da oxu.
ﮔﮕﮖﮗﮘﮙﮚ
26:70
Bir zaman o öz atasına və tayfasına: “Nəyə ibadət edirsiniz?”– demişdi.
ﮛﮜﮝﮞﮟﮠﮡ
26:71
Onlar dedilər: “Biz bütlərə ibadət edir və onlara tapınmaqda davam edirik”.
ﮢﮣﮤﮥﮦﮧ
26:72
O dedi: “Onlara yalvardığınız zaman sizi eşidirlərmi?
ﮨﮩﮪﮫﮬ
26:73
Yaxud sizə xeyir və ya zərər verirlərmi?”
ﮭﮮﮯﮰﮱﯓﯔ
26:74
Onlar dedilər: “Xeyr, amma biz öz atalarımızın belə etdiklərini gördük”.
ﯕﯖﯗﯘﯙﯚ
26:75
O dedi: “Siz nəyə ibadət etdiyinizi görürsünüzmü –
ﯛﯜﯝﯞ
26:76
həm siz, həm də ulu babalarınız?
ﯟﯠﯡﯢﯣﯤﯥ
26:77
Aləmlərin Rəbbindən başqa, onların hamısı mənim düşmənimdir.
ﯦﯧﯨﯩﯪ
26:78
O Rəbb ki, məni yaratmış və məni doğru yola yönəltmişdir;
ﯫﯬﯭﯮﯯ
26:79
O Rəbb ki, məni yedirdir və içirdir;
ﯰﯱﯲﯳﯴ
26:80
O Rəbb ki, xəstələndiyim zaman mənə şəfa verir;
ﯵﯶﯷﯸﯹ
26:81
O Rəbb ki, məni öldürəcək, sonra dirildəcəkdir;
ﯺﯻﯼﯽﯾﯿﰀﰁﰂ
26:82
O Rəbb ki, Haqq-hesab günü xətalarımı bağışlayacağını Ondan umuram.
ﰃﰄﰅﰆﰇﰈﰉ
26:83
Ey Rəbbim! Mənə hikmət ver və məni əməlisalehlərə qovuşdur!
ﭑﭒﭓﭔﭕﭖﭗ
26:84
Sonra gələnlər arasında həmişə yad edilim deyə mənə yaxşı ad qismət elə!
ﭘﭙﭚﭛﭜﭝ
26:85
Məni Nəim bağının varislərindən et!
ﭞﭟﭠﭡﭢﭣﭤ
26:86
Atamı bağışla! Çünki o, azanlardandır.
ﭥﭦﭧﭨﭩ
26:87
Onların dirildiləcəyi gün məni rüsvay etmə!
ﭪﭫﭬﭭﭮﭯﭰ
26:88
O gün ki, nə var-dövlət, nə də oğul-uşaq bir fayda verməyəcək.
ﭱﭲﭳﭴﭵﭶﭷ
26:89
Ancaq sağlam bir qəlblə Allahın hüzuruna gələnlərdən başqa!”
ﭸﭹﭺﭻ
26:90
Cənnət müttəqilərə yaxınlaşdırılar.
ﭼﭽﭾﭿ
26:91
Cəhənnəm də azğınlara göstərilər.
ﮀﮁﮂﮃﮄﮅﮆ
26:92
Onlara deyilər: “Hanı sizin sitayiş etdikləriniz –
ﮇﮈﮉﮊﮋﮌﮍﮎ
26:93
Allahdan başqa pənah apardıqlarınız? Onlar sizə kömək edə bilərlərmi, yaxud özlərinə köməkləri dəyə bilərmi?”
ﮏﮐﮑﮒﮓ
26:94
Onlar azğınlarla birlikdə oraya (Cəhənnəmə) atılarlar,
ﮔﮕﮖﮗ
26:95
İblisin bütün əsgərləri də habelə.
ﮘﮙﮚﮛﮜ
26:96
Onlar orada höcətləşərək deyərlər:
ﮝﮞﮟﮠﮡﮢﮣ
26:97
“Allaha and olsun ki, biz açıq-aydın azğınlıq içində idik –
ﮤﮥﮦﮧﮨ
26:98
o vaxt ki, biz sizi aləmlərin Rəbbinə tay tuturduq.
ﮩﮪﮫﮬﮭ
26:99
Bizi ancaq günahkarlar azdırdı.
ﮮﮯﮰﮱﯓ
26:100
İndi isə bizim nə şəfaətçilərimiz,
ﯔﯕﯖﯗ
26:101
nə də bizə canıyanan bir dostumuz var!
ﯘﯙﯚﯛﯜﯝﯞﯟ
26:102
Bir də dünyaya qayıda bilsəydik, möminlərdən olardıq!”
ﯠﯡﯢﯣﯤﯥﯦﯧﯨﯩ
26:103
Şübhəsiz ki, bunda bir ibrət vardır. Lakin onların əksəriyyəti yenə iman gətirmədi.
ﯪﯫﯬﯭﯮﯯ
26:104
Həqiqətən, sənin Rəbbin Qüdrətlidir, Rəhmlidir.
ﯰﯱﯲﯳﯴ
26:105
Nuh tayfası da elçiləri yalançı saydı.
ﯵﯶﯷﯸﯹﯺﯻﯼ
26:106
O vaxt qardaşları Nuh onlara dedi: “Məgər qorxmursunuz?
ﯽﯾﯿﰀﰁ
26:107
Həqiqətən, mən sizin üçün etibar edilməli bir elçiyəm.
ﰂﰃﰄﰅ
26:108
Allahdan qorxun və mənə itaət edin.
ﰆﰇﰈﰉﰊﰋﰌﰍﰎﰏﰐﰑﰒ
26:109
Mən bunun əvəzinə sizdən heç bir mükafat istəmirəm. Mənim mükafatım ancaq aləmlərin Rəbbinə aiddir.
ﰓﰔﰕﰖ
26:110
Allahdan qorxun və mənə itaət edin!”
ﰗﰘﰙﰚﰛﰜﰝ
26:111
Onlar dedilər: “Sənə ən rəzil adamlar tabe olduğu halda biz sənə inanarıqmı?”
ﭑﭒﭓﭔﭕﭖﭗ
26:112
Nuh dedi: “Mən onların nə etdiklərini bilmirəm!
ﭘﭙﭚﭛﭜﭝﭞﭟﭠ
26:113
Onların haqq-hesabı yalnız Rəbbimə aiddir. Kaş başa düşəydiniz!
ﭡﭢﭣﭤﭥ
26:114
Mən iman gətirənləri qovan deyiləm.
ﭦﭧﭨﭩﭪﭫ
26:115
Mən yalnız açıq-aşkar bir qorxudanam”.
ﭬﭭﭮﭯﭰﭱﭲﭳﭴ
26:116
Onlar dedilər: “Ey Nuh! Əgər dəvətinə son qoymasan, mütləq daşqalaq ediləcəksən”.
ﭵﭶﭷﭸﭹﭺ
26:117
Nuh dedi: “Ey Rəbbim! Qövmüm məni yalançı hesab etdi.
ﭻﭼﭽﭾﭿﮀﮁﮂﮃﮄ
26:118
Mənimlə onların arasında qəti hökm ver, məni və mənimlə birlikdə olan möminləri əzabdan qurtar!”
ﮅﮆﮇﮈﮉﮊﮋ
26:119
Biz onu və onunla birlikdə olanları yüklü gəmidə xilas etdik.
ﮌﮍﮎﮏﮐ
26:120
Yerdə qalanları isə suya qərq etdik.
ﮑﮒﮓﮔﮕﮖﮗﮘﮙﮚ
26:121
Şübhəsiz ki, bunda bir ibrət vardır. Lakin onların əksəriyyəti yenə iman gətirmədi.
ﮛﮜﮝﮞﮟﮠ
26:122
Həqiqətən, sənin Rəbbin Qüdrətlidir, Rəhmlidir.
ﮡﮢﮣﮤ
26:123
Ad tayfası da elçiləri yalançı saydı.
ﮥﮦﮧﮨﮩﮪﮫﮬ
26:124
O vaxt qardaşları Hud onlara dedi: “Məgər qorxmursunuz?
ﮭﮮﮯﮰﮱ
26:125
Həqiqətən, mən sizin üçün etibar etməli olduğunuz bir elçiyəm.
ﯓﯔﯕﯖ
26:126
Allahdan qorxun və mənə itaət edin!
ﯗﯘﯙﯚﯛﯜﯝﯞﯟﯠﯡﯢﯣ
26:127
Mən bunun əvəzinə sizdən heç bir mükafat istəmirəm. Mənim mükafatım ancaq aləmlərin Rəbbinə aiddir.
ﯤﯥﯦﯧﯨﯩ
26:128
Əcəba, siz hər təpədə əbəs yerə bir əlamətmi qurursunuz (hündür binalarmı tikirsiniz)?
ﯪﯫﯬﯭﯮ
26:129
Sanki əbədi qalacaqsınız deyə qalalarmı tikirsiniz?
ﯯﯰﯱﯲﯳ
26:130
Bir kəsi yaxaladığınız zaman qəddar hökmdar kimi yaxalayırsınızmı?
ﯴﯵﯶﯷ
26:131
Allahdan qorxun və mənə itaət edin!
ﯸﯹﯺﯻﯼﯽ
26:132
Bildiyiniz nemətləri sizə verəndən qorxun.
ﯾﯿﰀﰁ
26:133
O sizə heyvanat və oğul-uşaq verdi,
ﰂﰃﰄ
26:134
üstəlik bağlar və çeşmələr də əta etdi.
ﰅﰆﰇﰈﰉﰊﰋ
26:135
Mən sizə üz verəcək böyük günün əzabından qorxuram”.
ﰌﰍﰎﰏﰐﰑﰒﰓﰔﰕ
26:136
Onlar dedilər: “Bizə öyüd-nəsihət versən də, verməsən də, bizim üçün birdir.
ﭑﭒﭓﭔﭕﭖ
26:137
Bu, yalnız və yalnız əvvəlkilərin adətidir.
ﭗﭘﭙﭚ
26:138
Biz əzaba düçar olan da deyilik”.
ﭛﭜﭝﭞﭟﭠﭡﭢﭣﭤﭥﭦﭧ
26:139
Onlar onu yalançı saydılar. Biz də onları məhv etdik. Şübhəsiz ki, bunda bir ibrət vardır. Lakin onların əksəriyyəti iman gətirmədi.
ﭨﭩﭪﭫﭬﭭ
26:140
Həqiqətən, sənin Rəbbin Qüdrətlidir, Rəhmlidir.
ﭮﭯﭰﭱ
26:141
Səmud tayfası da elçiləri yalançı saydı.
ﭲﭳﭴﭵﭶﭷﭸﭹ
26:142
O vaxt qardaşları Saleh onlara dedi: “Məgər qorxmursunuz?
ﭺﭻﭼﭽﭾ
26:143
Şübhəsiz ki, mən sizin üçün etibar etməli olduğunuz bir elçiyəm.
ﭿﮀﮁﮂ
26:144
Allahdan qorxun və mənə itaət edin.
ﮃﮄﮅﮆﮇﮈﮉﮊﮋﮌﮍﮎﮏ
26:145
Mən bunun əvəzinə sizdən heç bir mükafat istəmirəm. Mənim mükafatım ancaq aləmlərin Rəbbinə aiddir.
ﮐﮑﮒﮓﮔﮕ
26:146
Məgər siz burada olanların içində sərbəst buraxılacaqsınız?
ﮖﮗﮘﮙ
26:147
Bağlar və bulaqlar içində,
ﮚﮛﮜﮝﮞ
26:148
əkinlər və yumşaq meyvəli xurmalıqlar içində arxayınlıqla qalacaqsınız?
ﮟﮠﮡﮢﮣﮤ
26:149
Dağlardan məharətlə evlər yonub düzəldəcəksiniz?
ﮥﮦﮧﮨ
26:150
Allahdan qorxun və mənə itaət edin!
ﮩﮪﮫﮬﮭ
26:151
Həddi aşanların əmrinə tabe olmayın.
ﮮﮯﮰﮱﯓﯔﯕ
26:152
Onlar yer üzündə fəsad törədir və özlərini günahdan təmizləmirlər”.
ﯖﯗﯘﯙﯚﯛ
26:153
Onlar dedilər: “Sən yalnız və yalnız sehrlənmişlərdənsən.
ﯜﯝﯞﯟﯠﯡﯢﯣﯤﯥﯦﯧ
26:154
Sən də bizim kimi ancaq bir insansan. Əgər doğru danışanlardansansa, bizə bir möcüzə göstər”.
ﯨﯩﯪﯫﯬﯭﯮﯯﯰﯱ
26:155
Saleh dedi: “Möcüzə bu dişi dəvədir! Onun da, sizin də müəyyən edilmiş vaxtlarda su içmək haqqınız vardır. (Bir gün o, su içməli, bir gün də siz içməlisiniz).
ﯲﯳﯴﯵﯶﯷﯸﯹ
26:156
Ona heç bir pislik etməyin, yoxsa böyük günün əzabı sizi yaxalayar”.
ﯺﯻﯼﯽ
26:157
Onlar dəvənin diz vətərini kəsdilər, sonra da peşman oldular.
ﯾﯿﰀﰁﰂﰃﰄﰅﰆﰇﰈﰉﰊ
26:158
Əzab onları yaxaladı. Şübhəsiz ki, bunda bir ibrət vardır. Lakin onların əksəriyyəti yenə iman gətirmədi.
ﰋﰌﰍﰎﰏﰐ
26:159
Həqiqətən, sənin Rəbbin Qüdrətlidir, Rəhmlidir.
ﭑﭒﭓﭔﭕ
26:160
Lut tayfası da elçiləri yalançı saydı.
ﭖﭗﭘﭙﭚﭛﭜﭝ
26:161
O vaxt qardaşları Lut onlara dedi: “Məgər qorxmursunuz?
ﭞﭟﭠﭡﭢ
26:162
Həqiqətən, mən sizin üçün etibar edilməli bir elçiyəm.
ﭣﭤﭥﭦ
26:163
Allahdan qorxun və mənə itaət edin!
ﭧﭨﭩﭪﭫﭬﭭﭮﭯﭰﭱﭲﭳ
26:164
Mən bunun əvəzinə sizdən heç bir mükafat istəmirəm. Mənim mükafatım ancaq aləmlərin Rəbbinə aiddir.
ﭴﭵﭶﭷﭸ
26:165
Doğrudanmı siz insanlar içində ancaq kişilərlə yaxınlıq edir
ﭹﭺﭻﭼﭽﭾﭿﮀﮁﮂﮃﮄﮅ
26:166
və Rəbbinizin sizin üçün yaratdığı qadınlarınızı tərk edirsiniz? Siz, həqiqətən də, həddi aşan adamlarsınız”.
ﮆﮇﮈﮉﮊﮋﮌﮍﮎ
26:167
Onlar dedilər: “Ey Lut! Əgər təbliğatına son qoymasan, mütləq qovulanlardan olacaqsan!”
ﮏﮐﮑﮒﮓﮔ
26:168
O dedi: “Mən sizin əməllərinizə nifrət edənlərdənəm.
ﮕﮖﮗﮘﮙﮚ
26:169
Ey Rəbbim! Məni və ailəmi onların tutduqları işdən xilas et!”
ﮛﮜﮝﮞ
26:170
Biz onu və onun bütün ailəsini xilas etdik.
ﮟﮠﮡﮢﮣ
26:171
Geridə qalanlar arasındakı yaşlı qadından başqa.
ﮤﮥﮦﮧ
26:172
Sonra da o birilərini darmadağın etdik.
ﮨﮩﮪﮫﮬﮭﮮﮯ
26:173
Biz onların üstünə daşlardan yağış yağdırdıq. Qorxudulanların yağışı nə yaman imiş!
ﮰﮱﯓﯔﯕﯖﯗﯘﯙﯚ
26:174
Şübhəsiz ki, bunda bir ibrət vardır. Lakin onların əksəriyyəti iman gətirmədi.
ﯛﯜﯝﯞﯟﯠ
26:175
Həqiqətən, sənin Rəbbin Qüdrətlidir, Rəhmlidir.
ﯡﯢﯣﯤﯥ
26:176
Əykə əhli də elçiləri yalançı saydı.
ﯦﯧﯨﯩﯪﯫﯬ
26:177
O vaxt Şueyb onlara dedi: “Məgər qorxmursunuz?
ﯭﯮﯯﯰﯱ
26:178
Şübhəsiz ki, mən sizin üçün etibar etməli olduğunuz bir elçiyəm.
ﯲﯳﯴﯵ
26:179
Allahdan qorxun və mənə itaət edin!
ﯶﯷﯸﯹﯺﯻﯼﯽﯾﯿﰀﰁﰂ
26:180
Mən bunun əvəzinə sizdən heç bir mükafat istəmirəm. Mənim mükafatım ancaq aləmlərin Rəbbinə aiddir.
ﰃﰄﰅﰆﰇﰈﰉﰊ
26:181
Ölçüyə tam riayət edin və əksik ölçənlərdən olmayın.
ﰋﰌﰍﰎ
26:182
Düz tərəzi ilə çəkin.
ﰏﰐﰑﰒﰓﰔﰕﰖﰗﰘ
26:183
İnsanların əşyalarını əksik verməyin və yer üzündə fəsad yayaraq pis işlər görməyin.
ﭑﭒﭓﭔﭕﭖ
26:184
Sizi və əvvəlki nəsilləri Yaradandan qorxun!”
ﭗﭘﭙﭚﭛﭜ
26:185
Onlar dedilər: “Sən yalnız və yalnız sehrlənmişlərdənsən.
ﭝﭞﭟﭠﭡﭢﭣﭤﭥﭦ
26:186
Sən də bizim kimi ancaq bir insansan. Biz səni yalançılardan biri hesab edirik.
ﭧﭨﭩﭪﭫﭬﭭﭮﭯﭰ
26:187
Əgər doğru danışanlardansansa, göyün bir parçasını üstümüzə endir”.
ﭱﭲﭳﭴﭵﭶ
26:188
Şueyb dedi: “Rəbbim sizin nələr etdiyinizi daha yaxşı bilir”.
ﭷﭸﭹﭺﭻﭼﭽﭾﭿﮀﮁﮂ
26:189
Onlar isə onu yalançı saydılar və buna görə də kölgəli günün əzabı onları yaxaladı. Həqiqətən, o, böyük bir günün əzabı idi.
ﮃﮄﮅﮆﮇﮈﮉﮊﮋﮌ
26:190
Şübhəsiz ki, bunda bir ibrət vardır. Lakin onların əksəriyyəti iman gətirmədi.
ﮍﮎﮏﮐﮑﮒ
26:191
Həqiqətən, sənin Rəbbin Qüdrətlidir, Rəhmlidir.
ﮓﮔﮕﮖﮗ
26:192
Şübhəsiz ki, bu, aləmlərin Rəbbindən nazil edilmişdir.
ﮘﮙﮚﮛﮜ
26:193
Onu sadiq Ruh (Cəbrail) endirdi –
ﮝﮞﮟﮠﮡﮢ
26:194
sənin qəlbinə ki, xəbərdar edənlərdən olasan.
ﮣﮤﮥﮦ
26:195
Bu Quran açıq-aydın ərəb dilində nazil edildi.
ﮧﮨﮩﮪﮫ
26:196
Şübhəsiz ki, o, keçmiş ümmətlərin kitablarında da xatırlanır.
ﮬﮭﮮﮯﮰﮱﯓﯔﯕﯖ
26:197
Məgər İsrail oğullarından olan alimlərin onu bilmələri bunlar üçün bir dəlil deyilmi?
ﯗﯘﯙﯚﯛﯜ
26:198
Əgər Biz onu ərəb olmayanlardan birinə nazil etsəydik,
ﯝﯞﯟﯠﯡﯢﯣ
26:199
və o, bunu onlara oxusaydı, yenə də ona iman gətirməzdilər.
ﯤﯥﯦﯧﯨﯩ
26:200
Biz küfrü günahkarların qəlbinə belə salarıq.
ﯪﯫﯬﯭﯮﯯﯰﯱ
26:201
Onlar ağrılı-acılı əzabı görməyənədək ona inanmazlar.
ﯲﯳﯴﯵﯶﯷ
26:202
O əzab onlara özləri də hiss etmədən qəflətən gələcəkdir.
ﯸﯹﯺﯻﯼ
26:203
Onlar deyəcəklər: “Bizə möhlət veriləcəkmi?”
ﯽﯾﯿ
26:204
Yenədəmi əzabımızın tez gəlməsini istəyirlər?
ﰀﰁﰂﰃﰄ
26:205
Bilirsənmi, əgər onlara illərcə firavanlıq nəsib etsək,
ﰅﰆﰇﰈﰉﰊ
26:206
sonra vəd olunduqları əzab onlara yetişsə,
ﭑﭒﭓﭔﭕﭖﭗ
26:207
onlara nəsib olmuş firavanlıq əzabımızı onlardan dəf edə bilməz.
ﭘﭙﭚﭛﭜﭝﭞﭟ
26:208
Biz heç bir kəndi onu xəbərdar edənlər olmadan məhv etmədik.
ﭠﭡﭢﭣﭤ
26:209
Xəbərdar edənləri də öyüd-nəsihət vermək üçün göndərdik. Biz əsla zalım olmamışıq!
ﭥﭦﭧﭨﭩ
26:210
Quranı şeytanlar endirmədi.
ﭪﭫﭬﭭﭮﭯ
26:211
Onlar buna layiq deyildirlər və bunu bacara da bilməzlər.
ﭰﭱﭲﭳﭴ
26:212
Çünki onlar vəhyə qulaq asmaqdan kənar edilmişdilər.
ﭵﭶﭷﭸﭹﭺﭻﭼﭽﭾ
26:213
Odur ki, Allahla yanaşı başqa bir məbuda ibadət etmə, yoxsa əzaba düçar edilənlərdən olarsan.
ﭿﮀﮁﮂ
26:214
Ən yaxın qohumlarını qorxut!
ﮃﮄﮅﮆﮇﮈﮉ
26:215
Sənə tabe olan möminləri qanadının altına al (onlara qarşı təvazökar ol)!
ﮊﮋﮌﮍﮎﮏﮐﮑ
26:216
Əgər onlar sənə asi olsalar, de: “Şübhəsiz ki, mən sizin etdiyiniz əməllərdən uzağam!”
ﮒﮓﮔﮕﮖ
26:217
Qüdrətli və Rəhmli olana təvəkkül et!
ﮗﮘﮙﮚﮛ
26:218
O səni namaza duranda da görür,
ﮜﮝﮞﮟ
26:219
səcdə edənlər içində hərəkət edəndə də.
ﮠﮡﮢﮣﮤ
26:220
Həqiqətən də, O, Eşidəndir, Biləndir!
ﮥﮦﮧﮨﮩﮪﮫ
26:221
Şeytanların kimə nazil olduqlarını sizə xəbər verimmi?
ﮬﮭﮮﮯﮰﮱ
26:222
Onlar hər bir yalançıya və günahkara nazil olarlar.
ﯓﯔﯕﯖﯗ
26:223
Şeytanlar vəhydən eşitdiklərini kahinlərə təlqin edirlər. Halbuki onların əksəriyyəti yalançıdır!
ﯘﯙﯚﯛ
26:224
Şairlərə gəldikdə isə, onlara ancaq azğınlar uyar.
ﯜﯝﯞﯟﯠﯡﯢﯣ
26:225
Məgər görmürsənmi ki, onlar hər vadidə veyl-veyl gəzir (hər mövzuda şer uydurur)
ﯤﯥﯦﯧﯨﯩ
26:226
və etmədikləri şeylərə aid söhbət açırlar?
ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾ
26:227
Təkcə iman sahibi olub xeyirxah əməllər edən, Allahı tez-tez yada salan və haqsızlığa məruz qaldıqdan sonra dini müdafiə edənlərdən başqa. Zalımlar isə qayıdacaqları yeri mütləq biləcəklər.
Qurani-Kərim
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qurani-Kərim mp3
Complete Recitation — حفص عن عاصم
Abdul Basit Qurani-Kərim mp3
Complete Recitation — حفص عن عاصم
Mishary Rashid Alafasy Qurani-Kərim mp3
Complete Recitation — حفص عن عاصم
Al-Hussary Mahmoud Khalil Qurani-Kərim mp3
Complete Recitation — حفص عن عاصم
Muhammad Siddiq Al-Minshawi Qurani-Kərim mp3
Complete Recitation — حفص عن عاصم
Abdul Rahman Al-Sudais Qurani-Kərim mp3
Complete Recitation — حفص عن عاصم
Saud Al-Shuraim Qurani-Kərim mp3
Complete Recitation — حفص عن عاصم
Maher Al-Muaiqly Qurani-Kərim mp3
Complete Recitation — حفص عن عاصم