Simoore Ash-Shu'ara pdf — Wàcce (Wolof)
Simoore Ash-Shu'ara pdf Wolof — Wàcce Simoore Ash-Shu'ara Tekki. Simoore Ash-Shu'ara (Meccan) 227 Aaya.
Related
More Simoore PDF
Simoore Ash-Shu'ara
ﭑﭒ
26:1
Taa, Siin, Miim.
ﭓﭔﭕﭖﭗ
26:2
Lii mooy laayay Téere bu bir ba.
ﭘﭙﭚﭛﭜﭝﭞ
26:3
Amaana nga am ñàngi-ñàngi xol ci li ñu gëmul !
ﭟﭠﭡﭢﭣﭤﭥﭦﭧﭨﭩﭪ
26:4
Bu Nu neexoon Nu wàcce ci asamaan kéemaan guy tax ñuy jatti loos.
ﭫﭬﭭﭮﭯﭰﭱﭲﭳﭴﭵﭶ
26:5
Amul benn woote bu bees bu mësoon a bawoo ca Yàlla lu dul ne dëndu dañu ko.
ﭷﭸﭹﭺﭻﭼﭽﭾﭿ
26:6
Weddi woon nañu, te danañu mës a joti xibaari la ñu doon téjji.
ﮀﮁﮂﮃﮄﮅﮆﮇﮈﮉﮊﮋ
26:7
Xanaa dañoo gisul yu bari yi Nu saxal ci kaw suuf, ci xeeti gàncax muy tollént ?
ﮌﮍﮎﮏﮐﮑﮒﮓﮔﮕ
26:8
Ay kéemaan yu bari nekk ci loolu ! Waaye taxut li ëpp ci ñoom gëm [diy jullit].
ﮖﮗﮘﮙﮚﮛ
26:9
Te sa Boroom mooy Boroom kàttan ga te di Jaglewaakoonug [yërmaande].
ﮜﮝﮞﮟﮠﮡﮢﮣﮤ
26:10
[Fàttalikul] ba Yàlla woo na Muusaa, [ne ko] : “Demal [jubbanti ji] tooñkat ya,
ﮥﮦﮧﮨﮩﮪ
26:11
nitu Firawna” ; moo ndax ñoom duñu ragal Yàlla ?
ﮫﮬﮭﮮﮯﮰﮱ
26:12
[Muusaa] wax ne : “Yaw Sama Boroom, damaa ragal ñu jàppe ma ab fenkat [weddi ma] ;
ﯓﯔﯕﯖﯗﯘﯙﯚﯛ
26:13
samab dënn di xat, te kon dootuma mën a wax : Yónnil kon Aaruuna, def ko Yonent.
ﯜﯝﯞﯟﯠﯡﯢ
26:14
Te itam, am na tuuma ju ñu may jiiñ ; te ragal naa ñu rey ma”.
ﯣﯤﯥﯦﯧﯨﯩﯪﯫﯬ
26:15
[Yàlla] ne : “Mukk du am ! Demleen yéen ñaar yóbb sunuy kàddu. Maa ngi ànd ak yéen di dégg.
ﯭﯮﯯﯰﯱﯲﯳﯴ
26:16
Dem ca Firawna ne ko : “Nun ñaari ndawi Boroom àddina si lanu,
ﯵﯶﯷﯸﯹﯺ
26:17
Yebalal giir Banii-Israayil ñu ànd ak nun ”.
ﯻﯼﯽﯾﯿﰀﰁﰂﰃﰄﰅ
26:18
[Firawna] ne ko : “Moo ndax yarunu la fii ba nga doonee liir ? Ak li nga fi nekk lépp ?
ﰆﰇﰈﰉﰊﰋﰌﰍ
26:19
Ak jëf ji nga fi jëfoon tey xarabaate”
ﭑﭒﭓﭔﭕﭖﭗ
26:20
Muusaa ne ko : “Defoon naa ko, waaye teyuma ko.
ﭘﭙﭚﭛﭜﭝﭞﭟﭠﭡﭢﭣ
26:21
Ma daldi daw ba ma tiitee : faf Yàlla jox ma xam-xamu [baatin], def ma ma bokk ca Yonent ya.
ﭤﭥﭦﭧﭨﭩﭪﭫﭬ
26:22
Te loolu xéewal la goo may mën a xéewale, ndax liggéeyloo nga giir Banii-Israayil lu ne ? ”
ﭭﭮﭯﭰﭱﭲ
26:23
[Firawna] ne ko : “Waaw, ana kan mooy Boroom àddina si ? ”.
ﭳﭴﭵﭶﭷﭸﭹﭺﭻﭼﭽ
26:24
[Muusaa ne ko] : “Mooy Boroom asamaan yeek suuf si ak li nekk seen diggante, ndegam wóolu nga ! ”
ﭾﭿﮀﮁﮂﮃ
26:25
[Firawna] daldi wax ak ña ko wëroon, ne leen : “Gaa ñi xanaa dégguleen ? ”
ﮄﮅﮆﮇﮈﮉ
26:26
[Muusaa] ne ko : “... Mooy seen Boroom, di Boroomub seeni baay”.
ﮊﮋﮌﮍﮎﮏﮐﮑ
26:27
[Firawna] daldi wax ne : “Seen Yonent bii ñu leen yónni ab dof la kat”.
ﮒﮓﮔﮕﮖﮗﮘﮙﮚﮛﮜ
26:28
[Muusaa] ne ko : “Mooy Boroom penkook sowwu ak li nekk seen diggante, bu ngeen xel-
ﮝﮞﮟﮠﮡﮢﮣﮤﮥ
26:29
[Firawna] ne ko : “Soo fi jéemee indi jeneen yàlla ju dul man, danaa la téj kaso de”.
ﮦﮧﮨﮩﮪﮫ
26:30
[Muusaa] ne ko : “Moo ne indil naa la mbir mu leer de ?
ﮬﮭﮮﮯﮰﮱﯓﯔ
26:31
[Firawna] ne ko : “Génne ko bu fekkee li ngay wax dëgg la”.
ﯕﯖﯗﯘﯙﯚﯛ
26:32
[Muusaa] daldi sànni yetam wa, ndekete yoo jaan la juy béllaw-béllawi.
ﯜﯝﯞﯟﯠﯡﯢ
26:33
[Muusaa] daldi génne loxoom, mu weex tàll ca ña koy xool.
ﯣﯤﯥﯦﯧﯨﯩﯪ
26:34
[Firawna] wax gàngoor ga ne leen : “Kii dey ab jibar la bu xor.
ﯫﯬﯭﯮﯯﯰﯱﯲﯳ
26:35
Da leen a bëgg a génne ci seen suuf sii ak jibaram gi. Lu ngeen ma ciy digal ? ”
ﯴﯵﯶﯷﯸﯹﯺﯻ
26:36
Ñu ne ko : “Joxleen ñoom ñaar beneen bis te nga yónni ci gox yi ñuy woo nit ñi, di leen
dajale,
ﯼﯽﯾﯿﰀ
26:37
danañu la indil bépp jibar bu fi xor”.
ﰁﰂﰃﰄﰅﰆ
26:38
Ñu dajale mbooleemi jibarkat ca bis ba ñu waxoon.
ﰇﰈﰉﰊﰋﰌ
26:39
Mu am ku yéene wax ne : “Ndax nit ñépp yemb nañu,
ﭑﭒﭓﭔﭕﭖﭗﭘ
26:40
xéy-na bu nu toppee njibarkat yi, ndegam ñoo not ? ”
ﭙﭚﭛﭜﭝﭞﭟﭠﭡﭢﭣﭤﭥ
26:41
Ba jibar ya agsee, dellu wax Firawna ne ko : “Ndax dananu am ag pey bu fekkee ne not nanu [Muusaa] ? ”
ﭦﭧﭨﭩﭪﭫﭬ
26:42
Mu ne leen : “Waawaaw, kon dingeen bokk ci samay jegeñaale !
ﭭﭮﭯﭰﭱﭲﭳﭴ
26:43
Muusaa ne leen : “Sànnileen li ngeen di sànni”.
ﭵﭶﭷﭸﭹﭺﭻﭼﭽﭾ
26:44
Ñu daldi sànni seen buum ak i yet, daldi wax ne : “Ci doole Firawna la nuy note”.
ﭿﮀﮁﮂﮃﮄﮅﮆﮇ
26:45
Muusaa daldi sànni yetam wa, ndeketeyoo mëdd na ya ñu deferoon.
ﮈﮉﮊﮋ
26:46
Jibar ya daldi rot sujjóot,
ﮌﮍﮎﮏﮐ
26:47
daldi wax ne : “Gëm nanu Boroom àddina si yépp,
ﮑﮒﮓﮔ
26:48
Boroom Muusaa ak Aaruuna”.
ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬ
26:49
[Firawna] ne leen : “Gëmoon ngeen ko ba ma leen a laataa woo. [Xam naa ne] mooy kàndiŋ mi leen jàngal njibar ! Dangeen xam ne ! Danaa dagg seen yoxook seeni tànk, jalawle ko, danaa leen daaj yéen ñépp”.
ﮭﮮﮯﮰﮱﯓﯔﯕﯖ
26:50
Ñu ne ko : “Boo yaboo ! Nun daal jublu nanu sunu Boroom.
ﯗﯘﯙﯚﯛﯜﯝﯞﯟﯠﯡﯢ
26:51
Danoo xemmem Yàlla jéggal nu sunuy njuumte, xemmem it doon ñu njëkk a gëm”.
ﯣﯤﯥﯦﯧﯨﯩﯪﯫﯬ
26:52
Nu daldi soloo Muusaa, digal ko mu rañaan ànd ak samay jaam te danañu leen dabsi.
ﯭﯮﯯﯰﯱﯲ
26:53
Firawna daldi yónnee ci gox yi ñuy yéene dajale nit ñi :
ﯳﯴﯵﯶﯷ
26:54
“Ñoom dey, ay mbooloo yu néew lañu,
ﯸﯹﯺﯻ
26:55
te it mere nañu nu,
ﯼﯽﯾﯿ
26:56
te nun danoo lefoog”.
ﰀﰁﰂﰃﰄ
26:57
Noo leen génne woon ci dër yaak dex yi,
ﰅﰆﰇﰈ
26:58
Ak ca ndàmb yaak dëkkuwaay yu neex ya.
ﰉﰊﰋﰌﰍﰎ
26:59
Noona la Nu ko donnalee giir Bani-israayiila.
ﰏﰐﰑ
26:60
Ba jant ba fénkee la ñu leen dabuji.
ﭑﭒﭓﭔﭕﭖﭗﭘﭙ
26:61
Ba ñaari mbooloo ya séenantee, waa kër Muusaa daldi ne : “Ñanga nuy dabsi de”.
ﭚﭛﭜﭝﭞﭟﭠﭡ
26:62
[Muusaa] ne : “Mukk, duñu nu dab ndax ànd naak sama Boroom te Dana ma gindi”.
ﭢﭣﭤﭥﭦﭧﭨﭩﭪﭫﭬﭭﭮﭯﭰ
26:63
Nu daldi soloo Muusaa, digal ko : “Dóoral géej geek sa yet wi”. Mu daldi xàjjeeku, xaaj bu nekk tollu ni aw tund wu mag.
ﭱﭲﭳﭴ
26:64
Nu tañcale Firawna mook u nitam.
ﭵﭶﭷﭸﭹﭺ
26:65
Nu daldi musal Muusaa mook ña mu àndanloon ñépp ;
ﭻﭼﭽﭾ
26:66
Nu daldi labal ña ca des [Firawna ak i gaayam].
ﭿﮀﮁﮂﮃﮄﮅﮆﮇﮈ
26:67
Kéemaan a ngi ci biir loolu te taxut woon li ëpp ci ñoom gëm.
ﮉﮊﮋﮌﮍﮎ
26:68
Te sa Boroom, mooy Boroom kàttan, di Jaglewaakoon ba.
ﮏﮐﮑﮒﮓ
26:69
Jàngal-leen xibaari Ibraahiima:
ﮔﮕﮖﮗﮘﮙﮚ
26:70
Ba mu waxee baayam ak u nitam, ne leen : “Lu ngeen di jaamu ? ”
ﮛﮜﮝﮞﮟﮠﮡ
26:71
Ñu ne ko : “Ay xërëm lanuy jaamu, te gëm ko lool”.
ﮢﮣﮤﮥﮦﮧ
26:72
Ibraahiima ne leen : “Ndax danañu leen dégg bu ngeen leen di woo ?
ﮨﮩﮪﮫﮬ
26:73
walla ñu di leen jariñ mbaa ñu leen di lor ? ”
ﮭﮮﮯﮰﮱﯓﯔ
26:74
Ñu wax ne : “Nun kat, dañoo fekk rekk sunuy baay daan ko def”.
ﯕﯖﯗﯘﯙﯚ
26:75
Ibraahiima ne leen : “Xanaa gisuleen li ngeen di jaamu... ?
ﯛﯜﯝﯞ
26:76
Yéen ak seen maam ya fi woon ?
ﯟﯠﯡﯢﯣﯤﯥ
26:77
Ñoom ñépp sama noon lañu ku dul Yàlla Miy Boroom àddina si,
ﯦﯧﯨﯩﯪ
26:78
Moom mi ma bind te gindi ma ;
ﯫﯬﯭﯮﯯ
26:79
Mooy ki may leel di ma nàndal ;
ﯰﯱﯲﯳﯴ
26:80
su ma woppee, Mu faj ma,
ﯵﯶﯷﯸﯹ
26:81
Moo may rey, di ma dundal,
ﯺﯻﯼﯽﯾﯿﰀﰁﰂ
26:82
Mooy ki ma xemmem mu jéggal ma samay ñaawtéef bu Bis-pénc baa.
ﰃﰄﰅﰆﰇﰈﰉ
26:83
Yaw sama Boroom, may ma xam-xam te def ma joti ca gaa ñu baax ña ;
ﭑﭒﭓﭔﭕﭖﭗ
26:84
defal ma am làmmiñ wu dëggu;
ﭘﭙﭚﭛﭜﭝ
26:85
def ma ma bokk ca way-donn ya Àjjanay xéewal ya.
ﭞﭟﭠﭡﭢﭣﭤ
26:86
te Nga jéggal sama baay : moom dafa bokk ca ñu réer ña ;
ﭥﭦﭧﭨﭩ
26:87
te bul ma gàcceel kerook bisub dekki ba,
ﭪﭫﭬﭭﭮﭯﭰ
26:88
bis ba alal ak i doom du jariñati,
ﭱﭲﭳﭴﭵﭶﭷ
26:89
ku dul kay ñëw ca Yàllaak xol bu mucc ayib”.
ﭸﭹﭺﭻ
26:90
Ñu jigeeñal Àjjana ña ragal Yàlla.
ﭼﭽﭾﭿ
26:91
te gaaraleef na Safara ñeel ña béewoon,
ﮀﮁﮂﮃﮄﮅﮆ
26:92
Ñu wax leen ne : “Ana fan ngeen nekkoon di fa jaamoo,
ﮇﮈﮉﮊﮋﮌﮍﮎ
26:93
bàyyi woon Yàlla ? Ndax mën nanoo dimbali seen bopp ? Walla ñu dimbali leen ? ”
ﮏﮐﮑﮒﮓ
26:94
Ñu sànni leen fa, galajaane leen ñook mboxos ma,
ﮔﮕﮖﮗ
26:95
ak gàngoorug Ibliis ga gépp.
ﮘﮙﮚﮛﮜ
26:96
Ñuy wax ca biir tey xuloo :
ﮝﮞﮟﮠﮡﮢﮣ
26:97
“Waat naa ci Yàlla ne ! Noo ngi woon ci réer gu bir,
ﮤﮥﮦﮧﮨ
26:98
jamono ya nu leen doon yemaleek Boroom àddina si.
ﮩﮪﮫﮬﮭ
26:99
Te tooñkat ya doŋŋ a nga nu sànk.
ﮮﮯﮰﮱﯓ
26:100
Amunu ku nu tinu,
ﯔﯕﯖﯗ
26:101
amuma it xarit bu may miisloo.
ﯘﯙﯚﯛﯜﯝﯞﯟ
26:102
Céy bu nu delluwaatoon àdduna, kon dananu bokk ca way-gëm ña ! ”
ﯠﯡﯢﯣﯤﯥﯦﯧﯨﯩ
26:103
Ay kéemaan a ngi ci biir loolu ; te taxut woon li ëpp ci ñoom gëm.
ﯪﯫﯬﯭﯮﯯ
26:104
Te sa Borom, mooy Boroom kàttan, di Jaglewaakoon ba.
ﯰﯱﯲﯳﯴ
26:105
Nitu Nooh ñoom weddi woon nañu Yonent ya,
ﯵﯶﯷﯸﯹﯺﯻﯼ
26:106
ba leen seen mbokk ma Nooh waxee, ne leen : “Ndax dungeen ragal Yàlla ?
ﯽﯾﯿﰀﰁ
26:107
Man seenub Yonent laa bu wóor.
ﰂﰃﰄﰅ
26:108
Ragal-leen Yàlla te topp ma.
ﰆﰇﰈﰉﰊﰋﰌﰍﰎﰏﰐﰑﰒ
26:109
Te laajuma leen ci génn pey ; samag pey Boroom àddina si moo ko warlu.
ﰓﰔﰕﰖ
26:110
Ragal-leen Yàlla te topp ma”
ﰗﰘﰙﰚﰛﰜﰝ
26:111
Ñu wax ko ne : “Ndax dananu la gëm te ñi gën a saay-saay a ngi la topp? ”
ﭑﭒﭓﭔﭕﭖﭗ
26:112
Mu wax ne : “Ana man lu ma xam ca la ñu daan def.
ﭘﭙﭚﭛﭜﭝﭞﭟﭠ
26:113
Seenub waññoo nga ca Yàlla [Moo koy taxawe]. Céy bu ngeen yëgoon.
ﭡﭢﭣﭤﭥ
26:114
Man dey du maay dàq ñi gëm.
ﭦﭧﭨﭩﭪﭫ
26:115
Man doonuma lu dul ab xuppekat bu bir”.
ﭬﭭﭮﭯﭰﭱﭲﭳﭴ
26:116
Ñu ne ko : “Yaw Nooh, soo bàyyiwul li nga nekk, dees na la jóori xeer [ba nga dee] ! ”
ﭵﭶﭷﭸﭹﭺ
26:117
Mu ne : “Yaw sama Boroom, samaw nit weddi nañu, jàppe ma fenkat.
ﭻﭼﭽﭾﭿﮀﮁﮂﮃﮄ
26:118
Àtteel sama digganteek ñoom ba mu ne làññ : te nga musal maak ñi ma àndal te ñu bokk ca ña gëm”.
ﮅﮆﮇﮈﮉﮊﮋ
26:119
Nu daldi koy musal mook ña mu àndaloon ci gaal ga mu duyyoon ba mu fees.
ﮌﮍﮎﮏﮐ
26:120
Ginnaaw ba, Nu labal ña ca des.
ﮑﮒﮓﮔﮕﮖﮗﮘﮙﮚ
26:121
Ay kéemaan a nga ci biir loolu. Te taxut woon la ëpp ci ñoom gëm.
ﮛﮜﮝﮞﮟﮠ
26:122
Te sa Boorm, Mooy boroom kàttan, di Jaglewaakoon.
ﮡﮢﮣﮤ
26:123
Waa Haad, weddi woon nañu Yonent ya, jàppe leen ay fenkat.
ﮥﮦﮧﮨﮩﮪﮫﮬ
26:124
Ba leen seen mbokk ma Huud waxee ne : “Ndax dangeen dul ragal Yàlla ? ”
ﮭﮮﮯﮰﮱ
26:125
Man dey, ab Yonent laa bu wóor,
ﯓﯔﯕﯖ
26:126
Ragal-leen Yàlla te topp ma.
ﯗﯘﯙﯚﯛﯜﯝﯞﯟﯠﯡﯢﯣ
26:127
Duma leen ca laaj genn pey ; samag pey Boroom àddina see ko warlu.
ﯤﯥﯦﯧﯨﯩ
26:128
Ndax dangeen di tabax ci kaw wépp tundu ab jàjj ngir caaxaan ?
ﯪﯫﯬﯭﯮ
26:129
Ngeen di liggéey i njéndi mel ni dangeen fiy béel ?
ﯯﯰﯱﯲﯳ
26:130
Te saa su ngeen songee mu jéggi dayo.
ﯴﯵﯶﯷ
26:131
Ragal-leen Yàlla te topp ma.
ﯸﯹﯺﯻﯼﯽ
26:132
Ragal-leen Yàlla mi leen kàttanal ba ngeen mën a jëf,
ﯾﯿﰀﰁ
26:133
Moo leen may alal ak i doom,
ﰂﰃﰄ
26:134
ak tooli dër ak i dex.
ﰅﰆﰇﰈﰉﰊﰋ
26:135
Man dey, ragal naa ci yéen mbugalum Bis bu màgg.
ﰌﰍﰎﰏﰐﰑﰒﰓﰔﰕ
26:136
Ñu tontu wax ne : “Nga di nu waar ak nga ñàkk noo war a yem ci nun képp !
ﭑﭒﭓﭔﭕﭖ
26:137
Lii daal du lenn lu dul jikkoy mag ñu jëkk ña :
ﭗﭘﭙﭚ
26:138
Nun daal, kenn dunu mbugal”.
ﭛﭜﭝﭞﭟﭠﭡﭢﭣﭤﭥﭦﭧ
26:139
Ñu weddi ko. Nu daldi leen mbugal. Te ca biir, ay kéemaan a nga ca ! Te taxul la ëpp ca ñoom gëm.
ﭨﭩﭪﭫﭬﭭ
26:140
Te sa Boroom, moo di Boroom kàttan, di Jaglewaakoon.
ﭮﭯﭰﭱ
26:141
Waa Samuuda, weddi woon nañu Yonent ya.
ﭲﭳﭴﭵﭶﭷﭸﭹ
26:142
Ba leen seen mbokk Saalihu waxee ne : “Moo ndax dungeen ragal Yàlla ? ”
ﭺﭻﭼﭽﭾ
26:143
Man mii dey, ab Yonent laa ci yéen bu wóor.
ﭿﮀﮁﮂ
26:144
Ragal-leen Yàlla te topp ma [samay ndigal].
ﮃﮄﮅﮆﮇﮈﮉﮊﮋﮌﮍﮎﮏ
26:145
Te duma leen ca laaj genn pey, samag pey Boroom àddina see ko warlu.
ﮐﮑﮒﮓﮔﮕ
26:146
Ndax jàpp ngeen ne dañu leen di bàyyi nii rekk ngeen ne fayax ?
ﮖﮗﮘﮙ
26:147
Ci biir tooli dër yeek dex yi,
ﮚﮛﮜﮝﮞ
26:148
ak mbey yi, ak tàndarma yii neex lool a reesal ?
ﮟﮠﮡﮢﮣﮤ
26:149
Ngeen di yett ay kër ci tundu doj yi te njaxlaf lool ?
ﮥﮦﮧﮨ
26:150
Mu ne ragal-leen Yàlla waay te topp samay ndigal.
ﮩﮪﮫﮬﮭ
26:151
Te buleen topp mukk nag ndigalul ñiy sànkaate [xaaxaabal],
ﮮﮯﮰﮱﯓﯔﯕ
26:152
ñiy yàq rekk ci suuf si te duñu defar”.
ﯖﯗﯘﯙﯚﯛ
26:153
Ñu ne ko : “Yaw daal, ab njibar moo la ŋëb.
ﯜﯝﯞﯟﯠﯡﯢﯣﯤﯥﯦﯧ
26:154
Yaw daal, doo kenn ku dul nit ni nun. Indil kaawtéef ndegam li ngay wax dëgg la”.
ﯨﯩﯪﯫﯬﯭﯮﯯﯰﯱ
26:155
Saalihu ne leen : “Lii giléem gu jigéen la [naaga] : am na bis bu muy naan, yéen it am ngeen seen bis.
ﯲﯳﯴﯵﯶﯷﯸﯹ
26:156
Buleen ko def mukk lu bon, [su ngeen ko ko defee], di ngeen yendu bisub mbugal mu tar”.
ﯺﯻﯼﯽ
26:157
Ñu rey ko, daldi koy rëccu !
ﯾﯿﰀﰁﰂﰃﰄﰅﰆﰇﰈﰉﰊ
26:158
Mbugal ma dal leen. Ci biir loolu ay kéemaan a nga ca. Te taxul li ëpp ci ñoom gëm.
ﰋﰌﰍﰎﰏﰐ
26:159
Te sa Boroom, moo Boroom kàtta, di Jaglewaakoon bi.
ﭑﭒﭓﭔﭕ
26:160
Nitu Lóot weddi woon nañu Yonent ya,
ﭖﭗﭘﭙﭚﭛﭜﭝ
26:161
ba leen seen mbokk ma Lóot waxee ne : “Moo ndax dungeen ragal Yàlla ?
ﭞﭟﭠﭡﭢ
26:162
Man mii dey, ab Yonent laa ci yéen bu wóor.
ﭣﭤﭥﭦ
26:163
Ragal-leen Yàlla te topp ma.
ﭧﭨﭩﭪﭫﭬﭭﭮﭯﭰﭱﭲﭳ
26:164
Laajuma leen ci genn pey ; samag pey, Boroom àddina see ko warlu.
ﭴﭵﭶﭷﭸ
26:165
Yéen góor ñi, moo ndax dangeen di sàkku bànneexu séy ci góoru àddina sii [Ngóor- jigéen]?
ﭹﭺﭻﭼﭽﭾﭿﮀﮁﮂﮃﮄﮅ
26:166
Ne fa ñukk seen jabar ya leen Yàlla sàkkal ? Waajii ! Yéen ay jalgatikat ngeen de”.
ﮆﮇﮈﮉﮊﮋﮌﮍﮎ
26:167
Ñu ne ko : “Yaw Lóot, boo bàyyiwul lii ngay wax, dananu la génne”.
ﮏﮐﮑﮒﮓﮔ
26:168
Lóot ne leen : “Seen jëf jii, lenn rekk laa ciy wax.
ﮕﮖﮗﮘﮙﮚ
26:169
Yaw sama Boroom, yal na nga musal maak saag njaboot ci lii ñuy def”.
ﮛﮜﮝﮞ
26:170
[Nun Yàlla] Nu daldi koy musal mook njabootam gépp,
ﮟﮠﮡﮢﮣ
26:171
ba mu des menn màggat mu àndoon ca mbokk ga.
ﮤﮥﮦﮧ
26:172
Topp [Nun Yàlla] Nu faagaagal ña des ;
ﮨﮩﮪﮫﮬﮭﮮﮯ
26:173
Nu dottil leen [taw] waame doj. A ndaw taw bu bon ca ña mu dal !
ﮰﮱﯓﯔﯕﯖﯗﯘﯙﯚ
26:174
Ay kéemaan a ngi ci biir loolu. Te taxul ña ëppoon ca ñoom gëm.
ﯛﯜﯝﯞﯟﯠ
26:175
Sa Boroom, Mooy Boroom kàttan, di Jaglewaakoon ba [yërmaandeem].
ﯡﯢﯣﯤﯥ
26:176
Waa Aykata weddi woon nañu Yonent ya.
ﯦﯧﯨﯩﯪﯫﯬ
26:177
Ba leeen seen mbokk ma Suhaybu waxee ne : “Moo ndax dungeen ragal Yàlla”.
ﯭﯮﯯﯰﯱ
26:178
Man mii dey, ab Yonent laa ci yéen bu wóor.
ﯲﯳﯴﯵ
26:179
Ragal-leen Yàlla te topp ma [samay ndigal],
ﯶﯷﯸﯹﯺﯻﯼﯽﯾﯿﰀﰁﰂ
26:180
te duma leen ci laaj genn pey ; samag pey [Yàlla] Boroom àddina see ko warlu.
ﰃﰄﰅﰆﰇﰈﰉﰊ
26:181
Nangeen di matal nattukaay yi, te buleen cay naxaate.
ﰋﰌﰍﰎ
26:182
bu ngeen dee màndaxe [peese], nay mat sëkk.
ﰏﰐﰑﰒﰓﰔﰕﰖﰗﰘ
26:183
Buleen di ñormati ca yëfi nit ña [wattu ko] ; buleen di lawal asaru ci suuf si.
ﭑﭒﭓﭔﭕﭖ
26:184
Nangeen ragal Yàlla mi leen sàkk, mook maas ya leen jiitu woon”.
ﭗﭘﭙﭚﭛﭜ
26:185
Ñu ne ko : “Yaw daal ag njibar moo la ŋëb ;
ﭝﭞﭟﭠﭡﭢﭣﭤﭥﭦ
26:186
Te doo kenn ku dul nit ni nun ; nun sax foog nanu ne ci fenkat yi nga bokk.
ﭧﭨﭩﭪﭫﭬﭭﭮﭯﭰ
26:187
Waay-waay li nga ne su dee dëgg, rotalal ci sunu kaw ay dogiiti asamaan si ! ”
ﭱﭲﭳﭴﭵﭶ
26:188
Suhaybu ne leen : “Sama Boroom a gën a xam li ngeen di def”.
ﭷﭸﭹﭺﭻﭼﭽﭾﭿﮀﮁﮂ
26:189
Ñu weddi ko. Mbugalum niir wa dal ca seen kaw. Doon mbugalum bis bu màgg.
ﮃﮄﮅﮆﮇﮈﮉﮊﮋﮌ
26:190
Ay kéemaan a ngi ci biir loolu. Te taxul ña ëppoon ca ñoom gëm.
ﮍﮎﮏﮐﮑﮒ
26:191
Te sa Boroom, Mooy Boroom kàttan, di Jaglewaakoon ba [yërmaandeem].
ﮓﮔﮕﮖﮗ
26:192
[Alxuraan jii], ci lu bir, wàcceg Boroom àddina si la,
ﮘﮙﮚﮛﮜ
26:193
Ruu gu wóor ga [Jibriil] moo ko wàccaale
ﮝﮞﮟﮠﮡﮢ
26:194
def ko ci sa biir xol [yaw Muhammad] ngir nga bokk ca xuppekat ya,
ﮣﮤﮥﮦ
26:195
ci làmmeñu araab bu leer nàññ.
ﮧﮨﮩﮪﮫ
26:196
Te nekkoon na ca biir Téerey Yonent yu njëkk ya.
ﮬﮭﮮﮯﮰﮱﯓﯔﯕﯖ
26:197
Ndax amuñu woon ay kéemaan yu taxoon boroom xam-xami giir Banii-Israayiila xamoon ko ?
ﯗﯘﯙﯚﯛﯜ
26:198
Su Nu ko wàcce woon ci ku dul ab araab,
ﯝﯞﯟﯠﯡﯢﯣ
26:199
mu jàngal leen ko, du tax kon ngeen gëm ko.
ﯤﯥﯦﯧﯨﯩ
26:200
Noonu it la nu dugalee jiixi-jaaxa ca biir xoli tooñkat yi ba gëmuñu ko ;
ﯪﯫﯬﯭﯮﯯﯰﯱ
26:201
duñu ko gëm mukk ndare ba ñu gisee mbugal mu metti ma,
ﯲﯳﯴﯵﯶﯷ
26:202
mu dikke leen ci mbettel te ñoom bëgguñu ko;
ﯸﯹﯺﯻﯼ
26:203
ñuy wax naan : “Ndax deesu yeexe sunuy mbir ? ”
ﯽﯾﯿ
26:204
Ndax dañoo yàkkamti Sunu mbugal ?
ﰀﰁﰂﰃﰄ
26:205
Xanaa gisuloo ne bàyyi woon Nanu leen ay ati at ñuy xaab-xaabi,
ﰅﰆﰇﰈﰉﰊ
26:206
tey jii nag la Nu leen doon dig agsi na,
ﭑﭒﭓﭔﭕﭖﭗ
26:207
la ñu bànneexu woon jariñatuleen dara.
ﭘﭙﭚﭛﭜﭝﭞﭟ
26:208
Amul benn dëkk bu Nu mës a alag u nitam te yónneewunu fa woon ay xuppekat,
ﭠﭡﭢﭣﭤ
26:209
di fàttali rekk, tooñunu kenn.
ﭥﭦﭧﭨﭩ
26:210
Alxuraan jii, séytaane yi wàccewuñu ko de :
ﭪﭫﭬﭭﭮﭯ
26:211
Amuñu ko, mënuñu ko.
ﭰﭱﭲﭳﭴ
26:212
Ñoom mënuñoo dégg ndigali Yàlla.
ﭵﭶﭷﭸﭹﭺﭻﭼﭽﭾ
26:213
Bul jaamu lenn di ko booleek Yàlla, ku koy def rekk mbugal di dal ci sa kaw.
ﭿﮀﮁﮂ
26:214
Nangay xupp yaw [Muhammad] nit ñi la gën a jegeñ.
ﮃﮄﮅﮆﮇﮈﮉ
26:215
Nangay suufeel sa bopp ci jullit ñi la topp [say ndigal].
ﮊﮋﮌﮍﮎﮏﮐﮑ
26:216
Bu ñu moyee nag, neeleen : “Samaw yoon nekkatul ci li ngeen di def”.
ﮒﮓﮔﮕﮖ
26:217
Nangay wéeru ci Yàlla Miy Boroom kàttan tey Jaglewaakoonu yërmaande,
ﮗﮘﮙﮚﮛ
26:218
Moom mi lay gis boo taxawee,
ﮜﮝﮞﮟ
26:219
ak say jëfiin ba nga nekkee ci biir ñay sujjóot [julli].
ﮠﮡﮢﮣﮤ
26:220
Mooy dégg, di xam.
ﮥﮦﮧﮨﮩﮪﮫ
26:221
Moo ndax Duma la xibaar ana kan la séytaane ya wàcce ca moom ?
ﮬﮭﮮﮯﮰﮱ
26:222
Danañuy wàcc ci képp kuy ab duuraakoon bu bariy bàkkaar.
ﯓﯔﯕﯖﯗ
26:223
Ñooy yàng seen nopp di déglu... Te la ëpp ci ñoom fenkat lañu.
ﯘﯙﯚﯛ
26:224
Woykat ya nag, nitu mbalgas ya rekk a leen di topp.
ﯜﯝﯞﯟﯠﯡﯢﯣ
26:225
Xanaa gisoo ne ñoom ci xur wu nekk la ñu fay wëndeelu,
ﯤﯥﯦﯧﯨﯩ
26:226
Te it dañuy wax lu ñu dul def ?
ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾ
26:227
ba mu des woykat ya gëm, te jëf u yiw tey tudd lool Yàlla , ñuy sàkku ndam ci ginnaaw bu ñu leen tooñee. Tooñkat ya xalset nañoo xam naka la ñuy mujje!
Alxuraan bu Tedd bi
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Alxuraan bu Tedd bi mp3
Complete Recitation — حفص عن عاصم
Abdul Basit Alxuraan bu Tedd bi mp3
Complete Recitation — حفص عن عاصم
Mishary Rashid Alafasy Alxuraan bu Tedd bi mp3
Complete Recitation — حفص عن عاصم
Al-Hussary Mahmoud Khalil Alxuraan bu Tedd bi mp3
Complete Recitation — حفص عن عاصم
Muhammad Siddiq Al-Minshawi Alxuraan bu Tedd bi mp3
Complete Recitation — حفص عن عاصم
Abdul Rahman Al-Sudais Alxuraan bu Tedd bi mp3
Complete Recitation — حفص عن عاصم
Saud Al-Shuraim Alxuraan bu Tedd bi mp3
Complete Recitation — حفص عن عاصم
Maher Al-Muaiqly Alxuraan bu Tedd bi mp3
Complete Recitation — حفص عن عاصم