Surah Ash-Shu'ara pdf — Download (Maranao)
Surah Ash-Shu'ara pdf Maranao — Download Surah Ash-Shu'ara Baalikan. Surah Ash-Shu'ara (Meccan) 227 Ayat.
Related
- Surah Ash-Shu'ara BaalikanMaranao
- Surah Ash-Shu'ara mp3Pamakin'eg
- Quran Index Maranao114
More Surah PDF
Surah Ash-Shu'ara
ﭑﭒ
26:1
Ta, Sin, Mim. (So Allah i Matao ko paka-aantapan Iyan on)
ﭓﭔﭕﭖﭗ
26:2
Giyaya na manga ayat ko kitab a miyakawsai
ﭘﭙﭚﭛﭜﭝﭞ
26:3
Baandang ka mapakapaggt a ginawang ka (hay Mohammad) ko di iran kabaloy a khipaparatiyaya
ﭟﭠﭡﭢﭣﭤﭥﭦﭧﭨﭩﭪ
26:4
O kabaya Ami, na pakatoronan Ami siran a phoon ko langit sa tanda, na matatap so manga lig iran sa kapakasosondong iran on
ﭫﭬﭭﭮﭯﭰﭱﭲﭳﭴﭵﭶ
26:5
Na da a phakatalingoma kiran a pananadm a phoon ko (Allah a) Masalinggagaw, a bago, a ba siran da mabaloy a khitatalikhod Rkaniyan
ﭷﭸﭹﭺﭻﭼﭽﭾﭿ
26:6
Na sabnar a piyakambokhag iran (so Rasol): Na phakatalingoma kiran dn so manga totholan ko miyabaloy siran on a gi iran zandagan
ﮀﮁﮂﮃﮄﮅﮆﮇﮈﮉﮊﮋ
26:7
Ba iran da maylay so lopa, - ay kadakl a piyakatho Ami ron ko oman i sasoson a mapiya
ﮌﮍﮎﮏﮐﮑﮒﮓﮔﮕ
26:8
Mataan! a adn a matatago roo man a titho a manga tanda: Na da mabaloy so kadaklan kiran a khipaparatiyaya
ﮖﮗﮘﮙﮚﮛ
26:9
Na mataan! a so Kadnan ka, na titho a Skaniyan so Mabagr, a Makalimoon
ﮜﮝﮞﮟﮠﮡﮢﮣﮤ
26:10
Na gowani na tiyawag o Kadnan ka so Mosa: "Song ka ko pagtaw a manga darowaka
ﮥﮦﮧﮨﮩﮪ
26:11
Pagtaw o Pir´awn: Ino siran di phananggila
ﮫﮬﮭﮮﮯﮰﮱ
26:12
Pitharo iyan: "Kadnan ko, mataan! a sakn na ipkhalk akn o ba ako iran pakambokhaga
ﯓﯔﯕﯖﯗﯘﯙﯚﯛ
26:13
Go gomagt a rarb akn, go di mapkas a dila akn: Na sogoing ka so Haron (sa mimbabid akn)
ﯜﯝﯞﯟﯠﯡﯢ
26:14
Go adn a kasalaan ko kiran, na ipkhalk akn oba ako iran bonoa
ﯣﯤﯥﯦﯧﯨﯩﯪﯫﯬ
26:15
Pitharo (o Allah) a: "Kna pn nai! na lalakaw kano a dowa, rakhs o manga tanda Ami; Mataan! a Skami na babid iyo, a pphamamakin´g
ﯭﯮﯯﯰﯱﯲﯳﯴ
26:16
Na song kano ko Pir´awn, na tharoa niyo a: Mataan! a skami na sogo o Kadnan o manga kaadn
ﯵﯶﯷﯸﯹﯺ
26:17
Botawaning ka rkami so manga moriyataw o Israil
ﯻﯼﯽﯾﯿﰀﰁﰂﰃﰄﰅ
26:18
Pitharo (o Pir´awn): "Ba ami ska da pagoyagoyaga sii rkami, ko kawawatai rka, go miyakatarg ka rkami ko kawyagoyag ka sa miyakaphipira ragon
ﰆﰇﰈﰉﰊﰋﰌﰍ
26:19
Go pinggolawlang ka so pinggolawlang ka, a so pinggolawlang ka (a kiyapamonoo ka), na ska na miyapd ko da a manga tadm iyan
ﭑﭒﭓﭔﭕﭖﭗ
26:20
Pitharo (o Mosa): "Miyanggolawla ko oto, na samawto na sakn na pd ko miyangariribat
ﭘﭙﭚﭛﭜﭝﭞﭟﭠﭡﭢﭣ
26:21
Na piyalagoyang ko skano, ka kagiya inikalk akn skano; na bigan ako o Kadnan ko sa ongangn, go biyaloy ako Niyan a pd ko manga sogo
ﭤﭥﭦﭧﭨﭩﭪﭫﭬ
26:22
Na giyoto man na limo a ipphangalimo o ka rakn oto, sa kiyapangongoripnang ka ko manga moriyataw o Israil
ﭭﭮﭯﭰﭱﭲ
26:23
Pitharo o Pir´awn: "Na antonaa so Kadnan o manga kaadn
ﭳﭴﭵﭶﭷﭸﭹﭺﭻﭼﭽ
26:24
Pitharo (o Mosa) a: "So Kadnan o manga langit ago so lopa, go so nganin a pagltan a dowanan, - o skano na khitotomangkd
ﭾﭿﮀﮁﮂﮃ
26:25
Pitharo (o Pir´awn) ko makalilibt on: "Ba niyo da man´g
ﮄﮅﮆﮇﮈﮉ
26:26
Pitharo (o Mosa) a: "So Kadnan iyo go Kadnan o manga loks iyo a miyangaoona
ﮊﮋﮌﮍﮎﮏﮐﮑ
26:27
Pitharo (o Pir´awn) a: "Mataan! a so sogo rkano a so siyogo rkano na mataan a pmbthangn
ﮒﮓﮔﮕﮖﮗﮘﮙﮚﮛﮜ
26:28
Pitharo iyan a: "Kadnan o sbangan ago so sdpan, go so nganin a pagltan a dowa nan! o skano na zabota niyo
ﮝﮞﮟﮠﮡﮢﮣﮤﮥ
26:29
Pitharo (o Pir´awn) a: "Mataan a o kowa ka sa tohan a salakaw rakn, na sabnar a itapi ami ska dn ko manga kalaboso
ﮦﮧﮨﮩﮪﮫ
26:30
Pitharo iyan: "Ati apiya adn a minioma ko rka a tanda a mapayag
ﮬﮭﮮﮯﮰﮱﯓﯔ
26:31
Pitharo (o Pir´awn): "Na talingomaan ka skaniyan, o miyabaloy ka a pd ko manga bnar
ﯕﯖﯗﯘﯙﯚﯛ
26:32
Na iniithog iyan so badas iyan, na samawto na skaniyan na nipay a mala
ﯜﯝﯞﯟﯠﯡﯢ
26:33
Go tiyonggos iyan a lima niyan, na samawto na skaniyan na sindaw (a miyailay o) khibabantay
ﯣﯤﯥﯦﯧﯨﯩﯪ
26:34
Pitharo (o Pir´awn) ko manga nakoda a lomilibt on a: "Mataan aya! a titho a balik mata a lbi a matao
ﯫﯬﯭﯮﯯﯰﯱﯲﯳ
26:35
Khabayaan iyan a mapakaawa kano niyan ko lopa iyo sabap ko balik mata niyan; na antonaa i pangoyaw niyo
ﯴﯵﯶﯷﯸﯹﯺﯻ
26:36
Pitharo iran a: "Pakalanatang ka skaniyan go so pagari niyan, na sogoing ka so manga ingd sa kalimod iran
ﯼﯽﯾﯿﰀ
26:37
Kaan iran rka mawit so oman i balik mata a lbi a matao
ﰁﰂﰃﰄﰅﰆ
26:38
Na miyatimo so manga balik mata ko diyandi a kapthatalabok, ko gawii a miyapnto
ﰇﰈﰉﰊﰋﰌ
26:39
Na pitharo ko manga manosiya: "Ino skano miyatimo kano
ﭑﭒﭓﭔﭕﭖﭗﭘ
26:40
Kaan tano kawnoti so manga balik mata, o mabaloy siran a siran i mamakadaag
ﭙﭚﭛﭜﭝﭞﭟﭠﭡﭢﭣﭤﭥ
26:41
Na kagiya a makawma so manga balik mata, na pitharo iran ko Pir´awn: "Ino mataan! a adn a mapmbagian ami a titho a balas o mabaloy kami a skami i mamakadaag
ﭦﭧﭨﭩﭪﭫﭬ
26:42
Pitharo iyan: "Oway, go mataan! a skano samawto na pd dn ko manga dadasg (rakn)
ﭭﭮﭯﭰﭱﭲﭳﭴ
26:43
Pitharo kiran o Mosa: "Ithogn iyo so skano na ipagithog iyo
ﭵﭶﭷﭸﭹﭺﭻﭼﭽﭾ
26:44
Na iniithog iran so manga tali ran go so manga badas iran, go pitharo iran: "Ibt ko mnang o Pir´awn, ka mataan! a sktano na sktano dn i phamakapgs
ﭿﮀﮁﮂﮃﮄﮅﮆﮇ
26:45
Na iniithog o Mosa so badas iyan, na samawto na skaniyan na pphlololokn iyan so ipphanaliba iran
ﮈﮉﮊﮋ
26:46
Na miyakasondong so manga balik mata, sa khipakasosodiod
ﮌﮍﮎﮏﮐ
26:47
Pitharo iran: "Piyaratiyaya mi so Kadnan o manga kaadn
ﮑﮒﮓﮔ
26:48
A Kadnan o Mosa ago so Haron
ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬ
26:49
Pitharo (o Pir´awn) a: "Piyaratiyaya niyo to a da akn skano pn kaydini; Mataan! a skaniyan na titho a mala rkano a so miyangndao rkano ko balik mata. Na mataan a katokawan iyo dn. Mataan a pamotolan ko dn so manga lima niyo go so manga ai niyo sa di magonod, go mataan a solaan ko skano dn langon
ﮭﮮﮯﮰﮱﯓﯔﯕﯖ
26:50
Pitharo iran: "A di rkami phakamorala so pkitmo rkami a pd ko siksa sa donya. Mataan! a skami na sii bo ko Kadnan ami phamakandod
ﯗﯘﯙﯚﯛﯜﯝﯞﯟﯠﯡﯢ
26:51
Mataan! a skami na maiinam ami a kanapiya rkami o Kadnan ami ko manga sala ami, sa kiyabaloy ami a paganay ko miyamaratiyaya
ﯣﯤﯥﯦﯧﯨﯩﯪﯫﯬ
26:52
Na iniilaham Ami ko Mosa a: "Panglmn ka so manga oripn ko; mataan! a skano na phanalokonan kano (iran)
ﯭﯮﯯﯰﯱﯲ
26:53
Na siyogoan o Pir´awn so manga bandar a ingd sa kalimod iran
ﯳﯴﯵﯶﯷ
26:54
(Sa gii niyan tharoon:) "Mataan! a siran aya na titho a pagtaw a manga iito
ﯸﯹﯺﯻ
26:55
Go mataan! a siran na titho tano iran a piyakanggani
ﯼﯽﯾﯿ
26:56
Go mataan! a sktano na langon tano dn makaiiktiyar
ﰀﰁﰂﰃﰄ
26:57
Na piyakaawa Ami siran ko manga pamomolan, go so manga bowalan
ﰅﰆﰇﰈ
26:58
Go so manga kakawasaan: Go so darpa a mapiya
ﰉﰊﰋﰌﰍﰎ
26:59
Lagid oto, na piyakipangowarisan Ami oto ko manga moriyataw o Israil
ﰏﰐﰑ
26:60
Na pithalokonan iran siran ko kiyasbangi kiran o alongan
ﭑﭒﭓﭔﭕﭖﭗﭘﭙ
26:61
Na kagiya a makambantaya so dowa a madakl, na pitharo o manga pd o Mosa a: "Mataan! a sktano na praotn tano dn
ﭚﭛﭜﭝﭞﭟﭠﭡ
26:62
Pitharo (o Mosa): "Kna pn nai, mataan! a babid akn so Kadnan ko! na thoroon ako Niyan
ﭢﭣﭤﭥﭦﭧﭨﭩﭪﭫﭬﭭﭮﭯﭰ
26:63
Na iniilaham Ami ko Mosa a: "Bntoln ka so badas ka ko kalodan (na inibntol iyan on). Na miyasray, na mimbaloy so oman i sasray a lagid o palaw a mala
ﭱﭲﭳﭴ
26:64
Na piyakasipg Ami roo so manga salakaw (kiran)
ﭵﭶﭷﭸﭹﭺ
26:65
Na siyabt Ami so Mosa ago so manga pd iyan, sa langon siran
ﭻﭼﭽﭾ
26:66
Oriyan iyan na inld Ami so manga salakaw (kiran)
ﭿﮀﮁﮂﮃﮄﮅﮆﮇﮈ
26:67
Mataan! a adn a matatago roo man a titho a tanda: Na da mabaloy so kadaklan kiran a khipaparatiyaya
ﮉﮊﮋﮌﮍﮎ
26:68
Na mataan! a so Kadnan ka na Skaniyan dn i Mabagr, a Makalimoon
ﮏﮐﮑﮒﮓ
26:69
Na batiyaang ka kiran so totholan ko Ibrahim
ﮔﮕﮖﮗﮘﮙﮚ
26:70
Gowani na pitharo iyan ki ama iyan go so pagtaw niyan: "Antonaa i pzimbaan niyo
ﮛﮜﮝﮞﮟﮠﮡ
26:71
Pitharo iran a: "Pzimba kami sa manga barahala, na gii ami mbabasaalongan an a kapzimba ami ron
ﮢﮣﮤﮥﮦﮧ
26:72
Pitharo iyan a: "Ino pkhan´g kano iran ko masa a kapphanongganoya niyo (kiran)
ﮨﮩﮪﮫﮬ
26:73
O di na khapiyaan kano iran, odi na khabinasaan kano iran
ﮭﮮﮯﮰﮱﯓﯔ
26:74
Pitharo iran a: "Kna, ka miyatoon ami so manga loks ami a lagid oto a gi iran nggolawlaan
ﯕﯖﯗﯘﯙﯚ
26:75
Pitharo iyan: "Ay gda iyo ko skano na pzimbaan iyo
ﯛﯜﯝﯞ
26:76
Skano go so manga loks iyo a miyangaoona
ﯟﯠﯡﯢﯣﯤﯥ
26:77
Na mataan! a siran na ridoay akn, inonta so Kadnan o manga kaadn
ﯦﯧﯨﯩﯪ
26:78
A so miyadn rakn, go Skaniyan i pnggonanao rakn
ﯫﯬﯭﯮﯯ
26:79
Go Skaniyan i pphakakan rakn, go pphakaynom rakn
ﯰﯱﯲﯳﯴ
26:80
Go igira a miyasakit ako, na Skaniyan i pphakapiya rakn
ﯵﯶﯷﯸﯹ
26:81
Go Skaniyan i phakapatay rakn, oriyan iyan na pagoyagn ako Niyan
ﯺﯻﯼﯽﯾﯿﰀﰁﰂ
26:82
Go Skaniyan i phangangarapanan ko, sa napi Niyan rakn so kasalaan ko ko gawii a kapamalas
ﰃﰄﰅﰆﰇﰈﰉ
26:83
Kadnan ko, bgi akong ka sa ongangn, go tapiin akong Ka ko manga bilangataw
ﭑﭒﭓﭔﭕﭖﭗ
26:84
Go snggay akong ka sa bantogan a mapiya sii ko phangaoori
ﭘﭙﭚﭛﭜﭝ
26:85
Go baloya kong ka a pd ko manga waris ko sorga a pakalma
ﭞﭟﭠﭡﭢﭣﭤ
26:86
Go napiing Ka si ama, mataan! a skaniyan na miyabaloy a pd ko miyangadadadag
ﭥﭦﭧﭨﭩ
26:87
Go di akong Ka phakarondana ko gawii a kawyag a kiran (ko alongan a qiyamah)
ﭪﭫﭬﭭﭮﭯﭰ
26:88
Gawii a di phakanggay a gona so tamok, go so manga wata
ﭱﭲﭳﭴﭵﭶﭷ
26:89
Inonta so taw a minitalingoma niyan ko Allah so poso a linang
ﭸﭹﭺﭻ
26:90
Na ipakarani so sorga ko miyamananggila
ﭼﭽﭾﭿ
26:91
Go pakisandngan so naraka Jahim ko miyangadadadag
ﮀﮁﮂﮃﮄﮅﮆ
26:92
Go tharoon kiran: Anda so skano na pzimbaan iyo
ﮇﮈﮉﮊﮋﮌﮍﮎ
26:93
A salakaw ko Allah? Ino khatabangan kano iran, odi na khatabangan iran a ginawa iran?´
ﮏﮐﮑﮒﮓ
26:94
Na panalimpatoon siran roo, - siran ago so miyangadadadag
ﮔﮕﮖﮗ
26:95
Go so pagtaw o iblis sa kasamasama iran
ﮘﮙﮚﮛﮜ
26:96
Tharoon iran a siran na gii siran roo zasawala
ﮝﮞﮟﮠﮡﮢﮣ
26:97
Ibt ko Allah, ka mataan a miyatago kami dn ko kadadag a mapayag
ﮤﮥﮦﮧﮨ
26:98
Gowani a irimbang ami skano ko Kadnan o manga kaadn
ﮩﮪﮫﮬﮭ
26:99
Na da a miyakadadag rkami a rowar ko manga rarata i ongar
ﮮﮯﮰﮱﯓ
26:100
Na da a bagian ami a phamakaogop
ﯔﯕﯖﯗ
26:101
Go da a bolayoka a gomagt sa ginawa (ko masosowa ami)
ﯘﯙﯚﯛﯜﯝﯞﯟ
26:102
Na o mataan! a adn a kapakakasoy ami (sa doniya), na mabaloy kami a pd ko miyamaratiyaya
ﯠﯡﯢﯣﯤﯥﯦﯧﯨﯩ
26:103
Mataan! a adn a matatago roo man a titho a tanda, na da mabaloy so kadaklan kiran a khipaparatiyaya
ﯪﯫﯬﯭﯮﯯ
26:104
Na mataan! a so Kadnan ka na Skaniyan dn so Mabagr, a Makalimoon
ﯰﯱﯲﯳﯴ
26:105
Piyakambokhag o pagtaw o Noh so manga sogo
ﯵﯶﯷﯸﯹﯺﯻﯼ
26:106
Gowani na pitharo kiran o pagari ran a Noh: Ino kano di phananggila
ﯽﯾﯿﰀﰁ
26:107
Mataan! a sakn na sogo rkano a kasasanaan
ﰂﰃﰄﰅ
26:108
Na kalkn iyo so Allah, go onoti ako niyo
ﰆﰇﰈﰉﰊﰋﰌﰍﰎﰏﰐﰑﰒ
26:109
Na da a phangnin ko rkano saya a balas: da a balas rakn inonta sii ko Kadnan o manga kaadn
ﰓﰔﰕﰖ
26:110
Na kalkn iyo so Allah, go onoti ako niyo
ﰗﰘﰙﰚﰛﰜﰝ
26:111
Pitharo iran: Ino ami ska pharatiyayaa, a aya phagonot rka na so tanto a manga bababa
ﭑﭒﭓﭔﭕﭖﭗ
26:112
Pitharo iyan a: "Da ko katao akn so nganin a siran na gi iran nggolawlaan
ﭘﭙﭚﭛﭜﭝﭞﭟﭠ
26:113
So itongan kiran na sii bo ko Kadnan ko, o katawi niyo
ﭡﭢﭣﭤﭥ
26:114
Na kna a ba rakn pakiphamogawn so miyamaratiyaya
ﭦﭧﭨﭩﭪﭫ
26:115
Sakn na matag ako pphamakaiktiyar a mapayag
ﭬﭭﭮﭯﭰﭱﭲﭳﭴ
26:116
Pitharo iran a: "Mataan! a o ding ka gnki, hay Noh! na mataan a khabaloy ka dn a pd ko praradiyamn
ﭵﭶﭷﭸﭹﭺ
26:117
Pitharo iyan: "Kadnan ko, mataan! a so pagtaw akn na piyakambokhag ako iran
ﭻﭼﭽﭾﭿﮀﮁﮂﮃﮄ
26:118
Na kokoma kong Ka ago siran sa kokoman (a ontol), go sabt akong Ka ago so manga pd akn a miyamaratiyaya
ﮅﮆﮇﮈﮉﮊﮋ
26:119
Na siyabt Ami skaniyan ago so manga pd iyan, ko kapal a mappno
ﮌﮍﮎﮏﮐ
26:120
Oriyan iyan na inld Ami ko kiyaipos oto so miyangalalamba
ﮑﮒﮓﮔﮕﮖﮗﮘﮙﮚ
26:121
Mataan! a adn a matatago roo man a titho a tanda: Na da mabaloy so kadaklan kiran a khipaparatiyaya
ﮛﮜﮝﮞﮟﮠ
26:122
Na mataan! a so Kadnan ka na Skaniyan dn so Mabagr, a Makalimoon
ﮡﮢﮣﮤ
26:123
Piyakambokhag o (pagtaw a) Ad so manga sogo
ﮥﮦﮧﮨﮩﮪﮫﮬ
26:124
Gowani na pitharo kiran o pagari ran a Hod: "Ino kano di phananggila
ﮭﮮﮯﮰﮱ
26:125
Mataan! a sakn na sogo rkano a kasasarigan
ﯓﯔﯕﯖ
26:126
Na kalkn iyo so Allah go onoti ako niyo
ﯗﯘﯙﯚﯛﯜﯝﯞﯟﯠﯡﯢﯣ
26:127
Go da a phangning ko rkano saya a balas: da a balas rakn inonta so sii ko Kadnan o manga kaadn
ﯤﯥﯦﯧﯨﯩ
26:128
Ino kano gii mbabalay ko oman i darpa a maporo sa toos a karimbaran niyo
ﯪﯫﯬﯭﯮ
26:129
Go pphangmbaal kano sa manga torogan, ka ang kano makakal
ﯯﯰﯱﯲﯳ
26:130
Go igira a minggolima kano, na minggolima kano a khipammndg
ﯴﯵﯶﯷ
26:131
Na kalkn iyo so Allah, go onoti ako niyo
ﯸﯹﯺﯻﯼﯽ
26:132
Na kalkn iyo so (Allah a) migay rkano ko nganin a katawan iyo
ﯾﯿﰀﰁ
26:133
Migay rkano ko manga ayam go manga wata
ﰂﰃﰄ
26:134
Go manga pamomolan go manga bowalan
ﰅﰆﰇﰈﰉﰊﰋ
26:135
Mataan! a sakn na ikhawan akn skano ko siksa ko gawii a mala
ﰌﰍﰎﰏﰐﰑﰒﰓﰔﰕ
26:136
Pitharo iran: "Magizan rkami o ino miyangthoma ka antawaa da ka mabaloy a pd ko manga pangngthoma
ﭑﭒﭓﭔﭕﭖ
26:137
Da ko ngkaya inonta na parangay o miyangaoona
ﭗﭘﭙﭚ
26:138
Na kna a ba kami phangasisiksa
ﭛﭜﭝﭞﭟﭠﭡﭢﭣﭤﭥﭦﭧ
26:139
Na piyakambokhag iran skaniyan, na bininasa Mi siran. Mataan! a adn a matatago roo man a titho a tanda: Na da mabaloy so kadaklan kiran a khipaparatiyaya
ﭨﭩﭪﭫﭬﭭ
26:140
Mataan! a so Kadnan ka na Skaniyan dn so Mabagr, a Makalimoon
ﭮﭯﭰﭱ
26:141
Piyakambokhag o (pagtaw a) Samod so manga sogo
ﭲﭳﭴﭵﭶﭷﭸﭹ
26:142
Gowani na pitharo kiran o pagari ran a Salih: "Ino kano di phananggila
ﭺﭻﭼﭽﭾ
26:143
Mataan! a sakn na sogo rkano a kasasanaan
ﭿﮀﮁﮂ
26:144
Na kalkn iyo so Allah, go onoti ako niyo
ﮃﮄﮅﮆﮇﮈﮉﮊﮋﮌﮍﮎﮏ
26:145
Na da a phangnin ko rkano saya a balas: da a balas rakn inonta so sii ko Kadnan o manga kaadn
ﮐﮑﮒﮓﮔﮕ
26:146
Ba kano khibagak, sii ko nganin a matatago sii, a khisasarig kano
ﮖﮗﮘﮙ
26:147
Sii ko manga pamomolan go manga bowalan
ﮚﮛﮜﮝﮞ
26:148
Go manga prpran, go manga korma a so onga niyan na kiya lotoan
ﮟﮠﮡﮢﮣﮤ
26:149
Go pphamso kano ko manga palaw sa manga walay, a pkhababaya kano
ﮥﮦﮧﮨ
26:150
Na kalkn iyo so Allah, go onoti ako niyo
ﮩﮪﮫﮬﮭ
26:151
Na di niyo pagonoti so sogoan o manga malawani
ﮮﮯﮰﮱﯓﯔﯕ
26:152
A siran na pphaminasa siran ko lopa, go di siran phangompiya
ﯖﯗﯘﯙﯚﯛ
26:153
Pitharo iran a: "Ska na pd dn ko khitataraponan
ﯜﯝﯞﯟﯠﯡﯢﯣﯤﯥﯦﯧ
26:154
Kna a ba ka di manosiya a lagid ami: Na bgay ka sa tanda, o ska na pd ko manga bnar
ﯨﯩﯪﯫﯬﯭﯮﯯﯰﯱ
26:155
Pitharo iyan a: "Katii so onta a adn a kipantag iyan ko kaynom, go adn a kipantag iyo ko kaynom, ko gawii a mappnto
ﯲﯳﯴﯵﯶﯷﯸﯹ
26:156
Na di niyo zogata skaniyan a marata, ka madansal kano a siksa ko gawii a mala
ﯺﯻﯼﯽ
26:157
Na biyono iran oto: Na miyabaloy siran a miyamakazndit
ﯾﯿﰀﰁﰂﰃﰄﰅﰆﰇﰈﰉﰊ
26:158
Na miyadansal siran o siksa. Mataan! a adn a madadalm roo man a titho a tanda: Na da mabaloy so kadaklan kiran a khipaparatiyaya
ﰋﰌﰍﰎﰏﰐ
26:159
Na mataan! a so Kadnan ka na Skaniyan dn so Mabagr, a Makalimoon
ﭑﭒﭓﭔﭕ
26:160
Piyakambokhag o pagtaw o Lot so manga sogo
ﭖﭗﭘﭙﭚﭛﭜﭝ
26:161
Gowani na pitharo kiran o pagari ran a Lot: "Ino kano di phananggila
ﭞﭟﭠﭡﭢ
26:162
Mataan! a sakn na sogo rkano a kasasanaan
ﭣﭤﭥﭦ
26:163
Na kalkn iyo so Allah, go onoti ako niyo
ﭧﭨﭩﭪﭫﭬﭭﭮﭯﭰﭱﭲﭳ
26:164
Na da a phangnin ko rkano saya a balas: da a balas rakn inonta so sii ko Kadnan o manga kaadn
ﭴﭵﭶﭷﭸ
26:165
Ino niyo pphangabaya i so manga mama ko manga kaadn
ﭹﭺﭻﭼﭽﭾﭿﮀﮁﮂﮃﮄﮅ
26:166
Na pngganatan iyo so inadn rkano o Kadnan iyo a manga karoma niyo? Kna, ka skano na pagtaw a manga malawani
ﮆﮇﮈﮉﮊﮋﮌﮍﮎ
26:167
Pitharo iran a: "Mataan a o ding ka gnki, hay Lot! na mataan a khabaloy ka dn a pd ko piyamakaawa
ﮏﮐﮑﮒﮓﮔ
26:168
Pitharo iyan a: "Mataan! a sakn na pd ko pkhakararangit ko galbk iyo
ﮕﮖﮗﮘﮙﮚ
26:169
Kadnan ko, sabt akong Ka ago so taalok rakn, phoon ko gi iran nggolawlaan
ﮛﮜﮝﮞ
26:170
Na siyabt Ami skaniyan ago so taalok on a kasamasama iran
ﮟﮠﮡﮢﮣ
26:171
Inonta so loks (a karoma niyan) ka minitapi ko miyangakakakal ko siksa
ﮤﮥﮦﮧ
26:172
Oriyan iyan na piyolang Ami so manga salakaw (kiran)
ﮨﮩﮪﮫﮬﮭﮮﮯ
26:173
Go piyakaoranan Ami siran sa oran (a ator): Na miyakaratarata a inioran ko piyamakaiktiyar (a da dn paratiyaya)
ﮰﮱﯓﯔﯕﯖﯗﯘﯙﯚ
26:174
Mataan! a adn a matatago roo man a titho a tanda: Na da mabaloy so kadaklan kiran a khipaparatiyaya
ﯛﯜﯝﯞﯟﯠ
26:175
Na mataan! a so Kadnan ka na Skaniyan dn so Mabagr, a Makalimoon
ﯡﯢﯣﯤﯥ
26:176
Piyakambokhag o manga taw sa Aykah so manga sogo
ﯦﯧﯨﯩﯪﯫﯬ
26:177
Gowani na pitharo kiran o Shoayb: "Ino kano di phananggila
ﯭﯮﯯﯰﯱ
26:178
Mataan! a sakn na sogo rkano a kasasanaan
ﯲﯳﯴﯵ
26:179
Na kalkn iyo so Allah, go onoti ako niyo
ﯶﯷﯸﯹﯺﯻﯼﯽﯾﯿﰀﰁﰂ
26:180
Na da a phangnin ko rkano saya a balas: da a balas rakn inonta so sii ko Kadnan o manga kaadn
ﰃﰄﰅﰆﰇﰈﰉﰊ
26:181
Tarotopa niyo so kapagasad, na oba kano mabaloy a pd ko pphamangorang
ﰋﰌﰍﰎ
26:182
Na thimbang kano ko timbangan a makaoontol
ﰏﰐﰑﰒﰓﰔﰕﰖﰗﰘ
26:183
Go da a khoranga niyo ko manga manosiya ko nganinganin iran, go di kano phangalandada ko lopa, a pphamaminasa kano
ﭑﭒﭓﭔﭕﭖ
26:184
Go kalkn iyo so (Allah a) miyadn rkano, go (miyadn ko) manga kaadn a miyangaoona
ﭗﭘﭙﭚﭛﭜ
26:185
Pitharo iran a: "Ska na pd dn ko khitataraponan
ﭝﭞﭟﭠﭡﭢﭣﭤﭥﭦ
26:186
Na kna a ba ka di manosiya a lagid ami, na mataan! a arangan ami rka na pd dn ko manga bokhag
ﭧﭨﭩﭪﭫﭬﭭﭮﭯﭰ
26:187
Na ologi kaming ka sa pisagintasan ko siksa ko langit, o ska na pd ko manga bnar
ﭱﭲﭳﭴﭵﭶ
26:188
Pitharo iyan a: "So Kadnan ko i Matao ko gii niyo nggolawlaan
ﭷﭸﭹﭺﭻﭼﭽﭾﭿﮀﮁﮂ
26:189
Na piyakambokhag iran skaniyan. Na miyadansal siran o siksa ko alongan a kinilalansay o gabon. Mataan aya! a miyabaloy a siksa ko alongan a mala
ﮃﮄﮅﮆﮇﮈﮉﮊﮋﮌ
26:190
Mataan! a adn a matatago roo man a titho a tanda: Na da mabaloy so kadaklan kiran a khipaparatiyaya
ﮍﮎﮏﮐﮑﮒ
26:191
Na mataan! a so Kadnan ka na skaniyan dn so Mabagr, a Makalimoon
ﮓﮔﮕﮖﮗ
26:192
Na mataan a giya Qor´an aya! a titho a initoron o Kadnan o manga kaadn
ﮘﮙﮚﮛﮜ
26:193
Initoron aya o Niyawa a Kasasarigan (a so Jibril)
ﮝﮞﮟﮠﮡﮢ
26:194
Sii ko poso o ka (hay Mohammad), ka ang ka mabaloy a pd ko miyamakaiktiyar
ﮣﮤﮥﮦ
26:195
Sa basa Arab a mapayag
ﮧﮨﮩﮪﮫ
26:196
Na mataan aya! a titho a madadalm ko manga kitab a miyangaoona
ﮬﮭﮮﮯﮰﮱﯓﯔﯕﯖ
26:197
Ba da a miyaadn kiran a tanda a katawan skaniyan o manga olama ko manga moriyataw o Israil
ﯗﯘﯙﯚﯛﯜ
26:198
Na o initoron Ami skaniyan ko sabaad ko kna a ba manga Arab
ﯝﯞﯟﯠﯡﯢﯣ
26:199
Na go niyan kiran oto biyatiya, na di iran oto pharatiyayaan
ﯤﯥﯦﯧﯨﯩ
26:200
Lagid aya a kiyapakasold Ami ron ko manga poso o manga rarata i ongar
ﯪﯫﯬﯭﯮﯯﯰﯱ
26:201
Di iran oto pharatiyayaan taman sa di iran kasandngan so siksa a malipds
ﯲﯳﯴﯵﯶﯷ
26:202
Na makatalingoma kiran (so siksa) sa mitalmba, a siran na di iran maiin´ngka
ﯸﯹﯺﯻﯼ
26:203
Na matharo iran: "Ino sktano khataalik rktano
ﯽﯾﯿ
26:204
(Pitharo o Allah:) Ino a so siksa Ami na pphangnin iran a kagaan iyan
ﰀﰁﰂﰃﰄ
26:205
Ay gdaa ka? Amay ka pakasawitn Ami siran ko kapipiya a ginawa sa phipira ragon
ﰅﰆﰇﰈﰉﰊ
26:206
Oriyan iyan na makawma kiran so inidiyandi kiran (a siksa)
ﭑﭒﭓﭔﭕﭖﭗ
26:207
Na di kiran makalinding so piyakisawitan kiran a kapipiya ginawa
ﭘﭙﭚﭛﭜﭝﭞﭟ
26:208
Na da a bininasa Mi a phagingd, a ba da a miyamakaiktiyar on
ﭠﭡﭢﭣﭤ
26:209
Pananadm; na kna a ba Kami manga salimbot
ﭥﭦﭧﭨﭩ
26:210
Go kna a ba initoron skaniyan o manga shaytan
ﭪﭫﭬﭭﭮﭯ
26:211
Go di kiran patot, go di iran khagaga
ﭰﭱﭲﭳﭴ
26:212
Mataan! a siran na so kapamamakin´g (ko langit) na piyakignkan kiran dn
ﭵﭶﭷﭸﭹﭺﭻﭼﭽﭾ
26:213
Na di ka phanongganoy sa pd o Allah, a tohan a salakaw ka mabaloy ka a pd ko phangasisiksa
ﭿﮀﮁﮂ
26:214
Na pakaiktiyarang ka so manga tonganaing ka, a manga dadasg
ﮃﮄﮅﮆﮇﮈﮉ
26:215
Go pakainayang ka so gowagowaing ka ko taw a miyonot rka, a pd ko miyamaratiyaya
ﮊﮋﮌﮍﮎﮏﮐﮑ
26:216
Na amay ka sorangng ka iran, na tharoang ka a: "Mataan! a sakn na angiyas ako ko gii niyo nggolawlaan
ﮒﮓﮔﮕﮖ
26:217
Go panarig ka ko (Allah a) Mabagr, a Makalimoon
ﮗﮘﮙﮚﮛ
26:218
A so Pphakaylay rka ko masa a kapthindg ka
ﮜﮝﮞﮟ
26:219
Go so kapphagkaskas ka a rakhs o pphamanojiod
ﮠﮡﮢﮣﮤ
26:220
Mataan aya! a Skaniyan so Pphakan´g, a Matao
ﮥﮦﮧﮨﮩﮪﮫ
26:221
Ba ko rkano phanothola, so taw a pthpadan o manga shaytan
ﮬﮭﮮﮯﮰﮱ
26:222
Pthpad ko oman i bokhag, a baradosa
ﯓﯔﯕﯖﯗ
26:223
A tatandangan iran sa pamamakin´gan (so manga shaytan), na so kadaklan kiran na manga bokhag
ﯘﯙﯚﯛ
26:224
Na so manga pababayok, na phagonotan siran o miyangadadadag
ﯜﯝﯞﯟﯠﯡﯢﯣ
26:225
Bang ka da maylay a mataan! a siran na pphromparompak siran ko oman i laboay
ﯤﯥﯦﯧﯨﯩ
26:226
Go mataan a siran na gi iran tharoon so di iran pnggolawlaan
ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾ
26:227
Tabiya on so miyamaratiyaya, go pinggalbk iran so manga pipiya, go tiyadman iran so Allah sa madakl, go siyabt iran a ginawa iran ko oriyan o kiyasalimboti kiran; na katokawan dn o siran a manga salimbot o antonaa darpa i khandodan iran
Qur-an a Soti
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qur-an a Soti mp3
Complete Recitation — حفص عن عاصم
Abdul Basit Qur-an a Soti mp3
Complete Recitation — حفص عن عاصم
Mishary Rashid Alafasy Qur-an a Soti mp3
Complete Recitation — حفص عن عاصم
Al-Hussary Mahmoud Khalil Qur-an a Soti mp3
Complete Recitation — حفص عن عاصم
Muhammad Siddiq Al-Minshawi Qur-an a Soti mp3
Complete Recitation — حفص عن عاصم
Abdul Rahman Al-Sudais Qur-an a Soti mp3
Complete Recitation — حفص عن عاصم
Saud Al-Shuraim Qur-an a Soti mp3
Complete Recitation — حفص عن عاصم
Maher Al-Muaiqly Qur-an a Soti mp3
Complete Recitation — حفص عن عاصم