Suuratu Ash-Shu'ara pdf Oromo

PDF —

227 Aayah Meccan PDF

Built right in your browser — download starts automatically

Suuratu Ash-Shu'ara pdf — Buufi (Oromo)

Suuratu Ash-Shu'ara pdf Oromo — Buufi Suuratu Ash-Shu'ara Hiikkaa. Suuratu Ash-Shu'ara (Meccan) 227 Aayah.

← Al-FurqanSuuratu Ash-Shu'ara An-Naml →

📚 Dubbisi 🎧 Caqasi mp3 📜 Qur'ana Kabajamaa

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu Ash-Shu'ara

227 Aayah · Meccan · Oromo

ﭑﭒ

26:1 Xaa Siin Miim

ﭓﭔﭕﭖﭗ

26:2 Kun keeyyattoota kitaaba (dhugaa soba irraa) adda baasaa ta’eeti

ﭘﭙﭚﭛﭜﭝﭞ

26:3 (Yaa Muhammad!) Ati Mu’uminoota ta’uu dhabuu isaaniitiif [gaddaan] lubbuu kee baasuun siif sodaatama

ﭟﭠﭡﭢﭣﭤﭥﭦﭧﭨﭩﭪ

26:4 Odoo feenee samii irraa mallattoo isaan irratti buufnee (isheedhaaf ajajamuun) mormi isaanii isheedhaaf gadi jedhaa taati ture

ﭫﭬﭭﭮﭯﭰﭱﭲﭳﭴﭵﭶ

26:5 Isaan kan sobsiisan ta’anii malee gorsi (kitaabni) haaraan Rahmaan irraa isaaniif kan dhufu hin taane

ﭷﭸﭹﭺﭻﭼﭽﭾﭿ

26:6 Dhugumatti isaan [Qur’aana kana] sobsiisaniiruOduun waan isaan itti qishnaa (qoosaa) turanii isaanitti dhufuuf jira

ﮀﮁﮂﮃﮄﮅﮆﮇﮈﮉﮊﮋ

26:7 Sila gara Dachii akka nuti gosoota gaggaarii hunda irraa meeqaatama ishee keessatti biqilchine isaan hin ilaallee

ﮌﮍﮎﮏﮐﮑﮒﮓﮔﮕ

26:8 Dhugumatti, sana keessa mallattootu jiraIrra hedduun isaaniis kan amanan hin taane

ﮖﮗﮘﮙﮚﮛ

26:9 Dhugumatti Gooftaan kee Isatu injifataa, rahmata godhaadha

ﮜﮝﮞﮟﮠﮡﮢﮣﮤ

26:10 Yeroo Gooftaan kee “Gara ummata miidhaa dalagdootaa deemi” [jedhee] Muusaa waame [yaadadhu]

ﮥﮦﮧﮨﮩﮪ

26:11 “Gara ummata Fir’awn [dhaqi]Sila Rabbiin hin sodaatanii? [jedhiin].”

ﮫﮬﮭﮮﮯﮰﮱ

26:12 [Muusaanis] ni jedhe: “Gooftaa kiyya! Dhugumatti, ani na sobsiisuun sodaadha

ﯓﯔﯕﯖﯗﯘﯙﯚﯛ

26:13 [Yoo na sobsiisan] qomti kiyyas ni dhiphataArrabni kiyyas hin diriiruKanaafuu gara Haaruunitti ergi

ﯜﯝﯞﯟﯠﯡﯢ

26:14 Isaaniifis yakka [dhiigaatu] narra jira; kanaafuu na ajjeesuun sodaadha.”

ﯣﯤﯥﯦﯧﯨﯩﯪﯫﯬ

26:15 [Rabbiinis] ni jedhe: “lakki! (si hin ajjeesanu)Isin lamaan mallattoolee keenyaan deemaaDhugumatti, Nuti isinii waliin dhageeffatoota.”

ﯭﯮﯯﯰﯱﯲﯳﯴ

26:16 “Fir’awnitti dhaqaatii ‘Nuti ergamaa Gooftaa aalama hundaati’ jedhaa

ﯵﯶﯷﯸﯹﯺ

26:17 “Ilmaan Israa’iil nu waliin gadi dhiisi” jechuudhaan [ergamne jedhaa]

ﯻﯼﯽﯾﯿﰀﰁﰂﰃﰄﰅ

26:18 [Fir’awnis] ni jedhe: “sila nuti mucaa xiqqaa taatee of biratti si hin guddifnee? Umrii kee irraas waggoota baay’ee nu keessa hin turree

ﰆﰇﰈﰉﰊﰋﰌﰍ

26:19 Dalagaa kee ishee dalagde (ajjeechaa raawwatte) sanas hin hojjannee? Ati gantoota irraahi” [jedhe]

ﭑﭒﭓﭔﭕﭖﭗ

26:20 [Muusaanis] ni jedhe: “Yeroo san wallaaltota irraa ta’een ishee hojjadhe

ﭘﭙﭚﭛﭜﭝﭞﭟﭠﭡﭢﭣ

26:21 Yeroman isin sodaadhun isin irraa dheesse; Gooftaan kiyyas beekumsa naaf kennee ergamtoota irraa na godhe

ﭤﭥﭦﭧﭨﭩﭪﭫﭬ

26:22 Sunis Ilmaan Israa’iil gabra godhachuu keetiin tola ati narratti himattuudha.”

ﭭﭮﭯﭰﭱﭲ

26:23 Fir’awn “gooftaan aalama hundaa maali?” jedhe

ﭳﭴﭵﭶﭷﭸﭹﭺﭻﭼﭽ

26:24 [Muusaanis]: “gooftaa Samii, Dachiifi waan gidduu isaan lamaaniiti; yoo kan dhugoomsitan taatan [itti amanaa]” jedheen

ﭾﭿﮀﮁﮂﮃ

26:25 [Fir’awnis] namoota maddii isaa jiraniin “Sila [waan inni jedhu] hin dhageessanuu?” jedhe

ﮄﮅﮆﮇﮈﮉ

26:26 [Muusaan] “Gooftaa keessaniifi Gooftaa abbootii keessan kan jalqabaati” jedhe

ﮊﮋﮌﮍﮎﮏﮐﮑ

26:27 [Fir’awn] “ergamaan keessan inni gara keessanitti ergame dhugumatti maraatuudha” jedhe

ﮒﮓﮔﮕﮖﮗﮘﮙﮚﮛﮜ

26:28 [Muusaan] “Gooftaa Bahaa, Dhihaafi waan gidduu isaan lamaanii jiruuti; yoo kan hubattan taataniif [itti amanaa]” jedhe

ﮝﮞﮟﮠﮡﮢﮣﮤﮥ

26:29 [Fir’awn] “dhugumatti, yoo ati ana malee gabbaramaa biraa godhatte, hidhamtoota irraan si taasisa” jedhe

ﮦﮧﮨﮩﮪﮫ

26:30 [Muusaan] “sila odoo waan (ragaa) ifa ta’een sitti dhufeellee moo?” jedhe

ﮬﮭﮮﮯﮰﮱﯓﯔ

26:31 [Fir’awn] “yoo warra dhugaa dubbatan irraa taate isa fidi” jedhe

ﯕﯖﯗﯘﯙﯚﯛ

26:32 [Muusaan] ulee isaa ni darbateYeroma san isheen jawwee ifa galaa taate

ﯜﯝﯞﯟﯠﯡﯢ

26:33 Harka isaas [bobaa isaa jalaa] ni baase; Yeroma san isheen warra ilaalaniif adii taate

ﯣﯤﯥﯦﯧﯨﯩﯪ

26:34 [Fir’awn] qondaaltota naanna’a isaa jiraniin “dhugumatti, kun saahiree (falfalaa) akkaan beekaadha” jedhe

ﯫﯬﯭﯮﯯﯰﯱﯲﯳ

26:35 “Sihrii isaatiin dachii keessan irraa isin baasuu fedhaa, isin immoo maalitti na ajajju” (jedhe)

ﯴﯵﯶﯷﯸﯹﯺﯻ

26:36 [Isaanis] ni jedhan: “Isaafi obboleessa isaas tursiisiMagaalota keessattis walitti qabdoota ergi

ﯼﯽﯾﯿﰀ

26:37 Saahiroota (falfaltoota) beekumsa qaban hundaan sitti haa dhufanu.”

ﰁﰂﰃﰄﰅﰆ

26:38 Saahiroonnis beellama guyyaa beekamaatiif walitti qabaman

ﰇﰈﰉﰊﰋﰌ

26:39 Namootaanis ni jedhame: “Isin sila walitti qabamtanii? (Dafaa walitti qabamaa)

ﭑﭒﭓﭔﭕﭖﭗﭘ

26:40 Yoo isaan kan injifatan ta’an, Saahiroota (falfaltoota) hordofuun keenya ni kajeelamaa.”

ﭙﭚﭛﭜﭝﭞﭟﭠﭡﭢﭣﭤﭥ

26:41 Falfaltoonni yeroma dhufan, Fir’awniin “Sila dhugumatti yoo nuti mo’attoota taaneef mindaan nuuf jiraa? ” jedhan

ﭦﭧﭨﭩﭪﭫﭬ

26:42 [Fir’awnis] “Eeyyeen; isin yoosan [natti] dhihaattota irraa taatu” jedhe

ﭭﭮﭯﭰﭱﭲﭳﭴ

26:43 Muusaanis “Isin waan darbuu feetan darbaa” isaanin jedhe

ﭵﭶﭷﭸﭹﭺﭻﭼﭽﭾ

26:44 Haadaafi uleewwan isaanii ni darban; “Jabeenya Fir’awniin! Nuti dhugumatti nutu injifattoota” jedhan

ﭿﮀﮁﮂﮃﮄﮅﮆﮇ

26:45 Muusaanis ulee isaa ni darbateYeroma san isheen waan isaan sobaan fakkeessan hunda liqimsite

ﮈﮉﮊﮋ

26:46 Falfaltoonnis [yeroma kana argan] sujuuda bu’aa ta’anii gadi kufan

ﮌﮍﮎﮏﮐ

26:47 Ni jedhanis: “Gooftaa aalama hundaatti amanne

ﮑﮒﮓﮔ

26:48 Gooftaa Muusaafi Haaruunitti.”

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬ

26:49 [Fir’awnis] ni jedhe: “Odoo ani isiniif hin eeyyamin isatti amantanii? Dhugumatti, inni hayyuu keessan kan sihrii isin barsiiseedhaFuuldurattis [waan ta’u] beekuuf jirtuDhugumatti, ani Harka keessaniifi Luka keessan wal-faallessuudhaan isin irraan mummuraDhugumatti hunduma keessan isinin fannisa.”

ﮭﮮﮯﮰﮱﯓﯔﯕﯖ

26:50 Ni jedhan: “Miidhaan [nurra] hin jiru! Dhugumatti, nuti gara Gooftaa keenyaa deebi’oodha

ﯗﯘﯙﯚﯛﯜﯝﯞﯟﯠﯡﯢ

26:51 Dhugumatti, nuti warra jalqaba amanan ta’uudhaan Rabbiin keenya badii keenya nuuf araaramuu ni kajeella .”

ﯣﯤﯥﯦﯧﯨﯩﯪﯫﯬ

26:52 Gara Muusaattis “halkaniin gabroota kiyyaan deemi (baqadhu) dhugumatti isin [diinota keessaniin] hordofamoodha” jechuun wahyii goone

ﯭﯮﯯﯰﯱﯲ

26:53 Fir’awnis magaalota keessatti walitti qabdoota ergee

ﯳﯴﯵﯶﯷ

26:54 “Dhugumatti warri kun gareewwan xiqqoodha

ﯸﯹﯺﯻ

26:55 Isaanis dhugumatti nu dallansiisoodha

ﯼﯽﯾﯿ

26:56 Nutis baay’ee of eegdota” [jedhe]

ﰀﰁﰂﰃﰄ

26:57 Ashaakiltiileefi burqaawwan irraas isaan baafne

ﰅﰆﰇﰈ

26:58 Kuusaa qabeenyaafi iddoowwan kabajamaa irraas

ﰉﰊﰋﰌﰍﰎ

26:59 Akka kanatti Ilmaan Israa’iil ishee dhaalchifne

ﰏﰐﰑ

26:60 Bariifatoo ta’anii isaan hordofan

ﭑﭒﭓﭔﭕﭖﭗﭘﭙ

26:61 Yeroma gareen lamaan wal argan, gareen Muusaa “nuti dhugumatti [garee Fir’awniin] dhaqqabamoodha” jedhan

ﭚﭛﭜﭝﭞﭟﭠﭡ

26:62 [Muusaan] ni jedhe: “lakkisaa! Dhugumatti, Gooftaan kiyya na wajjin jiraInni [furmaatatti] na qajeelcha.”

ﭢﭣﭤﭥﭦﭧﭨﭩﭪﭫﭬﭭﭮﭯﭰ

26:63 Gara Muusaatti “ulee keetiin galaana rukuti” jechuun wahyii goone[Yeroma inni dhahu] qoqqoodamee Kutaan qoodama isaa hunduu akka gaara guddaa ta’e

ﭱﭲﭳﭴ

26:64 Bakka sanattis warra biraa dhiheessine

ﭵﭶﭷﭸﭹﭺ

26:65 Muusaafi warra isa waliin turan hundaa ni baraarsine

ﭻﭼﭽﭾ

26:66 Sana booda warra biroo bishaaniin dhidhimsine

ﭿﮀﮁﮂﮃﮄﮅﮆﮇﮈ

26:67 Dhugumatti, kana keessa mallattootu jiraIrra hedduun isaanii Mu’uminoota hin taane

ﮉﮊﮋﮌﮍﮎ

26:68 Dhugumatti Rabbiin kee, Isumatu injifataa, rahmata godhaadha

ﮏﮐﮑﮒﮓ

26:69 Seenaa Ibraahimis isaan irratti dubbisi

ﮔﮕﮖﮗﮘﮙﮚ

26:70 Yeroo inni abbaafi ummata isaatiin “maal gabbartu?” jedhe

ﮛﮜﮝﮞﮟﮠﮡ

26:71 “Taabotawwan gabbarra; ishee [gabbaruu] irras warra turu taane” jedhan

ﮢﮣﮤﮥﮦﮧ

26:72 [Ibraahiim] ni jedhe: “sila yeroo isaan waammattan isin dhagahanii

ﮨﮩﮪﮫﮬ

26:73 Yookiinis isin fayyaduu? Yookiinis isin miidhuu?”

ﮭﮮﮯﮰﮱﯓﯔ

26:74 [Isaanis] “Lakkisaa; abbootii keenya akkas kan dalagan agarre” jedhan

ﯕﯖﯗﯘﯙﯚ

26:75 [Ibraahiim] ni jedhe: “Sila waan gabbaraa turtan hubattanii jirtuu

ﯛﯜﯝﯞ

26:76 Isiniifi abbootiin keessan kan duraaniis

ﯟﯠﯡﯢﯣﯤﯥ

26:77 Dhugumatti, isaan anaaf diinota; garuu Gooftaa aalama hundaa malee (inni jaalalloo kooti)

ﯦﯧﯨﯩﯪ

26:78 [Inni] isa na uume, isatu na qajeelcha.”

ﯫﯬﯭﯮﯯ

26:79 Inni Isa na nyaachisuufi na obaasuudha

ﯰﯱﯲﯳﯴ

26:80 Yeroo an dhukkubsadhes, Isatu na fayyisa

ﯵﯶﯷﯸﯹ

26:81 Isa na ajjeesuufi Sana booda na jiraachisuudha

ﯺﯻﯼﯽﯾﯿﰀﰁﰂ

26:82 Isa guyyaa murtiis badii kiyya akka naaf araaramu kajeeluudha

ﰃﰄﰅﰆﰇﰈﰉ

26:83 Gooftaa kiyya! beekumsa naaf kenniNamoota gaggaariittis na dhaqqabsiisi

ﭑﭒﭓﭔﭕﭖﭗ

26:84 Dhaloota boodaa keessattis faaruu gaarii naaf taasisi

ﭘﭙﭚﭛﭜﭝ

26:85 Dhaaltota Jannata qananii dhaalan irraas na taasisi

ﭞﭟﭠﭡﭢﭣﭤ

26:86 Abbaa kiyyaafis araaramiDhugumatti, inni jallattoota irraa ta’eera

ﭥﭦﭧﭨﭩ

26:87 Guyyaa isaan (gabroonni) kaafamanis na hin xinneessin.”

ﭪﭫﭬﭭﭮﭯﭰ

26:88 Guyyaa qabeenyiifi ilmaanis homaa hin fayyadne

ﭱﭲﭳﭴﭵﭶﭷ

26:89 Nama onnee qulqulluudhaan Rabbitti dhufe malee

ﭸﭹﭺﭻ

26:90 [Guyyaa] Jannannis warra Rabbiin sodaataniif dhiheeffamte

ﭼﭽﭾﭿ

26:91 [Guyyaa] Ibiddi jahannamis jallattootaaf muldhifamte

ﮀﮁﮂﮃﮄﮅﮆ

26:92 [Guyyaa] “wanti isin gabbaraa turtan eessa jiru?” isaaniin jedhame

ﮇﮈﮉﮊﮋﮌﮍﮎ

26:93 “Rabbii gaditti (ta’anii) Sila isin tumsuu? Yookiin of ni tumsuu?”

ﮏﮐﮑﮒﮓ

26:94 Isaaniifi jallattoonni ishee keessatti darbaman

ﮔﮕﮖﮗ

26:95 Waraanni Ibliis hunduu (ni darbaman)

ﮘﮙﮚﮛﮜ

26:96 Isaan ishee keessatti wal falmaa ni jedhu

ﮝﮞﮟﮠﮡﮢﮣ

26:97 Allaahn kakannee! Nuti dhugumatti jallina ifa ta’e keessa turre

ﮤﮥﮦﮧﮨ

26:98 Yeroo Gooftaa aalama hundaatti isin qixxeessinu san

ﮩﮪﮫﮬﮭ

26:99 Ficiltoota malee homtuu nu hin jallisne

ﮮﮯﮰﮱﯓ

26:100 Araarsitoonni tokkollee nuuf hin jiru

ﯔﯕﯖﯗ

26:101 Hiriyaan garaa laafus (hin jiru)

ﯘﯙﯚﯛﯜﯝﯞﯟ

26:102 Odoo (addunyaatti) deebiin tokkollee nuuf jiraatee silaa Mu’uminoota irraa taana turre

ﯠﯡﯢﯣﯤﯥﯦﯧﯨﯩ

26:103 Dhugumatti, kana keessa mallattootu jiraIrra hedduun isaanii Mu’uminoota hin taane

ﯪﯫﯬﯭﯮﯯ

26:104 Dhugumatti Gooftaan kee isumatu injifataa, rahmata godhaadha

ﯰﯱﯲﯳﯴ

26:105 Ummanni Nuuh ergamtoota sobsiiftee jirti

ﯵﯶﯷﯸﯹﯺﯻﯼ

26:106 Yeroo obboleessi isaanii Nuuh jedheen: “Sila Rabbiin hin sodaattanii

ﯽﯾﯿﰀﰁ

26:107 Ani isiniif ergamaa amanamaadha

ﰂﰃﰄﰅ

26:108 Rabbiin sodaadhaa; ajaja kiyyas fudhaa

ﰆﰇﰈﰉﰊﰋﰌﰍﰎﰏﰐﰑﰒ

26:109 Ani isa (waamicha kana) irratti mindaa tokkollee isin hin gaafadhu; Mindaan kiyya Gooftaa aalama hundaa irratti malee hin taane

ﰓﰔﰕﰖ

26:110 Rabbiin sodaadhaaAjaja kiyyas fudhaa.”

ﰗﰘﰙﰚﰛﰜﰝ

26:111 [Ummanni isaas] “sila nuti odoo warri gadi aanoon si hordofanii jiranuu siif amannaa?” jedhan

ﭑﭒﭓﭔﭕﭖﭗ

26:112 [Innis] ni jedhe: “Waan isaan dalagaa turan maalittin beeka

ﭘﭙﭚﭛﭜﭝﭞﭟﭠ

26:113 Odoo beektanii qormaanni isaanii Gooftaa kiyya qofa irra malee hin taane

ﭡﭢﭣﭤﭥ

26:114 Ani ari’aa (fageesaa) Mu’uminootaa hin taane

ﭦﭧﭨﭩﭪﭫ

26:115 Ani akeekkachiisaa ifa bahaa ta’e malee hin taane.”

ﭬﭭﭮﭯﭰﭱﭲﭳﭴ

26:116 [Isaan] ni jedhan: “Yaa Nuuh! [waan jettu irraa] yoo dhorgamuu baatte, warra dhakaan cafaqaman irraa taata.”

ﭵﭶﭷﭸﭹﭺ

26:117 [Nuuhis] ni jedhe: “Yaa gooftaa kiyya! Dhugumatti, ummanni koo na sobsiisaniiru

ﭻﭼﭽﭾﭿﮀﮁﮂﮃﮄ

26:118 Ati gidduu kiyyaafi gidduu isaaniitti murtii [haqaa] murteessiAnaafi Mu’uminoota irraa nama na waliin ta’anis baraarsi.”

ﮅﮆﮇﮈﮉﮊﮋ

26:119 Nutis isaafi namoota isa waliin turan doonii guutamte keessatti isaan baraarsine

ﮌﮍﮎﮏﮐ

26:120 Ergasii booda [bilisa isaan baasuutii] warra hafan ni dhidhimsine

ﮑﮒﮓﮔﮕﮖﮗﮘﮙﮚ

26:121 Dhugumatti, kana keessa mallattootu jiraGaruu irra hedduun isaanii Mu’uminoota hin taane

ﮛﮜﮝﮞﮟﮠ

26:122 Dhugumatti Gooftaan kee Isatu injifataa, rahmata godhaadha

ﮡﮢﮣﮤ

26:123 Aad (ummanni huud) ergamtoota sobsiifte

ﮥﮦﮧﮨﮩﮪﮫﮬ

26:124 Yeroo obboleessi isaanii Huud isaaniin jedhe: “Sila (Rabbiin) hin sodaattanii

ﮭﮮﮯﮰﮱ

26:125 Ani isiniif ergamaa amanamaadha

ﯓﯔﯕﯖ

26:126 Rabbiin sodaadhaa; ajaja kiyyas fudhaa

ﯗﯘﯙﯚﯛﯜﯝﯞﯟﯠﯡﯢﯣ

26:127 Ani isa (waamicha kana) irratti mindaa tokkollee isin hin gaafadhu; mindaan kiyya Gooftaa aalama hundaa irratti malee hin taane

ﯤﯥﯦﯧﯨﯩ

26:128 Sila isin kan [nama tarutti] qishintanu taatanii iddoo ol fuudhamaa hunda irratti [gamoo] mallattoo ijaartuu

ﯪﯫﯬﯭﯮ

26:129 Kuusaa bishaaniitiifi gamoowwanis akka waan keessatti haftanuutti tolfattuu

ﯯﯰﯱﯲﯳ

26:130 Yeroo [namoota adabbiif] qabdanis gara jabeeyyii taatanii qabdan

ﯴﯵﯶﯷ

26:131 Rabbiin sodaadhaa; ajaja kiyyas fudhaa

ﯸﯹﯺﯻﯼﯽ

26:132 Isa waan [gaggaarii] isin beektan hundaan isin badhaases sodaadhaa

ﯾﯿﰀﰁ

26:133 Beyladootaafi ilmaaniinis isin badhaase

ﰂﰃﰄ

26:134 Ashaakiltiiwwaniifi burqaawwaniinis [isin qananiise]

ﰅﰆﰇﰈﰉﰊﰋ

26:135 Ani adabbii Guyyaa guddaan isin irratti sodaadha.”

ﰌﰍﰎﰏﰐﰑﰒﰓﰔﰕ

26:136 [Ummanni Huud] ni jedhan: “Yoo nu gorsites yoo warra gorsan irraa ta’uu baattes nurratti waluma qixa

ﭑﭒﭓﭔﭕﭖ

26:137 Kun amaluma warra duriiti malee waan biraa miti

ﭗﭘﭙﭚ

26:138 Nuti kan adabamnuu miti” [jedhan]

ﭛﭜﭝﭞﭟﭠﭡﭢﭣﭤﭥﭦﭧ

26:139 Isa sobsiisanii Nutis isaan balleessineDhugumatti, kana keessa mallattootu jiraGaruu irra hedduun isaanii mu’uminoota hin taane

ﭨﭩﭪﭫﭬﭭ

26:140 Dhugumatti, Rabbiin kee Isatu injifataa, rahmata godhaadha

ﭮﭯﭰﭱ

26:141 Samuud (ummanni Saalih) ergamtoota sobsiifte

ﭲﭳﭴﭵﭶﭷﭸﭹ

26:142 Yeroo obboleessi isaanii Saalih isaaniin jedhe: “Sila Rabbiin hin sodaattanii

ﭺﭻﭼﭽﭾ

26:143 Ani isiniif ergamaa amanamaadha

ﭿﮀﮁﮂ

26:144 Rabbiin sodaadhaa; ajaja kiyyas fudhaa

ﮃﮄﮅﮆﮇﮈﮉﮊﮋﮌﮍﮎﮏ

26:145 Ani isa (waamicha kana) irratti mindaa tokkollee isin hin gaafadhu; Mindaan kiyya Gooftaa aalama hundaa irra malee hin taane

ﮐﮑﮒﮓﮔﮕ

26:146 Sila waan as jiru (qabeenya kana) keessatti nageenyaan dhiifamtuu

ﮖﮗﮘﮙ

26:147 Ashaakiltiiwwaniifi burqaawwan keessatti

ﮚﮛﮜﮝﮞ

26:148 Oorruuwwaniifi muka tamirii ijji ishee Bilchaataa taate (keessattis ni dhiifamtuu)

ﮟﮠﮡﮢﮣﮤ

26:149 Cocollee taatanii gaarreen irraas manoota bocattuu (soqattuu)

ﮥﮦﮧﮨ

26:150 Rabbiin sodaadhaa; ajaja kiyyas fudhaa

ﮩﮪﮫﮬﮭ

26:151 Ajaja warra daangaa dabranii hin fudhatinaa

ﮮﮯﮰﮱﯓﯔﯕ

26:152 Isaan Dachii keessatti badii raawwataniifi toltuu hin raawwannee” [jedhe]

ﯖﯗﯘﯙﯚﯛ

26:153 [Isaan] ni jedhan: “Ati namoota sihriin (falfalli) baay’een itti godhame irraa isa tokkoodha

ﯜﯝﯞﯟﯠﯡﯢﯣﯤﯥﯦﯧ

26:154 Ati namuma akka keenyaati malee waan biraatii mitiWarra dhugaa dubbatan irraa yoo taate mallattoo fidi.”

ﯨﯩﯪﯫﯬﯭﯮﯯﯰﯱ

26:155 [Saalihis] ni jedhe: “Isheen kun Gaala; isheef carraa dhugaatiitu jira; Isiniifis carraa dhugaatii guyyaa beekamaa ta’eetu jira

ﯲﯳﯴﯵﯶﯷﯸﯹ

26:156 Hamtuun ishee hin tuqinaa[Yoo akkas gootan] adabbii guyyaa guddaatu isin mudata.”

ﯺﯻﯼﯽ

26:157 Ishee waraananii yeroma san sheena’oota ta’an

ﯾﯿﰀﰁﰂﰃﰄﰅﰆﰇﰈﰉﰊ

26:158 Adabbichis isaan qabateDhugumatti, kana keessa mallattootu jiraIrra hedduun isaanii Mu’uminoota hin taane

ﰋﰌﰍﰎﰏﰐ

26:159 Dhugumatti Gooftaan kee Isatu injifataa, rahmata godhaadha

ﭑﭒﭓﭔﭕ

26:160 Ummanni Luuxis ergamoota sobsiifte

ﭖﭗﭘﭙﭚﭛﭜﭝ

26:161 Yeroo obboleessi isaanii Luux isaanin jedhu: “Sila Rabbiin hin sodaattanii

ﭞﭟﭠﭡﭢ

26:162 Dhugumatti, ani isiniif ergamaa amanamaadha

ﭣﭤﭥﭦ

26:163 Rabbiin sodaadhaa; ergaa kiyyas fudhaa

ﭧﭨﭩﭪﭫﭬﭭﭮﭯﭰﭱﭲﭳ

26:164 Ani isa (waamicha kana) irratti mindaa tokkollee isin hin gaafadhuMindaan kiyya Gooftaa aalama hundaa irra malee hin taane

ﭴﭵﭶﭷﭸ

26:165 Sila isin (qunnamtii saalaatiif) aalama hunda irraa dhiirotatti dhuftuu

ﭹﭺﭻﭼﭽﭾﭿﮀﮁﮂﮃﮄﮅ

26:166 Waan Gooftaan keessan haadhotii manaa keessan irraa isiniif uumes ni dhiiftuu? Dhugumatti isin ummata daangaa dabritoota” [jedhe]

ﮆﮇﮈﮉﮊﮋﮌﮍﮎ

26:167 [Isaan] ni jedhan: “Yaa Luux! Yoo [waan jettu irraa] hin dhorgamin, dhugumatti warra [biyyarraa] baafaman irraa taata.”

ﮏﮐﮑﮒﮓﮔ

26:168 [Luuxis] ni jedhe: “Dhugumatti, ani namoota dalagaa keessan jibban irraayyi

ﮕﮖﮗﮘﮙﮚ

26:169 Yaa Gooftaa kiyya! Anaafi maatii kiyya waan isaan dalagan irraa nu baraari.”

ﮛﮜﮝﮞ

26:170 Isaafi maatii isaas walumaa galatti ni baraarsine

ﮟﮠﮡﮢﮣ

26:171 Jaartii tokko kan warra [adaba keessatti] hafan irraa taate malee

ﮤﮥﮦﮧ

26:172 Ergasii warra biroo ni balleessine

ﮨﮩﮪﮫﮬﮭﮮﮯ

26:173 Bokkaa [adabbii] isaan irratti roobsineRoobni warra akeekkachiifamanii waa fokkate

ﮰﮱﯓﯔﯕﯖﯗﯘﯙﯚ

26:174 Dhugumatti, kana keessa mallattootu jiraIrra hedduun isaaniis Mu’uminoota hin taane

ﯛﯜﯝﯞﯟﯠ

26:175 Dhugumatti Gooftaan kee Isatu injifataa, rahmata godhaadha

ﯡﯢﯣﯤﯥ

26:176 Jiraattonni Aykah (bosonaa) ergamoota sobsiifte

ﯦﯧﯨﯩﯪﯫﯬ

26:177 Yeroo Shu’ayb isaaniin jedhu: “sila Rabbiin hin sodaattanuu

ﯭﯮﯯﯰﯱ

26:178 Ani isiniif ergamaa amanamaadha

ﯲﯳﯴﯵ

26:179 Rabbiin sodaadhaa; ergaa kiyyas fudhadhaa

ﯶﯷﯸﯹﯺﯻﯼﯽﯾﯿﰀﰁﰂ

26:180 Ani isa (waamicha kana) irratti mindaa tokkollee isin hin gaafadhuMindaan kiyya Gooftaa aalama hundaa irra malee hin taane

ﰃﰄﰅﰆﰇﰈﰉﰊ

26:181 Safara guutaa; [haqa namaa] hir’iftoota irraa hin ta’inaa

ﰋﰌﰍﰎ

26:182 Madaala sirrii ta’een madaalaa

ﰏﰐﰑﰒﰓﰔﰕﰖﰗﰘ

26:183 Namoota wantoota isaanii irraa hin hir’isinaa; badii hojjattoota taataniis dechii keessa badiin hin deeminaa

ﭑﭒﭓﭔﭕﭖ

26:184 Isa isiniifi dhaloota duraanii uume sodaadhaa.”

ﭗﭘﭙﭚﭛﭜ

26:185 [Isaan] ni jedhan: “Ati namoota sihriin (falfalli) baay’een itti godhame irraa isa tokkoodha

ﭝﭞﭟﭠﭡﭢﭣﭤﭥﭦ

26:186 Ati nama fakkii keenyaa malee (uumaa biroo) hin taane; nutis sobdoota irraa ta’uu si yaadna

ﭧﭨﭩﭪﭫﭬﭭﭮﭯﭰ

26:187 Yoo warra dhugaa dubbatan irraa taate samii irraa cittuu wahii nurratti kuffisi” [jedhaniin]

ﭱﭲﭳﭴﭵﭶ

26:188 [Inni] ni jedhe: “Gooftaan kiyya waan isin dalagdan beekaadha.”

ﭷﭸﭹﭺﭻﭼﭽﭾﭿﮀﮁﮂ

26:189 Isa sobsiisanAdabbiin guyyaa gaaddisaa (duumessa gurraachaa) isaan qabateDhugumatti, inni adabbii guyyaa guddaa ta’eera

ﮃﮄﮅﮆﮇﮈﮉﮊﮋﮌ

26:190 Dhugumatti, kana keessa mallattootu jiraGaruu irra hedduun isaanii mu’uminoota hin taane

ﮍﮎﮏﮐﮑﮒ

26:191 Dhugumatti, Gooftaan kee Isatu injifataa, rahmata godhaadha

ﮓﮔﮕﮖﮗ

26:192 Dhugumatti, inni (Qur’aanni) buufamaa Gooftaa aalama hundaati

ﮘﮙﮚﮛﮜ

26:193 Ruuhii amanamaa ta’e (Jibriiltu) isaan bu’e

ﮝﮞﮟﮠﮡﮢ

26:194 Akka ati akeekkachiiftota irraa taatuuf jecha onnee kee irratti [buuse]

ﮣﮤﮥﮦ

26:195 Qooqa Arabiffaa ifaa ta’een

ﮧﮨﮩﮪﮫ

26:196 Dhugumatti, inni (waa’een Qur’aanaa) kitaabota durii keessa jira

ﮬﮭﮮﮯﮰﮱﯓﯔﯕﯖ

26:197 Sila beektonni Ilmaan Israa’iil isa beekuun mallattoo isaaniif (warra Makkaatiif) hin ta’uu

ﯗﯘﯙﯚﯛﯜ

26:198 Odoo garii nama Araba hin ta’inii irratti isa (Qur’aana) buufnee

ﯝﯞﯟﯠﯡﯢﯣ

26:199 Innis isaan irratti dubbisee, isaan kan isatti amanan hin taane

ﯤﯥﯦﯧﯨﯩ

26:200 Akka kanatti isa (diddaa Qur’aanaa) onnee badi raawwattootaa keessa seensifne

ﯪﯫﯬﯭﯮﯯﯰﯱ

26:201 Hanga adabbii laalessaa ta’e arganitti isatti hin amananu

ﯲﯳﯴﯵﯶﯷ

26:202 Inni (adabbichi) odoo isaan hin beekin tasa isaanitti dhufa

ﯸﯹﯺﯻﯼ

26:203 [Akka amannuuf] “yeroon nuuf kennamuu danda’aa?” jedhu

ﯽﯾﯿ

26:204 Sila adabbii keenya ariifachiifatuu

ﰀﰁﰂﰃﰄ

26:205 Mee naaf himi! Odoo waggoota hedduuf isaan qanansiifnee

ﰅﰆﰇﰈﰉﰊ

26:206 Sana booda wanti isaan ittiin akeekkachiifamaa turan isaanitti dhufee

ﭑﭒﭓﭔﭕﭖﭗ

26:207 Wanti isaan ittiin qanani’aa turan [adaba Rabbii irraa] maal isaan irraa deebisa

ﭘﭙﭚﭛﭜﭝﭞﭟ

26:208 Magaalaa tokkollee akeekkachiisaan isaaniif jiraatu malee isaan hin balleessine

ﭠﭡﭢﭣﭤ

26:209 [Kun] yaadachiisa; Nuti miidhaa hojjattoota hin taane

ﭥﭦﭧﭨﭩ

26:210 Sheyxaanonnis isaan [Qur’aanaan] hin buune

ﭪﭫﭬﭭﭮﭯ

26:211 Isaaniifis hin malu[Isa fiduu] hin danda’anus

ﭰﭱﭲﭳﭴ

26:212 Dhugumatti, isaan isa dhagahuu irraa fageeffamoodha

ﭵﭶﭷﭸﭹﭺﭻﭼﭽﭾ

26:213 Rabbii waliin gooftaa biraa hin kadhatin[Yoo akkas goote] warra adabaman irraa taata

ﭿﮀﮁﮂ

26:214 Firoota kee dhihoo ta’an akeekkachiisi

ﮃﮄﮅﮆﮇﮈﮉ

26:215 Mu’uminoota irraa nama si hordofeef nyaara (kooluu) kee gadi qabi

ﮊﮋﮌﮍﮎﮏﮐﮑ

26:216 Yoo ajaja kee fudhachuu didanis “Ani waan isin hojjattan irraa qulqulluudha” jedhiin

ﮒﮓﮔﮕﮖ

26:217 [Rabbii] injifataa, rahmata godhaa ta’e irratti hirkadhu

ﮗﮘﮙﮚﮛ

26:218 Isa yeroo ati dhaabbattu si argu [irratti hirkadhu]

ﮜﮝﮞﮟ

26:219 [Isa] sochiiwwan ati warra sagadan keessatti gootu [argu irratti hirkadhu]

ﮠﮡﮢﮣﮤ

26:220 Dhugumatti, Inni Isatu argaa, beekaadha

ﮥﮦﮧﮨﮩﮪﮫ

26:221 Sheyxaanonni eenyu irratti akka bu’an isinitti himuu

ﮬﮭﮮﮯﮰﮱ

26:222 Kijibaa, badii hojjataa hunda irratti buuti

ﯓﯔﯕﯖﯗ

26:223 Wanta dhagahanis [waa himtuu irratti] gadi buusuIrra baay’een isaanii immo kijibdoota

ﯘﯙﯚﯛ

26:224 Walaleessitoota jallattootatu isaan hordofa

ﯜﯝﯞﯟﯠﯡﯢﯣ

26:225 Isaan dhugumatti sulula (bowwaa) hunda keessa akka seenan hin agartuu

ﯤﯥﯦﯧﯨﯩ

26:226 Dhugumatti isaan waan hin dalagne kan dubbatan ta’uu [hin agartuu]

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾ

26:227 Warra amananiifi gaggaarii hojjatan, kan baay’inaan Rabbiin faarsan, erga miidhamanii booda [walaloodhaan] of irraa deebisan [harka kaffalatan] malee[Isaan hin komatanu]Isaan miidhaa dalaganis [eega du’anii booda] deebifama akkamii akka deebifaman beekuuf jiru

Qur'aana Qulqulluu

Wednesday, September 9, 2026

Don't forget us in your sincere prayers

Suuratu Ash-Shu'ara pdf

Suuratu Ash-Shu'ara pdf — Buufi (Oromo)

Related

More Suuratu PDF