Surah Ash-Shu'ara pdf Malagasy

PDF —

227 Andininy Meccan PDF

Built right in your browser — download starts automatically

Surah Ash-Shu'ara pdf — Alaino (Malagasy)

Surah Ash-Shu'ara pdf Malagasy — Alaino Surah Ash-Shu'ara Fandikana. Surah Ash-Shu'ara (Meccan) 227 Andininy.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Ash-Shu'ara

227 Andininy · Meccan · Malagasy

ﭑﭒ

26:1 Twa, Sin, Mim.

ﭓﭔﭕﭖﭗ

26:2 Indro ireo andinin’ilay Boky mazava.

ﭘﭙﭚﭛﭜﭝﭞ

26:3 Mety ho reraky ny alahelo ianao,fa tsy mino izy ireo.

ﭟﭠﭡﭢﭣﭤﭥﭦﭧﭨﭩﭪ

26:4 Raha sitrakay dia ho nampidininay tamin’izy ireo avy eny an-danitra ny famantarana iray, ka ho tavela hiondrika amin’izany ny hatok’izy ireo.

ﭫﭬﭭﭮﭯﭰﭱﭲﭳﭴﭵﭶ

26:5 Ary tsy misy fampahatsiahivana vaovao avy amin’Ilay be Fiantrana tonga amin’izy ireo, ka tsy mitodi-damosina amin’izany izy ireo.

ﭷﭸﭹﭺﭻﭼﭽﭾﭿ

26:6 Efa nilaza izy ireo fa lainga (izay rehetra avy amin’ny Tompony), ka ho tonga amin’izy ireo tsy ho ela ireo vaovao mahakasika izay nataon’izy ireo vazivazy.

ﮀﮁﮂﮃﮄﮅﮆﮇﮈﮉﮊﮋ

26:7 Moa ve tsy hitan’izy ireo ny tany, firifiry no nampitsirinay teo aminy, amin’ireo karazana zavatra tsiroaroa mahasoa rehetra.

ﮌﮍﮎﮏﮐﮑﮒﮓﮔﮕ

26:8 Marina fa amin’izany dia misy fahagagana tokoa, nefa ny ankamaroan’izy ireo dia tsy mino.

ﮖﮗﮘﮙﮚﮛ

26:9 Ary marina fa ny Tomponao, Izy no ilay Tsitoha, ilay be indrafo.

ﮜﮝﮞﮟﮠﮡﮢﮣﮤ

26:10 Ary rehefa niantso an’i Mosesy ny Tomponao hoe : “Aoka ianao ho tonga any amin’ireo vahoaka mpanao ny tsy rariny.

ﮥﮦﮧﮨﮩﮪ

26:11 (Any) amin’ny vahoakan’i Faraona ; moa tsy mba hanam-patahorana (Azy) ve izy ireo ?

ﮫﮬﮭﮮﮯﮰﮱ

26:12 Niteny izy hoe : “Tompoko ô ! Tena matahotra aho sao ataon’izy ireo ho mpandainga".

ﯓﯔﯕﯖﯗﯘﯙﯚﯛ

26:13 Sy mihatery ny tratrako, ary hiraikitra ny lelako, ka mba alefaso i Harona.

ﯜﯝﯞﯟﯠﯡﯢ

26:14 Ary misy heloka bevava hanenjehan’izy ireo ahy, ka matahotra aho sao dia ho vonoin’izy ireo.

ﯣﯤﯥﯦﯧﯨﯩﯪﯫﯬ

26:15 Niteny Izy (Allah) hoe : “Tsy izany ! Mandehana ianareo roa miaraka amin’ny fahagagana avy Aminay. Tena marina fa Izahay dia miaraka aminareo sy mihaino".

ﯭﯮﯯﯰﯱﯲﯳﯴ

26:16 Aoka ianareo roa ho tonga any amin’i Faraona, ka ilazao izy hoe : “Izahay dia irak'i Tompon’izao tontolo izao".

ﯵﯶﯷﯸﯹﯺ

26:17 "Mba handefasanao ireo zanak’Israely hiaraka aminay”

ﯻﯼﯽﯾﯿﰀﰁﰂﰃﰄﰅ

26:18 Niteny izy (Faraona) hoe : “Moa ve tsy nobeazinay teto aminay fony mbola kely ianao ? Ary tsy nipetraka teto aminay nandritra ny taona maromaro tamin’ny fiainanao ve ianao ?

ﰆﰇﰈﰉﰊﰋﰌﰍ

26:19 Avy eo dia nanao ny asa ratsy izay nataonao ianao, ary isan’ireo tsy mpankasitraka ianao.

ﭑﭒﭓﭔﭕﭖﭗ

26:20 Niteny izy hoe : “Nataoko tokoa izany, fony aho mbola anisan’ireo very lalana".

ﭘﭙﭚﭛﭜﭝﭞﭟﭠﭡﭢﭣ

26:21 - Ka nandositra aho satria natahotra anareo, avy eo dia nomen’ny Tompoko fahendrena aho, ary nataony ho anisan’ireo Iraka.

ﭤﭥﭦﭧﭨﭩﭪﭫﭬ

26:22 Ary izany ve no fahasoavana izay ahindrahindranao amiko, nefa ianao nanandevo ireo zanak’Israely ?

ﭭﭮﭯﭰﭱﭲ

26:23 Niteny i Faraona hoe : “Fa iza no Tompon’izao tontolo izao ?”

ﭳﭴﭵﭶﭷﭸﭹﭺﭻﭼﭽ

26:24 Niteny izy hoe : “Ilay Tompon’ireo lanitra sy ny tany ary izay eo anelanelan’izy ireo, raha toa ka manana fitokisana marina ianareo”.

ﭾﭿﮀﮁﮂﮃ

26:25 Niteny izy tamin’ireo manodidina azy hoe : “Moa ve tsy henonareo (izany) ?”

ﮄﮅﮆﮇﮈﮉ

26:26 Niteny izy hoe : “Ilay Tomponareo sy Tompon’ireo razambenareo teo aloha”.

ﮊﮋﮌﮍﮎﮏﮐﮑ

26:27 Niteny izy (Faraona) hoe : “Marina fa ny iraka izay nalefa eo aminareo dia tena adala tokoa”.

ﮒﮓﮔﮕﮖﮗﮘﮙﮚﮛﮜ

26:28 Niteny izy (Mosesy) hoe : “Ilay Tompon’ny atsinanana sy ny andrefana sy izay manelanelana azy ireo, raha mba misaina ianareo !”.

ﮝﮞﮟﮠﮡﮢﮣﮤﮥ

26:29 Niteny izy (Faraona) hoe : “Raha mandray zanahary hafa ankoatra ahy ianao, dia tena ataoko ho anisan’ireo voafonja”.

ﮦﮧﮨﮩﮪﮫ

26:30 Dia niteny izy (Mosesy) hoe : “Ary na dia hitondrako zavatra ho porofo miharihary ve ianao ?”.

ﮬﮭﮮﮯﮰﮱﯓﯔ

26:31 Niteny izy (Faraona) hoe : “Ento àry izany raha toa ka anisan’ireo olona marina ianao”.

ﯕﯖﯗﯘﯙﯚﯛ

26:32 Ka natorany ny tehiny, dia lasa bibilava lehibe miharihary izany.

ﯜﯝﯞﯟﯠﯡﯢ

26:33 Ary navoakany ny tanany, dia lasa fotsy mamirapiratra teo amin’ireo mpijery izany.

ﯣﯤﯥﯦﯧﯨﯩﯪ

26:34 Niteny izy (Faraona) tamin’ireo loholona nanodidina azy hoe : “Izany tokoa no mpanao majika mahay”.

ﯫﯬﯭﯮﯯﯰﯱﯲﯳ

26:35 Mila hamoaka anareo hiala amin’ny tanànanareo amin’ny alalan’ny majikany izy, ka inona no hevitra homenareo ahy ?”

ﯴﯵﯶﯷﯸﯹﯺﯻ

26:36 Niteny izy ireo hoe : “Ampiandraso izy sy ny rahalahiny, ary andefaso iraka mankany amin’ireo tanàna mba hamory olona"

ﯼﯽﯾﯿﰀ

26:37 Ka ho tonga eo aminao izy ireo miaraka amin’ireo mpanao majika avo lenta tena mahay.

ﰁﰂﰃﰄﰅﰆ

26:38 Ka dia navory ireo mpanao majika, ho amin’ny fotoana, amin’ilay andro voatondro.

ﰇﰈﰉﰊﰋﰌ

26:39 Ary notenenina ireo olona hoe : “Moa ve hivory ianareo ?”

ﭑﭒﭓﭔﭕﭖﭗﭘ

26:40 Angamba hanaraka ireo mpanao majika isika raha izy ireo no mivoaka mpandresy.

ﭙﭚﭛﭜﭝﭞﭟﭠﭡﭢﭣﭤﭥ

26:41 Ka rehefa tonga ireo mpanao majika dia niteny izy ireo tamin’i Faraona hoe : “Moa ve tena hisy valisoa marina ho anay, raha izahay no mivoaka ho mpandresy ?”

ﭦﭧﭨﭩﭪﭫﭬ

26:42 Niteny izy (Faraona) hoe : “Eny ! Ary tena ho isan’ireo akaiky ahy ianareo”.

ﭭﭮﭯﭰﭱﭲﭳﭴ

26:43 Niteny tamin’izy ireo i Mosesy hoe : “Atsipazo izay hatsipinareo”.

ﭵﭶﭷﭸﭹﭺﭻﭼﭽﭾ

26:44 Ka natsipin’izy ireo ny tadiny sy ny tehiny ; ary niteny izy ireo hoe : “Amin’ny alalan’ny fahefan’i Faraona ! Izahay no tena hivoaka mpandresy !”.

ﭿﮀﮁﮂﮃﮄﮅﮆﮇ

26:45 Avy eo dia natsipin’i Mosesy ny tehiny, dia indro izy fa mitsaingoka izay rehetra noforonin’izy ireo.

ﮈﮉﮊﮋ

26:46 Tamin’izay dia niantoraka niankohoka ireo mpanao majika.

ﮌﮍﮎﮏﮐ

26:47 Niteny izy ireo hoe : “Mino an’ny Tompon’izao Tontolo izao izahay".

ﮑﮒﮓﮔ

26:48 Tompon’i Mosesy sy Harona.

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬ

26:49 Niteny izy (Faraona) hoe : “Nino azy ve ianareo, alohan’ny hanomezako alalana anareo ? Tena marina fa izy no lehibenareo izay nampianatra anareo ny majika ; ka ho fantatrareo tsy ho ela ! Tena ho tapahiko ny tananareo sy ny tongotrareo izay mifanohitra amin’ny andaniny avy, ary ho fantsihiko amin’ny hazo ianareo rehetra”.

ﮭﮮﮯﮰﮱﯓﯔﯕﯖ

26:50 Niteny izy ireo hoe : “Tsy misy maharatsy izany ! Marina fa any amin’ny Tomponay no hiverenanay"

ﯗﯘﯙﯚﯛﯜﯝﯞﯟﯠﯡﯢ

26:51 Tena marina fa maniry mafy izahay mba ho avelan’ny Tomponay ny fahadisoanay, noho izahay voalohany tamin’ireo mpino.

ﯣﯤﯥﯦﯧﯨﯩﯪﯫﯬ

26:52 Ary nandefasanay fanambarana i Mosesy hoe : “Mandehana amin’ny alina miaraka amin’ireo mpanompoko ianao, fa hisy mpanenjika ianareo”.

ﯭﯮﯯﯰﯱﯲ

26:53 Ka nandefa mpamory any amin’ireo tanàna i Faraona (hilaza hoe) :

ﯳﯴﯵﯶﯷ

26:54 “Tena marina fa andian’olona vitsivitsy ihany izy ireny”.

ﯸﯹﯺﯻ

26:55 Nefa izy ireo dia mahatezitra anay.

ﯼﯽﯾﯿ

26:56 Ary isika rehetra kosa dia fatra mpitandrina.

ﰀﰁﰂﰃﰄ

26:57 Ka navoakanay izy ireo avy tamin’ireo zaridaina sy ireo loharano.

ﰅﰆﰇﰈ

26:58 Ary ireo harena sarobidy sy ny toerana mendrika.

ﰉﰊﰋﰌﰍﰎ

26:59 Tahaka izany ! Ary dia nampandovanay ireo zanak’Israely izany (rehetra izany).

ﰏﰐﰑ

26:60 Nanenjika azy ireo izy ireo rehefa niposaka ny masoandro.

ﭑﭒﭓﭔﭕﭖﭗﭘﭙ

26:61 Avy eo, rehefa nifampitazana ny andiany roa, dia niteny ireo olon’i Mosesy hoe : “Marina fa efa ho tratra tokoa isika”.

ﭚﭛﭜﭝﭞﭟﭠﭡ

26:62 Niteny izy (Mosa) hoe : “Tsia! Tena miaraka amiko ny Tompoko, ka hitari-dalana ahy Izy”.

ﭢﭣﭤﭥﭦﭧﭨﭩﭪﭫﭬﭭﭮﭯﭰ

26:63 Ka nandefa fanambarana tamin’i Mosesy Izahay hoe : “Kapohy amin’ny tehinao ny ranomasina”. Dia nizara roa izany, ka toy ny tendrombohitra lehibe avo ny andaniny sy ny ankilany.

ﭱﭲﭳﭴ

26:64 Ary nampanatoninay ny sasany (Faraona sy ny vahoakany)

ﭵﭶﭷﭸﭹﭺ

26:65 Fa navotanay i Mosesy sy ireo izay niaraka taminy rehetra.

ﭻﭼﭽﭾ

26:66 Avy eo dia narendrikay ireo sasany.

ﭿﮀﮁﮂﮃﮄﮅﮆﮇﮈ

26:67 Marina fa amin’izany dia misy fahagagana tokoa, nefa ny ankamaroan’izy ireo dia tsy mpino.

ﮉﮊﮋﮌﮍﮎ

26:68 Ary marina fa ny Tomponao, Izy no ilay Tsitoha, ilay be indrafo.

ﮏﮐﮑﮒﮓ

26:69 Ary vakio amin’izy ireo ny vaovaon’i (tantaran’i) Abrahama.

ﮔﮕﮖﮗﮘﮙﮚ

26:70 Rehefa niteny izy tamin’ny rainy sy ny vahoakany hoe : “Inona no tompoinareo ?”

ﮛﮜﮝﮞﮟﮠﮡ

26:71 Niteny izy ireo hoe : “Manompo sampy izahay, ary tsy hitsahatra hiraiki-po amin’izy ireo”.

ﮢﮣﮤﮥﮦﮧ

26:72 Niteny izy hoe : “Moa ve mandre anareo izy ireo rehefa miantso ianareo ?

ﮨﮩﮪﮫﮬ

26:73 Na koa manome tombontsoa anareo ? Na hanisy ratsy anareo ?

ﮭﮮﮯﮰﮱﯓﯔ

26:74 Niteny izy ireo hoe : “Tsia ! Fa izahay nahita ireo razambenay dia tahaka izany no nataony”.

ﯕﯖﯗﯘﯙﯚ

26:75 Niteny izy:moa ve hitanareo izay notompoinareo.

ﯛﯜﯝﯞ

26:76 Ianareo sy ireo razambenareo taloha ?

ﯟﯠﯡﯢﯣﯤﯥ

26:77 Tena marina fa izy ireo dia fahavaloko daholo, afa-tsy ny Tompon’izao tontolo izao.

ﯦﯧﯨﯩﯪ

26:78 Izay nahary ahy ary Izy no mitari-dalana ahy.

ﯫﯬﯭﯮﯯ

26:79 Ary Izy no nampihinana ahy sy nampisotro ahy.

ﯰﯱﯲﯳﯴ

26:80 Ary raha marary aho, dia Izy no manasitrana ahy.

ﯵﯶﯷﯸﯹ

26:81 Ary Izy no hamono ahy, avy eo hanome aina ahy indray.

ﯺﯻﯼﯽﯾﯿﰀﰁﰂ

26:82 Ary Izy ilay irìko hamela ireo fahadisoako, amin’ny andro fanomezana ny valin’asa.

ﰃﰄﰅﰆﰇﰈﰉ

26:83 Tompo ô ! Omeo fahendrena aho, ary ataovy miaraka amin’ireo olo-mendrika.

ﭑﭒﭓﭔﭕﭖﭗ

26:84 Omeo laza tsara aho amin’ireo taranaka amam-para any aoriana.

ﭘﭙﭚﭛﭜﭝ

26:85 Ary ataovy an’isan’ireo mpandova ny Paradisan’ny «Na’ìm» (fahafinaretana) aho.

ﭞﭟﭠﭡﭢﭣﭤ

26:86 Ary mamelà ny heloky ny raiko, satria izy dia tena anisan’ireo very lalana.

ﭥﭦﭧﭨﭩ

26:87 Ary aza alaina baraka aho amin’ny andro hampitsanganana ireo maty.

ﭪﭫﭬﭭﭮﭯﭰ

26:88 Amin’ny andro izay tsy hitera-boka-tsoa, na ny harena na ny zanaka.

ﭱﭲﭳﭴﭵﭶﭷ

26:89 Afa-tsy izay tonga eo anatrehan’I Allah miaraka amin’ny fo madio.

ﭸﭹﭺﭻ

26:90 Ary hampanatonina ny Paradisa, ho an’ireo nanam-patahorana.

ﭼﭽﭾﭿ

26:91 Ary haseho ny afobe, ho an’ireo very lalana.

ﮀﮁﮂﮃﮄﮅﮆ

26:92 Ary ho tenenina amin’izy ireo hoe : “Aiza ireo izay notompoinareo?"

ﮇﮈﮉﮊﮋﮌﮍﮎ

26:93 Ankoatr’I Allah ? Moa ve manavotra anareo izy ireo ? Sa afaka manavotra ny tenany ve izy ireo ?

ﮏﮐﮑﮒﮓ

26:94 Ary hatsipy hifangaro ao izy ireo, sy ireo very lalana.

ﮔﮕﮖﮗ

26:95 Toy izany koa ireo miaramilan’i Iblisa rehetra.

ﮘﮙﮚﮛﮜ

26:96 Hiteny izy ireo ao, sady mifanditra :

ﮝﮞﮟﮠﮡﮢﮣ

26:97 Mianiana amin’I Allah izahay fa tena ao anatin’ny fahaverezana miharihary tokoa.

ﮤﮥﮦﮧﮨ

26:98 Raha nampitovy anareo tamin’ny Tompon’izao Tontolo izao izahay !

ﮩﮪﮫﮬﮭ

26:99 Ary tsy nisy namery lalana anay afa-tsy ireo mpanao heloka bevava !

ﮮﮯﮰﮱﯓ

26:100 Ary tsy manana mpanelanelana izahay.

ﯔﯕﯖﯗ

26:101 Na sakaiza mafana fo !

ﯘﯙﯚﯛﯜﯝﯞﯟ

26:102 Raha nanana fahafahana miverina izahay dia ho anisan’ireo mpino !

ﯠﯡﯢﯣﯤﯥﯦﯧﯨﯩ

26:103 Marina fa amin’izany dia misy fahagagana tokoa, nefa ny ankamaroan’izy ireo dia tsy mpino.

ﯪﯫﯬﯭﯮﯯ

26:104 Ary marina fa ny Tomponao, Izy no ilay Tsitoha, ilay be indrafo.

ﯰﯱﯲﯳﯴ

26:105 Nilaza ireo Iraka ho mpandainga ny vahoakan’i Noa.

ﯵﯶﯷﯸﯹﯺﯻﯼ

26:106 Rehefa niteny tamin’izy ireo i Noa, rahalahin’izy ireo, hoe : “Tsy matahotra (an’I Allah) ve ianareo ?

ﯽﯾﯿﰀﰁ

26:107 Izaho dia Iraka mendri-pitokisana ho anareo !

ﰂﰃﰄﰅ

26:108 Ary matahora an’I Allah àry ianareo, ary ankatoavy aho.

ﰆﰇﰈﰉﰊﰋﰌﰍﰎﰏﰐﰑﰒ

26:109 Ary tsy mangataka tambiny aminareo aho momba izany, tsy mila tambiny aho afa-tsy avy amin’ny Tompon’izao tontolo izao.

ﰓﰔﰕﰖ

26:110 Ary matahora an’I Allah àry ianareo, ary mankatoava ahy.

ﰗﰘﰙﰚﰛﰜﰝ

26:111 Niteny izy ireo hoe : “Moa ve hino anao izahay, nefa ireny olona ambany saranga indrindra ireny no manaraka anao ?”

ﭑﭒﭓﭔﭕﭖﭗ

26:112 Niteny izy hoe : “Tsy manana fahalalana amin’izay zavatra ataon’izy ireo aho".

ﭘﭙﭚﭛﭜﭝﭞﭟﭠ

26:113 Tsy misy fitsarana azy ireo afa-tsy any amin’ny Tompoko, raha mba tsapanareo izany.

ﭡﭢﭣﭤﭥ

26:114 Ary tsy izaho mihitsy no handroaka ireo mpino.

ﭦﭧﭨﭩﭪﭫ

26:115 Tsy iza akory aho afa-tsy mpananatra miharihary ihany.

ﭬﭭﭮﭯﭰﭱﭲﭳﭴ

26:116 Niteny izy ireo hoe : “Raha tsy mitsahatra ianao ry Noa dia tena ho anisan’ireo voatora-bato tokoa”.

ﭵﭶﭷﭸﭹﭺ

26:117 Niteny izy (Noa) hoe : “Tompo ô ! Tena nilaza ahy ho mpandainga ny vahoakako !

ﭻﭼﭽﭾﭿﮀﮁﮂﮃﮄ

26:118 Ka tsarao amin’ny fitsarana mazava àry ny amiko sy ny amin’izy ireo ; ary avoty aho sy ireo mpino miaraka amiko”.

ﮅﮆﮇﮈﮉﮊﮋ

26:119 Dia navotanay izy sy ireo izay niaraka taminy, tao anatin’ny sambo fiara feno tanteraka.

ﮌﮍﮎﮏﮐ

26:120 Avy eo dia narendrikay taorian’izany ireo sisa tavela.

ﮑﮒﮓﮔﮕﮖﮗﮘﮙﮚ

26:121 Marina fa amin’izany dia misy fahagagana tokoa, nefa ny ankamaroan’izy ireo dia tsy mpino.

ﮛﮜﮝﮞﮟﮠ

26:122 Ary marina fa ny Tomponao, Izy no ilay Tsitoha, ilay be indrafo.

ﮡﮢﮣﮤ

26:123 Nilaza ireo Iraka ho mpandainga ireo ‘Aad.

ﮥﮦﮧﮨﮩﮪﮫﮬ

26:124 Raha niteny tamin’izy ireo ny rahalahin’izy ireo Hod hoe : “Tsy manam-patahorana ve ianareo ?”

ﮭﮮﮯﮰﮱ

26:125 Izaho dia Iraka mendri-pitokisana ho anareo !

ﯓﯔﯕﯖ

26:126 Ary matahora an’i Allah àry ianareo, ary mankatoava ahy.

ﯗﯘﯙﯚﯛﯜﯝﯞﯟﯠﯡﯢﯣ

26:127 Ary tsy mangataka tambiny aminareo aho ny amin'izany, tsy misy karama afa-tsy avy amin’ny Tompon’izao Tontolo izao aho.

ﯤﯥﯦﯧﯨﯩ

26:128 Moa ve manorina tsangam-bato isaky ny havoana ianareo mba hanaovanareo rendrarendra ?

ﯪﯫﯬﯭﯮ

26:129 Ary moa ve manangana lapa ianareo tahaka ny hitoeranareo mandrakizay ?

ﯯﯰﯱﯲﯳ

26:130 Ary rehefa manasazy ianareo, dia manasazy tsy misy fiantràna .

ﯴﯵﯶﯷ

26:131 Ary matahora an’I Allah àry ianareo, ary mankatoava ahy.

ﯸﯹﯺﯻﯼﯽ

26:132 Ary matahora izay nanome anareo zavatra (tsara rehetra) izay efa fantatrareo ianareo.

ﯾﯿﰀﰁ

26:133 Izay nanome anareo ireo biby fiompy sy ireo zanaka.

ﰂﰃﰄ

26:134 Ary ireo zaridaina sy ireo loharano.

ﰅﰆﰇﰈﰉﰊﰋ

26:135 Marina fa izaho dia matahotra ny famaizana ho anareo amin’ny Andro lehibe.

ﰌﰍﰎﰏﰐﰑﰒﰓﰔﰕ

26:136 Niteny izy ireo hoe : “Mitovy ihany izany aminay, na mananatra ianao na tsy anisan’ireo mpananatra !

ﭑﭒﭓﭔﭕﭖ

26:137 Tsy inona izany fa fomba fiainan’ireo teo aloha ihany.

ﭗﭘﭙﭚ

26:138 Ary tsy ho faizina velively izahay.

ﭛﭜﭝﭞﭟﭠﭡﭢﭣﭤﭥﭦﭧ

26:139 Ka nilaza azy ho mpandainga izy ireo. Ary naringanay izy ireo.Tena marina fa amin’izany dia misy famantarana tokoa ! Nefa ny ankamaroan’izy ireo dia tsy mino.

ﭨﭩﭪﭫﭬﭭ

26:140 Ary marina fa ny Tomponao, Izy no ilay Tsitoha, ilay be indrafo.

ﭮﭯﭰﭱ

26:141 Nilaza ireo iraka ho mpandainga, ireo Thamody.

ﭲﭳﭴﭵﭶﭷﭸﭹ

26:142 Raha niteny tamin’izy ireo ny rahalahin’izy ireo Soalihy hoe : “Tsy manam-patahorana ve ianareo ?”

ﭺﭻﭼﭽﭾ

26:143 Izaho dia Iraka mendri-pitokisana ho anareo !

ﭿﮀﮁﮂ

26:144 Ary matahora an’I Allah àry ianareo, ary mankatoava ahy.

ﮃﮄﮅﮆﮇﮈﮉﮊﮋﮌﮍﮎﮏ

26:145 Ary tsy mangataka tambiny aminareo aho momba izany, tsy misy karama aho afa-tsy avy amin’ny Tompon’izao Tontolo izao.

ﮐﮑﮒﮓﮔﮕ

26:146 Moa ve avela am-pilaminana amin’izao toe-javatra misy anareo izao ianareo ?

ﮖﮗﮘﮙ

26:147 Ao amin’ireo zaridaina sy loharano.

ﮚﮛﮜﮝﮞ

26:148 Ary ireo voly sy ireo hazo palma izay mora levonina ny voankazony”.

ﮟﮠﮡﮢﮣﮤ

26:149 Ary lavahanareo amin-pahakingana ireo tendrombohitra ho trano.

ﮥﮦﮧﮨ

26:150 Ary matahora an’I Allah àry ianareo, ary mankatoava ahy.

ﮩﮪﮫﮬﮭ

26:151 Ary aza mankato ny baikon’ireo mpanao ny tafahoatra ianareo.

ﮮﮯﮰﮱﯓﯔﯕ

26:152 Ireo izay manao ny asa fanimbana eto an-tany, dia tsy manao mihitsy ny asa fanamboarana.

ﯖﯗﯘﯙﯚﯛ

26:153 Niteny izy ireo hoe : “Ianao dia tena anisan’ireo olona voan’ny mosavy".

ﯜﯝﯞﯟﯠﯡﯢﯣﯤﯥﯦﯧ

26:154 Tsy iza akory ianao afa-tsy olombelona tahaka anay ihany. ka ento aty aminay àry ny fahagagana, raha anisan’ireo mpilaza ny marina ianao.

ﯨﯩﯪﯫﯬﯭﯮﯯﯰﯱ

26:155 Niteny izy hoe : “Indro ny rameva vavy, ho azy ny anjara fisotroana amin’ny andro voatondro, ary ho anareo koa ny anjara fisotroana amin’ny andro hafa voatondro".

ﯲﯳﯴﯵﯶﯷﯸﯹ

26:156 Ary aza manao ratsy aminy na dia kely aza ianareo, raha tsy izany dia hiharan’ny famaizana ianareo amin’ny andro lehibe.

ﯺﯻﯼﯽ

26:157 Nefa mbola novonoin’izy ireo ihany izy (ny rameva vavy), noho izany dia nanenina izy ireo !

ﯾﯿﰀﰁﰂﰃﰄﰅﰆﰇﰈﰉﰊ

26:158 Koa niharan’ny famaizana izy ireo. Marina fa misy famantarana ny ao anatin’izany. Nefa ny ankamaroan’izy ireo dia tsy mino.

ﰋﰌﰍﰎﰏﰐ

26:159 Ary marina fa ny Tomponao, Izy no ilay Tsitoha, ilay be indrafo.

ﭑﭒﭓﭔﭕ

26:160 Nilaza ireo Iraka ho mpandainga ny vahoakan' i Lota.

ﭖﭗﭘﭙﭚﭛﭜﭝ

26:161 Raha niteny tamin’izy ireo ny rahalahin’izy ireo Lota hoe : “Tsy manam-patahorana ve ianareo ?"

ﭞﭟﭠﭡﭢ

26:162 Izaho dia Iraka mendri-pitokisana ho anareo !

ﭣﭤﭥﭦ

26:163 Ary matahora an’I Allah àry ianareo, ary mankatoava ahy.

ﭧﭨﭩﭪﭫﭬﭭﭮﭯﭰﭱﭲﭳ

26:164 Ary tsy mangataka tambiny aminareo aho momba izany, tsy misy karama aho afa-tsy avy amin’i Tompon’izao Tontolo izao.

ﭴﭵﭶﭷﭸ

26:165 Moa ve manao firaisana ara-nofo amin’ny lehilahin’izao tontolo izao ianareo ?

ﭹﭺﭻﭼﭽﭾﭿﮀﮁﮂﮃﮄﮅ

26:166 Ary avelanareo ireo vehivavy vadinareo izay noharian’i Tomponareo ho anareo ? Ary ianareo dia tena vahoaka mpandika lalàna.

ﮆﮇﮈﮉﮊﮋﮌﮍﮎ

26:167 Niteny izy ireo hoe : “Raha tsy mitsahatra ianao ry Lota, dia tena ho anisan’ireo atao sesi-tany".

ﮏﮐﮑﮒﮓﮔ

26:168 Niteny izy (Lota) hoe : “Marina fa izaho dia anisan’ireo mankahala ny asa izay ataonareo".

ﮕﮖﮗﮘﮙﮚ

26:169 Tompo o ! Avoty aho sy ny fianakaviako amin’izay ataon’izy ireo.

ﮛﮜﮝﮞ

26:170 Ka navotanay àry izy sy ny fianakaviany rehetra.

ﮟﮠﮡﮢﮣ

26:171 Afa-tsy vehivavy antitra iray anisan’ireo naringana.

ﮤﮥﮦﮧ

26:172 Avy eo dia nopotehinay koa ny sasany.

ﮨﮩﮪﮫﮬﮭﮮﮯ

26:173 Ary narotsakay tamin’izy ireo ny orana (oram-bato). Tena ratsy tokoa izany orana izany ho an’ireo izay nampitandremana.

ﮰﮱﯓﯔﯕﯖﯗﯘﯙﯚ

26:174 Marina fa amin’izany dia misy fahagagana tokoa, nefa ny ankamaroan’izy ireo dia tsy mpino.

ﯛﯜﯝﯞﯟﯠ

26:175 Ary marina fa ny Tomponao, Izy no ilay Tsitoha, ilay be indrafo.

ﯡﯢﯣﯤﯥ

26:176 Nilaza ireo iraka ho mpandainga ireo olon’ny Al-Aikaty.

ﯦﯧﯨﯩﯪﯫﯬ

26:177 Rehefa niteny tamin’izy ireo i Choaymbo hoe : “Tsy manam-patahorana ve ianareo ?”

ﯭﯮﯯﯰﯱ

26:178 Izaho dia Iraka mendri-pitokisana ho anareo !

ﯲﯳﯴﯵ

26:179 Ary matahora an’I Allah àry ianareo, ary mankatoava ahy.

ﯶﯷﯸﯹﯺﯻﯼﯽﯾﯿﰀﰁﰂ

26:180 Ary tsy mangataka tambiny aminareo aho momba izany, tsy misy karama aho afa-tsy avy amin’ny Tompon’izao Tontolo izao.

ﰃﰄﰅﰆﰇﰈﰉﰊ

26:181 Manomeza fatra feno ianareo,fa azamanao ho isan'ieo mpanena fatra.

ﰋﰌﰍﰎ

26:182 Ary mandanjà amin’ny fandanjana marina ianareo.

ﰏﰐﰑﰒﰓﰔﰕﰖﰗﰘ

26:183 Ary aza manome ny olona izay latsaky ny tokony ho azy ianareo; ary aza manao fanakorontanana sy asa fanimbana eto an-tany ianareo.

ﭑﭒﭓﭔﭕﭖ

26:184 Ary matahora Ilay Nahary anareo sy ireo taranaka teo aloha ianareo.

ﭗﭘﭙﭚﭛﭜ

26:185 Niteny izy ireo hoe : “Ianao dia tena anisan’ireo olona voan’ny mosavy".

ﭝﭞﭟﭠﭡﭢﭣﭤﭥﭦ

26:186 Tsy iza ianao afa-tsy olombelona tahaka anay ihany ; ary izahay dia mihevitra tokoa fa tena anisan’ireo mpandainga ianao.

ﭧﭨﭩﭪﭫﭬﭭﭮﭯﭰ

26:187 Noho izany dia andatsaho ny tapaky ny lanitra izahay raha toa ka milaza ny marina ianao !”

ﭱﭲﭳﭴﭵﭶ

26:188 Niteny izy hoe : “Ny Tompoko no tena mahalala izay ataonareo”.

ﭷﭸﭹﭺﭻﭼﭽﭾﭿﮀﮁﮂ

26:189 Nefa nolazain’izy ireo fa mpandainga izy. Ka niharan’ny famaizan’ny andron’ny aloka izy ireo. Ary izany dia tena famaizan’ny andro lehibe.

ﮃﮄﮅﮆﮇﮈﮉﮊﮋﮌ

26:190 Marina fa amin’izany dia misy fahagagana tokoa, nefa ny ankamaroan’izy ireo dia tsy mpino.

ﮍﮎﮏﮐﮑﮒ

26:191 Ary marina fa ny Tomponao, Izy no ilay Tsitoha, ilay be indrafo.

ﮓﮔﮕﮖﮗ

26:192 Izy io (ny Kor’any) dia ny Tompon’izao tontolo izao no nampidina azy.

ﮘﮙﮚﮛﮜ

26:193 Ary nidina niaraka taminy ilay Fanahy mendri-pitokisana (Anjely Gabriely).

ﮝﮞﮟﮠﮡﮢ

26:194 (Hametraka azy) Ao amin’ny fonao, mba ho anisan’ireo mpampitandrina ianao.

ﮣﮤﮥﮦ

26:195 Amin’ny fiteny arabo mazava tsara.

ﮧﮨﮩﮪﮫ

26:196 Ary izy io dia efa voarakitra mazava tsara ao anatin’ny soratra masin’ireo teo aloha.

ﮬﮭﮮﮯﮰﮱﯓﯔﯕﯖ

26:197 Moa ve tsy famantarana ho azy ireo izany, fa ireo manam-pahaizan’ny zanak’Israely dia mahafantatra tsara izany ?

ﯗﯘﯙﯚﯛﯜ

26:198 Ary raha nampidina an’izany tamin’ny olon-kafa tsy arabo Izahay.

ﯝﯞﯟﯠﯡﯢﯣ

26:199 Ary novakiany tamin’izy ireo izany, dia tsy nino izany ihany izy ireo.

ﯤﯥﯦﯧﯨﯩ

26:200 Tahaka izany no nampidiranay azy (ny ahiahy) tao amin’ny fon’ireo mpanao heloka bevava.

ﯪﯫﯬﯭﯮﯯﯰﯱ

26:201 Ka tsy hino izany (Kor’any izany) izy ireo alohan’ny ahitan’izy ireo ny famaizana mamirifiry.

ﯲﯳﯴﯵﯶﯷ

26:202 Izay ho tonga tampoka amin’izy ireo, ary tsy ahatsapa izany mihitsy izy ireo.

ﯸﯹﯺﯻﯼ

26:203 Dia hiteny izy ireo hoe : “Moa ve ahazo fe-potoana izahay ?”

ﯽﯾﯿ

26:204 Ny famaizana avy Aminay ve no tadiavin’izy ireo hafainganina ?

ﰀﰁﰂﰃﰄ

26:205 Hitanao ve raha omenay fahafinaretana izy ireo mandritra ny taona maro.

ﰅﰆﰇﰈﰉﰊ

26:206 Avy eo dia ho tonga amin’izy ireo izay nampitahorana azy ireo.

ﭑﭒﭓﭔﭕﭖﭗ

26:207 Tsy nahavita na inona na inona amin’izy ireo, ireo fahafinaretana izay nomena azy ireo.

ﭘﭙﭚﭛﭜﭝﭞﭟ

26:208 Ary tsy mandringana tanàna Izahay raha tsy efa nisy ireo mpampitandrina ao aminy.

ﭠﭡﭢﭣﭤ

26:209 Ho fampahatsiahivana ity, ary Izahay dia tsy mba mpanao ny tsy rariny.

ﭥﭦﭧﭨﭩ

26:210 Ary tsy mba ireo satana no nidina niaraka tamin’ity (Kor’any ity).

ﭪﭫﭬﭭﭮﭯ

26:211 Ary tsy mendrika ho azy ireo izany, no sady tsy manam-pahefana (amin’izany) izy ireo.

ﭰﭱﭲﭳﭴ

26:212 Satria izy ireo dia tena nohalavirina amin’ny fihainoana (ny hafatra masina).

ﭵﭶﭷﭸﭹﭺﭻﭼﭽﭾ

26:213 Ka aoka ianao tsy hiantso Tompo hafa miaraka amin’I Allah, raha tsy izany dia ho anisan’ireo ho faizina ianao.

ﭿﮀﮁﮂ

26:214 Ary ampitandremo (ry Mohammady) ireo havanao akaiky.

ﮃﮄﮅﮆﮇﮈﮉ

26:215 Ampidino ny elatrao (aoka ianao halemy fanahy) amin’ireo mpino izay manaraka anao.

ﮊﮋﮌﮍﮎﮏﮐﮑ

26:216 Ary raha tsy mankatò anao izy ireo, dia teneno hoe : “Izaho dia mitsipaka izay ataonareo”.

ﮒﮓﮔﮕﮖ

26:217 Ary ankino amin’Ilay Tsitoha, Ilay be Indrafo ny fitokisanao.

ﮗﮘﮙﮚﮛ

26:218 Izay mahita anao rehefa mitsangana ianao.

ﮜﮝﮞﮟ

26:219 Sy ny fihetsikao eo anivon’ireo mpiankohoka.

ﮠﮡﮢﮣﮤ

26:220 Izy no Ilay tena Maheno sy Mahalala .

ﮥﮦﮧﮨﮩﮪﮫ

26:221 Ho lazaiko anareo ve amin’iza no midina ireo satana ?

ﮬﮭﮮﮯﮰﮱ

26:222 Midina amin’izay rehetra be famoronan-dainga sy be fahotana izy ireo.

ﯓﯔﯕﯖﯗ

26:223 Mampandry sofina izy ireo nefa ny ankamaroan’izy ireo dia mpandainga avokoa.

ﯘﯙﯚﯛ

26:224 Fa ireo mpanao tononkalo kosa, dia manaraka azy ireo avy izay very lalana.

ﯜﯝﯞﯟﯠﯡﯢﯣ

26:225 Moa ve tsy hitanao fa izy ireo dia mirenireny isaky ny lohasaha.

ﯤﯥﯦﯧﯨﯩ

26:226 Ary izy ireo dia miteny izay tsy ataony.

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾ

26:227 Afa-tsy ireo izay mino sy manao ireo asa soa, ary mahatsiaro matetika an’I Allah sy miaro tena amin’ny tsy rariny izay natao azy ireo. Ary ho fantatr’ireo izay nanao ny tsy rariny fa fiverenana toy inona no hiverenan’izy ireo !

Koraña Masina

Wednesday, September 9, 2026

Don't forget us in your sincere prayers

Surah Ash-Shu'ara pdf

Surah Ash-Shu'ara pdf — Alaino (Malagasy)

Related

More Surah PDF