Suuratu Ash-Shu'ara pdf Fulfulde

PDF —

227 Aaya Meccan PDF

Built right in your browser — download starts automatically

Suuratu Ash-Shu'ara pdf — Aawto (Fulfulde)

Suuratu Ash-Shu'ara pdf Fulfulde — Aawto Suuratu Ash-Shu'ara Jaaɓtinde. Suuratu Ash-Shu'ara (Meccan) 227 Aaya.

← Al-FurqanSuuratu Ash-Shu'ara An-Naml →

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu Ash-Shu'ara

227 Aaya · Meccan · Fulfulde

ﭑﭒ

26:1 Taa, Siin, Miim

ﭓﭔﭕﭖﭗ

26:2 Ɗen ko Aayeeje Deftere ɓanngunde nden

ﭘﭙﭚﭛﭜﭝﭞ

26:3 Belajo’o an a tampiniray hoore maaɗa kin fii ɓe laataaki gomɗinɓe

ﭟﭠﭡﭢﭣﭤﭥﭦﭧﭨﭩﭪ

26:4 Si Men Muuyii Men jippinay e maɓɓe immorde ka kammu Aaya daaɗe maɓɓe ɗen ñalla ko ɗe yankinaniiɗe mo

ﭫﭬﭭﭮﭯﭰﭱﭲﭳﭴﭵﭶ

26:5 Arataa e maɓɓe waaju immorde ka Hinnorante On fuɗɗaangu si wanaa ɓe laatike ɗuuriiɓe ngu

ﭷﭸﭹﭺﭻﭼﭽﭾﭿ

26:6 Gomɗii ɓe fennii aroyay e maɓɓe kabaruuji ko ɓe laatinoo koɓe jalkitano

ﮀﮁﮂﮃﮄﮅﮆﮇﮈﮉﮊﮋ

26:7 Enee, ɓe yi`aali faade e leydi ndin, no foti hewde ko Men fuɗini e mayri immorde e kala noone tedduɗo

ﮌﮍﮎﮏﮐﮑﮒﮓﮔﮕ

26:8 Pellet, wonii e ɗum [ko jaŋtaa ɗoo] Aaya, ɓurɓe heewuɓe e maɓɓe laataaki gomɗinɓe

ﮖﮗﮘﮙﮚﮛ

26:9 Pellet, Joomi maaɗa ko Kanko woni Tedduɗo Yurmeteeɗo On

ﮜﮝﮞﮟﮠﮡﮢﮣﮤ

26:10 Jaŋto tuma nde Joomi maaɗa noddunoo Muusaa, ɗum woni aru e yimɓe tooñooɓe ɓen

ﮥﮦﮧﮨﮩﮪ

26:11 Yimɓe Fir`awna, kaa on hulataa

ﮫﮬﮭﮮﮯﮰﮱ

26:12 O maaki: "Joom am , min miɗo huli wata ɓe fennam

ﯓﯔﯕﯖﯗﯘﯙﯚﯛ

26:13 Ɓernde am nden ɓittoo hara ɗemngal am ngal wellitaaki, awa Nulu Haaruuna

ﯜﯝﯞﯟﯠﯡﯢ

26:14 No woodani ɓe e dow am bakkaatu miɗo huli fii wata ɓe waram

ﯣﯤﯥﯦﯧﯨﯩﯪﯫﯬ

26:15 O Daali: "Wanaa non, yahee onon ɗiɗo, Menɗen wonndi e mooɗon ko Men heɗiiɓe

ﯭﯮﯯﯰﯱﯲﯳﯴ

26:16 Aree ka Fir`awna wi’on: "Menen dey ko men Nulaaɓe Jooma winndere nden

ﯵﯶﯷﯸﯹﯺ

26:17 Ɗum woni accitu ɓiɗɓe Isra’iila ɓen wonndude e amen

ﯻﯼﯽﯾﯿﰀﰁﰂﰃﰄﰅ

26:18 O wi`i: "Enee, men ne’aano ma ka amen ɗoo hari ko a boobo, ñiiɓuɗaa ka amen ɗoo duuɓi e ngurndam maaɗam

ﰆﰇﰈﰉﰊﰋﰌﰍ

26:19 Golluɗaa gollal maaɗa ngal gollunoɗaa ngal, an ko e yedduɓe ɓen jeyaɗaa

ﭑﭒﭓﭔﭕﭖﭗ

26:20 O maaki: "Mi waɗii ɗum, ontuma hara min ko mi jeyaaɗo e majjuɓe ɓen

ﭘﭙﭚﭛﭜﭝﭞﭟﭠﭡﭢﭣ

26:21 Mi dogi on, tuma nde mi hulunoo on, Joomi am okkin mi Ganndal O waɗin mi jeyaaɗo e Nulaaɓe ɓen

ﭤﭥﭦﭧﭨﭩﭪﭫﭬ

26:22 Ɗum ko neema mo wajitirtaa mi ɗum, fii a maccinɗinii ɓiɗɓe Israa’iila ɓen

ﭭﭮﭯﭰﭱﭲ

26:23 Fir`awna wi`i: " Ko hommbo jeyi winndere nden

ﭳﭴﭵﭶﭷﭸﭹﭺﭻﭼﭽ

26:24 O maaki: "Ko Jooma kammuuli ɗin e leydi ndin e ko woni kon hakkunde majji, si on laatike yananaaɓe

ﭾﭿﮀﮁﮂﮃ

26:25 O wi`ani ɓen wonuɓe banŋe makko: "Enee; on heɗataako

ﮄﮅﮆﮇﮈﮉ

26:26 O maaki: "Joomi mooɗon e Jooma baabiraaɓe ardiiɓe ɓen

ﮊﮋﮌﮍﮎﮏﮐﮑ

26:27 [Fir`awna] wi`i: "Pellet, Nulaaɗo mooɗon on Nulaaɗo faade e mooɗon ko o feetuɗo

ﮒﮓﮔﮕﮖﮗﮘﮙﮚﮛﮜ

26:28 O maaki: "Ko Jooma funnaange e hirnaange e ko woni kon hakkunde majji, si on laatike hakkilooɓe

ﮝﮞﮟﮠﮡﮢﮣﮤﮥ

26:29 [Fir`awna] wi`i: "Mi woondii si jogitike reweteeɗo tanaa am, mi waɗete jeyaaɗo dummbaaɓe ɓen

ﮦﮧﮨﮩﮪﮫ

26:30 O maaki: "Enee, hay si mi addanii ma huunde ɓanngunde

ﮬﮭﮮﮯﮰﮱﯓﯔ

26:31 [Fir`awna] wi`i: "Awa addu ɗum, si tawii ko e goongu ɓen jeyaaɗaa

ﯕﯖﯗﯘﯙﯚﯛ

26:32 O werliiii tuggordu makko ndun, jaka ko ndu biidaande(ngoolwa) ɓannguba

ﯜﯝﯞﯟﯠﯡﯢ

26:33 O yaltini junngo makko ngon, jaka yoo ko ngo rawnungo wonannde ndaarooɓe ɓen

ﯣﯤﯥﯦﯧﯨﯩﯪ

26:34 [Fir`awna] wi`ani mbatu ngun fee makko: "Pellet, ooɗoo ko mbileejo heewuɗo ganndal

ﯫﯬﯭﯮﯯﯰﯱﯲﯳ

26:35 Himo faandii yaltinirgol on ka leydi mooɗon mbilewu makko ngun. Ko hunɗun yamirɗon

ﯴﯵﯶﯷﯸﯹﯺﯻ

26:36 Ɓe wi`i : "Nennu mo e musiɗɗo makko on, nulaa e ca’e ɗen mooɓooɓe (mbile)

ﯼﯽﯾﯿﰀ

26:37 Ɓe addane kala mbileejo annduɗo

ﰁﰂﰃﰄﰅﰆ

26:38 Mbileeɓe ɓen mooɓaa fii fodoore ñalaande anndaande

ﰇﰈﰉﰊﰋﰌ

26:39 Yimɓe ɓen wi`anaa: "Taw si onon ko on mooɓike(ndenndi)

ﭑﭒﭓﭔﭕﭖﭗﭘ

26:40 Belajo’o menen men jokkay mbileeɓe ɓen, si ɓe laatike ko kamɓe woni fooluɓe ɓen

ﭙﭚﭛﭜﭝﭞﭟﭠﭡﭢﭣﭤﭥ

26:41 Tuma nde mbileeɓe ɓen arunoo; ɓe wi`ani Fir`awna: "Enee, hara no woodani men njoɓdi si tawii ko men woni fooluɓe ɓen

ﭦﭧﭨﭩﭪﭫﭬ

26:42 O wi`i : "Eyyo, haray ontuma on jeyaama e ɓaɗtinaaɓe ɓen

ﭭﭮﭯﭰﭱﭲﭳﭴ

26:43 Muusaa maakani ɓe: "mbeddee, ko werloton kon

ﭵﭶﭷﭸﭹﭺﭻﭼﭽﭾ

26:44 Ɓe liɓi ɓokkoy maɓɓe koy e cawoy maɓɓe kon, ɓe wi`i: "Sabu teddungal Fir`awna, ko menen woni foolooɓe ɓen

ﭿﮀﮁﮂﮃﮄﮅﮆﮇ

26:45 Muusaa werlii tuggordu makko ndun, tawi kayru hindu moɗa ko ɓe fefindii kon

ﮈﮉﮊﮋ

26:46 Mbileeɓe ɓen suuyi ɓe sujji

ﮌﮍﮎﮏﮐ

26:47 Ɓe wi`i : "Men gomɗinii Jeyɗo Winndere nden

ﮑﮒﮓﮔ

26:48 Jeyɗo Muusaa e Haaruuna

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬ

26:49 [Fir`awna] wi`i: "Enee, on gomɗinay mo, ko adii mi duŋanaade on? Pellet, ko kanko woni mawɗo mooɗon anndinɗo on on mbilewu ngun, kono aray anndon, mami taƴu juuɗe mooɗon e koyɗe mooɗon [taƴa] luutindira. Mami fetu on, on fow mooɗon

ﮭﮮﮯﮰﮱﯓﯔﯕﯖ

26:50 Ɓe wi`i: "Tanaa alaa, menen ko faade ka Joomi amen men ruttotoo

ﯗﯘﯙﯚﯛﯜﯝﯞﯟﯠﯡﯢ

26:51 Menen meɗen tamƴinii nde Joomi amen yawtani men goopi amen ɗin,tawde men laatike adiiɓe gomɗinnde ɓen

ﯣﯤﯥﯦﯧﯨﯩﯪﯫﯬ

26:52 Men Wahayini faade e Muusaa: "Ɗum woni roƴidu e jeyaaɓe Am ɓen. Pellet, onon ko on jokkiteteeɓe

ﯭﯮﯯﯰﯱﯲ

26:53 Fir`awna nuli ka ca’e mooɓooɓe

ﯳﯴﯵﯶﯷ

26:54 [O wi`i:] Pellet, ɓee ko ɓe mojobun pamarun

ﯸﯹﯺﯻ

26:55 Pellet, kamɓe hiɓe tikkinnde men

ﯼﯽﯾﯿ

26:56 Enen non en fow ko en rentiiɓe

ﰀﰁﰂﰃﰄ

26:57 Men yaltini ɓe immorde e gese e canɗi

ﰅﰆﰇﰈ

26:58 E ngaluuji e ñiiɓirde teddunde

ﰉﰊﰋﰌﰍﰎ

26:59 Ko wano nii, Men ronini ɗum ɓiɗɓe Israa’iila ɓen

ﰏﰐﰑ

26:60 Ɓe jokkiɓe ka puɗal

ﭑﭒﭓﭔﭕﭖﭗﭘﭙ

26:61 Tuma nde jamaaji ɗin ɗin yi’ndirnoo, yimɓe Muusaa ɓen wi`i: "Enen en hewtoyte

ﭚﭛﭜﭝﭞﭟﭠﭡ

26:62 O maaki: "Ɗum waɗataa, pellet, Joomi am no wonndi e am O fewnay lam

ﭢﭣﭤﭥﭦﭧﭨﭩﭪﭫﭬﭭﭮﭯﭰ

26:63 Men Wahayini e Muusaa, ɗum woni piyir tuggordu maaɗa ndun maayo ngon, ngo seekii seekol kala seekol na foti e tulde mawnde

ﭱﭲﭳﭴ

26:64 Men ɓanni ton heddiiɓe ɓen

ﭵﭶﭷﭸﭹﭺ

26:65 Men danndi Muusaa e wonnduɓe e makko ɓen fow maɓɓe

ﭻﭼﭽﭾ

26:66 Refti Men yooli heddii ɓe ɓen

ﭿﮀﮁﮂﮃﮄﮅﮆﮇﮈ

26:67 Pellet, wonii e ɗum [ko jaŋtaa ɗoo] Aaya, ɓurɓe heewude e maɓɓe laataaki gomɗinɓe

ﮉﮊﮋﮌﮍﮎ

26:68 Pellet, Joomi maaɗa, ko Kanko woni Tedduɗo Yurmeteeɗo

ﮏﮐﮑﮒﮓ

26:69 Janngan ɓe kumpital fii Ibraahiima

ﮔﮕﮖﮗﮘﮙﮚ

26:70 Tuma nde o wi`annoo ben makko e yimɓe makko ɓen; ko honɗum rewoton

ﮛﮜﮝﮞﮟﮠﮡ

26:71 Ɓe wi`i: "Meɗen rewude sanamuuji, men ñallay ufinanaade ɗi

ﮢﮣﮤﮥﮦﮧ

26:72 O maaki: "Yalli hiɗi nanana on, nde noddoton

ﮨﮩﮪﮫﮬ

26:73 Kaa hiɗi nafa on maaɗum ɗi lorra on

ﮭﮮﮯﮰﮱﯓﯔ

26:74 Ɓe wi`i: "Ko woni, men tawii baabiraaɓe amen ɓen konii ɓe golliraynoo

ﯕﯖﯗﯘﯙﯚ

26:75 O maaki: "Enee, on yi`ii kon ko wonuɗon e rewude

ﯛﯜﯝﯞ

26:76 Onon e baabiraaɓe mooɗon adinooɓe ɓen

ﯟﯠﯡﯢﯣﯤﯥ

26:77 Pellet, kamɓe ko ɓe ayɓe am, si wanaa Jooma winndire nden

ﯦﯧﯨﯩﯪ

26:78 On Taguɗo lam, ko Kanko fewnata lam

ﯫﯬﯭﯮﯯ

26:79 On ko Kanko ñamminta lam O yarnan-mi

ﯰﯱﯲﯳﯴ

26:80 Si mi nawnii, ko Kanko sellinta lam

ﯵﯶﯷﯸﯹ

26:81 E On warayɗo lam refti O wurnitan mi

ﯺﯻﯼﯽﯾﯿﰀﰁﰂ

26:82 On Mo mi tamƴinii kadi nde O yaafatoomi goopi am ɗin Ñalnde [njoɓdi] Diina kan

ﰃﰄﰅﰆﰇﰈﰉ

26:83 Joomam, okkam Ganndal wattidaa mi e moƴƴuɓe ɓen. @Corrected

ﭑﭒﭓﭔﭕﭖﭗ

26:84 Waɗanaa lam ɗemngal goongungal ka sakkitiiɓe ɓen

ﭘﭙﭚﭛﭜﭝ

26:85 Waɗaa mi jeyaaɗo e ronooɓe Aljanna Neemaaji ɗin

ﭞﭟﭠﭡﭢﭣﭤ

26:86 Yawtanaa baaba am, pellet, kanko o laatinoke jeyaaɗo e majjuɓe ɓen

ﭥﭦﭧﭨﭩ

26:87 Wata A hersinoyam Ñalnde ɓe Immital

ﭪﭫﭬﭭﭮﭯﭰ

26:88 Ñalnde nde jawdi e ɓiɗɓe nafataa

ﭱﭲﭳﭴﭵﭶﭷ

26:89 Si wanaa on arduɗo ka Alla e ɓernde hisunde

ﭸﭹﭺﭻ

26:90 Aljanna on ɓatinanee hulooɓe Alla ɓen

ﭼﭽﭾﭿ

26:91 Jahiim ngen feññinanee bewɓe ɓen

ﮀﮁﮂﮃﮄﮅﮆ

26:92 Ɓe wi’nee: "Honto woni ko laatinoɗon kon hiɗon rewa

ﮇﮈﮉﮊﮋﮌﮍﮎ

26:93 Gaanin Alla? Taw si ɗi wallay on maaɗum ɗi wallay hoore majji

ﮏﮐﮑﮒﮓ

26:94 Ɓe hippee e nder magge kanɓe e bewɓe ɓen

ﮔﮕﮖﮗ

26:95 E konnuuji ibliisa ɗin ɗi fow majji

ﮘﮙﮚﮛﮜ

26:96 Ɓe wi`i tawi kamɓe hiɓe wennjondira nder ton

ﮝﮞﮟﮠﮡﮢﮣ

26:97 Men woondirii Alla, men woniino e nder majjere ɓanngunde

ﮤﮥﮦﮧﮨ

26:98 Tuma nde men fonnunoo on e Jooma winndere nden

ﮩﮪﮫﮬﮭ

26:99 Majjinaali men si wonaa bonɓe ɓen

ﮮﮯﮰﮱﯓ

26:100 Alanaa men tefooɓe

ﯔﯕﯖﯗ

26:101 Wanaa kadi giɗo ñallamɓereejo(tigi tigi)

ﯘﯙﯚﯛﯜﯝﯞﯟ

26:102 Sinndo no woodannoo men rutteede, men laatoo jeyaaɓe e gomɗinɓe ɓen

ﯠﯡﯢﯣﯤﯥﯦﯧﯨﯩ

26:103 Pellet, wonii e ɗum [ko jaŋtaa ɗoo] Aaya, ɓurɓe heewuɓe e maɓɓe laataaki gomɗinɓe

ﯪﯫﯬﯭﯮﯯ

26:104 Pellet, Joomi maaɗa, ko Kanko woni Tedduɗo Yurmeteeɗo

ﯰﯱﯲﯳﯴ

26:105 Yimɓe Nuuhu ɓen fenni Nulaaɓe ɓen

ﯵﯶﯷﯸﯹﯺﯻﯼ

26:106 Tuma nde Nuuhu musiɗɗo maɓɓe on wi`annoo ɓe: "Enee, on hulataa [Alla]

ﯽﯾﯿﰀﰁ

26:107 Min dey, ko mi Nulaaɗo e mooɗon hoolaaɗo

ﰂﰃﰄﰅ

26:108 Hulee Alla ɗoftoɗon mi

ﰆﰇﰈﰉﰊﰋﰌﰍﰎﰏﰐﰑﰒ

26:109 Mi toraaki on e dow ɗum njoɓdi, njoɓdi am ndin fawaaki si wanaa Jooma winndere nden

ﰓﰔﰕﰖ

26:110 Hulee Alla ɗoftoɗon mi

ﰗﰘﰙﰚﰛﰜﰝ

26:111 Ɓe wi`i: "Enee, hara men gomɗinte, jaasuɓe ɓen no jokkumaa

ﭑﭒﭓﭔﭕﭖﭗ

26:112 O maaki: "Ko honɗum woni ganndal am e ko ɓe wonunoo e gollude

ﭘﭙﭚﭛﭜﭝﭞﭟﭠ

26:113 Hasboore maɓɓe nden fawaaki si wanaa e Joomi am, sinndo hiɗon so’aynoo

ﭡﭢﭣﭤﭥ

26:114 Min mi wonaali raɗotooɗo gomɗinɓe ɓen

ﭦﭧﭨﭩﭪﭫ

26:115 Min mi wonaali si wanaa jertinoowo ɓannguɗo

ﭬﭭﭮﭯﭰﭱﭲﭳﭴ

26:116 Ɓe wi`i: "Men woondii si a accaali an Nuuhu, ma a laato sanne jeyaaɗo e rajmeteeɓe ɓen

ﭵﭶﭷﭸﭹﭺ

26:117 O maaki: "Joom am, pellet, yimɓe am ɓen ɓe fenni lam

ﭻﭼﭽﭾﭿﮀﮁﮂﮃﮄ

26:118 Ñaawu hakkunde am e maɓɓe ñaawoore, danndaa mi e ɓen wonnduɓe e am jeyaaɓe e gomɗinɓe ɓen

ﮅﮆﮇﮈﮉﮊﮋ

26:119 Men danndi mo e ɓen wonnduɓe e makko ka nder laana ƴoltiika(loowaaka)

ﮌﮍﮎﮏﮐ

26:120 Refti Men yooli ɓaawo [maɓɓe] heddiiɓe ɓen

ﮑﮒﮓﮔﮕﮖﮗﮘﮙﮚ

26:121 Pellet, wonii e ɗum [ko jaŋtaa ɗoo] Aaya, ɓurɓe heewude e maɓɓe laataaki gomɗinɓe

ﮛﮜﮝﮞﮟﮠ

26:122 Pellet, Joomi maaɗa, ko Kanko woni Tedduɗo Yurmeteeɗo

ﮡﮢﮣﮤ

26:123 Aadinkooɓe ɓen fenniino Nulaaɓe ɓen

ﮥﮦﮧﮨﮩﮪﮫﮬ

26:124 Tuma nde Huudu musiɗɗo maɓɓe on wi`annoo ɓe: "Enee, on hulataa [Alla]

ﮭﮮﮯﮰﮱ

26:125 Min dey, ko mi Nulaaɗo e mooɗon hoolaaɗo

ﯓﯔﯕﯖ

26:126 Hulee Alla ɗoftoɗon mi

ﯗﯘﯙﯚﯛﯜﯝﯞﯟﯠﯡﯢﯣ

26:127 Mi toraaki on e dow ɗum njoɓdi, njoɓdi am ndin fawaaki si wanaa Jooma winndere nden

ﯤﯥﯦﯧﯨﯩ

26:128 Enee, on mahay maande e kala tulde hiɗon fija

ﯪﯫﯬﯭﯮ

26:129 Jogitoɗon kuɓeeje a wi`ayma onon ko on luttinteeɓe [ka aduna]

ﯯﯰﯱﯲﯳ

26:130 Si on jaggitii, janggiton ko ndunndarankooɓe

ﯴﯵﯶﯷ

26:131 Hulee Alla ɗoftoɗon mi

ﯸﯹﯺﯻﯼﯽ

26:132 Hulee On ɓeydirɗo on ko annduɗon

ﯾﯿﰀﰁ

26:133 O ɓeydiri on neemoraaɗi e ɓiɗɓe worɓe

ﰂﰃﰄ

26:134 E gese e canɗi

ﰅﰆﰇﰈﰉﰊﰋ

26:135 [O maaki] min dey, miɗo hulani on Lepte Ñalaande mawnde

ﰌﰍﰎﰏﰐﰑﰒﰓﰔﰕ

26:136 Ɓe wi`i: "No fotana men ter, si a waajike maaɗum si a laataaki jeyaaɗo e waajotooɓe ɓen

ﭑﭒﭓﭔﭕﭖ

26:137 Pellet, ɗum wonaali si wanaa jikku adinooɓe ɓen

ﭗﭘﭙﭚ

26:138 Menen men wonaali leptoyteeɓe

ﭛﭜﭝﭞﭟﭠﭡﭢﭣﭤﭥﭦﭧ

26:139 Ɓe fenni mo, Men halki ɓe. Pellet, wonii e ɗum [ko jaŋtaa ɗoo] Aaya, ɓurɓe heewude e maɓɓe laataaki gomɗinɓe

ﭨﭩﭪﭫﭬﭭ

26:140 Pellet, Joomi maaɗa, ko Kanko woni Tedduɗo Yurmeteeɗo

ﭮﭯﭰﭱ

26:141 Samuudinkooɓe ɓen fenniino Nulaaɓe ɓen

ﭲﭳﭴﭵﭶﭷﭸﭹ

26:142 Tuma nde Saalihu musiɗɗo maɓɓe on wi`annoo ɓe: "Enee, on hulataa [Alla]

ﭺﭻﭼﭽﭾ

26:143 Min dey, ko mi Nulaaɗo e mooɗon hoolaaɗo

ﭿﮀﮁﮂ

26:144 Hulee Alla ɗoftoɗon mi

ﮃﮄﮅﮆﮇﮈﮉﮊﮋﮌﮍﮎﮏ

26:145 Mi toraaki on e dow ɗum njoɓdi, njoɓdi am ndin fawaaki si wanaa Jooma winndere nden

ﮐﮑﮒﮓﮔﮕ

26:146 Enee, hara on accete e koo ko woni ɗoo ko on hooliiɓe

ﮖﮗﮘﮙ

26:147 E nder gese e canɗi

ﮚﮛﮜﮝﮞ

26:148 E remuruuji e tamarooje hara dukke majje ko ɓennduɗum

ﮟﮠﮡﮢﮣﮤ

26:149 Hiɗon lesa pelle ɗen [waɗon] cuuɗi ko on haawitiiɓe

ﮥﮦﮧﮨ

26:150 Hulee Alla ɗoftoɗon mi

ﮩﮪﮫﮬﮭ

26:151 Wata on ɗofto yamaruyee fantinooɓe ɓen

ﮮﮯﮰﮱﯓﯔﯕ

26:152 Ɓen bonnooɓe ka leydi hara ɓe moƴƴintaa

ﯖﯗﯘﯙﯚﯛ

26:153 Ɓe wi`i: "Pellet, an ko a jeyaaɗo mbilaaɓe ɓen

ﯜﯝﯞﯟﯠﯡﯢﯣﯤﯥﯦﯧ

26:154 An a wonaali si wanaa ɓanndunke yeru amen, awa addu Aaya, si tawii a laatike jeyaaɗo e goonguɓe ɓen

ﯨﯩﯪﯫﯬﯭﯮﯯﯰﯱ

26:155 O maaki: "Mbaaɗoo ko naaqawa, no woodani mba yaramnde, no woodani on onon kadi yaramnde ñalaande anndaande

ﯲﯳﯴﯵﯶﯷﯸﯹ

26:156 Wata on memir mba ko boni, sakko nannga on Lepte Ñalnde Mawnde

ﯺﯻﯼﯽ

26:157 Ɓe mborii mba, ɓe wonti nimsuɓe

ﯾﯿﰀﰁﰂﰃﰄﰅﰆﰇﰈﰉﰊ

26:158 Lepte ɗen nanngi ɓe. Pellet, wonii e ɗum [ko jaŋtaa ɗoo] Aaya, ɓurɓe heewude e maɓɓe laataaki gomɗinɓe

ﰋﰌﰍﰎﰏﰐ

26:159 Pellet, Joomi maaɗa, ko Kanko woni Tedduɗo Yurmeteeɗo

ﭑﭒﭓﭔﭕ

26:160 Yimɓe Luutu ɓen fenni Nulaaɓe ɓen

ﭖﭗﭘﭙﭚﭛﭜﭝ

26:161 Tuma nde Luutu musiɗɗo maɓɓe on wi`annoo ɓe: "Enee, on hulataa [Alla]

ﭞﭟﭠﭡﭢ

26:162 Min dey, ko mi Nulaaɗo e mooɗon hoolaaɗo

ﭣﭤﭥﭦ

26:163 Hulee Alla ɗoftoɗon mi

ﭧﭨﭩﭪﭫﭬﭭﭮﭯﭰﭱﭲﭳ

26:164 Mi toraaki on e dow ɗum njoɓdi, njoɓdi am ndin fawaaki si wanaa Jooma winndere nden

ﭴﭵﭶﭷﭸ

26:165 Enee, on aray worɓe ɓen immorde e winndere nden

ﭹﭺﭻﭼﭽﭾﭿﮀﮁﮂﮃﮄﮅ

26:166 Ɗalon ko Joomi mooɗon tagani on kon immorde e sonnaaɓe mooɗon? Ko woni, onon ko on yimɓe jaggituɓe

ﮆﮇﮈﮉﮊﮋﮌﮍﮎ

26:167 Ɓe wi`i: "Men woondii si a accaali an Luutu, ma a laato sanne jeyaaɗo e yaltiteeɓe ɓen

ﮏﮐﮑﮒﮓﮔ

26:168 O maaki: "Min dey, miɗo jeyaa e añuɓe ɓen golle mooɗon ɗen

ﮕﮖﮗﮘﮙﮚ

26:169 Jooma, danndam min e ɓeynguure am nden kon ko ɓe gollata

ﮛﮜﮝﮞ

26:170 Men danndi mo e ɓeynguure makko nden, ɓe fow maɓɓe

ﮟﮠﮡﮢﮣ

26:171 Si wonaa jiidiraare(nayeejo debbo) nden ka halkaaɓe ɓen

ﮤﮥﮦﮧ

26:172 Refti Men oƴƴi heddii ɓe ɓen

ﮨﮩﮪﮫﮬﮭﮮﮯ

26:173 Men toɓini e dow maɓɓe toɓo, bonii toɓo jertinaaɓe ɓen

ﮰﮱﯓﯔﯕﯖﯗﯘﯙﯚ

26:174 Pellet, wonii e ɗum [ko jaŋtaa ɗoo] Aaya, ɓurɓe heewuɓe e maɓɓe laataaki gomɗinɓe

ﯛﯜﯝﯞﯟﯠ

26:175 Pellet, Joomi maaɗa, ko Kanko woni Tedduɗo Yurmeteeɗo

ﯡﯢﯣﯤﯥ

26:176 Yimɓe fitaare(sutu) nden fenniino Nulaaɓe ɓen

ﯦﯧﯨﯩﯪﯫﯬ

26:177 Tuma nde Su’aybu wi`annoo ɓe: "Enee, on hulataa [Alla]

ﯭﯮﯯﯰﯱ

26:178 Min dey, ko mi Nulaaɗo e mooɗon hoolaaɗo

ﯲﯳﯴﯵ

26:179 Hulee Alla ɗoftoɗon mi

ﯶﯷﯸﯹﯺﯻﯼﯽﯾﯿﰀﰁﰂ

26:180 Mi toraaki on e dow ɗum njoɓdi, njoɓdi am ndin fawaaki si wanaa Jooma winndere nden

ﰃﰄﰅﰆﰇﰈﰉﰊ

26:181 Humnee ɓetu ngun, wata on laato jeyaaɓe e uytooɓe ɓen

ﰋﰌﰍﰎ

26:182 Manndikiree(peesre) manndikirɗe feewuɗe ɗen

ﰏﰐﰑﰒﰓﰔﰕﰖﰗﰘ

26:183 Wata on ustan yimɓe ɓen piiji maɓɓe ɗin, wata on lancito ka leydi hara ko on bonnooɓe

ﭑﭒﭓﭔﭕﭖ

26:184 Hulee On Taguɗo on, o tagu adinoongu ngun

ﭗﭘﭙﭚﭛﭜ

26:185 Ɓe wi`i: "Pellet, an ko a jeyaaɗo mbilɗaaɓe ɓen

ﭝﭞﭟﭠﭡﭢﭣﭤﭥﭦ

26:186 An a wonaali si wanaa ɓanndunke yeru amen, tawde meɗen jikkumaa ko a jeyaaɗo e fenuɓe ɓen

ﭧﭨﭩﭪﭫﭬﭭﭮﭯﭰ

26:187 Awa fukku e dow amen kunte kammu ngun, si tawii a laatike jeyaaɗo e goonguɓe ɓen

ﭱﭲﭳﭴﭵﭶ

26:188 O maaki: "Ko Joomi am woni Annduɗo ko golloton kon

ﭷﭸﭹﭺﭻﭼﭽﭾﭿﮀﮁﮂ

26:189 Ɓe fenni mo, nanngi ɓe Lepte ñalaande ɗowdiinde nden. Pellet, ɗen laatino Lepte ñalaande mawnde

ﮃﮄﮅﮆﮇﮈﮉﮊﮋﮌ

26:190 Pellet, wonii e ɗum [ko jaŋtaa ɗoo] Aaya, ɓurɓe heewuɓe e maɓɓe laataaki gomɗinɓe

ﮍﮎﮏﮐﮑﮒ

26:191 Pellet, Joomi maaɗa, ko Kanko woni Tedduɗo Yurmeteeɗo

ﮓﮔﮕﮖﮗ

26:192 E pellet, kayre ko nde jippinaande Jooma winndere nden

ﮘﮙﮚﮛﮜ

26:193 Jippinii nde Ruuhu hoolaaɗo on

ﮝﮞﮟﮠﮡﮢ

26:194 Ka ɓernde maaɗa fii yo a laato jeyaaɗo e jertinooɓe ɓen

ﮣﮤﮥﮦ

26:195 E ɗemngal Aarabu ɓanngungal

ﮧﮨﮩﮪﮫ

26:196 Pellet, kayre hinde ka ɗeri aranɓe ɓen

ﮬﮭﮮﮯﮰﮱﯓﯔﯕﯖ

26:197 Enee, hara laatanaaki ɓe Maande, nde tawata anndiino nde ɓiɗɓe Israa’iila annduɓe ɓen

ﯗﯘﯙﯚﯛﯜ

26:198 Sinndo Men jippinno nde e dow yoga e ajamiyankooɓe ɓen

ﯝﯞﯟﯠﯡﯢﯣ

26:199 o janngi nde e dow maɓɓe, ɓe laatotaako gomɗinɓe nde

ﯤﯥﯦﯧﯨﯩ

26:200 Ko wano nii Men naadiri ɗum e ɓerɗe bonɓe ɓen

ﯪﯫﯬﯭﯮﯯﯰﯱ

26:201 Ɓe gomɗintaa nde, haa ɓe yi`a Lepte muusuɗe ɗen

ﯲﯳﯴﯵﯶﯷ

26:202 Ɗe ara e maɓɓe e juhayee, hara ɓe so’aa

ﯸﯹﯺﯻﯼ

26:203 Sakko ɓe wi`a: "Taw si ko men nennanteeɓe

ﯽﯾﯿ

26:204 Enee, ko Lepte Amen ɗen ɓe heñorta

ﰀﰁﰂﰃﰄ

26:205 A tinii si Men dakmitii ɓe duuɓi

ﰅﰆﰇﰈﰉﰊ

26:206 Refti ari e maɓɓe kon ko ɓe laatinoo hiɓe fodee

ﭑﭒﭓﭔﭕﭖﭗ

26:207 Nafaali ɓe ko ɓe laatinoo kon hiɓe dakmitoo

ﭘﭙﭚﭛﭜﭝﭞﭟ

26:208 Men halkaali saare woo, si wanaa hara no woodani nde jertinooɓe

ﭠﭡﭢﭣﭤ

26:209 [Ɗum] ko waaju, Men laataaki tooñooɓe

ﭥﭦﭧﭨﭩ

26:210 Wanaa seytanuuji ɗin jippini nde

ﭪﭫﭬﭭﭮﭯ

26:211 [Ɗum] haananaaɗi, ɗi hattantaake kadi

ﭰﭱﭲﭳﭴ

26:212 Pellet, kannji ko ɗi follateeɗi gaayi heɗagol ngol

ﭵﭶﭷﭸﭹﭺﭻﭼﭽﭾ

26:213 Wata a noddu reweteeɗo goo wonndude e Alla, sakko laatoɗaa jeyaaɗo e Lepteteeɓe ɓen

ﭿﮀﮁﮂ

26:214 Jertin gorol maaɗa ɓurɓe ɓadaade ɓen

ﮃﮄﮅﮆﮇﮈﮉ

26:215 Lesɗinan balbe maaɗen, wonannde ɓen jokkuɓe ma immorde e gomɗinɓe ɓen

ﮊﮋﮌﮍﮎﮏﮐﮑ

26:216 Si ɓe yeddii ma, haray maaku: "Min dey, ko mi danndiiɗo kon ko golloton

ﮒﮓﮔﮕﮖ

26:217 Hoolor On Tedduɗo Yurmeteeɗo

ﮗﮘﮙﮚﮛ

26:218 On Sutiiɗo ma fewndo darotoɗaa

ﮜﮝﮞﮟ

26:219 E waylitogol maaɗa e hakkunde sujjooɓe ɓen

ﮠﮡﮢﮣﮤ

26:220 Pellet, ko Kanko woni Nanoowo Annduɗo On

ﮥﮦﮧﮨﮩﮪﮫ

26:221 Taw si mi humpitay on ko e hommbo Seytanuuji ɗin jippotoo

ﮬﮭﮮﮯﮰﮱ

26:222 Hiɗi jippoo e dow kala fefindotooɗo bakkodinɗo

ﯓﯔﯕﯖﯗ

26:223 Hiɗi werloo nanɗe ɗen, ko ɓurɓe heewude e majji ko fenooji

ﯘﯙﯚﯛ

26:224 Yimooɓe ɓen ko jokkata ɓe, ko bewɓe ɓen

ﯜﯝﯞﯟﯠﯡﯢﯣ

26:225 Enee, a tinaali wonndema kamɓe hiɓe yinoo e kala aynde

ﯤﯥﯦﯧﯨﯩ

26:226 E tawde kamɓe hiɓe wowla ko ɓe huuwataa

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾ

26:227 Si wanaa ɓen gomɗinɓe ɓe golli golle moƴƴe ɓe jaŋtii Alla ko ɗuuɗi ɓe yoɓtii ɓaawo ɓe tooñaama. Aray ka ɓen tooñuɓe annday ko honde e waylitorde ɓe waylitotoo

Al-Qur'aana

Wednesday, September 9, 2026

Don't forget us in your sincere prayers