Ас-Саффат сүрөсү pdf — Жүктөө (Кыргызча)
Ас-Саффат сүрөсү pdf Кыргызча — Жүктөө Ас-Саффат сүрөсү Котормо. Ас-Саффат сүрөсү (Meccan) 182 Аят.
Related
- Ас-Саффат сүрөсү КотормоКыргызча
- Ас-Саффат сүрөсү mp3Укта
- Quran Index Кыргызча114
More Сүрөсү PDF
Ас-Саффат сүрөсү
ﭑﭒﭓ
37:1
Саптарткан периштелерге ант ичип
ﭔﭕﭖ
37:2
(Шамалдарды) айдоочу периштелерге ант ичип
ﭗﭘﭙ
37:3
(Ар дайым) Зикирди (Куранды) окуп туруучу периштелерге ант ичип (айтамын)
ﭚﭛﭜﭝ
37:4
Силердин кудайыңар чынында Жалгыз
ﭞﭟﭠﭡﭢﭣﭤﭥ
37:5
(Ал) асмандардын, жердин жана экөөсүнүн арасындагы (бардык) нерселердин Раббиси. Жана Ал чыгыштардын (жана батыштардын) да Раббиси
ﭦﭧﭨﭩﭪﭫﭬ
37:6
Чынында, Биз Дүйнө асманын жылдыздар зыйнаты менен кооздодук
ﭭﭮﭯﭰﭱﭲ
37:7
Жана (асмандарды) ар бир бейбаш шайтандан сактадык
ﭳﭴﭵﭶﭷﭸﭹﭺﭻﭼ
37:8
Алар жогорку жамаатты(н сөзүн) уга албайт.? (Эгер угууга аракет кылса) ар тараптан (учар жылдыздар менен) атып урулат
ﭽﭾﭿﮀﮁﮂ
37:9
(Ушинтип) айдап жиберилет. Аларга (тиги дүйнөдө) үзгүлтүксүз азап бар
ﮃﮄﮅﮆﮇﮈﮉﮊ
37:10
Ал эми, кимиси (кайып кабарынан) бир гана сөз уурдап алган болсо, ага күйдүрүп жиберүүчү куйруктуу жылдыз кууп жетет (жана өрттөп жиберет)
ﮋﮌﮍﮎﮏﮐﮑﮒﮓﮔﮕﮖﮗﮘ
37:11
Сен алардан (мушриктерден) сурачы, аларды жаратуу кыйынга турабы же Биз жараткан (асман, жер, периште сыяктуу) нерселердиби? Чынында, Биз аларды жабышчаак ылайдан эле жаратып койгонбуз
ﮙﮚﮛﮜ
37:12
Сен (алардын ишенбегенине) таң каласың. Алар (болсо, сени) шылдыңдашат
ﮝﮞﮟﮠﮡ
37:13
Эгер эскертилчү болсо, эсине (акылына) келбейт
ﮢﮣﮤﮥﮦ
37:14
Эгер бир аят-далил көрүшсө (андан бетер) шылдыңдашат
ﮧﮨﮩﮪﮫﮬﮭ
37:15
Жана: «Бул анык сыйкыр» дешет
ﮮﮯﮰﮱﯓﯔﯕﯖ
37:16
(Дагы алар:) «Эгер биз өлүп, сөөк жана топурак болуп калсак, кайрадан тирилебизби
ﯗﯘﯙ
37:17
Илгерки ата-бабаларыбыз дагы (кайра тирилеби)?!» - дешет
ﯚﯛﯜﯝﯞ
37:18
Айткын: «Ооба. Силер (мушрик ата-бабаңар дагы) кор болгон абалыңарда (тирилесиңер)
ﯟﯠﯡﯢﯣﯤﯥﯦ
37:19
Ал болгону (Исрафил периште тарта турган «Сур» кернейинин) бир гана добушу. Анан алар (тирилип, Кыямат окуяларына) карап турган болушат»
ﯧﯨﯩﯪﯫﯬ
37:20
Жана: «О, бизге кайгы! Бул Кыямат го!» (дешет. Ошондо аларга кайыптан үн угулат)
ﯭﯮﯯﯰﯱﯲﯳﯴ
37:21
«Бул силер «жалган» деген Ажыратуу Күнү!»
ﯵﯶﯷﯸﯹﯺﯻﯼﯽ
37:22
«Заалым (каапыр) адамдарды (каапыр) жубайлары менен, сыйынган «кудайларын» кошуп чогулткула
ﯾﯿﰀﰁﰂﰃﰄﰅ
37:23
Аллаһтан башка(га сыйынышкан эле). Жана тозок жолуна айдагыла
ﰆﰇﰈﰉﰊ
37:24
Жана аларды (Махшар майданында) токтоткула.! Алардан суралат
ﭑﭒﭓﭔﭕ
37:25
«Эмне үчүн бири-бириңерден жардам сурабай жатасыңар?!»
ﭖﭗﭘﭙﭚ
37:26
Жок! Алар бүгүн эрксиз туткундар
ﭛﭜﭝﭞﭟﭠ
37:27
(Анан) алар (өз-ара жаңжал-сүрөөн көтөрүп) бирин-бири (күнөөлөп) собол ыргытышат
ﭡﭢﭣﭤﭥﭦﭧ
37:28
(Ээрчигендер башчыларга) айтат: «Силер бизге оң тарап (күч кубат, зордук) менен келгенсиңер (жана бизди ката жолго мажбурла-гансыңар)»
ﭨﭩﭪﭫﭬﭭ
37:29
(Башчылар) айтат: «Жок! Өзүңөр ыйманды кабыл албай койгонсуңар
ﭮﭯﭰﭱﭲﭳﭴﭵﭶﭷﭸﭹ
37:30
Силердин үстүңөрдө биздин бийлик жок болчу. Тескерисинче, өзүңөр акыйкатка каршы коом элеңер
ﭺﭻﭼﭽﭾﭿﮀﮁ
37:31
Эми, Раббибиздин Сөзү (азабы) бардыгыбызга ырас болду. Биз чынында азап тартуучуларбыз
ﮂﮃﮄﮅﮆ
37:32
Биз силерди (мажбурлаган жокпуз) азгырганбыз. Өзүбүз деле азгырылган кишилер элек»
ﮇﮈﮉﮊﮋﮌ
37:33
Эми, алар ушул күнкү азапта дагы окшош-шерик болушат
ﮍﮎﮏﮐﮑ
37:34
Албетте, Биз күнөөкөрлөрдү ушинтебиз
ﮒﮓﮔﮕﮖﮗﮘﮙﮚﮛﮜ
37:35
(Дүйнө жашоосунда) аларга «Эч бир кудай жок, бир гана Аллаһ бар (ошого гана сыйынгыла)» деп айтылганда текеберленишкен
ﮝﮞﮟﮠﮡﮢﮣ
37:36
Жана: «Биз өзүбүздүн кудайларыбызды ушул жинди акын (Мухаммад) үчүн таштайт белек?!» дешет (болчу)
ﮤﮥﮦﮧﮨﮩ
37:37
Жок! (Андай эмес! Мухаммад) акыйкатты алып келген жана пайгамбарларды тастыктаган
ﮪﮫﮬﮭﮮ
37:38
(О, мушриктер!) Силер албетте жан ооруткан азапты татасыңар
ﮯﮰﮱﯓﯔﯕﯖ
37:39
Жасаган (күнөө) ишиңерге жараша жаза аласыңар
ﯗﯘﯙﯚﯛ
37:40
Ал эми Аллаһтын ыкластуу (жалгыз Өзүнө ибадат кылган) пенделери
ﯜﯝﯞﯟﯠ
37:41
Аларга белгиленген ырыскылар бар
ﯡﯢﯣﯤ
37:42
Мөмө-жемиштер.., жана алар урмат-сый көргөзүлгөн абалда
ﯥﯦﯧﯨ
37:43
Эң жакшы (нээматтуу) Бейиштерде
ﯩﯪﯫﯬ
37:44
(Кооз, дарыялар жээгиндеги) сөрүлөрдө бири-бирине бет маңдай (олтурушат)
ﯭﯮﯯﯰﯱﯲ
37:45
Аларга (Бейиштеги) агып турган булактан шарап кеселери айлантып турулат
ﯳﯴﯵﯶ
37:46
Алар ап-апак, ичүүчүлөр үчүн таттуу
ﯷﯸﯹﯺﯻﯼﯽﯾ
37:47
Баш айланткан зыяндуулугу жок, (андан) мас болушпайт
ﯿﰀﰁﰂﰃ
37:48
Жана алардын алдында көздөрүн (өз жубайынан башкаларга) каратпаган бакыраң көз сулуулар бар
ﰄﰅﰆﰇ
37:49
Алар аздектеп коюлган жумуртка сыяктуу
ﰈﰉﰊﰋﰌﰍ
37:50
(Бейиштегилер) бет маңдай отурушуп, бири-бирине суроо берип сүйлөшүшөт
ﰎﰏﰐﰑﰒﰓﰔﰕ
37:51
Алардан бирөөсү айтты: «Менин бир жакын таанышым бар эле
ﭑﭒﭓﭔﭕ
37:52
Ал (мага): «Сен (кайра тирилүүнү) тастыктоочулардансыңбы
ﭖﭗﭘﭙﭚﭛﭜﭝ
37:53
Эмне, биз өлүп, топурак жана сөөк болуп калсак деле (кайрадан тирилтилип, бул дүйнөдө) жасаган ишибизге жооп беребизби?»-деген. (Бейиши Адам шериктерине)
ﭞﭟﭠﭡﭢ
37:54
«Силер да карап көрбөйсүңөрбү» деди
ﭣﭤﭥﭦﭧﭨ
37:55
Карады. Аны тозоктун чок ортосунда (азапта турганын) көрүп (мындай деди)
ﭩﭪﭫﭬﭭﭮ
37:56
«Аллаһка ант! Сен мени өлтүрө жаздаган экенсиң
ﭯﭰﭱﭲﭳﭴﭵ
37:57
Эгер мага Раббимдин (ыйман) нээматы болбогондо, мен дагы (тозок үчүн) даярдалган (бактысыз) кишилерден болуп калмакмын
ﭶﭷﭸﭹ
37:58
Биз өлбөптүрбүзбү
ﭺﭻﭼﭽﭾﭿﮀ
37:59
Биринчи өлүмүбүз менен гана өлдүк. (Анан кайра тирилгенде) азапка салынбадык
ﮁﮂﮃﮄﮅﮆ
37:60
Албетте, бул чоң жеңиш
ﮇﮈﮉﮊﮋ
37:61
Амал кылгандар ушундай жеңиш үчүн амал кылышсын!»
ﮌﮍﮎﮏﮐﮑﮒ
37:62
(О, адамдар!) ушул (Бейиштеги жашоо) жакшыбы же Заккум? дарагы жакшыбы
ﮓﮔﮕﮖﮗ
37:63
Биз аны заалымдарга азап болушу үчүн жараттык
ﮘﮙﮚﮛﮜﮝﮞ
37:64
Ал-тозоктун тереңинен өсүп чыккан дарак
ﮟﮠﮡﮢﮣ
37:65
Анын бүчүрлөрү шайтандардын башына окшойт
ﮤﮥﮦﮧﮨﮩﮪ
37:66
Алар (тозоктогулар) андан курсактарын толтура-толтура жешет
ﮫﮬﮭﮮﮯﮰﮱﯓ
37:67
Кийин анын үстүнөн аларга (ичкенде бетти, оозду күйдүрүп, ичегилерди үзүп жибере турган даражадагы) кайнак суу ичирилет
ﯔﯕﯖﯗﯘﯙ
37:68
Кийин алар (дагы да терең) тозокко кайтарылышат
ﯚﯛﯜﯝﯞ
37:69
Чынында, алар ата-бабаларын адашкан (Аллаһтан башка «кудайларга» сыйынган) абалда табышкан эле
ﯟﯠﯡﯢﯣ
37:70
Ошолордун изинен чуркап кетишти
ﯤﯥﯦﯧﯨﯩ
37:71
Алардан мурун, абалкылардан көпчүлүгү дагы адашып кетишкен
ﯪﯫﯬﯭﯮ
37:72
Биз алардын ичине эскертүүчү пайгамбарларды жиберген элек
ﯯﯰﯱﯲﯳﯴ
37:73
Эми карачы, эскертилген адамдардын акыбет-көргүлүктөрү эмне болгонун
ﯵﯶﯷﯸﯹ
37:74
Ал эми, Аллаһка ыклас менен (жалгыз Өзүнө) ибадат кылган пенделер адашкан жок
ﯺﯻﯼﯽﯾﯿ
37:75
(Бир кезде) Бизге Нух бийик добуш менен(«О, Раббим! Жер бетинде бир дагы каапырлардын үйүн калтырба!» деп) дуба кылды. Биз эң жакшы жооп берүүчүбүз
ﰀﰁﰂﰃﰄﰅ
37:76
Биз аны менен үй-бүлөсүн (каапыр уулунан башкасын!) чоң балээден куткардык
ﭑﭒﭓﭔﭕ
37:77
Жана анын (кемеге чыккан) урпактарын гана (аман) калуучулардан кылдык
ﭖﭗﭘﭙﭚ
37:78
Жана аны(н ысымын) кийинки муундар арасында (даңазалуу) калтырдык
ﭛﭜﭝﭞﭟﭠ
37:79
Нухка ааламдарда (түбөлүк) салам болсун
ﭡﭢﭣﭤﭥ
37:80
Албетте, Биз (жакшынакай ибадат кылган) мухсиндерди ушинтип сыйлайбыз
ﭦﭧﭨﭩﭪ
37:81
Чынында, ал Биздин момун пенделерибизден болчу
ﭫﭬﭭﭮ
37:82
Кийин Биз башкаларды чөктүрүп жибердик
ﭯﭰﭱﭲﭳﭴ
37:83
Ибрахим (пайгамбар) дагы анын (Нухтун) жамаатынан (тавхидди кармаган пенделерден) эле
ﭵﭶﭷﭸﭹﭺ
37:84
Бир кезде ал Раббисине (ширктен) таза жүрөк менен келди
ﭻﭼﭽﭾﭿﮀﮁ
37:85
(Жана) атасы менен коомуна (мындай) деди: «Эмнелерге эле сыйынып жатасыңар
ﮂﮃﮄﮅﮆﮇ
37:86
Аллаһтан башка өзүңөр ойлоп тапкан (жасалма) кудайды тандайсыңарбы
ﮈﮉﮊﮋﮌ
37:87
Ааламдардын Раббиси (Аллаһ) жөнүндө кандай ойлойсуңар?» (Күндөрдүн биринде чоӊ элдик майрам болуп, бардыгы майрам талаасына кетип жатышты. Ибрахимди да «жүр» дешкенде ал)
ﮍﮎﮏﮐﮑ
37:88
Жылдыздарга бир карап алып
ﮒﮓﮔﮕ
37:89
«Мен ооруп турам»-деди
ﮖﮗﮘﮙ
37:90
Бардыгы андан бурулуп (талаага) кетишти
ﮚﮛﮜﮝﮞﮟﮠ
37:91
Анан Ибрахим алардын (ибадатканадагы) «кудайларына» тез жетип келип: «(Алдыңардагы тамактан) жебейсиңерби?»
ﮡﮢﮣﮤﮥ
37:92
Эмнеге сүйлөбөй жатасыңар?!» -деди
ﮦﮧﮨﮩﮪ
37:93
Анан аларды күч менен уруп (талкалап) салды (жана балтаны чоң «кудайдын» колуна илип койду)
ﮫﮬﮭﮮ
37:94
(Эли кечинде) ага чуркап келишти. (Жана аны омуроолоп, кандай жаза берсек экен деп, чуру-чуу түшүп турганда, Ибрахим учурдан пайдаланып дааватын улантып)
ﮯﮰﮱﯓﯔ
37:95
Айтты: «Өзүңөр жонуп жасаган нерселерге ибадат кыласыңарбы
ﯕﯖﯗﯘﯙ
37:96
Силерди да, силердин ишиңерди! да Аллаһ жараткан
ﯚﯛﯜﯝﯞﯟﯠﯡ
37:97
(Мушриктер) айтышты: «Ал үчүн (отундан) «үйлөрдү» куруп (жандырып) отко таштагыла
ﯢﯣﯤﯥﯦﯧ
37:98
Ага каршы (ушундай) амалды тандашты. Биз аларды(н өзүн) төмөн (жеңилген) кылып койдук
ﯨﯩﯪﯫﯬﯭﯮ
37:99
(Ибрахим) айтты: «Мен Раббиме кетемин! Ал мени Туура Жолго баштайт!» (Ибрахим Шам жерине кетип, ошол жакта жашап калды. Өмүрү бир кыйла өтүп калса да, перзент көрбөгөндөн улам Раббисине дуба кылды)
ﯯﯰﯱﯲﯳﯴ
37:100
«О, Раббим! Мага салих (таза) инсандардан (боло турган бир перзент) берчи?!»
ﯵﯶﯷﯸ
37:101
Анан Биз ага бир жумшак пейил перзент (көрүшү) менен сүйүнчү кабар бердик
ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ
37:102
Качан ал перзент (сүймөнчүк болуп) Ибрахим менен бирге жүрүү курагына жеткенде, (ага) «О, балакайым! Мен түшүмдө сени курман чалып жатканымды көрүптүрмүн. Ойлонуп көр, эмне дейсиң?! деди. «Атаке,— деди ал-буюрулганды аткара бериңиз. Аллаһ кааласа мени сабыр кылуучулардан экенимди көрөсүз»
ﭑﭒﭓﭔﭕ
37:103
Экөөсү (Аллаһтын амирине) моюн сунуп, атасы аны маңдайы менен жерге жаткырганда
ﭖﭗﭘﭙ
37:104
«О, Ибрахим! — деп добуш кылдык —
ﭚﭛﭜﭝﭞﭟﭠﭡﭢ
37:105
Сен түшүңдү (анда берилген буйрукту) ырас билип аткардың. Биз жакшы амал кылуучу адамдарды ушинтип сыйлайбыз»
ﭣﭤﭥﭦﭧﭨ
37:106
Чынында, бул анык сыноо болгон
ﭩﭪﭫﭬ
37:107
Жана Биз Ысмайылдын ордуна улук курмандык бердик
ﭭﭮﭯﭰﭱ
37:108
Биз аны(н ысымын) кийинки муундардын арасында (даңазалуу кылып) калтырдык
ﭲﭳﭴﭵ
37:109
Ибрахимге (Аллаһтын) салам(ы) болсун
ﭶﭷﭸﭹ
37:110
Биз жакшыларды ушинтип сыйлайбыз
ﭺﭻﭼﭽﭾ
37:111
Чынында ал Биздин момун пенделерибизден болгон
ﭿﮀﮁﮂﮃﮄ
37:112
Жана Биз ага Исхак жөнүндө куш кабар бердик. (Исхак) салих пайгамбарлардын бири
ﮅﮆﮇﮈﮉﮊﮋﮌﮍﮎﮏﮐ
37:113
Биз ага (Ибрахимге) Жана Исхакка (көп) берекеттерди бердик. Ал экөөсүнүн урпактарынын арасынан жакшы(лар) да, өзүнө анык зулум кылгаңн(дар) да чыкты
ﮑﮒﮓﮔﮕﮖ
37:114
Биз Муса менен Харунга да жакшылык кылдык
ﮗﮘﮙﮚﮛﮜ
37:115
Жана ал экөөсү менен алардын коомун чоң балээден куткардык
ﮝﮞﮟﮠﮡ
37:116
Жана (душмандарына каршы) аларга жардам бердик. Натыйжада экөө жеңүүчүлөрдөн болушту
ﮢﮣﮤﮥ
37:117
Жана ал экөөсүнө анык баяндалган Китеп (Тоорат) берип
ﮦﮧﮨﮩ
37:118
Туура Жолго баштадык
ﮪﮫﮬﮭﮮ
37:119
Жана аларды акыркы муундардын арасында (даңазалуу кылып) калтырдык
ﮯﮰﮱﯓﯔ
37:120
Муса менен Харунга салам болсун
ﯕﯖﯗﯘﯙ
37:121
Биз жакшыларды ушинтип сыйлайбыз
ﯚﯛﯜﯝﯞ
37:122
Чынында, экөө тең Биздин ыймандуу пенделерибизден
ﯟﯠﯡﯢﯣ
37:123
Иляс! дагы элчи-пайгамбарлардан эле
ﯤﯥﯦﯧﯨﯩ
37:124
Бир кезде ал коомуна (мындай) деди: «(Аллаһтан) коркпойсуңарбы
ﯪﯫﯬﯭﯮﯯ
37:125
Эң мыкты Жаратуучуну (Аллаһты) таштап, «Баьлга» дуба кыласыңарбы
ﯰﯱﯲﯳﯴﯵ
37:126
Силердин да, абалкы ата-бабаңардын да Раббиси Аллаһ эле го?!»
ﭑﭒﭓﭔ
37:127
Бирок, коому ага моюн сунбады. Натыйжада (азапка) даярдалгандардан болушту
ﭕﭖﭗﭘﭙ
37:128
Ал эми, Аллаһтын мухлис (Өзүнө гана ибадат кылган) пенделери (андай эмес)
ﭚﭛﭜﭝﭞ
37:129
Жана Биз аны(н ысымын) акыркылардын арасында (даңазалуу) калтырдык
ﭟﭠﭡﭢﭣ
37:130
Иляска (Аллаһтан) салам болсун
ﭤﭥﭦﭧﭨ
37:131
Чынында, Биз жакшыларды ушинтип сыйлайбыз
ﭩﭪﭫﭬﭭ
37:132
Ал Биздин момун пенделерибиздин бири
ﭮﭯﭰﭱﭲ
37:133
Лут дагы элчи-пайгамбарлардан эле
ﭳﭴﭵﭶﭷ
37:134
Бир кезде Биз аны жана анын үй-бүлөсүнүн бардыгын (асмандан жааган таш - балээсинен) куткарганбыз
ﭸﭹﭺﭻﭼ
37:135
Бир гана кемпир(и) азапта калуучулардын арасында калды. (Себеби ал ыймандуу болбогон)
ﭽﭾﭿﮀ
37:136
Анан Биз башкаларды кыйраттык
ﮁﮂﮃﮄﮅ
37:137
(Эй, Макка мушриктери!) Силер алардын (кыйраган элдин чалдыбарларынын) үстүнөн ары-бери өтөсүңөрго, эрте менен
ﮆﮇﮈﮉﮊ
37:138
жана кечинде. Акылыңарды иштетпейсиңерби
ﮋﮌﮍﮎﮏ
37:139
Чынында, Юнус дагы элчи-пайгамбарлардан бири
ﮐﮑﮒﮓﮔﮕ
37:140
Бир кезде ал (элине таарынып, жеринен) качып чыгып, толуп калган кемеге отурду
ﮖﮗﮘﮙﮚ
37:141
Анан чүчүкулак тартышты эле, ал жеңилгендерден болуп калды
ﮛﮜﮝﮞﮟ
37:142
Анан ал (башкалар тарабынан) жемеленип турганда чоң балык жутуп жиберди
ﮠﮡﮢﮣﮤﮥ
37:143
Эгер ал Аллахты аруулаган пенделерден болбогондо
ﮦﮧﮨﮩﮪﮫﮬ
37:144
Балыктын курсагында кайра тирилген күнгө чейин калып кетмек
ﮭﮮﮯﮰﮱﯓ
37:145
Анан аны (жээктеги) жалаң жерге ыргытып жибердик. Ал ооруп калган эле
ﯔﯕﯖﯗﯘﯙ
37:146
Биз анын үстүнө ашкабак өсүмдүгүн өстүрүп (көлөкөсү менен калкалап) койдук
ﯚﯛﯜﯝﯞﯟﯠ
37:147
Юнусту жүз миң же андан көбүрөөк элге пайгамбар кылган элек
ﯡﯢﯣﯤﯥ
37:148
Анан алар (тооба кылып) ыйман келтиришти. Биз аларды (белгилүү) мөөнөткө чейин (өмүр нээматы менен) пайдалантырдык
ﯦﯧﯨﯩﯪﯫ
37:149
(О, Мухаммад!) Сен алардан (периштелерге сыйынган мушриктерден) сурачы, Раббилерине кыз перзенттерди, өздөрүнө уул перзенттерди ыраа көрүшөбү
ﯬﯭﯮﯯﯰﯱﯲ
37:150
Же болбосо, Биз периштелерди ургаачы кылып жаратканыбызды көрүшүптүрбү
ﯳﯴﯵﯶﯷﯸ
37:151
Уккула, Алар ойдон чыгарылган жалгандарында (мындай) дешет
ﯹﯺﯻﯼﯽ
37:152
«Аллаһтын баласы бар». Алар — жеткен жалганчылар
ﯾﯿﰀﰁﰂ
37:153
(Аллаһ) уулдардын ордуна кыздарды тандап алыптырбы
ﭑﭒﭓﭔﭕ
37:154
Силерге эмне болгон?! Кандай гана (жаман) өкүм чыгарып жатасыңар
ﭖﭗﭘ
37:155
(Аллаһтын баласы болбостугун) эстебейсиңерби
ﭙﭚﭛﭜﭝ
37:156
Же (колуңарда) анык далил барбы? (Же силерге Кураандан башка ыйык китеп түштүбү)
ﭞﭟﭠﭡﭢﭣ
37:157
(Анда) алып келгиле, китебиңерди, эгер чынчыл болсоңор
ﭤﭥﭦﭧﭨﭩﭪﭫﭬﭭﭮﭯ
37:158
Алар Аллаһ менен жиндердин арасында (өздөрүнчө) тууганчылык бар дешет. (Андай эмес). Жиндер өздөрүнүн (суракка) даярдалганын билишет
ﭰﭱﭲﭳﭴ
37:159
Аллаһ алар сыпаттаган (кемчилдиктүү) сыпаттардан Аруу-Таза
ﭵﭶﭷﭸﭹ
37:160
Ал эми, Аллаһтын жакшы амал кылган пенделери (Аллаһты кемчилдиктүү сыпаттар менен сыпаттабайт)
ﭺﭻﭼﭽ
37:161
(О, мушриктер!) Силер дагы, силер сыйынган «кудайыңар» дагы
ﭾﭿﮀﮁﮂ
37:162
эч кимди адаштыра албайсыңар
ﮃﮄﮅﮆﮇﮈ
37:163
(Эзелки Тагдыр Китебинде) тозокко кирүүчү (болуп жазылган) адамдарды гана (адаштыра аласыңар)
ﮉﮊﮋﮌﮍﮎﮏ
37:164
(Периштелер айтат:) «Биздин бардыгыбыздын белгилүү орун-даражаларыбыз бар
ﮐﮑﮒﮓ
37:165
Жана биз (Аллаһтын кызматында) сап тартып туруучуларбыз
ﮔﮕﮖﮗ
37:166
Жана биз, чынында (Аллаһка) тасбих айтуучуларбыз!» (Кийинки аяттарда мушриктердин жалган-чылыгы ашкереленет)
ﮘﮙﮚﮛ
37:167
Алар айтышат
ﮜﮝﮞﮟﮠﮡﮢ
37:168
«Эгер биздин алдыбызда абалкылардын зикири (баяндалган Ыйык Китеп) болсо
ﮣﮤﮥﮦﮧ
37:169
Биз деле мухлис (Аллаһтын Өзүнө сыйынган) пенделери болмокпуз»
ﮨﮩﮪﮫﮬﮭ
37:170
Анан ага (өздөрү самаган Китепке) каапыр болушту. Эми тез арада (адашкандыктарын) билип алышат
ﮮﮯﮰﮱﯓﯔ
37:171
Элчи-пайгамбар кылып жиберилген пенделерибиз үчүн (Тагдыр Китебинде төмөндөгүчө) сөзүбүз жазылган
ﯕﯖﯗﯘ
37:172
«Чынында алар гана жардам берилген адамдар
ﯙﯚﯛﯜﯝ
37:173
Чынында Биздин аскерибиз гана жеңүүчүлөр!»
ﯞﯟﯠﯡﯢ
37:174
Сен алардан (мушриктерден) белгилүү убакытка чейин жүзүңдү бур
ﯣﯤﯥﯦ
37:175
Жана аларды(н акыбетин) карап тур! Өздөрү да тез эле көрүп калышат
ﯧﯨﯩ
37:176
Алар Биздин азабыбызды шаштырып жатышабы
ﯪﯫﯬﯭﯮﯯﯰ
37:177
Эгер азап алардын турак-жайларына түшчү болсо, эскертилген адамдардын таңдары жаман (караңгы) болуп калат
ﯱﯲﯳﯴﯵ
37:178
Сен белгилүү убакытка чейин алардан жүзүңдү бур
ﯶﯷﯸﯹ
37:179
Жана аларды(н акыбетин) карап тур. Өздөрү да тез эле көрүп калышат
ﯺﯻﯼﯽﯾﯿﰀ
37:180
Кудуреттүүлүк Ээси — Раббиң алардын (кемчилдиктүү) сыпаттоолорунан Таза
ﰁﰂﰃﰄ
37:181
Пайгамбарларга салам болсун
ﰅﰆﰇﰈﰉ
37:182
Ааламдардын Раббиси Аллаһка мактоолор болсун
Ыйык Куран
Wednesday, September 9, 2026
Don't forget us in your sincere prayers
Featured Reciters
Саад Аль-Гамди Ыйык Куран mp3
Complete Recitation — حفص عن عاصم
Абдул Басит Абдул Самад Тартиль Ыйык Куран mp3
Complete Recitation — حفص عن عاصم
Мишари Рашид Алафасы Ыйык Куран mp3
Complete Recitation — حفص عن عاصم
Махмуд Халил Аль-Хосари Ыйык Куран mp3
Complete Recitation — حفص عن عاصم
Мухаммад Сиддик аль-Миншави Ыйык Куран mp3
Complete Recitation — حفص عن عاصم
Абдулрахман Альсудаис Ыйык Куран mp3
Complete Recitation — حفص عن عاصم
Сауд аш-Шураим Ыйык Куран mp3
Complete Recitation — حفص عن عاصم
Махер Алмайкулай Ыйык Куран mp3
Complete Recitation — حفص عن عاصم