Sura Al-Hadid — Aya 12

Maana ya maneno:

• يَسْعَى نُورُهُم: Nuru yao inatembea na kuwatangulia.
• بَيْنَ أَيْدِيهِمْ: Mbele yao.
• بِأَيْمَانِهِمْ: Upande wa kulia wao.
• بُشْرَاكُمُ: Habari njema kwenu.
• الْفَوْزُ الْعَظِيمُ: Kushinda kukubwa ambako hakuna kushinda kuliko kuko.

Tafsiri ya Aya:

Siku ya Kiyama, Mwenyezi Mungu atamwambia Mtume wake Muhammad (SAW): Ewe Mtume, utawaona waumini wanaume na waumini wanawake, nuru yao ikitembea mbele yao na upande wa kulia wao wakati wanapovuka daraja la Sirat, kwa kadiri ya matendo yao mema. Malaika watawaambia: "Habari njema kwenu leo ni kuingia katika Bustani za Pepo ambazo mito inapita chini ya majumba na miti yake, mtakaa humo milele bila kutoa. Hiyo ndiyo kufaulu kukubwa ambako hakuna kufaulu kuliko kuko, kwani mmepata kila kitu mnachokitamani na kuepukana na kila kitu mnachokikihofia."

Faida zinazopatikana katika Aya hii:

1. Wema wa Mwenyezi Mungu kwa waumini, kwani atawapa nuru Siku ya Kiyama itakayo waongoza kwenye Pepo, hii ni fadhila kubwa isiyo na mfano.
2. Aya inathibitisha kwamba waumini watapata nuru maalum Siku ya Kiyama, tofauti na wanafiki ambao nuru yao itazimika, hii inawatia hamasa waumini kushikilia Imani yao.
3. Furaha na faraja kubwa kwa waumini wanaotii Mwenyezi Mungu, kwani watapewa habari njema ya kuingia Pepo na kukaa humo milele, hii inaongeza matumaini na kuwafanya waendelee kufanya mema.
4. Aya inaonyesha kwamba Pepo ni neema ya kudumu isiyoisha, na kukaa humo milele ndiko kufaulu kukubwa, hii inawafanya waumini wajitahidi zaidi katika ibada na matendo mema.
5. Inathibitisha kwamba Mwenyezi Mungu huwapa waumini wanaume na wanawake sawa katika thawabu na neema, hii inaonyesha usawa wa kisheria kati ya wanaume na wanawake katika kufuata amri za Mwenyezi Mungu.