Сураи Аль-Хиджр pdf Тоҷикӣ

Сураи Аль-Хиджр

PDF —

99 Оят Meccan PDF

Built right in your browser — download starts automatically

Сураи Аль-Хиджр pdf — Боргирӣ (Тоҷикӣ)

Сураи Аль-Хиджр pdf Тоҷикӣ — Боргирӣ Сураи Аль-Хиджр Тарҷума. Аль-Хиджр (Meccan) 99 Оят.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сураи Аль-Хиджр

99 Оят · Meccan · Тоҷикӣ

ﭑﭒﭓﭔﭕﭖﭗﭘ

Алиф, лом, ро. Ин аст-оёти китоб ва Қуръони равшангар.

ﭙﭚﭛﭜﭝﭞﭟﭠ

Бисёр вақт кофирон орзу кунанд, ки эй кош мусалмон мебуданд,

ﭡﭢﭣﭤﭥﭦﭧﭨﭩ

Бигузорашон, то бихӯранд ва баҳравар шаванд ва орзу ба худ машғулашон дорад, ба зуди хоҳанд донист.

ﭪﭫﭬﭭﭮﭯﭰﭱﭲ

Ҳар деҳаеро ҳалок кардем, албатта замоне маълум дошт.

ﭳﭴﭵﭶﭷﭸﭹﭺ

Ҳеҷ уммате аз аҷали худ на пеш меафтад ва на пас мемонад.

ﭻﭼﭽﭾﭿﮀﮁﮂﮃ

Ва гуфтанд: «Эй марде, ки Қуръон ба ту нозил шуда, ҳаққо, ки ту девонаӣ!

ﮄﮅﮆﮇﮈﮉﮊﮋﮌ

Агар рост мегӯӣ, чаро фариштагонро барои мо намеоварӣ?»

ﮍﮎﮏﮐﮑﮒﮓﮔﮕﮖ

Мо фариштагонро ғайри ба ҳақ нозил намекунем ва дар он ҳангом дигар мӯҳлаташон надиҳанд.

ﮗﮘﮙﮚﮛﮜﮝﮞ

Мо Қуръонро худ нозил кардаем ва худ нигаҳбонаш ҳастем.

ﮟﮠﮡﮢﮣﮤﮥﮦ

Ва Мо расулони худро пеш аз ту ба миёни қавмҳои пешин фиристодаем.

ﮧﮨﮩﮪﮫﮬﮭﮮﮯ

Ҳар паёмбаре бар онҳо фиристода шуд, албатта масхарааш карданд.

ﮰﮱﯓﯔﯕﯖ

Роҳашро дар дили гунаҳгорон инчунин мекушоем!

ﯗﯘﯙﯚﯛﯜﯝﯞ

Ба он имон намеоваранд ва суннати пешиниён чунин будааст.

ﯟﯠﯡﯢﯣﯤﯥﯦﯧﯨ

Агар барояшон аз осмон даре бикушоем, ки аз он боло раванд,

ﯩﯪﯫﯬﯭﯮﯯﯰﯱ

гӯянд: «Чашмони моро ҷоду кардаанд, балки мо мардуме ҷодузада ҳастем!»

ﭑﭒﭓﭔﭕﭖﭗﭘ

Ва албатта дар осмон бурҷҳое офаридем ва барон бинандагонашон биёростем.

ﭙﭚﭛﭜﭝﭞ

Ва аз ҳар шайтони раҷиме ҳифзашон кардем.

ﭟﭠﭡﭢﭣﭤﭥﭦ

Ғайри он ки дуздона гӯш медод ва шарорае равшан таъқибаш кард.

ﭧﭨﭩﭪﭫﭬﭭﭮﭯﭰﭱﭲ

Ва заминро густурдем ва дар он кӯҳҳое азим афкандем. Ва аз ҳар чиз ба шевае санҷида дар он рӯёнидем.

ﭳﭴﭵﭶﭷﭸﭹﭺﭻ

Ва маъишати шумо ва касонеро, ки шумо рӯзидеҳашон нестед, дар он ҷо қарор додем.

ﭼﭽﭾﭿﮀﮁﮂﮃﮄﮅﮆﮇ

Ҳар чӣ ҳаст, хазинаҳои он назди Мост ва Мо ҷуз ба андозае муъайян онро намефиристем.

ﮈﮉﮊﮋﮌﮍﮎﮏﮐﮑﮒﮓﮔ

Ва бодҳои обистанкунандаро фиристодем ва аз осмон обе нозил кардем ва шуморо ба он сероб сохтем ва шуморо нарасад, ки хазинадори он, бошед.

ﮕﮖﮗﮘﮙﮚﮛ

Албатта Мо ҳастем, ки зинда мекунем ва мемиронем ва баъд аз ҳама боқӣ мемонем.

ﮜﮝﮞﮟﮠﮡﮢﮣ

Ва медонем чӣ касоне аз шумо аз ин пеш рафтаанд ва чӣ касоне боқӣ мондаанд.

ﮤﮥﮦﮧﮨﮩﮪﮫﮬ

Ва Парвардигори ту ҳамаро зинда карда ҷамъ мегардонад, зеро Ӯст, ки ҳакиму доност!

ﮭﮮﮯﮰﮱﯓﯔﯕﯖ

Мо одамиро аз гили хушк, аз лаҷани (лойи) бӯйнок офаридем.

ﯗﯘﯙﯚﯛﯜﯝﯞ

Ва ҷинро пеш аз он аз оташи сӯзандаи бедуд офарида будем.

ﯟﯠﯡﯢﯣﯤﯥﯦﯧﯨﯩﯪﯫ

Ва Парвардигорат ба фариштагон гуфт: «Мехоҳам башаре аз гили хушк, аз лои бӯйнок биёфаринам.

ﯬﯭﯮﯯﯰﯱﯲﯳﯴﯵ

Чун офаринишамро ба поён бурдам ва аз рӯҳи Худ дар он дамидам, дар баробари ӯ ба саҷда бияфтед».

ﯶﯷﯸﯹﯺ

Фариштагон ҳамагӣ саҷда карданд,

ﯻﯼﯽﯾﯿﰀﰁﰂ

ғайри Иблис, ки сар боззад, ки бо саҷдакунандагон бошад.

ﭑﭒﭓﭔﭕﭖﭗﭘﭙ

Гуфт: «Эй Иблис, чаро ту аз саҷдакунандагон Набудӣ?»

ﭚﭛﭜﭝﭞﭟﭠﭡﭢﭣﭤﭥ

Гуфт: «Ман барои башаре, ки аз гили хушк, аз лойи бӯйнок офаридаӣ, саҷда намекунам».

ﭦﭧﭨﭩﭪﭫ

Гуфт: «Аз он ҷо берун шав, ки рондашуда ҳастӣ.

ﭬﭭﭮﭯﭰﭱﭲ

То рӯзи қиёмат бар ту лаънат аст!»

ﭳﭴﭵﭶﭷﭸﭹ

Гуфт: «Эй Парвардигори ман, маро то рӯзе, ки дубора зинда мешаванд, мӯҳлат деҳ».

ﭺﭻﭼﭽﭾ

Гуфт: «Ту дар шумори мӯҳлатёфтагонӣ,

ﭿﮀﮁﮂﮃ

то он рӯзе, ки вақташ маълум аст».

ﮄﮅﮆﮇﮈﮉﮊﮋﮌﮍﮎ

Гуфт: «Эй Парвардигори ман, чун маро ноумед кардӣ, дар рӯи замин бадиҳоро дар назарашон биёроям ва ҳамагонро гумроҳ кунам,

ﮏﮐﮑﮒﮓ

ғайри онҳо, ки бандагони боихлоси Ту бошанд».

ﮔﮕﮖﮗﮘﮙ

Гуфт: «Роҳи ихлос роҳи ростест, ки ба Ман мерасад.

ﮚﮛﮜﮝﮞﮟﮠﮡﮢﮣﮤﮥ

Туро бар бандагони Ман ғолибияте нест, магар бар он гумроҳоне, ки туро пайравӣ кунанд.

ﮦﮧﮨﮩﮪ

Ва ҷаҳаннам ваъдагоҳи ҳама аст.

ﮫﮬﮭﮮﮯﮰﮱﯓﯔ

Ҳафт дар дорад ва барои хар дар гурӯҳе аз онон муъайян шудаанд.

ﯕﯖﯗﯘﯙﯚ

Парҳезгорон дар биҳиштҳо, канори чашмасоронанд.

ﯛﯜﯝﯞ

Ба саломату эминӣ дохил шавед».

ﯟﯠﯡﯢﯣﯤﯥﯦﯧﯨﯩ

Ҳар кинаеро аз дилашон баркандаем, ҳама бародаранд, бар тахтҳо рӯбарӯи ҳаманд.

ﯪﯫﯬﯭﯮﯯﯰﯱﯲ

Ҳеҷ ранҷе ба онҳо намерасад ва аз он ҷо берунашон наронанд.

ﯳﯴﯵﯶﯷﯸﯹﯺ

Ба бандагонам хабар деҳ, ки ман бахшояндаву меҳрубонам.

ﯻﯼﯽﯾﯿﰀ

Ва азоби Ман азобе дардовар аст!

ﰁﰂﰃﰄﰅ

Ва аз меҳмонони Иброҳим хабардорашон кун».

ﭑﭒﭓﭔﭕﭖﭗﭘﭙﭚ

Он гоҳ, ки бар ӯ дохил шуданд ва гуфтанд: «Салом!» Иброҳим гуфт: «Мо аз шумо метарсем!»

ﭛﭜﭝﭞﭟﭠﭡﭢ

Гуфтанд: «Матарс, мо туро ба писаре доно мужда (хушхабар) медиҳем».

ﭣﭤﭥﭦﭧﭨﭩﭪﭫ

Гуфт: «Оё маро мужда медиҳед, бо он ки пир шудаам? Ба чӣ чиз муждаам медиҳед?»

ﭬﭭﭮﭯﭰﭱﭲﭳ

Гуфтанд: «Ба ҳақ хушхабарат додем, аз ноумедон мабош!»

ﭴﭵﭶﭷﭸﭹﭺﭻﭼ

Гуфт: «Ҷуз гумроҳон чӣ касе аз раҳмати Парвардигораш ноумед мешавад?»

ﭽﭾﭿﮀﮁﮂ

Гуфт: «Эй расулон, кори шумо чист?»

ﮃﮄﮅﮆﮇﮈﮉ

Гуфтанд: «Мо ба сари мардуме гунаҳкор фиристода шудаем,

ﮊﮋﮌﮍﮎﮏﮐ

ғайри хонадони Лут, ки ҳамаро наҷот медиҳем,

ﮑﮒﮓﮔﮕﮖﮗ

ҷуз занашро, ки муқаррар кардаем, ки аз боқимондагон бошад».

ﮘﮙﮚﮛﮜﮝ

Чун расулон назди хонадони Лут омаданд,

ﮞﮟﮠﮡﮢ

Лут гуфт: «Шумо бегонаед».

ﮣﮤﮥﮦﮧﮨﮩﮪ

Гуфтанд: «На, чизеро, ки дар он шак мекарданд, овардаем.

ﮫﮬﮭﮮﮯ

Мо туро хабари рост овардаем ва мо ростгӯёнем.

ﮰﮱﯓﯔﯕﯖﯗﯘﯙﯚﯛﯜﯝﯞﯟ

Чун посе аз шаб бигзарад, хонадони худро берун бубар ва худ аз паи онҳо рав ва набояд ҳеҷ як аз шумо ба ақиб бингарад. Ва ҳар ҷо, ки фармонатон додаанд, биравед».

ﯠﯡﯢﯣﯤﯥﯦﯧﯨﯩ

Ва барои ӯ ҳодисаро ҳикоят кардем, ки чун субҳ фаро расад, решаи онҳо барканда шавад.

ﯪﯫﯬﯭﯮ

Аҳли шаҳр шодикунон омаданд.

ﯯﯰﯱﯲﯳﯴﯵ

Гуфт: «Инҳо меҳмонони мананд, маро расво макунед.

ﯶﯷﯸﯹﯺ

Аз Худованд битарсед ва маро шармсор масозед».

ﯻﯼﯽﯾﯿﰀ

Гуфтанд: «Магар туро аз мардум манъ накарда будем?»

ﭑﭒﭓﭔﭕﭖﭗ

Гуфт: «Агар қасде доред, инак духтарони ман ҳастанд».

ﭘﭙﭚﭛﭜﭝ

Ба ҷони ту савганд, ки онҳо дар мастии худ саргашта буданд.

ﭞﭟﭠﭡ

Чун субҳ бидамид, ононро фарёд фурӯ гирифт.

ﭢﭣﭤﭥﭦﭧﭨﭩﭪ

Шаҳрро зеру забар кардем ва бороне аз сиҷҷил бар онон боронидем.

ﭫﭬﭭﭮﭯﭰ

Дар ин ибратҳост барои ибратгирандагон.

ﭱﭲﭳﭴ

Ва он шаҳр акнун дар сари роҳи корвониён аст.

ﭵﭶﭷﭸﭹﭺ

Ва мӯъминонро дар он ибратест.

ﭻﭼﭽﭾﭿﮀ

Ва мардуми Айка низ ситамкор буданд.

ﮁﮂﮃﮄﮅﮆ

Аз онҳо интиқом гирифтем ва шаҳрҳои он ду қавм ошкоро бар сари роҳанд.

ﮇﮈﮉﮊﮋﮌ

Мардуми Ҳиҷр низ паёмбаронро ба дурӯғ нисбат доданд.

ﮍﮎﮏﮐﮑﮒ

Оёти Худро бар онон расонидем, вале аз он рӯй мегардонданд.

ﮓﮔﮕﮖﮗﮘﮙ

Хонаҳои худро, то тинҷ бошанд, дар куҳҳо меканданд.

ﮚﮛﮜﮝ

Субҳгоҳон ононро фарёд фурӯ гирифт.

ﮞﮟﮠﮡﮢﮣﮤ

Кирдорашон аз онҳо дафъи бало накард.

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖ

Осмонҳову замин ва он чиро, ки миёни онҳост, ба ғайри ҳақ наёфаридаем. Ва бешак қиёмат фаро мерасад. Пас гузашт кун, гузаште некӯ.

ﯗﯘﯙﯚﯛﯜ

Албатта Парвардигори ту офаринандае доност!

ﯝﯞﯟﯠﯡﯢﯣﯤ

Мо сабъаммасонӣ ва Қуръони бузургро ба ту додем.

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ

Агар баъзе аз мардону занонашонро ба чизе баҳравар сохтаем, ту ба он нигоҳ макун. Ва ғами онҳоро махӯр. Ва дар баробари мӯъминон фурӯтан (хоксор) бош.

ﯵﯶﯷﯸﯹﯺ

Ва бигӯ: «Ман бимдиҳандае равшангарам».

ﯻﯼﯽﯾﯿ

Ҳамонанди азобе, ки бар тақсимкунандагон нозил кардем:

ﭑﭒﭓﭔﭕ

онол, ки Қуръонрю ба қисмҳо тақсим карда буданд.

ﭖﭗﭘﭙ

Ба Парвардигорат савганд, ки ҳамаро бозхост кунем,

ﭚﭛﭜﭝ

ба хотири корҳое, ки мекардаанд!

ﭞﭟﭠﭡﭢﭣﭤ

Ба ҳар чӣ амр шудаӣ, сареҳу баланд бигӯ ва аз мушрикон рӯйгардон бош!