Surah Al-Hijr pdf Malagasy

PDF —

99 Andininy Meccan PDF

Built right in your browser — download starts automatically

Surah Al-Hijr pdf — Alaino (Malagasy)

Surah Al-Hijr pdf Malagasy — Alaino Surah Al-Hijr Fandikana. Surah Al-Hijr (Meccan) 99 Andininy.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Al-Hijr

99 Andininy · Meccan · Malagasy

ﭑﭒﭓﭔﭕﭖﭗﭘ

15:1 ALIF, LAM, RA, indro ireo andininy amin’ilay Bokin’ny fahazavana.

ﭙﭚﭛﭜﭝﭞﭟﭠ

15:2 (Amin'ny Andro fitsarana farany), ireo tsy mpino dia haniry ho mpanetry tena (mpankato).

ﭡﭢﭣﭤﭥﭦﭧﭨﭩ

15:3 Avelao izy ireo hisakafo, hifaly, ary hovariana amin’ny fanantenana, fa tsy ho ela izy ireo dia ahafantatra.

ﭪﭫﭬﭭﭮﭯﭰﭱﭲ

15:4 Nefa Izahay dia tsy mandrava tanàna, raha tsy efa nisy raki-tsoratra voalaza mazava (momba izany).

ﭳﭴﭵﭶﭷﭸﭹﭺ

15:5 Tsy misy vondron’Olona na iray aza afaka hampandroso na hampihemotra ny fe-potoany.

ﭻﭼﭽﭾﭿﮀﮁﮂﮃ

15:6 Ary niteny izy ireo (ireo mponin’ny Makka) ka nanao hoe : “ O Ianao izay nampidinana ny Fampahatsiahivana (Koro’âny), tena adala tokoa Ianao !

ﮄﮅﮆﮇﮈﮉﮊﮋﮌ

15:7 Nahoana Ianao no tsy tonga Taminay niaraka tamin’ireo Anjely, raha isan’ireo Olo-marina tokoa Ianao ? ”

ﮍﮎﮏﮐﮑﮒﮓﮔﮕﮖ

15:8 Tsy mampidina ireo Anjely Izahay raha tsy miaraka amin’ny fahamarinana, ary tsy omena fe-potoana ela intsony izy ireo (ireo tsy mpino).

ﮗﮘﮙﮚﮛﮜﮝﮞ

15:9 Tena marina fa Izahay tokoa no nampidina ny Fampahatsiahivana (Koro’âny), ary Izahay ihany no Mpiaro Azy.

ﮟﮠﮡﮢﮣﮤﮥﮦ

15:10 Marina fa Izahay dia efa nandefa Iraka talohanao tamin’ireo vahoaka teo aloha.

ﮧﮨﮩﮪﮫﮬﮭﮮﮯ

15:11 Nefa mbola tsy nisy Mpaminany iray tonga tamin’izy ireo, ka tsy nohesoiny.

ﮰﮱﯓﯔﯕﯖ

15:12 Tahaka izany no nampidiranay ny tsy finoana tao am-pon’ireo mpanao heloka.

ﯗﯘﯙﯚﯛﯜﯝﯞ

15:13 Tsy hino Azy izy ireo (Iraka na Koroâny), na dia tanteraka tamin’izy ireo ny fahitana izay (nanjò ny Razambeny) teo aloha.

ﯟﯠﯡﯢﯣﯤﯥﯦﯧﯨ

15:14 Na dia hosokafanay amin’izy ireo aza ny varavaran’ny lanitra, ka afaka hiakatra ao izy ireo,

ﯩﯪﯫﯬﯭﯮﯯﯰﯱ

15:15 Dia hiteny izy ireo hanao hoe : “ Tena tampina tokoa ny masonay, na, raha ny marina, dia tena voan’ny famosaviana izahay ”.

ﭑﭒﭓﭔﭕﭖﭗﭘ

15:16 Marina fa nametraka ireo kintana maro eny an-danitra Izahay ary nohatsaraina izy (ny lanitra) ho an’ireo izay mijery azy.

ﭙﭚﭛﭜﭝﭞ

15:17 Ary narovanay Izy (ny lanitra) tamin’i Satana tsirairay izay voahozona.

ﭟﭠﭡﭢﭣﭤﭥﭦ

15:18 Raha tsy mihaino antsokosoko ny anakiray amin’izy ireo, dia lela afo mamirapiratra no manenjika Azy.

ﭧﭨﭩﭪﭫﭬﭭﭮﭯﭰﭱﭲ

15:19 Fa ny tany kosa, dia novelarinay ka nametrahanay ireo tendrombohitra eo Aminy, ary nampitsirianay ao aminy ny zavatra tsirairay, mirindra no sady mifandanja tsara.

ﭳﭴﭵﭶﭷﭸﭹﭺﭻ

15:20 Ary napetrakay ao Aminy ireo zavatra hivelomanareo, sy ireo (zava-manan’aina) izay tsy novelominareo akory.

ﭼﭽﭾﭿﮀﮁﮂﮃﮄﮅﮆﮇ

15:21 Ary tsy misy zavatra na dia iray aza tsy anananay tahiry; ary tsy mampidina izany Izahay raha tsy amin’ny fatra voafetra.

ﮈﮉﮊﮋﮌﮍﮎﮏﮐﮑﮒﮓﮔ

15:22 Ary Nalefanay ny rivotra ho mpamokatra, ary Nampidininay avy eny an-danitra ny rano izay hampisotroinay Anareo, nefa tsy afaka hitahiry izany Ianareo.

ﮕﮖﮗﮘﮙﮚﮛ

15:23 Ary marina fa tena manome ny fiainana sy ny fahafatesana Izahay, ary Izahay ihany koa no Mpandova (ny zava-drehetra).

ﮜﮝﮞﮟﮠﮡﮢﮣ

15:24 Marina fa fantatray tokoa ireo izay efa lasa teo aloha Taminareo, ary efa fantatray koa Ireo izay mbola any aoriana.

ﮤﮥﮦﮧﮨﮩﮪﮫﮬ

15:25 Ary marina tokoa fa ny Tomponao no hamory azy ireo. Marina fa Izy dia be Fahendrena sy mahafantatra ny zava-drehetra.

ﮭﮮﮯﮰﮱﯓﯔﯕﯖ

15:26 Ary tena nahary ny Olombelona avy amin’ny tany maina sy ny fotaka malemy Izahay.

ﯗﯘﯙﯚﯛﯜﯝﯞ

15:27 Fa ny Djiny kosa dia noharianay taloha avy amin’ny Afo mafana mamaivay.

ﯟﯠﯡﯢﯣﯤﯥﯦﯧﯨﯩﯪﯫ

15:28 Ary raha niteny tamin’ireo Anjely ny Tomponao ka nanao hoe : “ Izaho dia hamorona Olona avy amin’ny tany maina alaina avy amin’ny fotaka malemy.

ﯬﯭﯮﯯﯰﯱﯲﯳﯴﯵ

15:29 Ary raha vao vitako amin’ny fomba mirindra tsara dia notsofiko Taminy ny fofon’aina avy Amiko, dia miantoraha ka miankohofa eo Aminy Ianareo.

ﯶﯷﯸﯹﯺ

15:30 Ary dia niara-niankohoka daholo ireo Anjely rehetra.

ﯻﯼﯽﯾﯿﰀﰁﰂ

15:31 Afa-tsy i Iblisy (Satana), nandà tsy ho anisan’ireo mpiankohoka Izy.

ﭑﭒﭓﭔﭕﭖﭗﭘﭙ

15:32 Niteny Izy (Allah) ka nanao hoe : “ O ry Iblisy ! Nahoana Ianao no tsy mba anisan’ireo mpiankohoka ? ”

ﭚﭛﭜﭝﭞﭟﭠﭡﭢﭣﭤﭥ

15:33 Namaly Izy ka nanao hoe : “ Tsy afaka hiankohoka eo anoloan’ny Olombelona izay noharianao avy tamin’ny tany maina izay nalaina avy tamin’ny fotaka malemy Aho ”.

ﭦﭧﭨﭩﭪﭫ

15:34 Niteny Izy (Allah) ka nanao hoe : “ Mialà ao (amin’ny Paradisa) Ianao ! Fa Ianao dia tena voahozona.

ﭬﭭﭮﭯﭰﭱﭲ

15:35 Ary hihatra Aminao ny ozona, mandra-pahatongavan’ny Andron’ny famaliana (Fitsarana).

ﭳﭴﭵﭶﭷﭸﭹ

15:36 Namaly Izy ka nanao hoe : “ O ry Tompoko ! Omeo fe-potoana àry Aho mandra-pahatongavan’ny Andro izay hananganana azy ireo (ireo olombelona) amin’ny maty ”.

ﭺﭻﭼﭽﭾ

15:37 Niteny Izy (Allah) ka nanao hoe : “ Ianao dia tena anisan’ireo mahazo fanekena amin’izany fe-potoana izany.

ﭿﮀﮁﮂﮃ

15:38 Mandra-pahatongavan’ny fotoana efa fantatra (fantatr’i Allah) ”.

ﮄﮅﮆﮇﮈﮉﮊﮋﮌﮍﮎ

15:39 Niteny Izy (Iblisy) hoe : “ O ry Tompoko, satria Ianao nampiditra Ahy tamin’ny fahadisoana, noho izany dia ho hatsaraiko amin’izy ireo ny fiainana eny ambonin’ny tany, ary ho disoiko làlana izy rehetra.

ﮏﮐﮑﮒﮓ

15:40 Afa-tsy ny mpanomponao voafidy amin’izy ireo ”.

ﮔﮕﮖﮗﮘﮙ

15:41 Niteny Izy (Allah) hoe : “ Ity ilay làla-mahitsy izay mankany Amiko ”:

ﮚﮛﮜﮝﮞﮟﮠﮡﮢﮣﮤﮥ

15:42 Fa ireo mpanompoko dia tsy hanananao fahefana na dia kely aza, afa-tsy izay manaraka Anao amin’ireo làlan-diso.

ﮦﮧﮨﮩﮪ

15:43 Ary tena marina fa ny Afobe Djahannama no toeram-pihaonan’izy rehetra.

ﮫﮬﮭﮮﮯﮰﮱﯓﯔ

15:44 Ahitana varavarana fito izany, ary ny varavarana tsirairay dia samy manana ny ampahany amin’izy ireo.

ﯕﯖﯗﯘﯙﯚ

15:45 Ho ao amin’ireo zaridaina sy loharano ireo vonto-pinoana,

ﯛﯜﯝﯞ

15:46 “ Midira ao Ianareo am-piadanana sy am-pilaminana ”.

ﯟﯠﯡﯢﯣﯤﯥﯦﯧﯨﯩ

15:47 Ary noesorinay tao an-tratran’izy ireo ny lolom-po ary samy ahatsapa izy ireo fa mpirahalahy, izay mifanatrika eo ambonin’ireo farafara.

ﯪﯫﯬﯭﯮﯯﯰﯱﯲ

15:48 Tsy misy havizanana ahazo azy ireo. Ary tsy havoaka ao izy ireo.

ﯳﯴﯵﯶﯷﯸﯹﯺ

15:49 Ampahafantaro ireo mpanompoko fa Izaho ilay Mpamela heloka, ilay be Fiantrana.

ﯻﯼﯽﯾﯿﰀ

15:50 Ary marina fa ny saziko dia tena sazy mamirifiry.

ﰁﰂﰃﰄﰅ

15:51 Ary ampahafantaro azy ireo ny mahakasika ireo vahinin’i Ibrahim (ireo Anjely).

ﭑﭒﭓﭔﭕﭖﭗﭘﭙﭚ

15:52 Raha niditra tao aminy izy ireo ka nilaza nanao hoe : “ Fiadanana (salamo) ! Namaly Izy (Ibrahim) nanao hoe : “ Matahotra Anareo Izahay ! ”

ﭛﭜﭝﭞﭟﭠﭡﭢ

15:53 Niteny izy ireo (ireo Anjely) ka nanao hoe : “ Aza matahotra Ianao ! Fa Izahay dia hanambara Aminao vaovao mahafaly, ny fahaterahan’ny Zazakely feno fahalalana ”.

ﭣﭤﭥﭦﭧﭨﭩﭪﭫ

15:54 Namaly izy hoe : “ Lazainareo ahy ve izany vaovao mahafaly izany nefa dia efa tratran’ny fahanterana aho? Inona àry no lazainareo amiko? ”

ﭬﭭﭮﭯﭰﭱﭲﭳ

15:55 Niteny Izy Ireo ka nanao hoe : “ Ny marina no lazanay Aminao. Aoka àry Ianao tsy ho anisan’ireo mora kivy ”.

ﭴﭵﭶﭷﭸﭹﭺﭻﭼ

15:56 Niteny Izy hoe : “ Fa iza moa no kivy amin’ny famindram-pòn’ny Tompony, raha tsy ireo very làlana ? ”

ﭽﭾﭿﮀﮁﮂ

15:57 Dia hoy Izy (Abrahama) ka nanao hoe : “ Inona àry no nanirahana Anareo, ry Iraka ? ”

ﮃﮄﮅﮆﮇﮈﮉ

15:58 Namaly izy ireo ka nanao hoe : “ Nalefa ho an’ny Olona mpanao ratsy Izahay,

ﮊﮋﮌﮍﮎﮏﮐ

15:59 Afa-tsy ny fianakavian’i Lota, tena ho vonjenay avokoa izy rehetra,

ﮑﮒﮓﮔﮕﮖﮗ

15:60 Ankoatry ny vadiny, Izahay dia hanao Azy ho anisan’ireo ringana.

ﮘﮙﮚﮛﮜﮝ

15:61 Nony tonga teo amin’ny fianakavian’I Lota ireo Iraka,

ﮞﮟﮠﮡﮢ

15:62 Dia niteny Izy (Lota) ka nanao hoe : “ Ianareo dia Olona tsy fantatra ”.

ﮣﮤﮥﮦﮧﮨﮩﮪ

15:63 Niteny Izy ireo ka nanao hoe : “ Tonga aty Aminao tokoa Izahay mitondra ny (sazy) izay nampisalasala azy ireo.

ﮫﮬﮭﮮﮯ

15:64 Ary tonga Aminao Izahay miaraka amin’ny Fahamarinana. Ary mpilaza ny marina Izahay.

ﮰﮱﯓﯔﯕﯖﯗﯘﯙﯚﯛﯜﯝﯞﯟ

15:65 “ Mandehana àry miaraka amin’ny fianakavianao Ianao amin’ny fahataperan’ny alina, ary araho avy ao aoriana izy ireo; ary aoka tsy hisy hitoditodika n'iza n'iza Aminareo; koa mandehana amin’izay handidiana Anareo Ianareo ”.

ﯠﯡﯢﯣﯤﯥﯦﯧﯨﯩ

15:66 Ary nolazainay taminy izany didy izany : Fa ireny Olona ireny, amin’ny maraina, dia ho haringanay avokoa hatramin’ny farany.

ﯪﯫﯬﯭﯮ

15:67 Fa ireo mponin’ny tanàna ( Sodoma) dia tonga (teo aminy) ankafaliana.

ﯯﯰﯱﯲﯳﯴﯵ

15:68 Nilaza Izy (Lota) ka nanao hoe : “ Tena marina fa vahiniko izy ireo, aza manafitohina Ahy Ianareo

ﯶﯷﯸﯹﯺ

15:69 Ary matahora an’i Allah Ianareo. Aza tafihinareo henatra Aho.

ﯻﯼﯽﯾﯿﰀ

15:70 Niteny izy ireo (ireo olon’ny tanàna) hoe : “ Moa ve tsy efa nandrara Anao Izahay tamin’ny (fandraisana) olona ? ”

ﭑﭒﭓﭔﭕﭖﭗ

15:71 Niteny Izy (Lota) ka nanao hoe : “ Indro ireo Zanako vavy ! Raha misy zavatra tianareo hatao !

ﭘﭙﭚﭛﭜﭝ

15:72 Mianiana amin’ny fiainanao (Aho) fa nikorontan-tsaina izy ireo tao anaty firediredeny.

ﭞﭟﭠﭡ

15:73 Ka dia ny kiakiaka (loza) no nahazo azy ireo tamin’ny fiposahan’ny masoandro.

ﭢﭣﭤﭥﭦﭧﭨﭩﭪ

15:74 Ary navadikay ambony sy ambany (ny tanàna), ary narotsakay nifanesisesy tamin’izy ireo (tahaka ny orana) ny vato avy amin’ny tany manga.

ﭫﭬﭭﭮﭯﭰ

15:75 Izany tokoa dia famantarana marina ho an’ireo izay mahay mandinika.

ﭱﭲﭳﭴ

15:76 Izy io (io tanàna io) dia tena eo amin’ny làlana izay fantatry ny maro.

ﭵﭶﭷﭸﭹﭺ

15:77 Izany tokoa dia famantarana marina ho an’ireo mpino.

ﭻﭼﭽﭾﭿﮀ

15:78 Ary ireo mponin’ny Al-Aykat dia mpanao ny tsy rariny (ihany koa).

ﮁﮂﮃﮄﮅﮆ

15:79 Dia namaly azy ireo tamin’ny sazy Izahay, ary tena marina fa ireo (tanàna) Roa ireo dia teo amin’ny làlana mazava tsara.

ﮇﮈﮉﮊﮋﮌ

15:80 Marina fa ireo mponin’ny Al-hijr dia efa nilaza fa mpandainga ireo Iraka.

ﮍﮎﮏﮐﮑﮒ

15:81 Ary nasehonay tamin’izy ireo ny fahagagana avy Aminay nefa nitodi-damosina ihany izy ireo.

ﮓﮔﮕﮖﮗﮘﮙ

15:82 Ary nandavaka ny tendrombohitra mba hanaovana trano ka niaina tamim-pilaminana izy ireo.

ﮚﮛﮜﮝ

15:83 Ka dia ny kiakiaka (loza) no nahazo azy ireo tamin’ny maraina.

ﮞﮟﮠﮡﮢﮣﮤ

15:84 Ka tsy nahazoan’izy ireo tombontsoa izay azony.

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖ

15:85 Ary tsy nahary ireo lanitra sy ny tany sy izay nanelanelana azy Roa ireo Izahay raha tsy tamim-pahamarinana. Ary tena ho avy tokoa ny ora ! Koa aoka hamela heloka (azy ireo) Ianao amin’ny famelana tsara.

ﯗﯘﯙﯚﯛﯜ

15:86 Tena marina fa ny Tomponao, dia ilay Mpahary Lehibe, ilay Mpahalala ny zava-drehetra.

ﯝﯞﯟﯠﯡﯢﯣﯤ

15:87 Efa nomenay Anao tokoa “ Ireo Andininy fito[92] Averimberina (vakiana) ” ary koa ilay Vakiteny lehibe.

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ

15:88 Aza jerena am-pitsiriritana ireo zavatra izay nanomezanay fifaliana miserana ho an’ireo mpivady sasantsasany amin’izy ireo. Ary aza malahelo ny momba azy ireo Ianao. Ary ampidino amin’ireo mpino ny fangorahanao.

ﯵﯶﯷﯸﯹﯺ

15:89 Ary lazao hoe : “ Marina fa Izaho no ilay Mpampitandrina Miharihary ”.

ﯻﯼﯽﯾﯿ

15:90 Tahaka ny nampidinanay (ny sazy) tamin’ireo izay tsy nino (tsy hanaraka ny Mpaminany).

ﭑﭒﭓﭔﭕ

15:91 Ireo izay nanao ny Koroany ho singasingany maro (mikorontana mba hampisy ny fisalasalana).

ﭖﭗﭘﭙ

15:92 Ary mianiana amin’ny Tomponao ! Fa Izahay dia tena hanontany azy rehetra

ﭚﭛﭜﭝ

15:93 Amin’izay nataon’izy ireo.

ﭞﭟﭠﭡﭢﭣﭤ

15:94 Asehoy ankarihary izay nandidiana Anao. Ary miataha amin’ireo mpanompo sampy (manana Zanahary maro) Ianao.