Simoore Al-Hijr
PDF —
Built right in your browser — download starts automatically
Simoore Al-Hijr pdf — Wàcce (Wolof)
Simoore Al-Hijr pdf Wolof — Wàcce Simoore Al-Hijr Tekki. Al-Hijr (Meccan) 99 Aaya.
Related
- Al-Hijr TekkiWolof
- Al-Hijr mp3Dégg
- Quran Index Wolof114
More Simoore PDF
Simoore Al-Hijr
ﭑﭒﭓﭔﭕﭖﭗﭘ
Alif, Laam, Raa. Àttey Téere bee ngi nii, di am njàngale muy biral [dëgg].
ﭙﭚﭛﭜﭝﭞﭟﭠ
Amaana ña weddi ñanga ne siiw nekki jullit.
ﭡﭢﭣﭤﭥﭦﭧﭨﭩ
Bàyyileen ñuy lekk ak a xéewlu, tey mébét lu leen soxal; danañu mës a xam !
ﭪﭫﭬﭭﭮﭯﭰﭱﭲ
Dunu alag benn dëkk te fekk amul àpp bu ñu xam.
ﭳﭴﭵﭶﭷﭸﭹﭺ
Benn xeet du jiitu àppam te it mënu koo weesu.
ﭻﭼﭽﭾﭿﮀﮁﮂﮃ
Ñu naan leen : “Yaw mii, wàcceef na ci yéen Téere ba, yaw dof tigi nga !
ﮄﮅﮆﮇﮈﮉﮊﮋﮌ
Lu teewoon nga indil nu ay Malaaka, ndegam bokk nga ca ñu dëggu ña ? ”
ﮍﮎﮏﮐﮑﮒﮓﮔﮕﮖ
Nun dunu wàcce ay Malaaka lu dul ci dëgg (gu Nu doxal mu jeex) ; te kon dungeen doon ñu ñuy muñandiku ab diir.
ﮗﮘﮙﮚﮛﮜﮝﮞ
Nun noo wàcce Téere ba [Alxuraan] te Nun noo koy wattu.
ﮟﮠﮡﮢﮣﮤﮥﮦ
Yónni Nanu ci lu la jiitu ay Yonent ca kurél yu njëkk ya.
ﮧﮨﮩﮪﮫﮬﮭﮮﮯ
Te ab Yonent daawuleen dikkal te yéjj wuñu (ñaawal).
ﮰﮱﯓﯔﯕﯖ
Noonu la Nu koy tàbbalee ci xoli saay-saay sa.
ﯗﯘﯙﯚﯛﯜﯝﯞ
Duñu ko gëm te aadaay ñu njëkk ña wéy na.
ﯟﯠﯡﯢﯣﯤﯥﯦﯧﯨ
Te su Nu leen ubbiloon ab buntu ci asamaan ñu mën caa yeendoo yéeg,
ﯩﯪﯫﯬﯭﯮﯯﯰﯱ
Kon it fàwwu ñu wax ne : “Dañoo gëlëmal sunuy gët. Walla sax dañu noo njibar”.
ﭑﭒﭓﭔﭕﭖﭗﭘ
Def nañu ci asamaan ay bidiw te rafetal Nanu ko ñi koy xool mu ne ràññ.
ﭙﭚﭛﭜﭝﭞ
Te wattu Nanu ko ba sépp séytaane su ñu rëbb du fa mën a egg.
ﭟﭠﭡﭢﭣﭤﭥﭦ
Lu dul ku jéem a sàcc lu mu dégg, [te ku ko ca jéem] ay jumu safara soxal ko.
ﭧﭨﭩﭪﭫﭬﭭﭮﭯﭰﭱﭲ
Tàllal Nanu suuf si te samp ci ay tundi doj (yu tax mu dal) ; saxal Nanu itam wépp xeetu gàncax muy lu ñu nattale.
ﭳﭴﭵﭶﭷﭸﭹﭺﭻ
Nu defaral leen ca lu ngeen di dunde, yéen ak ñi ngeen dundalul.
ﭼﭽﭾﭿﮀﮁﮂﮃﮄﮅﮆﮇ
Amul lenn loo xam ne ndàmbam nekkul ci nun, waaye Dunu ca wàcce lu dul ab natt bu ñu xam (bu yem ak bu doy).
ﮈﮉﮊﮋﮌﮍﮎﮏﮐﮑﮒﮓﮔ
Yónni Nanu ngelaw luy sos (taw ci niir yi) ; wàcce Nanu ndox mu jóge asamaan, nàndal Nanu leen ci te mënuleen ko woon a denc.
ﮕﮖﮗﮘﮙﮚﮛ
Te Nun nooy dundal te Nun nooy rey te Nun nooy donn (mujje) àddina bi yépp.
ﮜﮝﮞﮟﮠﮡﮢﮣ
Sunu xam-xam làmb na ña jiitu woon ak ñay mujj ci yéen.
ﮤﮥﮦﮧﮨﮩﮪﮫﮬ
Sa Boroom dana leen fang ñoom ñépp. Moom Yàlla Ku xam la, Ku xereñ la.
ﮭﮮﮯﮰﮱﯓﯔﯕﯖ
Bind Nanu nit ci ban bu wow bu jóge ci ban bu ñuul.
ﯗﯘﯙﯚﯛﯜﯝﯞ
Te fekkon na Nu binde jinne lu jiitu loolu ci safara wu xonk coyy.
ﯟﯠﯡﯢﯣﯤﯥﯦﯧﯨﯩﯪﯫ
[Fàttalikul] ba sa Boroom waxee Malaaka ya ne leen : “Man damay bind nit ci ban bu ñu togg,
ﯬﯭﯮﯯﯰﯱﯲﯳﯴﯵ
te saa su Ma ko yemalee ba wal ci dara ci sama ruut, rotleen sujjóotal ko”.
ﯶﯷﯸﯹﯺ
Malaaka yépp sujjóot,
ﯻﯼﯽﯾﯿﰀﰁﰂ
ba mu des Ibliis, moom bañ naa bokk ca ñay sujjóot.
ﭑﭒﭓﭔﭕﭖﭗﭘﭙ
Mu ne [Moom Yàlla] : “Yaw Ibliis, lu la dal ba bokkuloo ci sujjóotkat yi ? ”
ﭚﭛﭜﭝﭞﭟﭠﭡﭢﭣﭤﭥ
Mu tontu ne : “Man kat duma sujjóotal nit koo binde ci ban bu wow bu jóge ci banit bu ñu togg”.
ﭦﭧﭨﭩﭪﭫ
Mu tontu ne : “Man kat duma sujjóotal nit koo binde ci ban bu wow bu jóge ci banit bu ñu togg”.
ﭬﭭﭮﭯﭰﭱﭲ
Te am rëbb dal na ci sa kaw ba Bis-pénc ba di taxaw ! ”
ﭳﭴﭵﭶﭷﭸﭹ
-Mu ne : "Yaw sama Boroom, kon muñal ma ba bisu dekki ba”.
ﭺﭻﭼﭽﭾ
Mu ne : bokk nga ca ña ñu muñal,
ﭿﮀﮁﮂﮃ
ba ca Bis ba nga xam ne waxtoom lu ñu xam la.
ﮄﮅﮆﮇﮈﮉﮊﮋﮌﮍﮎ
- Ibliis ne : "Yaw sama Boroom, ci sababus li nga ma beewloo, fàwwu danaa leen rafetalal ci àddina [lu bon], te fàwwu danaa leen beewloo ñoom ñépp,
ﮏﮐﮑﮒﮓ
ba mu des ña sellal ca sa jaam ña.”
ﮔﮕﮖﮗﮘﮙ
- Boroom bi tontu ne : lii mooy yoon wu jub wi jëm ci Man.
ﮚﮛﮜﮝﮞﮟﮠﮡﮢﮣﮤﮥ
Sama jaam ñi nag ñoom mënoo ci ñoom dara lu dul ña beew ña la topp.
ﮦﮧﮨﮩﮪ
Te Safara mooy fa ñuy daje ñoom ñépp.
ﮫﮬﮭﮮﮯﮰﮱﯓﯔ
Te Safara nag am na juróom-ñaari buntu te buntu bu nekk am na xaaj bu ñu ko sédde ca [ñu beew ña].
ﯕﯖﯗﯘﯙﯚ
Ña ragal Yàlla nag, ñangay nekk ciy àjjana ak i bëti-ndox [yuy ball].
ﯛﯜﯝﯞ
[Ñu ne leen] : “Dugguleen ci jàmm ànd ak kóolute”.
ﯟﯠﯡﯢﯣﯤﯥﯦﯧﯨﯩ
Te Nu rocci [raxas] la nekkoon ci seeni xol cig noonoo : ñu nekk ay mbokk yu jaaxaan ca seeni lal jàkkaarloo.
ﯪﯫﯬﯭﯮﯯﯰﯱﯲ
Coono duleen fa laal. Te dootuñu fa génnati.
ﯳﯴﯵﯶﯷﯸﯹﯺ
Xamalal samay jaam ne, Man Jéggalaakoon laa, Jaglewaakoon laa.
ﯻﯼﯽﯾﯿﰀ
Waaye sama mbugal mooy mbugal mu metti mi.
ﰁﰂﰃﰄﰅ
Te nga nettalileen la xewoon ca gani Ibraahiima ya
ﭑﭒﭓﭔﭕﭖﭗﭘﭙﭚ
Ba ñu agsee ca moom ne ko : “Jàmmu ngaam” - Mu ne leen : “Am naa njàqare ci yéen”.
ﭛﭜﭝﭞﭟﭠﭡﭢ
Ñu ne : “Bul jàq ci nun ! Noo ngi lay bégal ne [danga am doom] ju góor juy bari xam- xam”.
ﭣﭤﭥﭦﭧﭨﭩﭪﭫ
Mu ne : “Li ngeen di bégle ndax ànd naak samag mage ? Li ngeen may yégal mooy lan ? ”
ﭬﭭﭮﭯﭰﭱﭲﭳ
- Ñu ne ko : “Yégal ne lii dëgg la. Bul bokk ca ña naagu ña”.
ﭴﭵﭶﭷﭸﭹﭺﭻﭼ
- Mu ne : “Kan mooy naagu ci yërmaande Yàlla, ñu dul ñu réer [sànku] ? ”
ﭽﭾﭿﮀﮁﮂ
Mu ne leen : “Waaw lan mooy seen mbir yéen ñi ñu yónni ?
ﮃﮄﮅﮆﮇﮈﮉ
- Ñu ne : “Yónneef nañu ci aw nit ñu bari bàkkaar,
ﮊﮋﮌﮍﮎﮏﮐ
ba mu des njabootu Lóot, danañu leen musal ñoom ñépp
ﮑﮒﮓﮔﮕﮖﮗ
ku ca dul soxnaam sa. “Dogal Nanu ne moom ca way-des ña lay bokk (alku)”.
ﮘﮙﮚﮛﮜﮝ
Ba ña ñu yónni agsee ca waa kër Lóot,
ﮞﮟﮠﮡﮢ
Lóot ne leen : “Yéen dey aw nit ñu ma xamul ngeen”.
ﮣﮤﮥﮦﮧﮨﮩﮪ
- Ñu ne ko : “Axakay, digal nanu la ànd ak la ñu doon sikki-sàkka.
ﮫﮬﮭﮮﮯ
Te ñëw nanu ci yaw indil la dëgg. Te it ñu dëggu lanu.
ﮰﮱﯓﯔﯕﯖﯗﯘﯙﯚﯛﯜﯝﯞﯟ
Te nanga dem rañaan yaak sa njaboot bu guddi xaajee ; te nga topp ca seen ginnaaw te bu kenn ci yéen geestu. Te ngeen jublu fa ñu leen digal”.
ﯠﯡﯢﯣﯤﯥﯦﯧﯨﯩ
Noo xamal Lóot sunu ndigal la : te danañu alag nitam ña ci njël.
ﯪﯫﯬﯭﯮ
Waa dëkk ba agsi ànd ak mbégte.
ﯯﯰﯱﯲﯳﯴﯵ
- Lóot ne leen : “Ñii samay gan lañu, buleen ma ci rusloo.
ﯶﯷﯸﯹﯺ
Nangeen ragal Yàlla te buleen ma teg gàcce.
ﯻﯼﯽﯾﯿﰀ
Ñu ne : “Ndax terewuñu la woon ngay woo nit ñi [ci sa diine ji] ? ”
ﭑﭒﭓﭔﭕﭖﭗ
Mu ne leen : “Samay doom yu jigéen a ngii ndegam bëgg ngeen a def [li ngeen nar] ! ”
ﭘﭙﭚﭛﭜﭝ
Giñ naa ci sag dund [yaw Muhammed] ne naka ñoom nekkoon nañu di dengi-dengi ci seeni ngëlamte.
ﭞﭟﭠﭡ
Ag xaacu sadd leen suba cuuy.
ﭢﭣﭤﭥﭦﭧﭨﭩﭪ
Nu wëlbati la nekkon ca kaw [dëkk ba] dëpp ko mu féete suuf, Nu sotti ca kaw ab tawu xeer yu jóge Sijjiil.
ﭫﭬﭭﭮﭯﭰ
Loolu nekk ay kéemaan ci ñuy settantal !
ﭱﭲﭳﭴ
Te [dëkk boobu] nekk na ci yoon wuñuy faral di jaar.
ﭵﭶﭷﭸﭹﭺ
Loolu nekk na di kéemtaan ci ñi gëm !
ﭻﭼﭽﭾﭿﮀ
Te waa Leykata ay tooñkat lañu woon.
ﮁﮂﮃﮄﮅﮆ
Nu mbugal leen. Te [ñaari dëkk yooyu] ñanga ca yoon wu neex a xam.
ﮇﮈﮉﮊﮋﮌ
Waa Hijri weddi woon nañu Yonent ya.
ﮍﮎﮏﮐﮑﮒ
Nu joxoon leen sunuy kawtéef, ñu dëddu leen.
ﮓﮔﮕﮖﮗﮘﮙ
Ñu nekkoon ñu daan yatt i néeg ci ay tundi doj.
ﮚﮛﮜﮝ
Ag xaacu sadd leen ci ag suba cuuy
ﮞﮟﮠﮡﮢﮣﮤ
La ñu doon fàggu jariñu leen dara.
ﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖ
Te Nun bind nu asamaan yi ak suuf si ak li nekk ci seen diggante lu dul ci dëgg. Te jeexug Sama àddina sii luy nekk la ! Kon nanga dëddu ña weddi dëddu gu rafet.
ﯗﯘﯙﯚﯛﯜ
Sa Boroom mooy Ka bind, di Ku xam.
ﯝﯞﯟﯠﯡﯢﯣﯤ
May Nanu la “juroom-ñaar yu Nu ñaar-ñaaral [Al-Faatiha]”, ak Alxuraan ju màgg jii.
ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ
Bul tàllal say gët [di xool] la Nu xéewale ay kurél ci ñoom, bul am naqar ci ñoom te nangay suufeel say mbagg ñeel ñi gëm.
ﯵﯶﯷﯸﯹﯺ
Te neel : “Man aji-laabir laa ju wér” [ci xamal leen dëgg],
ﯻﯼﯽﯾﯿ
Noonu it Lanu wàccele woon [ab Téere] ca ña xàjjatle woon [seen diine],
ﭑﭒﭓﭔﭕ
ca ña séddale Téere ba ay xaaj, pàcc-pàccee Alxuraan ngir sànkaate.
ﭖﭗﭘﭙ
Giñ naa ci sama màggug Boroom ! Fàwwu danañu leen laaj ñoom ñépp
ﭚﭛﭜﭝ
la ñu nekkon di ko def [ci ay ñaawtéef].
ﭞﭟﭠﭡﭢﭣﭤ
Waxal ci kaw li Nu la digal te nanga dëddu bokkaalekat yi.
ﭥﭦﭧﭨ
Naka Nun fegal nanu la ña lay téjji.
ﭩﭪﭫﭬﭭﭮﭯﭰﭱﭲ
Ña nga xam ne dañuy boole Yàlla ak jeneen yàlla, danañu mës a xam.
ﭳﭴﭵﭶﭷﭸﭹﭺ
Xam Nanu ne la ñuy wax tiis na ci sa xol.
ﭻﭼﭽﭾﭿﮀﮁ
Sàbbaalal sa Boroom mi yeyoo cant, te nanga bokk ca sujjóotkat ya ;
ﮂﮃﮄﮅﮆﮇ
te nangay jaamu Yàlla ba balaa bir la [dee ga] di agsi ci yaw.
Alxuraan bu Tedd bi
Tuesday, August 18, 2026
Don't forget us in your sincere prayers
Featured Reciters
Saad Al-Ghamdi Alxuraan bu Tedd bi mp3
Complete Recitation — حفص عن عاصم
Abdul Basit Alxuraan bu Tedd bi mp3
Complete Recitation — حفص عن عاصم
Mishary Rashid Alafasy Alxuraan bu Tedd bi mp3
Complete Recitation — حفص عن عاصم
Al-Hussary Mahmoud Khalil Alxuraan bu Tedd bi mp3
Complete Recitation — حفص عن عاصم
Muhammad Siddiq Al-Minshawi Alxuraan bu Tedd bi mp3
Complete Recitation — حفص عن عاصم
Abdul Rahman Al-Sudais Alxuraan bu Tedd bi mp3
Complete Recitation — حفص عن عاصم
Saud Al-Shuraim Alxuraan bu Tedd bi mp3
Complete Recitation — حفص عن عاصم
Maher Al-Muaiqly Alxuraan bu Tedd bi mp3
Complete Recitation — حفص عن عاصم