سورو حجر
PDF —
99 آيت Meccan PDF
Built right in your browser — download starts automatically

سورو حجر pdf — ڊائونلوڊ (سنڌي)

سورو حجر pdf سنڌي — ڊائونلوڊ سورو حجر ترجمو. حجر (Meccan) 99 آيت.

→ ابراہیمحجر نحل ←

Related

More سورو PDF

بقرہ آل عمران نساء مائدہ یوسف ابراہیم حجر کہف مریم حج قصص عنکبوت سجدہ یس دخان فتح حجرات ق نجم رحمن واقعہ حشر ملک حاقہ انشقاق اعلی غاشیہ

📚 پڙهو 🎧 ٻڌو mp3 📜 قرآن ڪريم

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली
99 آيت · Meccan · سنڌي
bismillah
ﭑﭒﭓﭔﭕﭖﭗﭘ
15:1 الٓرٰ، ھي آيتون ڪتاب ۽ پڌري قرآن جون آھن.
ﭙﭚﭛﭜﭝﭞﭟﭠ
15:2 ڪافر گھڻو ئي (ھيءَ) خواھش ڪندا ته جيڪر مُسلمان ھُجون ھا.
ﭡﭢﭣﭤﭥﭦﭧﭨﭩ
15:3 (اي پيغمبر) کين ڇڏي ڏي ته (دُنيا ۾) کائن ۽ (لذتن ۾) آسودا رھي گذارين ۽ کين آسرو رينجھائي ڇڏي ۽ سگھوئي ڄاڻندا.
ﭪﭫﭬﭭﭮﭯﭰﭱﭲ
15:4 ۽ ڪنھن ڳوٺ کي ويران نه ڪيوسون (سندن بڇڙن ڪمن جي ڪري) پر اُن لاءِ مُقرّر حڪم ڪيل ھو.
ﭳﭴﭵﭶﭷﭸﭹﭺ
15:5 ڪائي ٽولي پنھنجي ٺھرايل مُدّت کان نڪي تڪڙ ڪندي ۽ نڪي پوءِ تي رھي سگھندي.
ﭻﭼﭽﭾﭿﮀﮁﮂﮃ
15:6 ۽ (ڪافرن) چيو ته اي شخص جنھن تي قرآن لاٿو ويو آھي بيشڪ تون ضرور چريو آھين.
ﮄﮅﮆﮇﮈﮉﮊﮋﮌ
15:7 جيڪڏھن تون سچن مان آھين ته اسان وٽ ملائڪ ڇو نه آڻيندو آھين؟
ﮍﮎﮏﮐﮑﮒﮓﮔﮕﮖ
15:8 (اي پيغمبر) کين چؤ ته ملائڪ پڪي رٿ کانسواءِ نازل نه ڪندا آھيون ۽ (جيڪڏھن نازل ڪريون ۽ نه مڃين ته) اُنھيءَ مھل اُنھن کي مُھلت نه ڏني ويندي.
ﮗﮘﮙﮚﮛﮜﮝﮞ
15:9 اسان نصيحت (يعني قرآن) نازل ڪيو ۽ اسين ضرور ان جي حفاظت ڪندڙ آھيون.
ﮟﮠﮡﮢﮣﮤﮥﮦ
15:10 ۽ بيشڪ توکان اڳي پھرين ٽولين ۾ پيغمبر موڪلياسون.
ﮧﮨﮩﮪﮫﮬﮭﮮﮯ
15:11 ۽ ڪو پيغمبر وٽن نه ايندو ھو جو انھن سان ٺـٺوليون ڪرڻ کانسواءِ (ٻيو ڪي) نه ڪندا ھوا.
ﮰﮱﯓﯔﯕﯖ
15:12 ۽ اھڙي طرح ڏوھارين جي دلين ۾ (اھڙو خيال) وجھندا آھيون.
ﯗﯘﯙﯚﯛﯜﯝﯞ
15:13 جو اُن کي نه مڃيندا ۽ بيشڪ اڳين جي ريت ھلي ايندي آھي.
ﯟﯠﯡﯢﯣﯤﯥﯦﯧﯨ
15:14 ۽ جيڪڏھن آسمان مان ڪو دروازو مٿن کوليون ھا ته ان ۾ سدائين چڙھندا رھن.
ﯩﯪﯫﯬﯭﯮﯯﯰﯱ
15:15 ضرور چون ھا ته رڳو اسان جون بند ڪيون ويون آھن بلڪ اسين جادو ڪيل قوم آھيون.
ﭑﭒﭓﭔﭕﭖﭗﭘ
15:16 ۽ بيشڪ آسمان ۾ بُرج بڻاياسون ۽ اُن کي ڏسندڙن لاءِ سينگاريو سون.
ﭙﭚﭛﭜﭝﭞ
15:17 ۽ اُن کي سڀڪنھن تڙيل شيطان کان بچايوسون.
ﭟﭠﭡﭢﭣﭤﭥﭦ
15:18 پر جيڪو چوريءَ ٻڌي تنھن جي پويان پڌرو اُلنبو پوندو آھي.
ﭧﭨﭩﭪﭫﭬﭭﭮﭯﭰﭱﭲ
15:19 ۽ زمين کي پکيڙيوسون ۽ منجھس جبل کوڙيا سون ۽ منجھس ھر شيءِ اندازي سان ڄمائي سون.
ﭳﭴﭵﭶﭷﭸﭹﭺﭻ
15:20 ۽ منجھس اوھان لاءِ (قسم قسم جي) روزي (پيدا) ڪئي سون جن کي (اوھين) روزي ڏيندڙ نه آھيو.
ﭼﭽﭾﭿﮀﮁﮂﮃﮄﮅﮆﮇ
15:21 ۽ اھڙي شيءِ آھي ئي ڪانه جنھن جو خزانون اسان وٽ نه آھي، انھن شين کي اسين ٺھرايل اندازي کانسواءِ نه لاھيندا آھيون.
ﮈﮉﮊﮋﮌﮍﮎﮏﮐﮑﮒﮓﮔ
15:22 ۽ وائِن ڪڪرن کڻندڙن کي موڪليندا آھيون پوءِ آسمان مان پاڻي وسائيندا آھيون پوءِ اُھو اوھان کي پياريندا آھيون، ۽ اُھو اوھين گڏ ڪرڻ وارا نه آھيو.
ﮕﮖﮗﮘﮙﮚﮛ
15:23 ۽ اسين ئي جياريندا آھيون ۽ ماريندا آھيون ۽ اسين سڀڪنھن جا وارث آھيون.
ﮜﮝﮞﮟﮠﮡﮢﮣ
15:24 ۽ بيشڪ اوھان کان اڳ وارا ڄاڻندا آھيون ۽ بيشڪ (اوھان کان) پوءِ ايندڙ (به) ڄاڻندا آھيون.
ﮤﮥﮦﮧﮨﮩﮪﮫﮬ
15:25 ۽ بيشڪ تنھنجو پالڻھار کين کڙو ڪندو، ڇوته اُھو حڪمت وارو ڄاڻندڙ آھي.
ﮭﮮﮯﮰﮱﯓﯔﯕﯖ
15:26 ۽ بيشڪ اسان آدم کي کڙڪندڙ مٽيءَ مان جا ڳوھيل گندي ٿيل ھئي بڻايو.
ﯗﯘﯙﯚﯛﯜﯝﯞ
15:27 ۽ ھن کان اڳ جنن کي ڄَرَ واريءَ باھ مان بڻايوسون.
ﯟﯠﯡﯢﯣﯤﯥﯦﯧﯨﯩﯪﯫ
15:28 ۽ جڏھن تنھنجي پالڻھار ملائڪن کي چيو ته آءُ آدم کي کڙڪندڙ مٽيءَ مان جا ڳوھيل گندي ٿيل ھئي بڻائيندڙ آھيان.
ﯬﯭﯮﯯﯰﯱﯲﯳﯴﯵ
15:29 پوءِ جڏھن کيس پورو ڪري رھان ۽ منجھس پنھنجي روح مان ڦوڪيان ته کيس سجدو ڪندڙ ٿي ڪري پئجو.
ﯶﯷﯸﯹﯺ
15:30 پوءِ اُنھن مڙني ملائڪن گڏجي سجدو ڪيو.
ﯻﯼﯽﯾﯿﰀﰁﰂ
15:31 سواءِ ابليس جي، سجدي ڪندڙن سان گڏ ھجڻ کان انڪار ڪيو.
ﭑﭒﭓﭔﭕﭖﭗﭘﭙ
15:32 (الله) چيو ته اي ابليس توکي ڇا ٿيو جو سجدي ڪرڻ وارن مان نه ٿئين.
ﭚﭛﭜﭝﭞﭟﭠﭡﭢﭣﭤﭥ
15:33 (ھن) چيو ته مون کي نه جڳائيندو آھي ته آءٌ اھڙي ماڻھوءَ کي سجدو ڪريان جنھن کي کڙڪندڙ مٽيءَ مان جا ڳوھيل گندي ٿيل ھئي بڻايو اٿئي.
ﭦﭧﭨﭩﭪﭫ
15:34 (الله) فرمايو ته اُن (بھشت) مان نڪر ڇوته تون تڙيل آھين.
ﭬﭭﭮﭯﭰﭱﭲ
15:35 ۽ توتي قيامت تائين لعنت آھي.
ﭳﭴﭵﭶﭷﭸﭹ
15:36 (ابليس) چيو ته اي منھنجا پالڻھار مون کي قيامت جي ڏينھن تائين مُھلت ڏي.
ﭺﭻﭼﭽﭾ
15:37 (الله) فرمايو ته تون بيشڪ مُھلت ڏنلن مان آھين.
ﭿﮀﮁﮂﮃ
15:38 ٺھرايل وقت واري ڏينھن تائين.
ﮄﮅﮆﮇﮈﮉﮊﮋﮌﮍﮎ
15:39 (ابليس) چيو ته اي منھنجا پالڻھار تو جو مون کي گمراہ ڪيو آھي تنھنڪري آءٌ انھن لاءِ زمين ۾ (گناھن کي) ضرور سينگاريندس ۽ (ٻـين) سڀني کي گمراہ ڪندس.
ﮏﮐﮑﮒﮓ
15:40 سواءِ اُنھن تنھنجن ٻانھن جي جي سچا آھن.
ﮔﮕﮖﮗﮘﮙ
15:41 (الله) فرمايو ته ھيءَ سڌي واٽ آھي مون تائين.
ﮚﮛﮜﮝﮞﮟﮠﮡﮢﮣﮤﮥ
15:42 گمراھن مان جن تنھنجي تابعداري تنھن کان سواءِ (ٻـين) منھنجن ٻانھن تي تنھنجو ڪو زور نه آھي.
ﮦﮧﮨﮩﮪ
15:43 ۽ اُنھن مڙني گمراھن جي انجام واري جاءِ دوزخ آھي.
ﮫﮬﮭﮮﮯﮰﮱﯓﯔ
15:44 اُن کي ست دروازا آھن، ھر ڪنھن دروازي لاءِ انھن مان وراھيل ڀاڱو آھي.
ﯕﯖﯗﯘﯙﯚ
15:45 بيشڪ پرھيزگار باغن ۽ چشمن ۾ ھوندا.
ﯛﯜﯝﯞ
15:46 (کين چئبو ته) انھن ۾ بي فڪر ٿي سلامتيءَ سان گھڙو.
ﯟﯠﯡﯢﯣﯤﯥﯦﯧﯨﯩ
15:47 ۽ سندن سينن ۾ جيڪي ڪينو ھوندو سو انھن مان ڪڍنداسين (ھڪ ٻئي جا) ڀائر ٿي آمھون سامھون تختن تي ويٺا ھوندا.
ﯪﯫﯬﯭﯮﯯﯰﯱﯲ
15:48 اُتي کين نڪو ڏک پھچندو ۽ نڪي اُتان ڪڍيا ويندا.
ﯳﯴﯵﯶﯷﯸﯹﯺ
15:49 (اي پيغمبر) منھنجن ٻانھن کي خبر ڏي ته آءٌ بخشڻھار مھربان آھيان.
ﯻﯼﯽﯾﯿﰀ
15:50 ۽ منھنجو عذاب ئي ڏکوئيندڙ عذاب آھي.
ﰁﰂﰃﰄﰅ
15:51 ۽ (اي پيغمبر) انھن کي ابراھيمؑ جي مھمانن جي خبر ڏي.
ﭑﭒﭓﭔﭕﭖﭗﭘﭙﭚ
15:52 جنھن مھل وٽس پھتا (تنھن مھل) چيائون سلام، ابراھيم چيو ته اسين اوھان کان ڊڄندڙ آھيون.
ﭛﭜﭝﭞﭟﭠﭡﭢ
15:53 چيائون ته نه ڊڄ اسين توکي علم واري پُٽ جي مبارڪ ڏيون ٿا.
ﭣﭤﭥﭦﭧﭨﭩﭪﭫ
15:54 (ابراھيم) چيو ته مون کي ھن ھوندي به مبارڪ ڏيو ٿا جو مون کي ٻڍاپڻ پھتي آھي پوءِ ڪھڙي طرح مُبارڪ ڏيو ٿا؟
ﭬﭭﭮﭯﭰﭱﭲﭳ
15:55 چيائون ته توکي جائي مبارڪ ڏيون ٿا تنھنڪري نا اُميدن مان نه ٿيءُ.
ﭴﭵﭶﭷﭸﭹﭺﭻﭼ
15:56 (ابراھيمؑ) چيو ته پنھنجي پالڻھار جي رحمت کان گُمراھن کانسواءِ (ٻيو) ڪير نا اُميد ٿيندو؟
ﭽﭾﭿﮀﮁﮂ
15:57 (وري ابراھيمؑ) چيو ته اي موڪليل (ملائڪو) اوھان جو ڪھڙو ڪم آھي.
ﮃﮄﮅﮆﮇﮈﮉ
15:58 چيائين ته اسين ڏوھارين جي قوم ڏانھن موڪليل آھيون.
ﮊﮋﮌﮍﮎﮏﮐ
15:59 مگر لُوط جي گھر وارا، جن مڙني کي اسين ڇوٽڪارو ڏيندڙ آھيون.
ﮑﮒﮓﮔﮕﮖﮗ
15:60 سواءِ سندس زال جي جنھن لاءِ ٺھراء ڪيوسون ته اُھا رھيلن مان آھي.
ﮘﮙﮚﮛﮜﮝ
15:61 پوءِ جنھن مھل موڪليل (ملائڪ) لُوط جي گھراڻي وارن ڏانھن آيا.
ﮞﮟﮠﮡﮢ
15:62 (تنھن مھل لُوط) چيو ته اوھين اوپري قوم آھيو.
ﮣﮤﮥﮦﮧﮨﮩﮪ
15:63 چيائون ته (نه) بلڪ تو وٽ اُھو (عذاب) وٺي آيا آھيون جنھن ۾ (ڪافر) شڪ ڪندا ھوا.
ﮫﮬﮭﮮﮯ
15:64 ۽ تو وٽ سچ سان آندو اٿون ۽ بيشڪ اسين ضرور سچا آھيون.
ﮰﮱﯓﯔﯕﯖﯗﯘﯙﯚﯛﯜﯝﯞﯟ
15:65 پوءِ پنھنجي ڪٽنب سميت راتو واھ نڪر ۽ (تون) سندن پويان ھل ۽ اوھان مان ڪو ھڪڙو (به) پوئتي نه واجھائي ۽ جتي حُڪم ڪيو اَٿون اتي وڃو.
ﯠﯡﯢﯣﯤﯥﯦﯧﯨﯩ
15:66 ۽ لُوط ڏانھن ھن حُڪم جو وحي ڪيوسون ته انھن جي پاڙ پرڀات مھل پٽي ويندي.
ﯪﯫﯬﯭﯮ
15:67 ۽ ڳوٺ وارا خوشيون ڪندا آيا.
ﯯﯰﯱﯲﯳﯴﯵ
15:68 (لُوط) چيو ته ھي منھنجا مھمان آھن پوءِ مون لڄي نه ڪريو.
ﯶﯷﯸﯹﯺ
15:69 ۽ الله کان ڊڄو ۽ خوار نه ڪريوم.
ﯻﯼﯽﯾﯿﰀ
15:70 چيائون ته توکي جھان وارن (جي مھماني) کان نه جھليو ھوسون ڇا؟
ﭑﭒﭓﭔﭕﭖﭗ
15:71 (لوط) چيو ته جيڪڏھن اوھين (منھنجو چيو) ڪندڙ ٿيندؤ ته ھي منھنجون ڌيون حاضر آھن.
ﭘﭙﭚﭛﭜﭝ
15:72 (اي پيغمبر) تنھنجي حياتيءَ جو قسم آھي ته اھي (ڪافر) گمراھيءَ ۾ حيران رھن ٿا.
ﭞﭟﭠﭡ
15:73 پوءِ سج اُڀرڻ مھل ڪَڙڪي ورتن.
ﭢﭣﭤﭥﭦﭧﭨﭩﭪ
15:74 ۽ اُن شھر جو مٿيون پاسو ان جي ھيٺ ڪيوسون ۽ مٿن پڪل مٽيءَ جا پھڻ وساياسون.
ﭫﭬﭭﭮﭯﭰ
15:75 بيشڪ ان ۾ عِبرت وٺندڙن لاءِ نشانيون آھن.
ﭱﭲﭳﭴ
15:76 ۽ اِھو ڳوٺ ھميشه (جي اچ وڃ) واري واٽ تي ھو.
ﭵﭶﭷﭸﭹﭺ
15:77 بيشڪ اُن ۾ مؤمنن لاءِ نشانيون آھن.
ﭻﭼﭽﭾﭿﮀ
15:78 ۽ ايڪه (جي ڳوٺن) وارا ظالم ھوا.
ﮁﮂﮃﮄﮅﮆ
15:79 پوءِ کائن بدلو ورتوسون، (لُوطين ۽ ايڪه وارن جا) ٻئي ڳوٺ پڌري رستي تي ھوا.
ﮇﮈﮉﮊﮋﮌ
15:80 ۽ بيشڪ حِجر وارن پيغمبرن کي ڪوڙو ڀانيو.
ﮍﮎﮏﮐﮑﮒ
15:81 ۽ کين پنھنجون نشانيون ڏنيون سون پوءِ اُنھن کان مُنھن موڙيندڙ ٿيا.
ﮓﮔﮕﮖﮗﮘﮙ
15:82 ۽ بي فڪر ٿي جبلن مان ٽُڪي گھر ٺاھيندا ھوا.
ﮚﮛﮜﮝ
15:83 پوءِ کين پرڀات مھل ڪڙڪي (اچي) ورتو.
ﮞﮟﮠﮡﮢﮣﮤ
15:84 پوءِ سندين ڪمائي کائن ڪجھ به ٽاري نه سگھيو.
ﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖ
15:85 ۽ آسمانن ۽ زمين کي ۽ جيڪي منجھن آھي سو رِٿ کانسواءِ نه بڻايو اٿون، ۽ قيامت ضرور اچڻي آھي پوءِ (سندن بي ادبين کان) سھڻي طرح ٽارو ڪر.
ﯗﯘﯙﯚﯛﯜ
15:86 بيشڪ تنھنجو پالڻھار ڏاڍو پيدا ڪندڙ ڄاڻندڙ آھي.
ﯝﯞﯟﯠﯡﯢﯣﯤ
15:87 ۽ بيشڪ توکي ٻٽيون ست آيتون (يعني سُورة فاتحة) ۽ وڏو قرآن ڏنوسون.
ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ
15:88 اُنھن کي ھر جنس جي سامان مان جيڪي شيون ڏنيوسون تن ڏانھن پنھنجيون اکيون نه کول ۽ نڪي مٿن ڏک ڪر ۽ مؤمنن لاءِ پنھنجون ٻانھون جھڪيون ڪر.
ﯵﯶﯷﯸﯹﯺ
15:89 ۽ چؤ ته بيشڪ آءٌ پڌرو ڊيڄاريندڙ آھيان.
ﯻﯼﯽﯾﯿ
15:90 جھڙي طرح اُنھن وراھيندڙن تي (عذاب) نازل ڪيوسون.
ﭑﭒﭓﭔﭕ
15:91 جن قرآن کي پرزا پرزا ڪيو.
ﭖﭗﭘﭙ
15:92 (تھڙي طرح) تنھنجي پالڻھار جو قسم آھي ته انھن مڙني کان ضرور پڇنداسون.
ﭚﭛﭜﭝ
15:93 جيڪي ڪندا ھوا تنھن بابت.
ﭞﭟﭠﭡﭢﭣﭤ
15:94 جيڪي توکي حُڪم ڪجي ٿو سو کولي ٻُڌاءِ ۽ مُشرڪن کان مُنھن موڙ.
ﭥﭦﭧﭨ
15:95 اسان تنھنجي طرفان انھن چٿر ڪندڙن جي پورائي ڪئي.
ﭩﭪﭫﭬﭭﭮﭯﭰﭱﭲ
15:96 جي الله سان ٻيو معبود مُقرّر ڪندا آُھن، پوءِ سگھوئي ڄاڻندا.
ﭳﭴﭵﭶﭷﭸﭹﭺ
15:97 ۽ بيشڪ ڄاڻندا آھيون ته جيڪي چوندا آھن تنھن سببان تنھنجو سينو تنگ ٿيندو آھي.
ﭻﭼﭽﭾﭿﮀﮁ
15:98 ۽ تون پاڪائيءَ سان پنھنجي پالڻھار جي ساراھ ڪر ۽ سجدي ڪندڙن مان ھُج.
ﮂﮃﮄﮅﮆﮇ
15:99 ۽ ايستائين پنھنجي پالڻھار جي عبادت (پيو) ڪر جيسين توکي موت پھچي.
القرآن الكريم ☾ قرآن

قرآن ڪريم
Tuesday, August 18, 2026

Don't forget us in your sincere prayers