سورہ حجر pdf اردو

سورہ حجر

PDF —

99 آیت مکی PDF

Built right in your browser — download starts automatically

سورہ حجر pdf — ڈاؤن لوڈ (اردو)

سورہ حجر pdf اردو — ڈاؤن لوڈ سورہ حجر ترجمہ. حجر (مکی) 99 آیت.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

سورہ حجر

99 آیت · مکی · اردو

ﭑﭒﭓﭔﭕﭖﭗﭘ

آلرا۔ یہ خدا کی کتاب اور قرآن روشن کی آیتیں ہیں

ﭙﭚﭛﭜﭝﭞﭟﭠ

کسی وقت کافر لوگ آرزو کریں گے کہ اے کاش وہ مسلمان ہوتے

ﭡﭢﭣﭤﭥﭦﭧﭨﭩ

(اے محمد) ان کو اُن کے حال پر رہنے دو کہ کھالیں اور فائدے اُٹھالیں اور (طول) امل ان کو دنیا میں مشغول کئے رہے عنقریب ان کو (اس کا انجام) معلوم ہو جائے گا

ﭪﭫﭬﭭﭮﭯﭰﭱﭲ

اور ہم نے کوئی بستی ہلاک نہیں کی۔ مگر اس کا وقت مرقوم ومعین تھا

ﭳﭴﭵﭶﭷﭸﭹﭺ

کوئی جماعت اپنی مدت (وفات) سے نہ آگے نکل سکتی ہے نہ پیچھے رہ سکتی ہے

ﭻﭼﭽﭾﭿﮀﮁﮂﮃ

اور کفار کہتے ہیں کہ اے شخص جس پر نصیحت (کی کتاب) نازل ہوئی ہے تُو تو دیوانہ ہے

ﮄﮅﮆﮇﮈﮉﮊﮋﮌ

اگر تو سچا ہے تو ہمارے پاس فرشتوں کو کیوں نہیں لے آتا

ﮍﮎﮏﮐﮑﮒﮓﮔﮕﮖ

(کہہ دو) ہم فرشتوں کو نازل نہیں کیا کرتے مگر حق کے ساتھ اور اس وقت ان کو مہلت نہیں ملتی

ﮗﮘﮙﮚﮛﮜﮝﮞ

بےشک یہ (کتاب) نصیحت ہمیں نے اُتاری ہے اور ہم ہی اس کے نگہبان ہیں

ﮟﮠﮡﮢﮣﮤﮥﮦ

اور ہم نے تم سے پہلے لوگوں میں بھی پیغمبر بھیجے تھے

ﮧﮨﮩﮪﮫﮬﮭﮮﮯ

اور اُن کے پاس کوئی پیغمبر نہیں آتا تھا مگر وہ اُس کے ساتھ استہزاء کرتے تھے

ﮰﮱﯓﯔﯕﯖ

اسی طرح ہم اس (تکذیب وضلال) کو گنہگاروں کے دلوں میں داخل کر دیتے ہیں

ﯗﯘﯙﯚﯛﯜﯝﯞ

سو وہ اس پر ایمان نہیں لاتے اور پہلوں کی روش بھی یہی رہی ہے

ﯟﯠﯡﯢﯣﯤﯥﯦﯧﯨ

اوراگر ہم آسمان کا کوئی دروازہ اُن پر کھول دیں اور وہ اس میں چڑھنے بھی لگیں

ﯩﯪﯫﯬﯭﯮﯯﯰﯱ

تو بھی یہی کہیں کہ ہماری آنکھیں مخمور ہوگئی ہیں بلکہ ہم پر جادو کر دیا گیا ہے

ﭑﭒﭓﭔﭕﭖﭗﭘ

اور ہم ہی نے آسمان میں برج بنائے اور دیکھنے والوں کے لیے اُس کو سجا دیا

ﭙﭚﭛﭜﭝﭞ

اور ہر شیطان راندہٴ درگاہ سے اُسے محفوظ کر دیا

ﭟﭠﭡﭢﭣﭤﭥﭦ

ہاں اگر کوئی چوری سے سننا چاہے تو چمکتا ہوا انگارہ اس کے پیچھے لپکتا ہے

ﭧﭨﭩﭪﭫﭬﭭﭮﭯﭰﭱﭲ

اور زمین کو بھی ہم ہی نے پھیلایا اور اس پر پہاڑ (بنا کر) رکھ دیئے اور اس میں ہر ایک سنجیدہ چیز اُگائی

ﭳﭴﭵﭶﭷﭸﭹﭺﭻ

اور ہم ہی نے تمہارے لیے اور ان لوگوں کے لیے جن کو تم روزی نہیں دیتے اس میں معاش کے سامان پیدا کئے

ﭼﭽﭾﭿﮀﮁﮂﮃﮄﮅﮆﮇ

اور ہمارے ہاں ہر چیز کے خزانے ہیں اور ہم ان کو بمقدار مناسب اُتارتے رہتے ہیں

ﮈﮉﮊﮋﮌﮍﮎﮏﮐﮑﮒﮓﮔ

اور ہم ہی ہوائیں چلاتے ہیں (جو بادلوں کے پانی سے) بھری ہوئی ہوتی ہیں اور ہم ہی آسمان سے مینہ برساتے ہیں اور ہم ہی تم کو اس کا پانی پلاتے ہیں اور تم تو اس کا خرانہ نہیں رکھتے

ﮕﮖﮗﮘﮙﮚﮛ

اور ہم ہی حیات بخشتے اور ہم ہی موت دیتے ہیں۔ اور ہم سب کے وارث (مالک) ہیں

ﮜﮝﮞﮟﮠﮡﮢﮣ

اور جو لوگ تم میں پہلے گزر چکے ہیں ہم کو معلوم ہیں اور جو پیچھے آنے والے ہیں وہ بھی ہم کو معلوم ہیں

ﮤﮥﮦﮧﮨﮩﮪﮫﮬ

اور تمہارا پروردگار (قیامت کے دن) ان سب کو جمع کرے گا وہ بڑا دانا (اور) خبردار ہے

ﮭﮮﮯﮰﮱﯓﯔﯕﯖ

اور ہم نے انسان کو کھنکھناتے سڑے ہوئے گارے سے پیدا کیا ہے

ﯗﯘﯙﯚﯛﯜﯝﯞ

اور جنوں کو اس سے بھی پہلے بےدھوئیں کی آگ سے پیدا کیا تھا

ﯟﯠﯡﯢﯣﯤﯥﯦﯧﯨﯩﯪﯫ

اور جب تمہارے پروردگار نے فرشتوں سے فرمایا کہ میں کھنکھناتے سڑے ہوئے گارے سے ایک بشر بنانے والا ہوں

ﯬﯭﯮﯯﯰﯱﯲﯳﯴﯵ

جب اس کو (صورت انسانیہ میں) درست کر لوں اور اس میں اپنی (بےبہا چیز یعنی) روح پھونک دوں تو اس کے آگے سجدے میں گر پڑنا

ﯶﯷﯸﯹﯺ

تو فرشتے تو سب کے سب سجدے میں گر پڑے

ﯻﯼﯽﯾﯿﰀﰁﰂ

مگر شیطان کہ اس نے سجدہ کرنے والوں کے ساتھ ہونے سے انکار کر دیا

ﭑﭒﭓﭔﭕﭖﭗﭘﭙ

(خدا نے فرمایا) کہ ابلیس! تجھے کیا ہوا کہ تو سجدہ کرنے والوں میں شامل نہ ہوا

ﭚﭛﭜﭝﭞﭟﭠﭡﭢﭣﭤﭥ

(اس نے) کہا کہ میں ایسا نہیں ہوں کہ انسان کو جس کو تو نے کھنکھناتے سڑے ہوئے گارے سے بنایا ہے سجدہ کروں

ﭦﭧﭨﭩﭪﭫ

(خدا نے) فرمایا یہاں سے نکل جا۔ تو مردود ہے

ﭬﭭﭮﭯﭰﭱﭲ

اور تجھ پر قیامت کے دن تک لعنت (برسے گی)

ﭳﭴﭵﭶﭷﭸﭹ

(اس نے) کہا کہ پروردگار مجھے اس دن تک مہلت دے جب لوگ (مرنے کے بعد) زندہ کئے جائیں گے

ﭺﭻﭼﭽﭾ

فرمایا کہ تجھے مہلت دی جاتی ہے

ﭿﮀﮁﮂﮃ

وقت مقرر (یعنی قیامت) کے دن تک

ﮄﮅﮆﮇﮈﮉﮊﮋﮌﮍﮎ

(اس نے) کہا کہ پروردگار جیسا تونے مجھے رستے سے الگ کیا ہے میں بھی زمین میں لوگوں کے لیے (گناہوں) کو آراستہ کر دکھاؤں گا اور سب کو بہکاؤں گا

ﮏﮐﮑﮒﮓ

ہاں ان میں جو تیرے مخلص بندے ہیں (ان پر قابو چلنا مشکل ہے)

ﮔﮕﮖﮗﮘﮙ

(خدا نے) فرمایا کہ مجھ تک (پہنچنے کا) یہی سیدھا رستہ ہے

ﮚﮛﮜﮝﮞﮟﮠﮡﮢﮣﮤﮥ

جو میرے (مخلص) بندے ہیں ان پر تجھے کچھ قدرت نہیں (کہ ان کو گناہ میں ڈال سکے) ہاں بد راہوں میں سے جو تیرے پیچھے چل پڑے

ﮦﮧﮨﮩﮪ

اور ان سب کے وعدے کی جگہ جہنم ہے

ﮫﮬﮭﮮﮯﮰﮱﯓﯔ

اس کے سات دروازے ہیں۔ ہر ایک دروازے کے لیے ان میں سے جماعتیں تقسیم کردی گئی ہیں

ﯕﯖﯗﯘﯙﯚ

جو متقی ہیں وہ باغوں اور چشموں میں ہوں گے

ﯛﯜﯝﯞ

(ان سے کہا جائے گا کہ) ان میں سلامتی (اور خاطر جمع سے) داخل ہوجاؤ

ﯟﯠﯡﯢﯣﯤﯥﯦﯧﯨﯩ

اور ان کے دلوں میں جو کدورت ہوگی ان کو ہم نکال کر (صاف کر) دیں گے (گویا) بھائی بھائی تختوں پر ایک دوسرے کے سامنے بیٹھے ہوئے ہیں

ﯪﯫﯬﯭﯮﯯﯰﯱﯲ

نہ ان کو وہاں کوئی تکلیف پہنچے گی اور نہ وہاں سے نکالے جائیں گے

ﯳﯴﯵﯶﯷﯸﯹﯺ

(اے پیغمبر) میرے بندوں کو بتادو کہ میں بڑا بخشنے والا (اور) مہربان ہوں

ﯻﯼﯽﯾﯿﰀ

اور یہ کہ میرا عذاب بھی درد دینے والا عذاب ہے

ﰁﰂﰃﰄﰅ

اور ان کو ابراہیم کے مہمانوں کا احوال سنادو

ﭑﭒﭓﭔﭕﭖﭗﭘﭙﭚ

جب وہ ابراہیم کے پاس آئے تو سلام کہا۔ (انہوں نے) کہا کہ ہمیں تو تم سے ڈر لگتا ہے

ﭛﭜﭝﭞﭟﭠﭡﭢ

(مہمانوں نے) کہا کہ ڈریئے نہیں ہم آپ کو ایک دانشمند لڑکے کی خوشخبری دیتے ہیں

ﭣﭤﭥﭦﭧﭨﭩﭪﭫ

بولے کہ جب مجھے بڑھاپے نے آ پکڑا تو تم خوشخبری دینے لگے۔ اب کاہے کی خوشخبری دیتے ہو

ﭬﭭﭮﭯﭰﭱﭲﭳ

(انہوں نے) کہا ہم آپ کو سچی خوشخبری دیتے ہیں آپ مایوس نہ ہوئیے

ﭴﭵﭶﭷﭸﭹﭺﭻﭼ

(ابراہیم نے) کہا کہ خدا کی رحمت سے (میں مایوس کیوں ہونے لگا اس سے) مایوس ہونا گمراہوں کا کام ہے

ﭽﭾﭿﮀﮁﮂ

پھر کہنے لگے کہ فرشتو! تمہیں (اور) کیا کام ہے

ﮃﮄﮅﮆﮇﮈﮉ

(انہوں نے) کہا کہ ہم ایک گنہگار قوم کی طرف بھیجے گئے ہیں (کہ اس کو عذاب کریں)

ﮊﮋﮌﮍﮎﮏﮐ

مگر لوط کے گھر والے کہ ان سب کو ہم بچالیں گے

ﮑﮒﮓﮔﮕﮖﮗ

البتہ ان کی عورت (کہ) اس کے لیے ہم نے ٹھہرا دیا ہے کہ وہ پیچھے رہ جائے گی

ﮘﮙﮚﮛﮜﮝ

پھر جب فرشتے لوط کے گھر گئے

ﮞﮟﮠﮡﮢ

تو لوط نے کہا تم تو ناآشنا سے لوگ ہو

ﮣﮤﮥﮦﮧﮨﮩﮪ

وہ بولے کہ نہیں بلکہ ہم آپ کے پاس وہ چیز لے کر آئے ہیں جس میں لوگ شک کرتے تھے

ﮫﮬﮭﮮﮯ

اور ہم آپ کے پاس یقینی بات لے کر آئے ہیں اور ہم سچ کہتے ہیں

ﮰﮱﯓﯔﯕﯖﯗﯘﯙﯚﯛﯜﯝﯞﯟ

تو آپ کچھ رات رہے سے اپنے گھر والوں کو لے نکلیں اور خود ان کے پیچھے چلیں اور اور آپ میں سے کوئی شخص مڑ کر نہ دیکھے۔ اور جہاں آپ کو حکم ہو وہاں چلے جایئے

ﯠﯡﯢﯣﯤﯥﯦﯧﯨﯩ

اور ہم نے لوط کی طرف وحی بھیجی کہ ان لوگوں کی جڑ صبح ہوتے ہوتے کاٹ دی جائے گی

ﯪﯫﯬﯭﯮ

اور اہل شہر (لوط کے پاس) خوش خوش (دوڑے) آئے

ﯯﯰﯱﯲﯳﯴﯵ

(لوط نے) کہا کہ یہ میرے مہمان ہیں (کہیں ان کے بارے میں) مجھے رسوا نہ کرنا

ﯶﯷﯸﯹﯺ

اور خدا سے ڈرو۔ اور میری بےآبروئی نہ کیجو

ﯻﯼﯽﯾﯿﰀ

وہ بولے کیا ہم نے تم کو سارے جہان (کی حمایت وطرفداری) سے منع نہیں کیا

ﭑﭒﭓﭔﭕﭖﭗ

(انہوں نے) کہا کہ اگر تمہیں کرنا ہی ہے تو یہ میری (قوم کی) لڑکیاں ہیں (ان سے شادی کرلو)

ﭘﭙﭚﭛﭜﭝ

(اے محمد) تمہاری جان کی قسم وہ اپنی مستی میں مدہوش (ہو رہے) تھے

ﭞﭟﭠﭡ

سو ان کو سورج نکلتے نکلتے چنگھاڑ نے آپکڑا

ﭢﭣﭤﭥﭦﭧﭨﭩﭪ

اور ہم نے اس شہر کو (الٹ کر) نیچے اوپر کردیا۔ اور ان پر کھنگر کی پتھریاں برسائیں

ﭫﭬﭭﭮﭯﭰ

بےشک اس (قصے) میں اہل فراست کے لیے نشانی ہے

ﭱﭲﭳﭴ

اور وہ (شہر) اب تک سیدھے رستے پر (موجود) ہے

ﭵﭶﭷﭸﭹﭺ

بےشک اس میں ایمان لانے والوں کے لیے نشانی ہے

ﭻﭼﭽﭾﭿﮀ

اور بَن کے رہنے والے (یعنی قوم شعیب کے لوگ) بھی گنہگار تھے

ﮁﮂﮃﮄﮅﮆ

تو ہم نے ان سے بھی بدلہ لیا۔ اور یہ دونوں شہر کھلے رستے پر (موجود) ہیں

ﮇﮈﮉﮊﮋﮌ

اور (وادی) حجر کے رہنے والوں نے بھی پیغمبروں کی تکذیب کی

ﮍﮎﮏﮐﮑﮒ

ہم نے ان کو اپنی نشانیاں دیں اور وہ ان سے منہ پھرتے رہے

ﮓﮔﮕﮖﮗﮘﮙ

اور وہ پہاڑوں کو تراش تراش کر گھر بناتے تھے (کہ) امن (واطمینان) سے رہیں گے

ﮚﮛﮜﮝ

تو چیخ نے ان کو صبح ہوتے ہوتے آپکڑا

ﮞﮟﮠﮡﮢﮣﮤ

اور جو کام وہ کرتے تھے وہ ان کے کچھ بھی کام نہ آئے

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖ

اور ہم نے آسمانوں اور زمین کو اور جو (مخلوقات) ان میں ہے اس کو تدبیر کے ساتھ پیدا کیا ہے۔ اور قیامت تو ضرور آکر رہے گی تو تم (ان لوگوں سے) اچھی طرح سے درگزر کرو

ﯗﯘﯙﯚﯛﯜ

کچھ شک نہیں کہ تمہارا پروردگار (سب کچھ) پیدا کرنے والا (اور) جاننے والا ہے

ﯝﯞﯟﯠﯡﯢﯣﯤ

اور ہم نے تم کو سات (آیتیں) جو (نماز میں) دہرا کر پڑھی جاتی ہیں (یعنی سورہٴ الحمد) اور عظمت والا قرآن عطا فرمایا ہے

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ

اور ہم نے کفار کی کئی جماعتوں کو جو (فوائد دنیاوی سے) متمتع کیا ہے تم ان کی طرف (رغبت سے) آنکھ اٹھا کر نہ دیکھنا اور نہ ان کے حال پر تاسف کرنا اور مومنوں سے خاطر اور تواضع سے پیش آنا

ﯵﯶﯷﯸﯹﯺ

اور کہہ دو کہ میں تو علانیہ ڈر سنانے والا ہوں

ﯻﯼﯽﯾﯿ

(اور ہم ان کفار پر اسی طرح عذاب نازل کریں گے) جس طرح ان لوگوں پر نازل کیا جنہوں نے تقسیم کردیا

ﭑﭒﭓﭔﭕ

یعنی قرآن کو (کچھ ماننے اور کچھ نہ ماننے سے) ٹکڑے ٹکڑے کر ڈالا

ﭖﭗﭘﭙ

تمہارے پروردگار کی قسم ہم ان سے ضرور پرسش کریں گے

ﭚﭛﭜﭝ

ان کاموں کی جو وہ کرتے رہے

ﭞﭟﭠﭡﭢﭣﭤ

پس جو حکم تم کو (خدا کی طرف سے) ملا ہے وہ (لوگوں کو) سنا دو اور مشرکوں کا (ذرا) خیال نہ کرو