Сура Аль-Вакиъа pdf Нохчийн

PDF —

96 Аят Meccan PDF

Built right in your browser — download starts automatically

Сура Аль-Вакиъа pdf — Дахьа (Нохчийн)

Сура Аль-Вакиъа pdf Нохчийн — Дахьа Сура Аль-Вакиъа Гочдар. Сура Аль-Вакиъа (Meccan) 96 Аят.

← Ар-РахьманСура Аль-Вакиъа Аль-Хьадид →

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сура Аль-Вакиъа

96 Аят · Meccan · Нохчийн

ﮃﮄﮅﮆ

56:1 Ша хилаза ца долург хилча‚

ﮇﮈﮉﮊ

56:2 И хилар харцдеш цхьа а /са/ ма хир дац.

ﮋﮌﮍ

56:3 /Дукхахберш/ цо охьатаIор бу‚ /дукхахберш/ хьалабохур ма бу.

ﮎﮏﮐﮑﮒ

56:4 Латта ластийча, ласторца‚

ﮓﮔﮕﮖ

56:5 лаьмнаш даржийча, даржорца‚

ﮗﮘﮙﮚ

56:6 /царах/ хилча дIасаяьржина чан.

ﮛﮜﮝﮞ

56:7 Шу а хилча кхаа декъе декъаделла:

ﮟﮠﮡﮢﮣﮤ

56:8 аьтту куьйган дай – муьлш бу и аьтту куьйган дай?

ﮥﮦﮧﮨﮩﮪ

56:9 аьрру куьйган дай – муьлш бу и аьрру куьйган дай?

ﮫﮬﮭ

56:10 /ийманца дуьненахь/ хьалхабевлла хилларш – хир бу /ял шайна яларца къематдийнахь/ хьалхабевлла берш.

ﮮﮯﮰ

56:11 Уьш хир бу /Далла/ гергахь

ﮱﯓﯔﯕ

56:12 ниIматийн бошмашкахь.

ﯖﯗﯘﯙ

56:13 Хьалхарчарах цхьа тоба‚

ﯚﯛﯜﯝ

56:14 тIаьхьарчарах цхьа кIеззиг берш.

ﯞﯟﯠﯡ

56:15 /Деших‚ жовхIарех/ тегначу маьнганаш тIехь хир бу (уьш).

ﯢﯣﯤﯥ

56:16 Царна тIетевжина‚ вовшашна дуьхьалбирзина.

ﭑﭒﭓﭔﭕ

56:17 Царна /гIуллакх деш/ тIехьийзар бу гуттар къона кегийрхой

ﭖﭗﭘﭙﭚﭛ

56:18 стаканашца‚ кIудалшца‚ /чагIаран/ шовданан кадаца –

ﭜﭝﭞﭟﭠﭡ

56:19 кортош лозур дац церан цунах‚ бехар а бац уьш.

ﭢﭣﭤﭥ

56:20 Стоьмаш хир бу царна шаьш хаьржинчух‚

ﭦﭧﭨﭩﭪ

56:21 хьозанан жижиг хир ду царна шайна дукхадезачух‚

ﭫﭬﭭ

56:22 Iаьржа‚ баккхий (хаза) бIаьргаш болу мехкарий а хир бу‚

ﭮﭯﭰﭱ

56:23 нуьцкъала Iалашдечу луълуъах тера болу –

ﭲﭳﭴﭵﭶ

56:24 цара деш хиллачун /хазачу/ бекхаман дуьхьа ду иза.

ﭷﭸﭹﭺﭻﭼﭽ

56:25 Царна хезар дац цу чохь (ялсаманехь) даьсса хабарш а‚ къинош дина бохуш, бехкаш а –

ﭾﭿﮀﮁﮂ

56:26 деккъа "Салам!" "Салам!" олу дош бен.

ﮃﮄﮅﮆﮇﮈ

56:27 Аьтту куьйган дай – муьлш бу и аьтту куьйган дай?

ﮉﮊﮋﮌ

56:28 КIохцалш доцчу лотос диттийн юккъехь хир бу /уьш/‚

ﮍﮎﮏ

56:29 тIетта стоьмех дуьзначу тIалхь дитташна юккъехь /хир бу/‚

ﮐﮑﮒ

56:30 дехха даьржинчу IиндагIехь хир бу‚

ﮓﮔﮕ

56:31 гуттар оьхучу хинна юккъехь хир бу‚

ﮖﮗﮘ

56:32 дуккха а стоьмашна юккъехь хир бу‚

ﮙﮚﮛﮜﮝ

56:33 Шаьш царах хадор боцчу‚ духатухур боцчу‚

ﮞﮟﮠ

56:34 хьалаайбинчу маьнганаш тIехь.

ﮡﮢﮣﮤ

56:35 Баккъалла а, Оха кхиийна уьш кхиорца‚

ﮥﮦﮧ

56:36 Оха хилийти уьш йоI-цIена ,

ﮨﮩﮪ

56:37 шайн марош дукхабезаш‚ цаьрца цхьанахенара.

ﮫﮬﮭ

56:38 Аьттачу куьйган дайшна /хир бу уьш/.

ﮮﮯﮰﮱ

56:39 /Уьш бу/: хьалхарчарах цхьа тоба‚

ﯓﯔﯕﯖ

56:40 кхечарах цхьа тоба.

ﯗﯘﯙﯚﯛﯜ

56:41 Аьрру куъйган дай – муьлш бу и аьрру куьйган дай?

ﯝﯞﯟﯠ

56:42 Уьш хир бу цIе еттачу махехь‚ цIийдинчу хи чохь‚

ﯡﯢﯣﯤ

56:43 сов Iаьржачу дохкан IиндагIехь‚

ﯥﯦﯧﯨﯩ

56:44 ша шийла доцчу‚ ша /дегIана/ там беш доцчу.

ﯪﯫﯬﯭﯮﯯ

56:45 Баккъалла а, уьш ма бара оцул хьалха /дуьненахь/ зовкх хьоьгуш.

ﯰﯱﯲﯳﯴﯵ

56:46 Уьш бара, къар ца луш, доккха къа деш.

ﯶﯷﯸﯹﯺﯻﯼﯽﯾﯿ

56:47 Уьш бара олуш: “Тхо делча‚ тхох поппар а‚ даьIахкаш а хилча, тхо юха дендийр ду?

ﰀﰁﰂ

56:48 Я тхан хьалхалера дай /денбийр бу/?”

ﰃﰄﰅﰆﰇ

56:49 Ахь āла /цаьрга, х1ай элча/: “Баккъалла а, хьалхалеранаш а‚ тIаьхьарнаш а

ﰈﰉﰊﰋﰌﰍ

56:50 гулбийр ма бу билгалчу /къемат/ дийнан тоьхначу ханна.

ﭑﭒﭓﭔﭕﭖ

56:51 ТIаккха, баккъалла а, аш‚ хIай тиладелларш‚/бакъдерг/ харцдийнарш‚

ﭗﭘﭙﭚﭛﭜ

56:52 дуур ма ду заккъум диттах /стоьмаш/‚

ﭝﭞﭟﭠ

56:53 юзор ма ю цунах /шайн/ гайш‚

ﭡﭢﭣﭤﭥ

56:54 цунна тIе /аш/ мер ма ду цIийдинчу хих.

ﭦﭧﭨﭩ

56:55 /Аш/ мер ма ду хьагъеллачу эмкалан малар.”

ﭪﭫﭬﭭﭮ

56:56 Иза (даар) ду царна кечдийнарг бекхаман дийнахь.

ﭯﭰﭱﭲﭳ

56:57 Оха кхоьллина шу‚ аш хIунда бакъ ца до /юхадендар къематдийнахь/?

ﭴﭵﭶﭷ

56:58 Шуна ца гина, шаьш хIу тосуш ?

ﭸﭹﭺﭻﭼﭽ

56:59 Аш кхуллуш ду иза /адам/ я Тхо ду кхуллурш?

ﭾﭿﮀﮁﮂﮃﮄﮅ

56:60 Оха билгалдаьккхира шуна юккъехь валар‚ Тхо тIаьхьадуьсур дац

ﮆﮇﮈﮉﮊﮋﮌﮍﮎﮏ

56:61 шу хийца шух терачарах‚ шу кхио шуна ца хуучу кепара.

ﮐﮑﮒﮓﮔﮕﮖ

56:62 Шуна девзира-май дуьххьарлера кхоллар‚ аш ойла хIунда ца йо?

ﮗﮘﮙﮚ

56:63 Шаьш дуьйш дерг (ялта) гиний шуна?

ﮛﮜﮝﮞﮟﮠ

56:64 Шу ду и /лаьттах/ кхуьуьйтуш, я Тхо ду и кхуьуьйтурш?

ﮡﮢﮣﮤﮥﮦﮧ

56:65 Тхуна лиънехьара‚ Оха екъа яр хуьлуьйтур яра цунах‚ шу цецдевлла дуьсур ма дара‚ /олуш/:

ﮨﮩﮪ

56:66 "Баккъалла а, тхо декхарна кIел ма диси.

ﮫﮬﮭﮮ

56:67 ХIаъ‚ тхо хIумма а доцуш ма диси".

ﮯﮰﮱﯓﯔ

56:68 Шуна гиний шаьш молуш долу хи?

ﯕﯖﯗﯘﯙﯚﯛﯜ

56:69 Аш даийтина иза мархина юккъера, я Тхо ду и доуьйтурш?

ﯝﯞﯟﯠﯡﯢﯣ

56:70 Тхуна лаахьара, Оха и дуьра хилийтина хир дара /шуьга мала ца луш/‚ баркалла хIунда ца олу аш?

ﯤﯥﯦﯧﯨ

56:71 Шуна гиний цIе‚ шаьш латаеш йолу?

ﯩﯪﯫﯬﯭﯮﯯ

56:72 Аш кхиийна цуьнан дитт , я Тхо ду и кхиош дерш?

ﯰﯱﯲﯳﯴﯵ

56:73 Оха хилийтина иза /жоьжахатин цIе/ дагайоуьйтург а‚ яьссачу арахь болчарна пайда оьцу хIума а хилла (царна нах 1аш болу меттиг йовзуьйтуш).

ﯶﯷﯸﯹﯺ

56:74 Хьайн сийлахь-воккха волчу Кхиош-Кхобучун цIе хастае (И массо а вочу х1уманех ц1анвеш)!

ﯻﯼﯽﯾﯿﰀ

56:75 ТIаккха Ас дуй боу седарчий дIадузучу меттигах.

ﰁﰂﰃﰄﰅﰆ

56:76 Баккъалла а, и дуй‚ шуна хаахьара‚ беза-боккха ма бу!

ﭑﭒﭓﭔ

56:77 Баккъалла а, иза сийлахь Къуръан ма ду

ﭕﭖﭗﭘ

56:78 Iалашдинчу жайни чохь.

ﭙﭚﭛﭜﭝ

56:79 Цунах хьакха ца ло цIена берш бен.

ﭞﭟﭠﭡﭢ

56:80 Доьссина ду иза Iаламийн Дегара.

ﭣﭤﭥﭦﭧ

56:81 И хабар а ца лоруш ду шу?

ﭨﭩﭪﭫﭬ

56:82 Шайна рицкъ даларна /Далла шукур дар/ шаьш /цуьнан/ ни1мат (дин) харцдар хуьлуьйту аш?

ﭭﭮﭯﭰﭱ

56:83 И (са арадолуш) къамкъарге кхаьчча‚

ﭲﭳﭴﭵ

56:84 цу хенахь шу хьоьжуш долуш, /шуна и юхачудерзо мегар ма дацара/,

ﭶﭷﭸﭹﭺﭻﭼﭽ

56:85 Тхо вунō гергахь ду цунна шул‚ делахь а шуна ца го.

ﭾﭿﮀﮁﮂﮃ

56:86 Шу ца хиллехьара /къематдийнахь/ шайгара бекхам оьцуш‚

ﮄﮅﮆﮇﮈ

56:87 аш духадерзор дара и /са/, шаьш бакъ луьйш хиллехь?

ﮉﮊﮋﮌﮍﮎ

56:88 Амма иза хиллехь /Далла/ гергарчарах‚

ﮏﮐﮑﮒﮓ

56:89 /тIаккха цунна/ ду садаIар‚ дог парг1атдалар а‚ ниIматийн бошмаш а.

ﮔﮕﮖﮗﮘﮙﮚ

56:90 Амма иза хиллехь аьтту куьйган дех –

ﮛﮜﮝﮞﮟﮠ

56:91 тIаккха салам ду хьуна аьтту куьйган дайшкара.

ﮡﮢﮣﮤﮥﮦﮧ

56:92 Амма иза хиллехь /дин/ харцдиначарах‚ тилабеллачарах –

ﮨﮩﮪﮫ

56:93 Цунна хир ду хьошалгIа тIелацар цIийделлачу хих‚

ﮬﮭﮮ

56:94 жоьжатехь вагар а.

ﮯﮰﮱﯓﯔﯕ

56:95 Баккъалла а, иза хьакъ-бакъдерг ду-кх!

ﯖﯗﯘﯙﯚ

56:96 Ахь хастае хьайн сийлахь-воккхачу Кхиош-Кхобучун цIе (И массо а вочу х1уманех ц1анвеш)!

Делера Куръан

Wednesday, September 9, 2026

Don't forget us in your sincere prayers

Сура Аль-Вакиъа pdf

Сура Аль-Вакиъа pdf — Дахьа (Нохчийн)

Related

More Сура PDF