Simoore Al-Waqi'a pdf Wolof

PDF —

96 Aaya Meccan PDF

Built right in your browser — download starts automatically

Simoore Al-Waqi'a pdf — Wàcce (Wolof)

Simoore Al-Waqi'a pdf Wolof — Wàcce Simoore Al-Waqi'a Tekki. Simoore Al-Waqi'a (Meccan) 96 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Simoore Al-Waqi'a

96 Aaya · Meccan · Wolof

ﮃﮄﮅﮆ

56:1 Saa su xew-xew ba tàbbee (bis pénc ba),

ﮇﮈﮉﮊ

56:2 kenn dóotul weddeeti ag digëm.

ﮋﮌﮍ

56:3 Mooy daane (ñenn), di yëkëti (ñeneen).

ﮎﮏﮐﮑﮒ

56:4 Bu ñu gësëmee suuf si mu rëg-rëgi,

ﮓﮔﮕﮖ

56:5 te moñoxo tundi doj yi mu ne tasar,

ﮗﮘﮙﮚ

56:6 daldi doon pënd buy tasaaroo

ﮛﮜﮝﮞ

56:7 ngeen dikk di ñatti kurél :

ﮟﮠﮡﮢﮣﮤ

56:8 waa ndeyjoor – ana ñan ñooy waa ndeyjoor ?

ﮥﮦﮧﮨﮩﮪ

56:9 Ak waa càmmoñ – ana ñan ñooy waa càmmoñ ?

ﮫﮬﮭ

56:10 Ak ña jiitu woon ci ndigal te ñooy jiitu ba fàww

ﮮﮯﮰ

56:11 Ñooñee ñooy ña gëna jigeñ Yàlla

ﮱﯓﯔﯕ

56:12 ca biir Àjjanay xeewu ja,

ﯖﯗﯘﯙ

56:13 lim bu takku ca ña jiitu woon,

ﯚﯛﯜﯝ

56:14 ak lim bu néew ca ña mujjoon,

ﯞﯟﯠﯡ

56:15 ci kaw ay lal yu ñu sadd [wurus ak peme],

ﯢﯣﯤﯥ

56:16 dañu cay soonu jàkkaarloo.

ﭑﭒﭓﭔﭕ

56:17 Ay xale yu dootu ñu màggat ñooleen di liggéeyal di leen wër,

ﭖﭗﭘﭙﭚﭛ

56:18 ci ay kopp, ak baraada ak i kaas: ci aw ñoll

ﭜﭝﭞﭟﭠﭡ

56:19 te duñu miir dunu màndi ;

ﭢﭣﭤﭥ

56:20 ak wépp xeetu fuytéef wu nu gëna xemmeem,

ﭦﭧﭨﭩﭪ

56:21 ak yàppu picc la nu ca gëna wunnéen.

ﭫﭬﭭ

56:22 Ak ay jigéen (huur al iin), yu jekk ya lool ay gët,

ﭮﭯﭰﭱ

56:23 yu taaru ba mel ni wurusu peme.

ﭲﭳﭴﭵﭶ

56:24 ñu faye leen ko la ñu daan jëf.

ﭷﭸﭹﭺﭻﭼﭽ

56:25 Duñu fa dégg mukk ay waxi neen walla wax ju sew ;

ﭾﭿﮀﮁﮂ

56:26 lu dul dañuy wax rekk naan : “Jàmm nga am aa jàmm rekk! ”

ﮃﮄﮅﮆﮇﮈ

56:27 Ak waa ndeyjoor ; ana ñan ñoo di waa ndeyjoor ?

ﮉﮊﮋﮌ

56:28 [ñoom ñanga ca]: déem yu amul dég,

ﮍﮎﮏ

56:29 ak ci garabi banaana yu meññet ma rangaloo,

ﮐﮑﮒ

56:30 ak ci biir keppaar yu nu yiif yaatu

ﮓﮔﮕ

56:31 ak ci [wetu] ndox muy sottiku te tëa dakk,

ﮖﮗﮘ

56:32 ak ay fuytéef yu bari sakkan

ﮙﮚﮛﮜﮝ

56:33 du rag mukk te it kenn du ko tere,

ﮞﮟﮠ

56:34 ak ay laltaay yu yékkatiku,

ﮡﮢﮣﮤ

56:35 Man Yàlla maa leen sàkk ñu ñeseŋ ñoom (huur al iin),

ﮥﮦﮧ

56:36 def Nanu leen ñu di ay xiig,

ﮨﮩﮪ

56:37 yu sopp lool seen jëkër, te maase ne rojj,

ﮫﮬﮭ

56:38 waa ndeyjoor leen moom,

ﮮﮯﮰﮱ

56:39 ñuy mbooloo ma nu tànn ca ña jëkkóon,

ﯓﯔﯕﯖ

56:40 ak mbooloo ma nu tànn ci ñu mujj,

ﯗﯘﯙﯚﯛﯜ

56:41 Ak waa càmmoñ; ana ñan ñoo di waa càmmoñ ?

ﯝﯞﯟﯠ

56:42 ña nga ca biir cóolóolul ndox may wañax,

ﯡﯢﯣﯤ

56:43 ak ca ron kërug saxaar su ñuul kukk

ﯥﯦﯧﯨﯩ

56:44 seddul, neexul lewetul.

ﯪﯫﯬﯭﯮﯯ

56:45 Ñoom ba ñuy dund ca àddina da ñu daan fuukarewu.

ﯰﯱﯲﯳﯴﯵ

56:46 Dañoo nuuran ci bàkkaar ba gëna màgg mu di bokkaale Yàlla

ﯶﯷﯸﯹﯺﯻﯼﯽﯾﯿ

56:47 dañu daan wax naan : “ Moo ndax bu nu faatoo ba def suuf ak i yax, dees nanu dekkilaat ?

ﰀﰁﰂ

56:48 nook sunuy baay ak i maam ?...”

ﰃﰄﰅﰆﰇ

56:49 Waxal ne : “Mbooleem ña jëkkoon ak ñu mujj ñi

ﰈﰉﰊﰋﰌﰍ

56:50 dees na leen dajale ci féncóob bis bu ñu xam”.

ﭑﭒﭓﭔﭕﭖ

56:51 Topp ginnaaw ba, yéen, ñi réeroon, te daan waddi (bis pénc ba),

ﭗﭘﭙﭚﭛﭜ

56:52 dangeen di lekk ci garabuk Zaquum.

ﭝﭞﭟﭠ

56:53 Ngeen di ca feesal seeni biir,

ﭡﭢﭣﭤﭥ

56:54 ngeen di fa naan ndox muy wañax teg ko ca,

ﭦﭧﭨﭩ

56:55 ngeen di ca dëtëm ni giléem gu mar.

ﭪﭫﭬﭭﭮ

56:56 Ñam woowule ñu leen di teeroo, bu bis Pénc baa.

ﭯﭰﭱﭲﭳ

56:57 Nun noo leen sàkk bind leen. Ana lan moo tax manuleen a gëm dekkiwaat ?

ﭴﭵﭶﭷ

56:58 Xanaa gisuleen maniyyu mi ngeen sotti :

ﭸﭹﭺﭻﭼﭽ

56:59 yéen a koy bind: walla Nun (Yàlla) noo koy sos ?

ﭾﭿﮀﮁﮂﮃﮄﮅ

56:60 Nun noo natt ag dee ci yéen dogal ko te kenn du ko man a fanq. Te it lottu nu

ﮆﮇﮈﮉﮊﮋﮌﮍﮎﮏ

56:61 te wuutal leen ñeneen rey leen yéen, dekkilaat leen fu ngeen xamul.

ﮐﮑﮒﮓﮔﮕﮖ

56:62 Xam ngeen xéll ca bu jëkk na ka ngeen sosoo. Moo kon ndax dangeen dul fàttaliku ?

ﮗﮘﮙﮚ

56:63 Xanaa gisuleen li ngeen di ruuj ?

ﮛﮜﮝﮞﮟﮠ

56:64 Yéen yéen a koy bay ? walla Nun noo koy bay ?

ﮡﮢﮣﮤﮥﮦﮧ

56:65 Sunu neexoon, Nu fóomal ko. Ngeen ne tócc di wél-wéli di [yuxu]:

ﮨﮩﮪ

56:66 Te naan : “Danoo fees dell ak i bor !

ﮫﮬﮭﮮ

56:67 amu nuy alal am nu tono”.

ﮯﮰﮱﯓﯔ

56:68 Xanaa gisuleen ndox mi ngeen di naan ?

ﯕﯖﯗﯘﯙﯚﯛﯜ

56:69 Moo ndax yéen a koy wàccee ci niir yi ? walla Nun noo koy wàcce ?

ﯝﯞﯟﯠﯡﯢﯣ

56:70 Sunu neexoon, Nu sëccël ko mu wex xàtt ak xorom. Moo xanaa dungeen sant ?

ﯤﯥﯦﯧﯨ

56:71 Xanaa gisuleen Safara wi ngeen di taaloo ?

ﯩﯪﯫﯬﯭﯮﯯ

56:72 Moo ndax yéen a sos garab gi walla Nun noo ko sos sàkk ko ?

ﯰﯱﯲﯳﯴﯵ

56:73 Def nanu ko mu di ag fàttali (ci safaraw ëllëg), di jumtukaay ci képp ku ko ittewoo.

ﯶﯷﯸﯹﯺ

56:74 Na ngay sàbbaal sa Boroom, bu Màgg bi !

ﯻﯼﯽﯾﯿﰀ

56:75 Déet !... maa ngi giiñ ci wàccuwaayi biddiw yi.

ﰁﰂﰃﰄﰅﰆ

56:76 Su ngeen xamoon lii, ngiiñ lu màgg la de.

ﭑﭒﭓﭔ

56:77 Lii dey Alxuraan ju teddla,

ﭕﭖﭗﭘ

56:78 ci biir Téere bu ñu ñoŋal

ﭙﭚﭛﭜﭝ

56:79 ñi laab rekk koy laal (ku laabul warukoo laal) ;

ﭞﭟﭠﭡﭢ

56:80 Mi ngi wàcci bawoo ca Yàlla Boroom àddina si.

ﭣﭤﭥﭦﭧ

56:81 Moo ndax ci waxtaan wii ngeen di weddi ?

ﭨﭩﭪﭫﭬ

56:82 Ak li leen Yàlla defal lépp fayewuleen ko lu dul di weddi Alxuraan ?

ﭭﭮﭯﭰﭱ

56:83 Bu ruuh gi génnee ba des ci bóli gi (kuy sukuraat),

ﭲﭳﭴﭵ

56:84 te fekk na yéen a nga koy xool,

ﭶﭷﭸﭹﭺﭻﭼﭽ

56:85 fekk na booba Nun Yàlla noo ko gëna jigeñ waaye du ngeen gis.

ﭾﭿﮀﮁﮂﮃ

56:86 Bu ngeen, jortee ne ameeluleen Yàlla dara,

ﮄﮅﮆﮇﮈ

56:87 ana lan moo tax kon delloosiwuleen [ruuh ga], ndegam ñu dëggu ngeen ?

ﮉﮊﮋﮌﮍﮎ

56:88 Su fekkee ne koo ku dafa jige woon (Yàlla),

ﮏﮐﮑﮒﮓ

56:89 dana (am) noflaay, ak àjjanay xéewël.

ﮔﮕﮖﮗﮘﮙﮚ

56:90 Su fekkee ne nag dafa bokk ci waa ndeyjoor,

ﮛﮜﮝﮞﮟﮠ

56:91 dees na ko [teeroo]: “Jàmm ju” bawoo ca waa ndeyjoor.

ﮡﮢﮣﮤﮥﮦﮧ

56:92 Su fekkee ne nag dafa bokk ca ña daan weddi (dekkiwaat) tey ñu réer sànku,

ﮨﮩﮪﮫ

56:93 des na ko teeroo ndox muy wañax,

ﮬﮭﮮ

56:94 ak xoyomu ca biir Safara.

ﮯﮰﮱﯓﯔﯕ

56:95 Lii mooy dëgg tigi.

ﯖﯗﯘﯙﯚ

56:96 Na ngay sàbaal sa turu Boroom, bu Màgg bi !

Alxuraan bu Tedd bi

Wednesday, September 9, 2026

Don't forget us in your sincere prayers

Simoore Al-Waqi'a pdf

Simoore Al-Waqi'a pdf — Wàcce (Wolof)

Related

More Simoore PDF