Surah Al-Waqi'ah pdf Malagasy

PDF —

96 Andininy Meccan PDF

Built right in your browser — download starts automatically

Surah Al-Waqi'ah pdf — Alaino (Malagasy)

Surah Al-Waqi'ah pdf Malagasy — Alaino Surah Al-Waqi'ah Fandikana. Surah Al-Waqi'ah (Meccan) 96 Andininy.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Al-Waqi'ah

96 Andininy · Meccan · Malagasy

ﮃﮄﮅﮆ

56:1 Rehefa ho avy tokoa ny fisehoan-javatra.

ﮇﮈﮉﮊ

56:2 Dia tsy hisy hiampanga ny fiaviany ho lainga.

ﮋﮌﮍ

56:3 Hampidina ny sasany izy fa hampiakatra ny hafa.

ﮎﮏﮐﮑﮒ

56:4 Rehefa hihorohoro mafy ny tany.

ﮓﮔﮕﮖ

56:5 Ary hiforotra ireo tendrombohitra.

ﮗﮘﮙﮚ

56:6 Ka ho lasa vovoka miparitaka.

ﮛﮜﮝﮞ

56:7 Ary amin’izany dia ho sokajy telo ianareo :

ﮟﮠﮡﮢﮣﮤ

56:8 Ireo olon’ny an-kavanana. Iza moa ireo olon’ny an-kavanana ?

ﮥﮦﮧﮨﮩﮪ

56:9 Ary ireo olon’ny an-kavia. Iza moa ireo olon’ny an-kavia ?

ﮫﮬﮭ

56:10 Ireo voalohany dia izy ireo no ho voalohany.

ﮮﮯﮰ

56:11 Izy ireny no akaiky indrindra an’I Allah

ﮱﯓﯔﯕ

56:12 Ao amin’ny zaridainam-pahasambarana.

ﯖﯗﯘﯙ

56:13 Maro ireo voafidy amin’ny taranaka voalohany.

ﯚﯛﯜﯝ

56:14 Fa vitsy kosa amin’ireo taranaka farany.

ﯞﯟﯠﯡ

56:15 Eo ambon'ny farafara voaravaka.

ﯢﯣﯤﯥ

56:16 Mitehin-kiho izy ireo eo amin’izany, sady mifanatrika.

ﭑﭒﭓﭔﭕ

56:17 Hivezivezy eo amin’izy ireo, ireo zaza lahy tanora mandrakizay.

ﭖﭗﭘﭙﭚﭛ

56:18 Miaraka amin’ireo kapoaka sy tavoara ary vera feno zava-pisotron-doharano.

ﭜﭝﭞﭟﭠﭡ

56:19 Izay tsy hamparary an-doha na hahafanina azy ireo .

ﭢﭣﭤﭥ

56:20 Ary voankazo araka izay safidin’izy ireo.

ﭦﭧﭨﭩﭪ

56:21 Sy henam-borona izay ankafizin’izy ireo.

ﭫﭬﭭ

56:22 Ary hahazo tovovavin’ny Paradisa baribarimaso, sady tsara izy ireo.

ﭮﭯﭰﭱ

56:23 Toy ireny vatosoa tsara tahiry.

ﭲﭳﭴﭵﭶ

56:24 Ho valisoa amin’izay nataon’izy ireo.

ﭷﭸﭹﭺﭻﭼﭽ

56:25 Tsy hare teniteny foana na teny ratsy izy ireo ao .

ﭾﭿﮀﮁﮂ

56:26 Afa-tsy ny teny hoe : “ Fiadanana ! Fiadanana ! ” (Salam !Salam !).

ﮃﮄﮅﮆﮇﮈ

56:27 Ary ireo olon’ny an-kavanana. Iza moa ireo olon’ny an-kavanana ?

ﮉﮊﮋﮌ

56:28 Ho eo amin’ny hazona mokonazy tsy misy tsilo izy ireo.

ﮍﮎﮏ

56:29 Ary ho eo amin’ireo fototr’akondro misy lafiny vaventy.

ﮐﮑﮒ

56:30 Ao anaty aloka midadasika.

ﮓﮔﮕ

56:31 Eo amin’ny rano mikoriana lalandava.

ﮖﮗﮘ

56:32 Sy voankazo sesehena.

ﮙﮚﮛﮜﮝ

56:33 Izay tsy misy fitsaharany na koa fandrarana.

ﮞﮟﮠ

56:34 Eo ambon'ny farafara avo.

ﮡﮢﮣﮤ

56:35 Izahay no Nahary ireo tovovavin’ny Paradisa ho tonga lafatra.

ﮥﮦﮧ

56:36 Ka nataonay ho virijiny izy ireo.

ﮨﮩﮪ

56:37 Mahatehotia, mitovy taona avokoa.

ﮫﮬﮭ

56:38 Ho an’ireo olon’ny an-kavanana.

ﮮﮯﮰﮱ

56:39 Maro no voafidy tamin’ireo taranaka voalohany.

ﯓﯔﯕﯖ

56:40 Ary maro ihany koa no voafidy tamin’ireo taranaka farany.

ﯗﯘﯙﯚﯛﯜ

56:41 Ary ireo olon’ny an-kavia. Iza moa ireo olon’ny an-kavia ?

ﯝﯞﯟﯠ

56:42 Ho ao afovoan’ny rivotra mamay sy rano mangotraka izy ireo.

ﯡﯢﯣﯤ

56:43 Eo amin’ny alokin'ny setroka mainty.

ﯥﯦﯧﯨﯩ

56:44 Sady tsy mangatsiatsiaka no tsy malefaka.

ﯪﯫﯬﯭﯮﯯ

56:45 Niaina tao anatin’ny adalana izy ireo taloha.

ﯰﯱﯲﯳﯴﯵ

56:46 Ary nilomamo tao anatin’ny fahotana lehibe (izy ireo).

ﯶﯷﯸﯹﯺﯻﯼﯽﯾﯿ

56:47 Ka niteny hoe : “ Rehefa maty ka ho vovoka sy taolana izahay dia mbola ho hatsangana va ?"

ﰀﰁﰂ

56:48 Na koa ireo razambenay taloha ?

ﰃﰄﰅﰆﰇ

56:49 Dia lazao hoe : “ Marina fa ireo voalohany sy ireo farany"

ﰈﰉﰊﰋﰌﰍ

56:50 Dia havory avokoa amin’ny fotoan’ilay andro efa fantatra.

ﭑﭒﭓﭔﭕﭖ

56:51 Ary ianareo diso lalana, izay niampanga izany ho lainga.

ﭗﭘﭙﭚﭛﭜ

56:52 Dia tsy maintsy hihinana amin’ny hazon’ny zaqqoum (hazo mangidin’ny afobe) ianareo.

ﭝﭞﭟﭠ

56:53 Ka hameno kibo amin’izany.

ﭡﭢﭣﭤﭥ

56:54 Sady hisotro rano mangotraka(maimbo) ianareo ankoatr’izany.

ﭦﭧﭨﭩ

56:55 Hisotro amin’izany tahaka ny fisotroan’ny rameva mangetaheta ianareo.

ﭪﭫﭬﭭﭮ

56:56 Izany no anjara haroso azy ireo amin’ny andro famaliana.

ﭯﭰﭱﭲﭳ

56:57 Izahay no Nahary anareo. Koa nahoana àry no tsy hino ianareo ?

ﭴﭵﭶﭷ

56:58 Hitanareo va ny tsirin'aina avoakanareo.

ﭸﭹﭺﭻﭼﭽ

56:59 Ianareo va no nanamboatra azy, sa Izahay no Mpahary ?

ﭾﭿﮀﮁﮂﮃﮄﮅ

56:60 Efa noferanay ny fahafatesana eo aminareo ka tsy ho voasakana mihitsy izahay.

ﮆﮇﮈﮉﮊﮋﮌﮍﮎﮏ

56:61 Hanolo anareo amin’izay mitovy aminareo ary hamelona anareo indray amin’izay tsy fantatrareo.

ﮐﮑﮒﮓﮔﮕﮖ

56:62 Nahafantatra ny famoronana voalohany ianareo. Ka moa tsy tsaroanareo va izany ?

ﮗﮘﮙﮚ

56:63 Mba hitanareo va ny asa-tany izay ataonareo ?

ﮛﮜﮝﮞﮟﮠ

56:64 Ianareo va no mamboly izany ? Sa Izahay no Mpamboly ?

ﮡﮢﮣﮤﮥﮦﮧ

56:65 Raha tianay dia ho potehinay izany. Ary dia tsy hitsahatra ny fahagaganareo:

ﮨﮩﮪ

56:66 Indro izahay fa vesaran-trosa !

ﮫﮬﮭﮮ

56:67 Fa izahay dia nisakanana sy noraraina.

ﮯﮰﮱﯓﯔ

56:68 Hitanareo va ny rano izay sotroinareo ?

ﯕﯖﯗﯘﯙﯚﯛﯜ

56:69 Ianareo va no nampidina azy avy eny amin’ny rahona ? Sa Izahay no Mpampidina izany?

ﯝﯞﯟﯠﯡﯢﯣ

56:70 Raha tianay dia nataonay masira izany. Koa nahoana àry ianareo no tsy mahay mankasitraka ?

ﯤﯥﯦﯧﯨ

56:71 Mba hitanareo va ny afo izay arehitrareo ?

ﯩﯪﯫﯬﯭﯮﯯ

56:72 Ianareo va no nahary ny hazo sa Izahay no Mpahary ?

ﯰﯱﯲﯳﯴﯵ

56:73 Nataonay ho fampahatsiarovana izany, sy ho fitaovana ilain’izay mila azy.

ﯶﯷﯸﯹﯺ

56:74 Koa ankalazao àry ny Anaran’ny Tomponao, ilay Lehibe indrindra !

ﯻﯼﯽﯾﯿﰀ

56:75 Tsia ! Mianiana amin’ny alalan’ny toeran’ireo kintana eny amin’ny habakabaka Aho.

ﰁﰂﰃﰄﰅﰆ

56:76 Fa tena fianianana lehibe izany, raha mba fantatrareo mantsy.

ﭑﭒﭓﭔ

56:77 Ary tena Koroany mendrika.

ﭕﭖﭗﭘ

56:78 Ao anaty Boky voaaro tsara.

ﭙﭚﭛﭜﭝ

56:79 Ka izay voadio ihany no mikasika azy .

ﭞﭟﭠﭡﭢ

56:80 Fanambarana avy amin’ny Tompon’izao tontolo izao.

ﭣﭤﭥﭦﭧ

56:81 Moa izany lahateny izany va no lazainareo ho lainga ?

ﭨﭩﭪﭫﭬ

56:82 Fomba hankasitrahanareo ny anjaram-pahasoavanareo ny filazanareo ny Koroany ho lainga ?

ﭭﭮﭯﭰﭱ

56:83 Rehefa miakatra eo an-tenda ny aina.

ﭲﭳﭴﭵ

56:84 Ary mijery ianareo amin’izany fotoana izany.

ﭶﭷﭸﭹﭺﭻﭼﭽ

56:85 Dia izahay no akaiky azy kokoa noho ianareo, saingy tsy hitanareo mihitsy.

ﭾﭿﮀﮁﮂﮃ

56:86 Ahoana àry, raha mino ianareo fa tsy ho tsaraina.

ﮄﮅﮆﮇﮈ

56:87 No tsy averinareo izy, raha mpilaza ny marina tokoa ianareo ?

ﮉﮊﮋﮌﮍﮎ

56:88 Fa raha isan’ireo manakaiky an’I Allah izy.

ﮏﮐﮑﮒﮓ

56:89 Dia hahazo fialan-tsasatra, sy hanitra, ary zaridainam-pahasambarana.

ﮔﮕﮖﮗﮘﮙﮚ

56:90 Ary raha isan’ireo olon’ny an-kavanana izy.

ﮛﮜﮝﮞﮟﮠ

56:91 (Dia hilaza hoe) : “ Fiadanana ho anao ! ”, avy amin’ireo olon’ny an-kavanana.

ﮡﮢﮣﮤﮥﮦﮧ

56:92 Fa raha isan’ireo nilaza lainga kosa izy, sady very làlana.

ﮨﮩﮪﮫ

56:93 Dia hapetraka ao anaty rano mangotraka.

ﮬﮭﮮ

56:94 Ka ho dioavina ao anatin'ny afo mamaivay.

ﮯﮰﮱﯓﯔﯕ

56:95 Izany no marina tena azo antoka tanteraka.

ﯖﯗﯘﯙﯚ

56:96 Ka ankalazao àry ny anaran’ny Tomponao, ilay Lehibe indrindra !

Koraña Masina

Wednesday, September 9, 2026

Don't forget us in your sincere prayers

Surah Al-Waqi'ah pdf

Surah Al-Waqi'ah pdf — Alaino (Malagasy)

Related

More Surah PDF