Surah Al-Waqi'ah pdf Hausa

Surah Al-Waqi'ah

PDF —

96 Aya Meccan PDF

Built right in your browser — download starts automatically

Surah Al-Waqi'ah pdf — Sauke (Hausa)

Surah Al-Waqi'ah pdf Hausa — Sauke Surah Al-Waqi'ah Fassara. Al-Waqi'ah (Meccan) 96 Aya.

📚 Karatu 🎧 Saurara mp3 📜 Alqur'ani Mai Tsarki

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Al-Waqi'ah

96 Aya · Meccan · Hausa

ﮃﮄﮅﮆ

Idan mai aukuwa ta auku.

ﮇﮈﮉﮊ

Bãbu wani (rai) mai ƙaryatãwa ga aukuwarta.

ﮋﮌﮍ

(Ita) mai ƙasƙantãwa ce, mai ɗaukakãwa.

ﮎﮏﮐﮑﮒ

Idan aka girgiza ƙasã girgizwa.

ﮓﮔﮕﮖ

Kuma aka niƙe duwãtsu, niƙẽwa.

ﮗﮘﮙﮚ

Sai suka kasance ƙũra da ake wãtsarwa.

ﮛﮜﮝﮞ

Kuma kun kasance nau'i uku.

ﮟﮠﮡﮢﮣﮤ

Watau mazõwa dãma. Mẽne ne mazõwa dãma?

ﮥﮦﮧﮨﮩﮪ

Da mazõwa hagu. Mẽne ne mazõwa hagu?

ﮫﮬﮭ

Da waɗanda suka tsẽre. Sũ wɗanda suka tsẽren nan,

ﮮﮯﮰ

Waɗancan, sũ ne waɗanda aka kusantar.

ﮱﯓﯔﯕ

A ckin Aljannar ni'ima.

ﯖﯗﯘﯙ

Jama'a ne daga mutãnen farko.

ﯚﯛﯜﯝ

Da kaɗan daga mutãnen ƙarshe.

ﯞﯟﯠﯡ

(Sunã) a kan wasu gadãje sãƙaƙƙuu.

ﯢﯣﯤﯥ

Sunã gincire a kansu, sunã mãsu kallon jũna.

ﭑﭒﭓﭔﭕ

Wasu yara samãri na dindindin gẽwaya a kansu.

ﭖﭗﭘﭙﭚﭛ

Da wasu kõfuna da shantula da hinjãlai daga (giya) mai ɓuɓɓuga.

ﭜﭝﭞﭟﭠﭡ

Bã a sanya musu cĩwon jirĩ sabõda ita, kuma bã su buguwa.

ﭢﭣﭤﭥ

Da wasu 'ya'yan itãcen marmari daga irin waɗanda suke zãɓe.

ﭦﭧﭨﭩﭪ

Da nãman tsuntsãye daga wanda suke ganin sha'awa.

ﭫﭬﭭ

Da wasu mãtã mãsu fararen idanu da girmansu.

ﭮﭯﭰﭱ

Kamar misãlan lu'ulu'u wanda aka ɓõye.

ﭲﭳﭴﭵﭶ

A kan sakamakon, dõmin abin da suka kasance sunã aikatãwa.

ﭷﭸﭹﭺﭻﭼﭽ

Bã su jin wata yãsassar magana a cikinta, kuma bã su jin sun yi laifi.

ﭾﭿﮀﮁﮂ

Sai dai wata magana (mai dãɗi): Salãmun, Salãmun.

ﮃﮄﮅﮆﮇﮈ

Da mazõwa dãma. Mẽne ne mazõwa dãma?

ﮉﮊﮋﮌ

(Sunã) a cikin itãcen magarya maras ƙaya.

ﮍﮎﮏ

Da wata ayaba mai yawan 'ya'ya.

ﮐﮑﮒ

Da wata inuwa mĩƙaƙƙiya.

ﮓﮔﮕ

Da wani ruwa mai gudãna.

ﮖﮗﮘ

Da wasu 'ya'yan itacen marmari mãsu yawa.

ﮙﮚﮛﮜﮝ

Bã su yankẽwa kuma bã a hana su.

ﮞﮟﮠ

Da wasu shimfiɗu maɗaukaka.

ﮡﮢﮣﮤ

Lalle Mũ, Mun ƙãga halittarsu ƙãgãwa.

ﮥﮦﮧ

Sa'an nan Muka sanya su budurwai.

ﮨﮩﮪ

Mãsu son mazansu, a cikin tsãrã ɗaya.

ﮫﮬﮭ

Ga mazõwa dãma.

ﮮﮯﮰﮱ

Wata ƙungiya ce daga mutãnen farko.

ﯓﯔﯕﯖ

Da wata ƙungiya daga mutãnen ƙarshe.

ﯗﯘﯙﯚﯛﯜ

Mazõwa hagu, Mẽne ne mazõwa hagu?

ﯝﯞﯟﯠ

Sunã a cikin wata iskar zãfi da wani ruwan zãfi.

ﯡﯢﯣﯤ

Da wata inuwa ta hayãƙi mai baƙi.

ﯥﯦﯧﯨﯩ

Bã mai sanyi ba, kuma bã mai wata ni'ima ba.

ﯪﯫﯬﯭﯮﯯ

Lalle sũ, sun kasance a gabãnin wannan waɗanda aka jiyar dãɗi.

ﯰﯱﯲﯳﯴﯵ

Kuma sun kasance sunã dõgẽwa a kan mummũnan zunubi mai girma.

ﯶﯷﯸﯹﯺﯻﯼﯽﯾﯿ

Kuma sun kasance sunã cẽwa: "Shin idan mun mutukuma muko kasance turɓãya da ƙasũsuwa shin lalle mũ waɗanda zã a kõma rãyarwa ne haƙĩƙatan?"

ﰀﰁﰂ

"Shin, kuma da ubanninmu na farko?"

ﰃﰄﰅﰆﰇ

Ka ce: "Lalle mutãnen farko da na ƙarshe."

ﰈﰉﰊﰋﰌﰍ

"Tabbas, waɗanda ake tãrãwa ne a cikin wani yini sananne."

ﭑﭒﭓﭔﭕﭖ

"Sa'an nan lalle ku, ya kũ ɓatattu, mãsu ƙaryatãwa!"

ﭗﭘﭙﭚﭛﭜ

"Lalle mãsu cĩ ne daga wata itãciya ta zaƙƙum (ɗanyen wutã)."

ﭝﭞﭟﭠ

"Har za ku zama mãsu cika cikunna daga gare ta."

ﭡﭢﭣﭤﭥ

"Sa'an nan kuma mãsu shã ne, a kan wannan abin cin, daga ruwan zãfi."

ﭦﭧﭨﭩ

"Ku zama mãsu shã irin shan rãƙuma mãsu ƙishirwa."

ﭪﭫﭬﭭﭮ

Wannan ita ce liyãfarsu a rãnar sakamako.

ﭯﭰﭱﭲﭳ

Mũ ne Muka halitta ku, to, don me bã zã ku gaskata ba?

ﭴﭵﭶﭷ

Shin kuma kun ga abin da kuke fitarwa na maniyyi?

ﭸﭹﭺﭻﭼﭽ

Shin kũ ne kuke halitta shi, kõ kuwa mũ ne Mãsu halittãwa?

ﭾﭿﮀﮁﮂﮃﮄﮅ

Mũ ne Muka ƙaddara mutuwa a tsakãninku, kuma ba Mu zama Mãsu gajiyãwa ba,

ﮆﮇﮈﮉﮊﮋﮌﮍﮎﮏ

A kan Mu musanya waɗansu (mutãne) kamarku, kuma Mu mayar da ku a cikin wata halitta da ba ku sani ba.

ﮐﮑﮒﮓﮔﮕﮖ

Kuma lalle, ne haƙĩƙa, kun san halittar farko, to, don me ba zã ku yi tunãni ba?

ﮗﮘﮙﮚ

Shin, kuma kun ga abin da kũke nõmãwa?

ﮛﮜﮝﮞﮟﮠ

Shin, kũ ne ke tsirar da shi kõ kuwa Mũ ne Mãsu tsirarwa?

ﮡﮢﮣﮤﮥﮦﮧ

Dã Munã so lalle, da Mun sanya shi bũsasshiyar ciyãwa, sai ku yini kunã mãmãkin bãƙin ciki.

ﮨﮩﮪ

(Kunã cẽwa) "Lalle haƙĩƙa an azã mana tãra!"

ﮫﮬﮭﮮ

"Ã'a, mun dai zama waɗanda aka hanã wa!"

ﮯﮰﮱﯓﯔ

Shin, kuma kun ga ruwa wannan da kuke sha?

ﯕﯖﯗﯘﯙﯚﯛﯜ

Shin, kũ ne kuke saukar da shi daga girgije, kõ kuwa Mũne Mãsu saukarwa?

ﯝﯞﯟﯠﯡﯢﯣ

Dã Mun so, dã Mun mayar da shi ruwan zartsi. To don me bã ku gõdẽwa?

ﯤﯥﯦﯧﯨ

Shin, kuma kun ga wutã wannan da kuke ƙyastãwa?

ﯩﯪﯫﯬﯭﯮﯯ

Shin, kũ ne kuke ƙagã halittar itãciyarta, kõ kuwa Mũ ne Mãsu ƙãgãwa?

ﯰﯱﯲﯳﯴﯵ

Mũ ne Muka sanya ta wata abar wa'azi da jin dãɗi ga matafiya a cikin jẽji.

ﯶﯷﯸﯹﯺ

Sai ka tsarkake sũnan Ubangijinka Mai girma.

ﯻﯼﯽﯾﯿﰀ

To, bã sai Na yi rantsuwa ba da lõkutan fãɗuwar taurãri.

ﰁﰂﰃﰄﰅﰆ

Kuma lalle ne' haƙĩƙa, rantsuwa ce mai girma, dã kun sani.

ﭑﭒﭓﭔ

Lalle shi (wannan littãfi), haƙĩƙa, abin karantãwa ne mai daraja.

ﭕﭖﭗﭘ

A cikin wani littafi tsararre.

ﭙﭚﭛﭜﭝ

Bãbu mai shãfa shi fãce waɗanda aka tsarkake.

ﭞﭟﭠﭡﭢ

Wanda aka saukar ne daga Ubangijin halitta.

ﭣﭤﭥﭦﭧ

Shin, to, wannan lãbãrin ne kuke mãsu wulãkantãwa?

ﭨﭩﭪﭫﭬ

Kuma kunã sanya arzikinku (game da shi) lalle kũ, ku ƙaryata (shi)?

ﭭﭮﭯﭰﭱ

To, don me idan rai ya kai ga maƙõshi? (Kusa da mutuwa).

ﭲﭳﭴﭵ

Alhãli kuwa kũ, a lõklcin nan, kunã kallo.

ﭶﭷﭸﭹﭺﭻﭼﭽ

Kuma Mũ ne mafi kusanta gare shi daga gare ku, to, amma kũ bã ku gani.

ﭾﭿﮀﮁﮂﮃ

To, don me in dai kun kasance bã waɗanda zã a yi wa sakamako ba?

ﮄﮅﮆﮇﮈ

Ku mayar da shi (cikin jikinsa) har idan kun kasance mãsu gaskiya.

ﮉﮊﮋﮌﮍﮎ

To, amma idan (mai mutuwar) ya kasance daga makusanta,

ﮏﮐﮑﮒﮓ

Sai hũtawa da kyakkyawan abinci da Aljannar ni'ima.

ﮔﮕﮖﮗﮘﮙﮚ

Kuma amma idan ya kasance daga mazõwa dãma,

ﮛﮜﮝﮞﮟﮠ

Sai (a ce masa) aminci ya tabbata a gare ka daga mazõwa dãma.

ﮡﮢﮣﮤﮥﮦﮧ

Kuma amma idan ya kasance daga mãsu ƙaryatãwar, ɓatattun,

ﮨﮩﮪﮫ

Sai wata liyãfa ta ruwan zãfi.

ﮬﮭﮮ

Da ƙõnuwa da Jahĩm,

ﮯﮰﮱﯓﯔﯕ

Lalle wannan, haƙĩƙa, ita ce gaskiya ta yaƙĩni.

ﯖﯗﯘﯙﯚ

Sabõda haka, ka tsarkake sũnan Ubangijinka, Mai karimci.

Al-Kur'ani

Tuesday, August 18, 2026

Don't forget us in your sincere prayers