Surah Al-Haqqah pdf Hausa

Surah Al-Haqqah

PDF —

52 Aya Meccan PDF

Built right in your browser — download starts automatically

Surah Al-Haqqah pdf — Sauke (Hausa)

Surah Al-Haqqah pdf Hausa — Sauke Surah Al-Haqqah Fassara. Al-Haqqah (Meccan) 52 Aya.

📚 Karatu 🎧 Saurara mp3 📜 Alqur'ani Mai Tsarki

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Al-Haqqah

52 Aya · Meccan · Hausa

ﮯﮰ

Kiran gaskiya!

ﮱﯓﯔ

Mẽne ne kiran gaskiya?

ﯕﯖﯗﯘﯙ

Kuma mẽ ya sanar da kai abin da ake cẽwa kiran gaskiya?

ﯚﯛﯜﯝﯞ

Samũdãwa da Ãdãwa sun ƙaryatar da kiran gaskiya mai dũkar zũciya!

ﯟﯠﯡﯢﯣ

To, amma Samũdãwa to, an halakãsu da tsãwa mai tsanani.

ﯤﯥﯦﯧﯨﯩﯪ

Kuma amma Ãdãwa to, an halaka su da wata iska mai tsananin sauti wadda ta ƙẽtare haddi.

ﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻ

(Allah) Ya hõre ta a kansu a cikin dare bakwai da yini takwas, biye da jũna, sabõda haka, kana ganin mutãne a cikinta kwance. Kamar sũ ƙirãruwan dabĩno ne, waɗanda suka fãɗi.

ﯼﯽﯾﯿﰀﰁ

To, kõ kanã ganin abin da ya yi saurã daga cikinsu?

ﭑﭒﭓﭔﭕﭖﭗ

Kuma Fir'auna yã zo da waɗanda ke gabãninsa, da waɗannan da aka kife ƙasarsu, sabõda laifi.

ﭘﭙﭚﭛﭜﭝﭞ

Dõmin sun sãɓã wa manzon Ubangijinsu, sabõda haka ya kãmã su da wani irin kãmu mai ƙãruwar (tsanani).

ﭟﭠﭡﭢﭣﭤﭥﭦ

Lalle ne, Mũ, a lõkacin da ruwa ya ƙẽtare haddi, Munɗauke aaku a cikin jirgin ruwan nan.

ﭧﭨﭩﭪﭫﭬﭭ

Dõmin Mu sanya shi, gare ku abin tunãwa kuma wani kunne mai kiyayewa ya kiyaye (shi).

ﭮﭯﭰﭱﭲﭳﭴ

To, idan an yi bũsa a cikin ƙaho, bũsa ɗaya.

ﭵﭶﭷﭸﭹﭺﭻ

Kuma aka ɗauki ƙasa da duwãtsu, kuma aka niƙa su niƙãwa ɗaya.

ﭼﭽﭾﭿ

A ran nan, mai aukuwa zã ta auku.

ﮀﮁﮂﮃﮄﮅ

Kuma sama zã ta tsãge, dõmin ita a ran nan, mai rauni ce.

ﮆﮇﮈﮉﮊﮋﮌﮍﮎﮏﮐ

Kuma malã'iku (su bayyana) a kan sãsanninta, kuma wasu (malã'iku) takwas na ɗauke da Al'arshin Ubangijinka, a sama da su, a wannan rãnar.

ﮑﮒﮓﮔﮕﮖﮗ

A rãnar nan zã a bijirã ku (dõmin hisãbi), bãbu wani rai, mai ɓoyewa, daga cikinku, wanda zai iya ɓõyẽwa.

ﮘﮙﮚﮛﮜﮝﮞﮟﮠﮡ

To, amma wanda aka bai wa littãfinsa a dãmansa, sai ya ce wa (makusantansa), "Ku karɓa, ku karanta littafina."

ﮢﮣﮤﮥﮦﮧ

"Lalle ne ni, nã tabbata cewa ni mai haɗuwa da hisãbina ne."

ﮨﮩﮪﮫﮬ

Sabõda haka, shi yana cikin wata rãyuwa yardadda.

ﮭﮮﮯﮰ

A cikin Aljanna maɗaukakiya.

ﮱﯓﯔ

Nunannun 'yã'yan itãcenta makusantã ne (ga mai son ɗĩba),

ﯕﯖﯗﯘﯙﯚﯛﯜﯝ

(Ana ce musu) "Ku ci, kuma ku sha a cikin ni'ima, sabõda abin da kuka gabãtar a cikin kwãnukan da suka shige."

ﯞﯟﯠﯡﯢﯣﯤﯥﯦﯧﯨ

Kuma wanda aka bai wa littãfinsa ga hagunsa, sai ya ce: "Kaitona, ba a kãwo mini littãfina ba!"

ﯩﯪﯫﯬﯭ

"Kuma ban san abin da (ke sakamakon) hisãbina ba!"

ﯮﯯﯰﯱ

"In dã dai ita, tã kasance mai halakã ni gabã ɗaya ce!

ﯲﯳﯴﯵﯶﯷ

"Dukiyãta ba ta wadatar da ni ba!"

ﯸﯹﯺﯻ

"Ĩkona ya ɓace mini!"

ﯼﯽﯾ

(Sai a ce wa malã'iku) "Ku kãmã shi, sa'an nan ku sanyã shi a cikin ƙuƙumi."

ﯿﰀﰁﰂ

"Sa'an nan, a cikin Jahĩm, ku ƙõna shi."

ﰃﰄﰅﰆﰇﰈﰉﰊ

"Sa'an nan, acikin sarƙa, tsawonta zirã'i saba'in, sai ku sanya shi."

ﰋﰌﰍﰎﰏﰐﰑ

"Lalle ne, shi ya kasance ba ya yin ĩmãni da Allah, Mai girma!"

ﰒﰓﰔﰕﰖﰗ

"Kuma ba ya kwaɗaitarwa ga (bãyar da) abincin matalauci!"

ﰘﰙﰚﰛﰜﰝ

"Sabõda haka, a yau, a nan, bã ya da masõyi."

ﭑﭒﭓﭔﭕﭖ

"Kuma bãbu wani abinci, sai daga (itãcen) gislĩn."

ﭗﭘﭙﭚﭛ

"Bãbu mai cin sa sai mãsu ganganci."

ﭜﭝﭞﭟﭠ

To, ba sai Nã yi rantsuwa da abin da kuke iya gani ba,

ﭡﭢﭣﭤ

Da abin da bã ku iya gani.

ﭥﭦﭧﭨﭩ

Lalle ne, shi (Alƙur'ani) tabbas maganar wani manzo (Jibirilu) mai daraja ne.

ﭪﭫﭬﭭﭮﭯﭰﭱﭲ

Kuma shi ba maganar wani mawãƙi ba ne. Kaɗan ƙwarai zã ku gaskata.

ﭳﭴﭵﭶﭷﭸﭹﭺ

Kuma bã maganar bõka ba ne. Kaɗan ƙwarai zã ku iya tunãwa.

ﭻﭼﭽﭾﭿ

Abin saukarwã ne daga Ubangijin halitta duka.

ﮀﮁﮂﮃﮄﮅ

Kuma dã (Muhammadu) yã faɗi wata maganã, yã jingina ta garẽ Mu.

ﮆﮇﮈﮉ

Dã Mun kãma shi da dãma.

ﮊﮋﮌﮍﮎ

sa'an nan, lalle ne, dã Mun kãtse masa lakã.

ﮏﮐﮑﮒﮓﮔﮕ

Kuma daga cikinku bãbu wasu mãsu iya kãre (azãbarMu) daga gare shi.

ﮖﮗﮘﮙ

Kuma lalle ne shi (Alƙur'ãni) tanãtarwa ce ga mãsu taƙawa.

ﮚﮛﮜﮝﮞﮟ

Kuma lalle, ne Mũ, wallahi Munã sane da cẽwa daga cikinku alwwai mãsu ƙaryatãwa.

ﮠﮡﮢﮣﮤ

Kuma lalle ne shi (Alƙarãni) wallahi baƙin ciki ne ga kãfirai.

ﮥﮦﮧﮨ

Kuma lalle, ne shi gaskiya ce ta yaƙshẽni.

ﮩﮪﮫﮬﮭ

Sabõda haka, ka tsarkake sũnan Ubangjinka, mai girma.

Al-Kur'ani

Tuesday, August 18, 2026

Don't forget us in your sincere prayers