Сура Аль-Хьаккъа pdf Нохчийн

PDF —

52 Аят Meccan PDF

Built right in your browser — download starts automatically

Сура Аль-Хьаккъа pdf — Дахьа (Нохчийн)

Сура Аль-Хьаккъа pdf Нохчийн — Дахьа Сура Аль-Хьаккъа Гочдар. Сура Аль-Хьаккъа (Meccan) 52 Аят.

← Аль-КъаламСура Аль-Хьаккъа Аль-МаӀариж →

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сура Аль-Хьаккъа

52 Аят · Meccan · Нохчийн

ﮯﮰ

69:1 Бакъхилла доьжнарг .

ﮱﯓﯔ

69:2 ХIун ду и бакъхилла доьжнарг?

ﯕﯖﯗﯘﯙ

69:3 Стен хаийтина хьоьга /хIай Мухьаммад/‚ хIун ду и бакъхилла доьжнарг?

ﯚﯛﯜﯝﯞ

69:4 Самудаша а‚ Iадаша а харцдира тухуш дерг .

ﯟﯠﯡﯢﯣ

69:5 Амма самудаш а - уьш хIаллакбира /чIогIаллица/ дозанах беллачу мохьаца.

ﯤﯥﯦﯧﯨﯩﯪ

69:6 Ва амма Iадаш а – ткъа уьш хIаллакбира инзаре нуьцкъалчу т1ех шийлачу мехаца.

ﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻ

69:7 Цо /нуьцкъалла/ балийтира и царна ворхI буса а‚ бархI дийнахь а тIеттIа. Хьуна гур бара нах оцу дийнахь /хIаллакбина/ дIасакхиссина‚ даьсса дисна (чохь хара йолу) хурманан диттан гIаддаш санна.

ﯼﯽﯾﯿﰀﰁ

69:8 Цхьа а бухадисар гой хьуна царна?

ﭑﭒﭓﭔﭕﭖﭗ

69:9 Веара ФирIавн‚ цул хьалха мел верг а‚ муътафикаташ а /баьхкира/, къа деш.

ﭘﭙﭚﭛﭜﭝﭞ

69:10 Цара Iесалла йира шаьш Кхиош-Кхобуш волчу Делан элчанна – тIаккха уьш схьалецира т1ех чIогIа долчу схьалацаро.

ﭟﭠﭡﭢﭣﭤﭥﭦ

69:11 Оха хи дозанах даьлча, дихьира шу лелаш долчуьнца (кеманца).

ﭧﭨﭩﭪﭫﭬﭭ

69:12 Иза хилийтархьама шуна хьехам‚ тидаме долчу лерге тидаме эцийтархьама а.

ﭮﭯﭰﭱﭲﭳﭴ

69:13 Сур лекхча цхьана лакхарца‚

ﭵﭶﭷﭸﭹﭺﭻ

69:14 Латта а дIадаьхьча‚ лаьмнаш а /айдича/‚ царах, аьтта, х1ур бича цхьана атарца -

ﭼﭽﭾﭿ

69:15 Оцу дийнахь дог1ур ду данза ца даьлларг (къематде).

ﮀﮁﮂﮃﮄﮅ

69:16 Стигал йедар ю‚ оцу дийнахь хир ю иза ледаръяьлла (ч1аг1о йоцуш),

ﮆﮇﮈﮉﮊﮋﮌﮍﮎﮏﮐ

69:17 Маликаш хир ду цуьнан йисташкахула. Хьо Кхиош-Кхобуш волчун Iарш хьур ю оцу дийнахь бархIаммо шайна т1ехула.

ﮑﮒﮓﮔﮕﮖﮗ

69:18 Оцу дийнахь шу хIоттор ду /кхиэлна/ хьалха‚ цхьа а хьуллеш хуьлу хIума хьулделла хир дац шух.

ﮘﮙﮚﮛﮜﮝﮞﮟﮠﮡ

69:19 Амма шен жайна шега аьтту (бакъахьара) куьйга делларг‚ цо эр ма ду /ч1ог1а хазахетта/: "ХIей‚ схьадуьйла! Деша сан жайна!

ﮢﮣﮤﮥﮦﮧ

69:20 Баккъалла а, со моьттуш ма вара /цхьана дийнахь/ сан хьесап суна дуьхьалкхетар дуйла".

ﮨﮩﮪﮫﮬ

69:21 Иза хир ву ша реза волчу дахарехь.

ﮭﮮﮯﮰ

69:22 Лекхачу бешахь.

ﮱﯓﯔ

69:23 Шен стоьмаш гергахь болуш.

ﯕﯖﯗﯘﯙﯚﯛﯜﯝ

69:24 /Эр ду цаьрга/: "ГIоза даа‚ гIоза мала шайна /дуьненан/ дIадаханчу деношкахь шаьш хьалхадаьккхинарг /бахьанехь/ ".

ﯞﯟﯠﯡﯢﯣﯤﯥﯦﯧﯨ

69:25 Ва амма шен жайна шега аьрру (харцхьара) куьйга делларг‚ цо эр ма ду: "ЭхI! И сан жайна соьга ма деллехьара!

ﯩﯪﯫﯬﯭ

69:26 И сан /ч1ог1а суна дуьхьал долу/ хьесап хууш ца хиллехьара со.

ﯮﯯﯰﯱ

69:27 Эх1! И сан /дуьненахь/ валар хиллехьара тIаьххьара‚ /со юха ден ца веш/.

ﯲﯳﯴﯵﯶﯷ

69:28 Со кIелхьар ца ваьккхи сан бахамо.

ﯸﯹﯺﯻ

69:29 ХIаллакьхили соьгара сан долахь мел хилларг (сан уьйраш а, сан хьал а)".

ﯼﯽﯾ

69:30 /Делан омра догIур ду/: "Схьалаца иза! ДIавехка иза!

ﯿﰀﰁﰂ

69:31 Т1аккха жоьжахати чу д1авига иза.

ﰃﰄﰅﰆﰇﰈﰉﰊ

69:32 ТIаккха шен яхалла кхузткъе итт дол йолчу зIенах вихкина, д1алалла иза".

ﰋﰌﰍﰎﰏﰐﰑ

69:33 Баккъалла а, иза вацара сийлахь-воккхачу Делах тешаш.

ﰒﰓﰔﰕﰖﰗ

69:34 Мискачунна даа хIума дала /кхечарна/ дагадоуьйтуш вацара иза.

ﰘﰙﰚﰛﰜﰝ

69:35 Вац цунна тахана кхузахь цхьа а доттагI.

ﭑﭒﭓﭔﭕﭖ

69:36 Даа хIума дац, диларш бен.

ﭗﭘﭙﭚﭛ

69:37 Уьш дуур дац, гIалатбевллачара бен.

ﭜﭝﭞﭟﭠ

69:38 ХIан-хIа! Ас дуй боу шуна гуш долчух,

ﭡﭢﭣﭤ

69:39 шуна гуш доцучух а:

ﭥﭦﭧﭨﭩ

69:40 баккъалла а, иза сийлахьчу элчанан дош ма ду (Делера цо дуьйцуш).

ﭪﭫﭬﭭﭮﭯﭰﭱﭲ

69:41 ШаIиран дош ма дац иза‚ кIеззиг ду-кх шу тешаш дерг.

ﭳﭴﭵﭶﭷﭸﭹﭺ

69:42 Бозбуунчин дош а ма дац иза‚ кIеззиг ду-кх аш ойла еш дерг.

ﭻﭼﭽﭾﭿ

69:43 Iаламийн Дегара доьссина ду иза (Къуръан).

ﮀﮁﮂﮃﮄﮅ

69:44 Цо Тхох аьллехьара цхьацца (Оха аьлла доцу) дешнаш,

ﮆﮇﮈﮉ

69:45 Оха схьалаьцна хир вара иза аьтту (бакъахьара) куьйга ‚

ﮊﮋﮌﮍﮎ

69:46 ТIаккха хадийна хир бара цуьнан деган пха .

ﮏﮐﮑﮒﮓﮔﮕ

69:47 Шух цхьа а хир ма вацара, цунах иза духатухуш.

ﮖﮗﮘﮙ

69:48 Баккъалла а, иза (Къуръан) хьехам бу-кх /Делах/ кхоьруш болчарна.

ﮚﮛﮜﮝﮞﮟ

69:49 Баккъалла а, Тхо хууш ду-кх шух /дин/ харцдеш берш буйла.

ﮠﮡﮢﮣﮤ

69:50 Баккъалла а, иза (Къуръан) г1айг1а ю-кх цатешачарна. (Цуьнга ийман диллинчарна хир долу ниIматаш гина пошме хир бу керстанаш къематдийнахь).

ﮥﮦﮧﮨ

69:51 Баккъалла а, иза хьакъ-бакъдерг ду-кх!

ﮩﮪﮫﮬﮭ

69:52 Сийлахь-воккхачу хьуо кхиош-кхобуш волчу хьан Делан цIе хастае! (Массо а вочу сибатех ц1анве Иза).

Делера Куръан

Wednesday, September 9, 2026

Don't forget us in your sincere prayers

Сура Аль-Хьаккъа pdf

Сура Аль-Хьаккъа pdf — Дахьа (Нохчийн)

Related

More Сура PDF