సూరా అల్-హాక్కా pdf తెలుగు

సూరా అల్-హాక్కా

PDF —

52 వచనం Meccan PDF

Built right in your browser — download starts automatically

సూరా అల్-హాక్కా pdf — డౌన్‌లోడ్ (తెలుగు)

సూరా అల్-హాక్కా pdf తెలుగు — డౌన్‌లోడ్ సూరా అల్-హాక్కా అనువాదం. అల్-హాక్కా (Meccan) 52 వచనం.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

సూరా అల్-హాక్కా

52 వచనం · Meccan · తెలుగు

ﮯﮰ

ఆ అనివార్య సంఘటన (పునరుత్థానం)

ﮱﯓﯔ

ఏమిటా అనివార్య సంఘటన

ﯕﯖﯗﯘﯙ

మరియు ఆ అనివార్య సంఘటన, అంటే ఏమిటో నీకేమి తెలుసు

ﯚﯛﯜﯝﯞ

సమూద్ మరియు ఆద్ జాతి వారు అకస్మాత్తుగా విరుచుకుపడే ఆ ఉపద్రవాన్ని అసత్యమని తిరస్కరించారు

ﯟﯠﯡﯢﯣ

కావున సమూద్ జాతి వారైతే ఒక భయంకరమైన గర్జన ద్వారా నాశనం చేయబడ్డారు

ﯤﯥﯦﯧﯨﯩﯪ

మరియు ఆద్ జాతి వారేమో అతి తీవ్రమైన తుఫాను గాలి ద్వారా నాశనం చేయబడ్డారు

ﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻ

ఆయన (అల్లాహ్), దానిని వారి మీద ఏడు రాత్రులు మరియు ఎనిమిది పగళ్ళ వరకు ఎడతెగకుండా ఆవరింపజేశాడు. దాని వలన వారు వేళ్ళతో పెళ్ళగించబడిన ఖర్జూరపు బోదెల వలే పాడై పోవటం, నీవు చూస్తావు

ﯼﯽﯾﯿﰀﰁ

అయితే ఇప్పుడు వారిలో ఎవరైనా మిగిలి ఉన్నట్లు నీవు చూస్తున్నావా

ﭑﭒﭓﭔﭕﭖﭗ

ఫిర్ఔన్ మరియు అతనికి పూర్వం గతించిన వారూ మరియు తలక్రిందులు చేయబడిన నగరాల వారూ, అందరూ గొప్ప నేరాలకు పాల్పడినవారే

ﭘﭙﭚﭛﭜﭝﭞ

మరియు వారు తమ ప్రభువు పంపిన ప్రవక్తలకు అవిధేయత కనబరచారు, కావున ఆయన వారిని కఠినమైన పట్టుతో పట్టుకున్నాడు

ﭟﭠﭡﭢﭣﭤﭥﭦ

నిశ్చయంగా, ఎప్పుడైతే (నూహ్ తుఫాన్) నీరు హద్దు లేకుండా ఉప్పొంగి పోయిందో! అప్పుడు మేము, మిమ్మల్ని పయనించే (నావలో) ఎక్కించాము

ﭧﭨﭩﭪﭫﭬﭭ

దానిని, మీకొక హితబోధగానూ మరియు జ్ఞాపకముంచుకోగల చెవి, దానిని జ్ఞాపకం ఉంచుకోవటానికి అనువైనదిగా చేశాము

ﭮﭯﭰﭱﭲﭳﭴ

ఇక ఎప్పుడైతే ఒక పెద్ద ధ్వనితో బాకా ఊదబడుతుందో

ﭵﭶﭷﭸﭹﭺﭻ

మరియు భూమి మరియు పర్వతాలు పైకి ఎత్తబడి ఒక పెద్ద దెబ్బతో తుత్తునియలుగా చేయబడతాయో

ﭼﭽﭾﭿ

అప్పుడు, ఆ రోజున సంభవించవలసిన ఆ అనివార్య సంఘటన సంభవిస్తుంది

ﮀﮁﮂﮃﮄﮅ

మరియు ఆ రోజున ఆకాశం బ్రద్దలై పోతుంది మరియు దాని వ్యవస్థ సడలి పోతుంది

ﮆﮇﮈﮉﮊﮋﮌﮍﮎﮏﮐ

మరియు దేవదూతలు దాని (అర్ష్) ప్రక్కలలో ఉంటారు. మరియు నీ ప్రభువు యొక్క సింహాసనాన్ని (అర్ష్ ను), ఆ రోజు ఎనిమిది మంది (దేవదూతలు) ఎత్తుకొని ఉంటారు

ﮑﮒﮓﮔﮕﮖﮗ

ఆ రోజు మీరు (తీర్పు కొరకు) హాజరు చేయబడతారు. మీరు దాచిన ఏ రహస్యం కూడా (ఆ రోజు) దాగి ఉండదు

ﮘﮙﮚﮛﮜﮝﮞﮟﮠﮡ

ఇక ఎవనికైతే తన కర్మపత్రము కుడి చేతిలో ఇవ్వబడుతుందో, అతడు ఇలా అంటాడు: ఇదిగో నా కర్మపత్రాన్ని తీసుకొని చదవండి

ﮢﮣﮤﮥﮦﮧ

నిశ్చయంగా, నా లెక్క నాకు తప్పకుండా లభిస్తుందని నేను భావించేవాడిని

ﮨﮩﮪﮫﮬ

కావున, అతడు సంతోషకరమైన జీవితం గడుపుతాడు

ﮭﮮﮯﮰ

అత్యున్నతమైన స్వర్గవనంలో

ﮱﯓﯔ

దాని పండ్లగుత్తులు, సమీపంలో వ్రేలాడుతూ ఉంటాయి

ﯕﯖﯗﯘﯙﯚﯛﯜﯝ

(వారితో ఇలా అనబడుతుంది): గడిచి పోయిన దినాలలో మీరు చేసి పంపిన కర్మలకు ప్రతిఫలంగా, ఇప్పుడు మీరు హాయిగా తినండి మరియు త్రాగండి

ﯞﯟﯠﯡﯢﯣﯤﯥﯦﯧﯨ

ఇక ఎవడికైతే, తన కర్మపత్రం ఎడమ చేతికి ఇవ్వబడుతుందో, అతడు ఇలా వాపోతాడు: అయ్యో! నా పాడుగాను! నా కర్మపత్రం అసలు నాకు ఇవ్వబడకుండా ఉంటే ఎంత బాగుండేది

ﯩﯪﯫﯬﯭ

మరియు నా లెక్క ఏమిటో నాకు తెలియకుంటే ఎంత బాగండేది

ﯮﯯﯰﯱ

అయ్యో! నా పాడుగాను! అది (ఆ మరణమే) నాకు అంతిమ మరణమై ఉంటే ఎంత బాగుండేది

ﯲﯳﯴﯵﯶﯷ

నా సంపద నాకేమీ పనికి రాలేదు

ﯸﯹﯺﯻ

నా అధికారమంతా అంతమై పోయింది

ﯼﯽﯾ

(అప్పుడు ఇలా ఆజ్ఞ ఇవ్వబడుతుంది): అతన్ని పట్టుకోండి మరియు అతని మెడలో సంకెళ్ళు వేయండి

ﯿﰀﰁﰂ

తరువాత అతనిని భగభగమండే నరకాగ్నిలో వేయండి

ﰃﰄﰅﰆﰇﰈﰉﰊ

ఆ తరువాత అతనిని డెబ్భై మూరల పొడవు గల గొలుసుతో బంధించండి

ﰋﰌﰍﰎﰏﰐﰑ

వాస్తవానికి అతడు సర్వోత్తముడైన అల్లాహ్ ను విశ్వసించేవాడు కాదు

ﰒﰓﰔﰕﰖﰗ

మరియు నిరుపేదలకు ఆహారం పెట్టమని ప్రోత్సహించేవాడు కాదు

ﰘﰙﰚﰛﰜﰝ

కావున, ఈనాడు అతనికి ఇక్కడ ఏ స్నేహితుడూ లేడు

ﭑﭒﭓﭔﭕﭖ

మరియు అసహ్యకరమైన గాయాల కడుగు తప్ప, మరొక ఆహారమూ లేదు

ﭗﭘﭙﭚﭛ

దానిని పాపులు తప్ప మరెవ్వరూ తినరు

ﭜﭝﭞﭟﭠ

కావున, నేను మీరు చూడగలిగే వాటి శపథం చేస్తున్నాను

ﭡﭢﭣﭤ

మరియు మీరు చూడలేనట్టని వాటి (శపథం) కూడా

ﭥﭦﭧﭨﭩ

నిశ్చయంగా, ఇది (ఈ ఖుర్ఆన్) గౌరవనీయుడైన సందేశహరుని (పై అవతరింప జేయబడిన) వాక్కు

ﭪﭫﭬﭭﭮﭯﭰﭱﭲ

మరియు ఇది ఒక కవి యొక్క వాక్కు కాదు. మీరు విశ్వసించేది చాలా తక్కువ

ﭳﭴﭵﭶﭷﭸﭹﭺ

మరియు ఇది ఏ జ్యాతిష్యుని వాక్కు కూడా కాదు! మీరు గ్రహించేది చాలా తక్కువ

ﭻﭼﭽﭾﭿ

ఇది సర్వలోకాల ప్రభువు తరఫు నుండి అవతరించింది

ﮀﮁﮂﮃﮄﮅ

ఒకవేళ ఇతను (ఈ ప్రవక్త), మా (అల్లాహ్ ను) గురించి ఏదైనా అబద్ధపు మాట కల్పించి ఉంటే

ﮆﮇﮈﮉ

మేము అతని కుడి చేతిని పట్టుకునే వారం

ﮊﮋﮌﮍﮎ

తరువాత అతని (మెడ) రక్తనాళాన్ని కోసేవారం

ﮏﮐﮑﮒﮓﮔﮕ

అప్పుడు మీలో నుండి ఏ ఒక్కడు కూడా అతనిని (మా శిక్ష నుండి) కాపాడ లేక పోయేవాడు

ﮖﮗﮘﮙ

మరియు నిశ్చయంగా, ఇది (ఈ ఖుర్ఆన్) దైవభీతి గల వారికొక హితోపదేశం

ﮚﮛﮜﮝﮞﮟ

మరియు నిశ్చయంగా మీలో కొందరు దీనిని (ఈ ఖుర్ఆన్ ను) అసత్యమని అనేవారు ఉన్నారని మాకు బాగా తెలుసు

ﮠﮡﮢﮣﮤ

మరియు నిశ్చయంగా, ఇది (ఈ తిరస్కారం) సత్యతిరస్కారులకు దుఃఖ కారణమవుతుంది

ﮥﮦﮧﮨ

మరియు నిశ్చయంగా, ఇది (ఈ ఖుర్ఆన్) నమ్మదగిన సత్యం

ﮩﮪﮫﮬﮭ

కావున నీవు సర్వోత్తముడైన నీ ప్రభువు పవిత్ర నామాన్ని స్తుతించు

పవిత్ర ఖురాన్

Tuesday, August 18, 2026

Don't forget us in your sincere prayers

సూరా అల్-హాక్కా pdf

సూరా అల్-హాక్కా pdf — డౌన్‌లోడ్ (తెలుగు)

Related

More సూరా PDF