ሱረቱ አል-ኢምራን — አንቀጽ 7

የቃላት ማብራሪያ፦

• መጽሐፉ (አል-ኪታብ)፦ ቁርአን።
• ግልጽ የሆኑ አንቀጾች (ሙሕካማት)፦ ትርጉማቸው ግልጽ የሆነ፣ ምንም ግርዶሽ የሌለባቸው አንቀጾች።
• የመጽሐፉ እናት (ኡሙ አል-ኪታብ)፦ የመጽሐፉ መሠረትና ዋና ምንጭ።
• የሚመሳሰሉ አንቀጾች (ሙተሻቢሃት)፦ ከአንድ በላይ ትርጉም የሚሰጡ፣ ትርጉማቸው ለብዙ ሰዎች የሚደበዝዙ አንቀጾች።
• በልቦቻቸው ውስጥ መዛባት ያለባቸው (ዘይግ)፦ ከእውነት ወደ ጥመት የሚያዘነብሉ ሰዎች።
• ፍትና፦ መከራ፣ ግርዶሽ፣ ከእውነት ማራቅ።
• ተአዊል፦ የአንቀጾቹ የመጨረሻ ትርጉምና ውጤት።
• በዕውቀት የጸኑ (ራሲኹን)፦ በሃይማኖት እውቀት ጠንክረው የተመሠረቱ ሰዎች።
• አእምሮ ያላቸው (ኡሉል-አልባብ)፦ ንጹህ አእምሮ ያላቸው፣ የሚያስቡና የሚገነዘቡ ሰዎች።

የአንቀጹ ትርጉም፦

አላህ በአንተ (ሙሐመድ) ላይ ቁርአንን ያወረደው እርሱ ነው። በውስጡ ግልጽና የተወሰነ ትርጉም ያላቸው አንቀጾች አሉ፤ እነዚህም የመጽሐፉ መሠረትና ዋና ምንጭ ናቸው። ሌሎች ደግሞ ከአንድ በላይ ትርጉም የሚሰጡ የሚመሳሰሉ አንቀጾች ናቸው። እነዚህ የሚመሳሰሉ አንቀጾች በብዙ ሰዎች ላይ ግርዶሽ ይፈጥራሉ። ልቦቻቸው ውስጥ ከእውነት መዛባት ያለባቸው ሰዎች ግን ግልጽ የሆኑትን አንቀጾች ትተው የሚመሳሰሉትን ብቻ ይከተላሉ። ይህን የሚያደርጉት ሰዎችን ለማሳሳትና ግርዶሽ ለመፍጠር፣ እንዲሁም አንቀጾቹን በራሳቸው ምኞትና በተበላሹ አስተምህሮዎቻቸው መሠረት