Surah Al-Muzzammil – Itumọ Yorùbá

Iwo oludasobora

Dide (kirun) ni oru ayafi fun igba die

Lo ilaji re tabi din die ku ninu re

Tabi fi kun un. Ki o si ke al-Ƙur’an ni pelepele

Dajudaju Awa maa gbe oro t’o lagbara fun o

Dajudaju idide kirun loru, o wonu okan julo, o si dara julo fun kike (al-Ƙur’an)

Dajudaju ise pupo wa fun o ni osan

Ranti oruko Oluwa re. Ki o si da okan ko O patapata

Oluwa ibuyo oorun ati ibuwo oorun, ko si olohun ti ijosin to si afi Oun. Nitori naa, mu Un ni Alafeyinti

Ki o si se suuru lori ohun ti won n wi. Pa won ti ni ipati t’o rewa

Fi Mi da awon olupe-ododo-niro, awon oloro. Ki o si lora fun won fun igba die

Dajudaju sekeseke ati Ina Jehim n be lodo Wa

Ounje hafunhafun ati iya eleta-elero (tun wa fun won)

Ni ojo ti ile ati awon apata yoo maa mi titi pelu ohun igbe lile. Awon apata si maa di yanrin ti won kojo ti won tuka

Dajudaju Awa ran Ojise kan nise si yin (ti o je) olujerii lori yin gege bi A se ran Ojise kan nise si Fir‘aon

Sugbon Fir‘aon yapa Ojise naa. A si gba a mu ni igbamu lile

Ti eyin ba sai gbagbo, bawo ni eyin yoo se beru ojo kan t’o maa mu awon omode hewu

Sanmo si maa faya perepere ninu re. Adehun Re je ohun ti o maa se

Dajudaju eyi ni iranti. Nitori naa, eni ti o ba fe ki o mu oju ona kan to de odo Oluwa re

Dajudaju Oluwa re mo pe dajudaju iwo n dide kirun fun ohun t’o kere si ilata meji oru tabi ilaji re tabi ilata re. Igun kan ninu awon t’o wa pelu re (naa n se bee). Allahu l’O n sodiwon oru ati osan. O si mo pe e ko le so o. Nitori naa, O ti da a pada si fifuye fun yin. Nitori naa, e ke ohun ti o ba rorun (fun yin) ninu al-Ƙur’an. O mo pe awon alaisan yoo wa ninu yin. Awon miiran si n ririn ajo lori-ile, ti won n wa ninu oore Allahu. Awon miiran si n jagun fun esin Allahu. Nitori naa, e ke ohun ti o ba rorun (fun yin) ninu re. E kirun (oran-an-yan). E yo Zakah. Ki e si ya Allahu ni dukia t’o dara. Ohunkohun ti e ba ti siwaju fun emi ara yin ninu ohun rere, eyin yoo ba a lodo Allahu ni ohun rere ati ni ohun ti o tobi julo ni esan. E toro aforijin lodo Allahu. Dajudaju Allahu ni Alaforijin, Asake-orun