Сура Сабаъ pdf Нохчийн

PDF —

54 Аят Meccan PDF

Built right in your browser — download starts automatically

Сура Сабаъ pdf — Дахьа (Нохчийн)

Сура Сабаъ pdf Нохчийн — Дахьа Сура Сабаъ Гочдар. Сура Сабаъ (Meccan) 54 Аят.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сура Сабаъ

54 Аят · Meccan · Нохчийн

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣ

34:1 Хастам бу Далла‚ Шена стигалашкахь а‚ лаьттахь а мел дерг долчу‚ Шена хастам болчунна эхартахь а. Иза Шегахь хьекъалалла дерг а ву, сов дика хууш верг а ву.

ﭤﭥﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷ

34:2 Цунна хаьа латтана чудулуш дерг а‚ оцунах схьадолуш дерг а‚ стигалара охьадогIуш дерг а‚ цига ирхдолуш дерг а. Иза къинхетаме верг а ву‚ гечдеш верг а ву.

ﭸﭹﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚ

34:3 Цатешачара элира: "Сахьт (къематде) вайна догIур а дац". Ахь āла /х1ай Мухьаммад/: "ХIаъ‚ сан Кхиош-Кхобучух дуй боу ас‚ къайлаха дерг хууш волчу: догIур долуш ма ду иза шуна". Цунах (Делах) къайладер дац мискъалан зарраттал хIума стигалшкахь а‚ лаьттахь а‚ цул мелхо а жиманиг а, мелхо а доккханиг а‚ билгалчу жайни чохь долуш бен

ﮛﮜﮝﮞﮟﮠﮡﮢﮣﮤﮥﮦ

34:4 ийман диллинчарна‚ дика Iамалш йиначарна ял ялархьама. Уьш бу шайна гечдар а‚ сийлахь рицкъ а хир дерш.

ﮧﮨﮩﮪﮫﮬﮭﮮﮯﮰﮱﯓ

34:5 Тхан аяташ талхо къахьоьгуш берш, /уьш/ гIелдан гIерташ – царна Iазап ду лазош долчу таIзарх.

ﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤ

34:6 Шайна Iилма деллачарна хаьа хьуна и хьан Кхиош-Кхобучуьнгара доьссинарг бакъдерг дуйла‚ ша /нах/ нисбеш долу веза волчун‚ хастаме волчун (Делан) новкъа.

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵ

34:7 Цатешначара элира: "Оха нисдой шу цхьана стагана тIе‚ шуьга ша дуьйцуш волчу‚ шу ерриг кийсак хилла /кешний чохь/ дахкаделча, шу керлачу кхоллар чохь хир ду /юха дендийр ду/‚ бохуш волчу?

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢ

34:8 Далла тIе харцдерг кхоьллина цо‚ я цуьнца жинаш ду". ХIаъ‚ эхартах ца тешаш берш Iазапа чохь а‚ генарчу тилар чохь а ма бу.

ﭣﭤﭥﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿﮀﮁﮂ

34:9 Царна ца гина те шайна хьалхахь а, тIехьахь а мел дерг: стигал (шайна го бина йолу), латта (шена т1ехь шаьш дехаш долу – Делан возаллах ойла яр хьама)? Тхуна лиънехьара, Оха лаьтте худуьйтур бара уьш‚ я стигалара кийсакаш егор яра царна тIе. Баккъалла а, цу чохь делил ма ду /тобадарца Далла / т1евоьрзуш волчу лена.

ﮃﮄﮅﮆﮇﮈﮉﮊﮋﮌﮍﮎﮏﮐﮑﮒ

34:10 Оха деллера Давудана Тхайгара ниIмат ‚ /элира/: "ХIай лаьмнаш! Тасбихь де цуьнца цхьаьна‚ /аша а/ олхазарш". Оха кIаддира цунна эчиг:

ﮓﮔﮕﮖﮗﮘﮙﮚﮛﮜﮝﮞﮟﮠﮡ

34:11 "гIаьгIнаш де‚ тIе юста /уьш/. Диканиг делаш. Баккъалла а, Со аш дийриг гуш ву".

ﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡ

34:12 Сулейманна а /муьтIахь бира Оха/ мох‚ цуьнан Iуьйренан некъ бутт болуш‚ цуьнан суьйренан некъ а бутт болуш. Оха лалийра цунна цIеста (йез), /хин/ хьоста санна дIаоьхуш. Жинех ду шаьш цунна хьалха болх беш дерш цуьнан Кхиош-Кхобучун пурбанца. Царах Тхан омранах дIатиллачаьрга Iавшуьйтур ду Оха жоьжахатин Iазапах /1азап/.

ﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷ

34:13 Цара еш цунна‚ цунна луу михьрабаш ‚ суьрташ а‚ кедаш, Iаьмнаш санна (баккхий чу хи гулдан)‚ чIогIа чIагIбина яйнаш а. Баркалла аларца Iамал елаш /Тхуна/‚ хIай Давудан доьзал. Ма кIеззиг бу-кх Сан лейх баркалла олуш берш!

ﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ

34:14 Оха цунна (Сулейманна) Iожалла тIехIоттийча, и валарна тIе уьш нис ца бира цхьана лаьттан дийнато бен‚ ша цуьнан Iаса юуш. Иза /велла/ охьавоьжча, билгалделира жинашна: шайна къайле хууш хиллехьара, лаьттарг цахилар шаьш сийсазчу Iазапехь .

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨ

34:15 Хилира сабаашна шайн гIишлошкахь делил: ши беш - аьтту агIорхьара а‚ аьрру агIорхьара а. Даа шайн Кхиош-Кхобучун рицкъех‚ баркалла āла Цунна (шукур де Далла)! Токхе мохк а‚ гечдеш волу Кхиош-Кхобург /хилира царна/.

ﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹ

34:16 Д1абевлира уьш /Далла баркалла аларх/‚ Оха йоссийра царна тIе дуккха а Iовраш‚ церан шина бешан метта хилийтира ши беш, къаьхьа стоьмаш болуш‚ аслих а‚ /цхьацца/ хIума кIеззиг сидрех а йолуш.

ﭺﭻﭼﭽﭾﭿﮀﮁﮂﮃ

34:17 И бекхам бира Оха царна, уьш ца тешаш хиларна. Оха /иштта/ бекхам бой цатешачарна бен?

ﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖ

34:18 Царна (Сабаан) юккъехь а‚ Оха шайна чохь декъалйина хиллачу (Шаман) ярташна юккъехь а Оха йира гуш йолу ярташ ‚ царна чохь къастийра некъ: "Лела царна чухула буьйсанашкахь а‚ деношкахь а, кхерам боцуш!"

ﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ

34:19 Цара элира: "Тхан Кхиош-Кхобург‚ гена хилийталахь тхан кхерсташ лелар ". Цара зулам дира шайна‚ Оха хилийтира царах /нахана/ дийцарш‚ массанхьа а дIасабаьржира уьш. Баккъалла а, цу чохь делилаш ма ду массо а собаре волчунна а‚ хама бечунна а.

ﮬﮭﮮﮯﮰﮱﯓﯔﯕﯖﯗ

34:20 Иблисо бакъдайтира цаьрга шена моьттург‚ уьш цунна тIаьхьахIиттира, муъма нахах цхьа тоба йоцург.

ﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮ

34:21 Ма яцара цунна царна тIехь цхьа а бакъо‚ деккъа Тхуна хаархьама‚ мила ву эхартах тешаш цунах шеконехь хиллачарах. Хьан Кхиош-Кхобург массо а хIуманна лардархо ву.

ﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉ

34:22 Ахь āла: "Кхайкха шаьш, АллахI витина, /деланаш бу/ моьттуш хиллачаьрга". Цара дола ма ца до мискъалан зарраттал /хIуманна/ стигалшкахь а‚ лаьттахь а. Ма дац царна (цара шайн деланаш бу бохучарна) цу шинна чохь цхьа а /АллахIаца/ накъосталла‚ ма вац Цунна царах цхьа а гIоьнча /оьшуш/.

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪ

34:23 Пайда бийр бац гIодаккхаро Цунна гергахь Цо шена пурба деллачунна бен. Шайн дегнашкара кхерам дIабаьккхича‚ цара (шайна шапаIат дан бакъо елла хилла долчу маликаша а, пайхамараша а) элира /вовшашка/: "ХIун элира шун Кхиош-Кхобучо /шапа1ат даран хьокъехь/?" Цара элира: "Бакъдерг . Иза лекха а‚ воккха а верг ву".

ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿ

34:24 Ахь āла /цаьрга, х1ай Мухьаммад/: "Мила ву шуна рицкъ луш верг стигалшкара а‚ лаьттара а?" Ахь āла: " Аллах1-Дела ву". Баккъалла а, Тхо я шу нийсачу новкъахь ду я билгалчу тилар чохь ду?!".

ﮀﮁﮂﮃﮄﮅﮆﮇﮈﮉ

34:25 Ахь āла: "Шуьга хоттур дац оха динчу къих‚ тхоьга хоттур дац аш деш долчух".

ﮊﮋﮌﮍﮎﮏﮐﮑﮒﮓﮔﮕ

34:26 Ахь āла: "Цхьаьнатухур ду вай вайн Кхиош-Кхобучо /къематдийнахь/ тIаккха къастор ду Цо вайна юккъехь бакъдолчуьнца‚ Иза хууш волу т1ех дика къастош верг ву".

ﮖﮗﮘﮙﮚﮛﮜﮝﮞﮟﮠﮡﮢﮣﮤ

34:27 Ахь āла: "Аш гайта суна шаьш Цунах д1атоьхна накъостий". ХIан-хIа! Иза ву Ша веза волу‚ Шегахь хьекъалалла долу Дела.

ﮥﮦﮧﮨﮩﮪﮫﮬﮭﮮﮯﮰﮱ

34:28 Оха вахийтина ма вац хьо /х1ай Мухьаммад/ массо а нахе кхаъ бахьаш верг а‚ кхерамча а хилла бен‚ делахь а нахах дукхахболчарна ца хаьа-кх.

ﯓﯔﯕﯖﯗﯘﯙﯚ

34:29 Цара олу: "Маца /кхочуш/ хир ю и ваIда, шу бакълуьйш хиллехь?"

ﯛﯜﯝﯞﯟﯠﯡﯢﯣﯤﯥ

34:30 Ахь āла: "Шуна хан тоьхна де ду‚ цунах цхьа сахьт тIаьхьадуьсур а дац шу‚ хьалхадевр а дац".

ﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇ

34:31 Цатешначара элира: "Тешане а тешар ма дац тхо хIоккху Къуръанах а‚ цул хьалха хиллачух а". Хьуна гуш белахьара и зуламхой шайн Кхиош-Кхобучунна хьалха хIиттийна‚ царах цхьаберш вукхаьрга дош юхадерзадеш‚ шаьш заьIап хиллачара куралла еш хиллачаьрга олуш: "Шу ца хиллехьара, тхох муъма нах хилла хир ма бара".

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡ

34:32 Шаьш куралла еш хиллачара элира заьIап хиллачаьрга: "Оха дIатилийра шу /нийсачу/ некъах и шуьга беъначул тIаьхьа? ХIаъ‚ шу шаьш хилира къинош деш".

ﭢﭣﭤﭥﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅﮆﮇ

34:33 Шаьш заьIап хиллачара элира куралла еш хиллачаьрга: "ХIаъ‚ буьйсанан а‚ дийнан а мекарлонца аш тхуна омра ма дора тхо Делах цатешар‚ Оха Цуьнца кхиберш нисбар". Цара хьулдира дохкобовлар, шайна Iазап гича. Оха буржалш-г1оматаш туьйхира ца тешаш хиллачеран логех. Шаьш деш хиллачуьнца бен бекхам хир буй царна?

ﮈﮉﮊﮋﮌﮍﮎﮏﮐﮑﮒﮓﮔﮕﮖ

34:34 Оха ца вахийтира юьртахь цхьа а кхерамча, цуьнан (юьртан) хьалдолчара олуш бен: "Баккъалла а, тхо шу шайца даийтинчунна /ца тешаш/ керста ду-кх".

ﮗﮘﮙﮚﮛﮜﮝﮞﮟ

34:35 Цара олура: "Тхо, мелхо а, алсам ду бахамца а‚ доьзалца а‚ тхуна Iазап дийр а дац".

ﮠﮡﮢﮣﮤﮥﮦﮧﮨﮩﮪﮫﮬﮭ

34:36 Ахь āла /цаьрга, х1ай элча/: "Баккъалла а, сан Кхиош-Кхобучо рицкъ даржадо Шена луучунна /дукха луш/‚ барам а бо /кIеззиг луш/‚ делахь а нахах дукхахболчарна ца хаьа-кх."

ﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦ

34:37 Шун бахам а‚ шун доьзал а ма бац шу Тхуна гергадалош берш (кIез-кIеззиг) гергадалорца – ша ийман диллинарг а‚ дика Iамал йинарг а бен . Уьш бу шайна масийттазза алсам (иттанера ворх1б1ена т1екхаччалц, цул а сов) ял хир йерш шаьш йинчу Iамалшца‚ уьш /хир/ бу /ялсаманин/ хIусамашкахь, кхерам боцуш.

ﯧﯨﯩﯪﯫﯬﯭﯮﯯﯰ

34:38 Тхан аяташ /дохорехь/ къахьоьгуш берш, шаьш /уьш/ г1орасиза дийр ду моьттуш, – уьш Iазап чохь латтор ма бу.

ﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇ

34:39 Ахь āла /нахе, х1ай элча/: "Баккъалла а, сан Кхиош-Кхобучо даржадо /шортта/ рицкъ Шен лех Шен луучунна‚ Цо цунна барам а бо /кIеззиг луш/". Аш хIуманах сагIина елларг Цо меттахIоттор ю. Иза рицкъ лучарех уггар диканиг ву.

ﭑﭒﭓﭔﭕﭖﭗﭘﭙﭚﭛ

34:40 Цу /къемат/дийнахь Цо гулбийр бу уьш берриге а‚ тIаккха эр ду маликашка: "ХIорш бу и шуна Iибадат деш хилларш?"

ﭜﭝﭞﭟﭠﭡﭢﭣﭤﭥﭦﭧﭨﭩﭪﭫ

34:41 Цара элира : "Вонах цIена ву хьо‚ Хьо ву-кх тхан вали (доладийриг), уьш боцуш. ХIаъ‚ уьш хилира жинашна Iибадат деш‚ царах дукхахберш царна ийман диллина бу".

ﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾ

34:42 Тахана шух цхьаболчеран долахь бац вукхарна пайда а‚ зен а. Оха эр ду зулам диначаьрга: "Iовша шайна цIеран Iазап, аш ша харцдеш хилла долу".

ﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ

34:43 Шайна тIехь Тхан билгала долу аяташ доьшуш, цара элира: "ХIара ма вац шу шун дай шена Iибадат деш хиллачух дIатило лууш волу стаг бен". Цара элира /юха а/: "Цо ша кхоьллина харцдерг бен ма дац хIара /Къуръан/". Цатешначара элира бакъдолчунна, и шайга деъча: "ХIара деккъа къеггина бозбуунчалла ду-кх".

ﮣﮤﮥﮦﮧﮨﮩﮪﮫﮬﮭﮮﮯ

34:44 Оха ца делла /хьалха/ цаьрга (Маккин ох1лане) цхьа а жайна цара и Iамадеш долу‚ Оха ца вахийтина цаьрга хьол хьалха цхьа а кхерамча.

ﮰﮱﯓﯔﯕﯖﯗﯘﯙﯚﯛﯜﯝﯞﯟﯠ

34:45 Харцдира царал хьалха хиллачара а‚ /хIорш-м/ ца кхиира Оха царна деллачух итталгIачу декъах а. Цара харцбира Сан элчанаш. Муха хилира Сан /уьш/ цаларар (Сан Iазап)?!

ﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ

34:46 Ахь āла /х1ай элча, цу цатешачаьрга/: "Ас хьоьху шуна цхьа хIума: шу д1ахIитта Далла хьалха /бакъдерг лоьхуш/ шишша а‚ цхьаьцца а‚ тIаккха аш ойла йе: шун накъост ма вац жинех. Иза ма вац кхерамча бен, чIогIа Iазап хилале хьалха /ваийтина волу/".

ﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑ

34:47 Ахь āла /цу цатешачаьрга, х1ай элча/: "Ас шуьга /дин д1акхачорна/ боьху мах – шуна шайна бу (ас ца боьху шуьга цунна дуьхьал мах). Сан мах Далла тIехь бен бац. Иза массо а хIуманна тIехь теш ма ву".

ﰒﰓﰔﰕﰖﰗﰘﰙ

34:48 Ахь āла: "Баккъалла а, сан Кхиош-Кхобучо дуьллу /пайхамарийн дегнашка/ бакъдерг‚ къайленаш т1ех дика хууш верг ву Иза".

ﭑﭒﭓﭔﭕﭖﭗﭘﭙ

34:49 Ахь āла: "Деана бакъдерг. Д1адолалур дац харцдерг‚ духадоьрзур а дац ".

ﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬ

34:50 Ахь āла: "Со тилавеллехь, – со тилалуш ву сайна. Со нисвеллехь, – Сан Кхиош-Кхобучо сайга деллачу ваьхьица /нисвелла/. Баккъалла а, Иза хезаш верг а ву‚ гергахь верг а ву".

ﭭﭮﭯﭰﭱﭲﭳﭴﭵﭶﭷ

34:51 Хьуна гинехьара уьш кхерабелла‚ бовла меттиг йоцуш‚ схьаьлаьцна гергарчу меттигера .

ﭸﭹﭺﭻﭼﭽﭾﭿﮀﮁ

34:52 Цара элира: "Оха ийман диллина цунах ". Мичара ду царна /ийманах/ кхиар генарчу меттигера ?

ﮂﮃﮄﮅﮆﮇﮈﮉﮊﮋﮌﮍ

34:53 Цара керстадина иза хьалха. Цара дIатосура къайлаха дерг генарчу меттигера. (Цара бакъ ца лорура шайга дуьненахь дуьйцуш хилла долу къематдийнах а, юхадендарх а, ялсаманих а, жоьжахатих а лаьцна хабарш).

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞ

34:54 Дуьхьало хилира царна а‚ царна дезачунна а юккъехь‚ уьш санначарах хьалха дина ма-хилла. Баккъалла а, уьш хилира шеконан шеконехь.

Делера Куръан

Wednesday, September 9, 2026

Don't forget us in your sincere prayers