Сура Аль-Мульк pdf Нохчийн

PDF —

30 Аят Meccan PDF

Built right in your browser — download starts automatically

Сура Аль-Мульк pdf — Дахьа (Нохчийн)

Сура Аль-Мульк pdf Нохчийн — Дахьа Сура Аль-Мульк Гочдар. Сура Аль-Мульк (Meccan) 30 Аят.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сура Аль-Мульк

30 Аят · Meccan · Нохчийн

ﭑﭒﭓﭔﭕﭖﭗﭘﭙﭚ

67:1 Беркате (хастаме) хили Иза (Дела)‚ Шен куьйгахь паччахьалла долу‚ Ша массо а хIуманна тIехь ницкъ кхочуш волу.

ﭛﭜﭝﭞﭟﭠﭡﭢﭣﭤﭥﭦﭧ

67:2 Иза ву Ша кхоьллина далар а‚ дахар а шу зерхьама‚ муьлхарниг ву шух вунō диканиг Iамал ярца. Иза ву веза верг а‚ т1ех гечдийриг а.

ﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼ

67:3 Иза ву Ша кхоьллина ворхI стигал тIеттIа. Хьуна /х1ай адам/ гур ма яц сов Къинхетаме волчо кхоьллинчунгахь цхьа а вовшашца ца йогIу хIума. Тохал бIаьрг: гой хьуна цхьа а яьдда меттиг?

ﭽﭾﭿﮀﮁﮂﮃﮄﮅﮆﮇ

67:4 ТIаккха юх-юха а тохал бIаьрг – хьоьга духадоьрзур ду бIаьргтохар кIелдисна‚ ша гIелделла долуш (Дала кхоьллинчу х1уманашкахь цхьа а цхьаьнацадар ца карош).

ﮈﮉﮊﮋﮌﮍﮎﮏﮐﮑﮒﮓﮔﮕ

67:5 Оха хазйина дуьненан стигал чиркхашца (седарчашца)‚ Оха хилийтина уьш шайтIанашна кхоссарш . Оха кечдина царна (шайтIанашна) егачу цIеран Iазап.

ﮖﮗﮘﮙﮚﮛﮜﮝﮞ

67:6 Шаьш Кхиош-Кхобучух (Делах) цатешначарна а жоьжахатин Iазап ду. Ма вон дIадерзар ду-кх иза!

ﮟﮠﮡﮢﮣﮤﮥﮦﮧ

67:7 Шаьш цу чу кхиссича, царна хезар ду цуьнан угIарш‚ и ша кхехкаш йолуш,

ﮨﮩﮪﮫﮬﮭﮮﮯﮰﮱﯓﯔﯕﯖﯗ

67:8 Ша оьгIазъялла эккха кечъелла: цу чу /къинош диначеран/ толгIа (тоба) моссаза кхоьссича а, цуьнан гIаролаша цаьрга хоттур ду: "Кхерамча (Делан элча) ца веара шуьга?" – аьлла.

ﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪ

67:9 Цара эр ду: "ХIаъ‚ веара тхоьга кхерамча – оха иза харцвира‚ оха элира: "Дала хIумма а ца доссора‚ шу ма ду доккхачу тиларчохь".

ﯫﯬﯭﯮﯯﯰﯱﯲﯳﯴﯵﯶ

67:10 Цара эр ду: "Тхо хиллехьара ладугIуш а‚ ойла йеш а – тхо хир ма дацара егачу цIеран дайшлахь".

ﯷﯸﯹﯺﯻﯼ

67:11 Уьш къера хилира шайн къинна. /Делан къинхетамах/ ма генахь бу-кх егачу цIеран дай!

ﯽﯾﯿﰀﰁﰂﰃﰄﰅﰆ

67:12 Баккъалла а, шайна гуш воццушехь, шаьш кхиош-кхобуш волчу шайн Делах кхоьруш берш – царна ду гечдар а‚ йоккха ял.

ﭑﭒﭓﭔﭕﭖﭗﭘﭙﭚﭛ

67:13 Къайладаккха шайн дош, я гучудаккха иза – баккъалла а, Иза ву дегнашкахь дерг хууш верг.

ﭜﭝﭞﭟﭠﭡﭢﭣ

67:14 Ткъа ца хаьа Цунна‚ ша кхоьллинчунна? Иза ву сов дика кхетаме верг а‚ сов дика хууш верг а.

ﭤﭥﭦﭧﭨﭩﭪﭫﭬﭭﭮﭯﭰﭱﭲﭳ

67:15 Иза ву шуна латта кIеда /лела атта/ динарг – лела /шу, хIай нах/ цуьнан агIонашкахула, даа цуьнан рицкъанах (Дала лаьттахь делла ниIматаш хьанал къахьегарца). – Цуьнга ду /шун кешнашкара/ гIовттар.

ﭴﭵﭶﭷﭸﭹﭺﭻﭼﭽﭾﭿ

67:16 Шу тешна дуй /хIай Далла инкарло йеш берш/ стигалахь Волчух, Цо шаьш лаьттах худор дац аьлла, т1аккха и /латта/ детталуш?

ﮀﮁﮂﮃﮄﮅﮆﮇﮈﮉﮊﮋﮌﮍ

67:17 Я шу тешна дуй стигалахь Волчух, Цо шайна боуьйтур бац аьлла тIулгех /буьзна/ чIогIа мох? ТIаьхьа хуур ду шуна‚ муха бу Сан кхерам.

ﮎﮏﮐﮑﮒﮓﮔﮕﮖ

67:18 Харц ма бира /элчанаш/ царал хьалха хиллачара а – муха хилира /царна/ Сан инкарло! (Ма ирча хилира Сан Iазап!).

ﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨ

67:19 Царна ца гира олхазарш , шайна тIехула лелаш долу – /шайн тIемаш/ даржадеш‚ тIаккха тIегулдеш? Уьш сацадеш верг-м Сов Къинхетаме волу Дела бен вац. Баккъалла а, Иза ву-кх массо а хIума гуш верг.

ﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ

67:20 Мила ву, и шуна бIо хилла, гIо дийр дерг ша сов къинхетаме волчу Делан Iазап духатоха? Цатешнарш ма бац Iехабаларгахь бен.

ﯛﯜﯝﯞﯟﯠﯡﯢﯣﯤﯥﯦﯧﯨ

67:21 Мила ву иза шуна рицкъ лун дерг, Цо Шен рицкъ сацадича? ХIетте а‚ ма /Далла/ дуьхьалбевлла уьш‚ ма /бакъдолчунна/ генабевлла уьш!

ﯩﯪﯫﯬﯭﯮﯯﯰﯱﯲﯳﯴﯵ

67:22 Ткъа шен юьхьа тIехь лелаш верг ву нийса‚ я нийсачу новкъа нийсса лелаш верг ву?

ﯶﯷﯸﯹﯺﯻﯼﯽﯾﯿﰀﰁﰂﰃ

67:23 Ахь āла /цаьрга, хIай Мухьаммад/: "Иза ву шу кхиийнарг а‚ шуна лерса а‚ бIаьрса а‚ дегнаш а динарг а. КIеззиг ду-кх аш баркалла олург!"

ﰄﰅﰆﰇﰈﰉﰊﰋﰌ

67:24 Ахь āла: "Иза ву шу лаьттахь даржийнарг‚ Цуьнга гулдийр долуш а ду шу".

ﰍﰎﰏﰐﰑﰒﰓﰔ

67:25 Цара олу: "Маца хир ду и аш бохург, шу бакълуьйш хиллехь?"

ﰕﰖﰗﰘﰙﰚﰛﰜﰝﰞ

67:26 Ахь āла /х1ай элча/: "Iилма Далла гергахь ду‚ ткъа со билгала волу кхерамча ву".

ﭑﭒﭓﭔﭕﭖﭗﭘﭙﭚﭛﭜﭝﭞ

67:27 Иза шайна гича гергахь‚ цатешначеран яххьаш эрчаевлира‚ /цаьрга/ элира /маликаша, бехк боккхуш/: "ХIара ду иза аш /дуьненахь долуш/ ша лоьхуш хилларг!"

ﭟﭠﭡﭢﭣﭤﭥﭦﭧﭨﭩﭪﭫﭬﭭﭮ

67:28 Ахь āла: "Гой шуна‚ со Дала хIаллаквича‚ соьца берш а‚ я Цо тхох къинхетам бича‚ хьан кIелхьарбохур бу цатешнарш лазош долчу Iазапах?"

ﭯﭰﭱﭲﭳﭴﭵﭶﭷﭸﭹﭺﭻﭼﭽ

67:29 Ахь āла: "Иза ву сов къинхетаме волу Дела‚ Цуьнга ийман диллина оха‚ Цунна тIе а тевжина. ТIаьхьа хуур ду шуна‚ мила ву ган а гуш долчу тиларчохь".

ﭾﭿﮀﮁﮂﮃﮄﮅﮆﮇﮈ

67:30 Ахь āла: "Гой шуна‚ и шун хи 1уьйренца лекъча‚ хьан лур ду шуна оьхуш долу хьастан хи?"

Делера Куръан

Wednesday, September 9, 2026

Don't forget us in your sincere prayers