സൂറ അസ്-സുമർ ആയത്ത് 22 - വായിക്കുക, കേൾക്കൂ, വിവർത്തനം, മലയാളം : അപ്പോള്‍ ഏതൊരാളുടെ ഹൃദയത്തിന് ഇസ്ലാം സ്വീകരിക്കാന്‍ അല്ലാഹു വിശാലത നല്‍കുകയും അങ്ങനെ അവന്‍…

അസ്-സുമർ · 22/75

വിവർത്തനം ലിപ്യന്തരണം — സൂറ അസ്-സുമർ

أَفَمَن شَرَحَ اللَّهُ صَدْرَهُ لِلْإِسْلَامِ فَهُوَ عَلَىٰ نُورٍ مِّن رَّبِّهِ ۚ فَوَيْلٌ لِّلْقَاسِيَةِ قُلُوبُهُم مِّن ذِكْرِ اللَّهِ ۚ أُولَٰئِكَ فِي ضَلَالٍ مُّبِينٍ ۝٢٢

🔤 Transliteration

Afaman sharahal laahu sadrahoo lil Islaami fahuwa `alaa noorim mir Rabbih; fa wailul lilqaasiyati quloobuhum min zikril laah; ulaaa`ika fee dalaalim mubeen

📖 വിവർത്തനം (മലയാളത്തിൽ)

📖 മലയാളത്തിൽ

അപ്പോള്‍ ഏതൊരാളുടെ ഹൃദയത്തിന് ഇസ്ലാം സ്വീകരിക്കാന്‍ അല്ലാഹു വിശാലത നല്‍കുകയും അങ്ങനെ അവന്‍ തന്‍റെ രക്ഷിതാവിങ്കല്‍ നിന്നുള്ള പ്രകാശത്തിലായിരിക്കുകയും ചെയ്തുവോ (അവന്‍ ഹൃദയം കടുത്തുപോയവനെപ്പേലെയാണോ?) എന്നാല്‍ അല്ലാഹുവിന്‍റെ സ്മരണയില്‍ നിന്ന് അകന്ന് ഹൃദയങ്ങള്‍ കടുത്തുപോയവര്‍ക്കാകുന്നു നാശം. അത്തരക്കാര്‍ വ്യക്തമായ ദുര്‍മാര്‍ഗത്തിലത്രെ.

🌐 Additional reference in தமிழ்

📖 Ayah 📜 Tafsir 📚 Al-Waseet 🔤 Ayah (I'rab)

0:00

📜

വിവർത്തനം — Tafsir

പദാർത്ഥങ്ങൾ:

شَرَحَ - വിശാലമാക്കുക, തുറന്നുകൊടുക്കുക
صَدْرَهُ - അവന്റെ ഹൃദയം/മനസ്സ്
نُورٍ - പ്രകാശം, വെളിച്ചം
الْقَاسِيَةِ - കഠിനമായ, പാറപോലെ കടുത്ത
ضَلَالٍ مُبِينٍ - വ്യക്തമായ വഴികേട്

വ്യാഖ്യാനം:

അല്ലാഹു ഒരാളുടെ ഹൃദയത്തെ ഇസ്ലാമിനായി വിശാലമാക്കുകയും, അയാൾ അത് സ്വീകരിച്ച് അതിലേക്ക് തിരിയുകയും ചെയ്താൽ, അയാൾ തന്റെ രക്ഷിതാവിൽ നിന്നുള്ള പ്രകാശത്തിലും വ്യക്തമായ ഉൾക്കാഴ്ചയിലുമാണ്. അത്തരക്കാർക്ക് തങ്ങളുടെ രക്ഷിതാവിനെക്കുറിച്ച് പൂർണ്ണമായ ബോധ്യവും സത്യത്തെക്കുറിച്ചുള്ള വ്യക്തമായ കാഴ്ചപ്പാടും ഉണ്ടായിരിക്കും. എന്നാൽ അല്ലാഹുവിന്റെ സ്മരണയിൽ നിന്ന് മുഖം തിരിക്കുകയും, അവന്റെ വചനങ്ങൾ കേൾക്കുമ്പോൾ ഹൃദയങ്ങൾ കഠിനമാവുകയും ചെയ്യുന്നവരുമായി ഇവർ ഒരിക്കലും തുല്യരാവുകയില്ല. അല്ലാഹുവിന്റെ സ്മരണയിൽ നിന്ന് ഹൃദയങ്ങൾ കഠിനമായവർക്ക് നാശവും നിർഭാഗ്യവുമാണുള്ളത്. അവർ സത്യത്തിൽ നിന്ന് വ്യക്തമായ വഴികേടിലാണ്. അവരുടെ വഴികേട് ഒരു സംശയത്തിനും ഇടയില്ലാത്തവിധം വ്യക്തവും പ്രകടവുമാണ്.

പാഠങ്ങളും പ്രയോജനങ്ങളും:

അല്ലാഹു തന്റെ ദാസന്റെ ഹൃദയം ഇസ്ലാമിനായി വിശാലമാക്കുന്നത് അവനോടുള്ള മഹത്തായ അനുഗ്രഹമാണ്. ഇസ്ലാം സ്വീകരിക്കാനും അതനുസരിച്ച് ജീവിക്കാനുമുള്ള മനസ്സിന്റെ തുറവി ലഭിക്കുന്നത് അല്ലാഹുവിന്റെ കൃപകൊണ്ട് മാത്രമാണ്.
സത്യം സ്വീകരിച്ച് അതിന്റെ വെളിച്ചത്തിൽ ജീവിക്കുന്നവരും, അത് നിരസിച്ച് ഹൃദയം കഠിനമാക്കിയവരും ഒരിക്കലും തുല്യരല്ല. സത്യവിശ്വാസിയുടെ ജീവിതം പ്രകാശത്തിലും സമാധാനത്തിലുമാണ്.
അല്ലാഹുവിന്റെ സ്മരണയിൽ നിന്ന് അകന്നുനിൽക്കുന്നത് ഹൃദയത്തെ കഠിനമാക്കുന്നു. ഖുർആൻ പാരായണവും ദിക്റും ഹൃദയത്തെ മൃദുലമാക്കുകയും അല്ലാഹുവിലേക്ക് അടുപ്പിക്കുകയും ചെയ്യുന്നു.
വഴികേട് ചിലപ്പോൾ വ്യക്തവും പ്രകടവുമായിരിക്കും. അല്ലാഹുവിന്റെ വചനങ്ങളോട് പ്രതികരിക്കാതിരിക്കുകയും അവയെ അവഗണിക്കുകയും ചെയ്യുന്നത് മനുഷ്യനെ ഏറ്റവും വ്യക്തമായ വഴികേടിലേക്ക് നയിക്കുന്നു.
ഹൃദയത്തിന്റെ വൈശാല്യവും സമാധാനവും ലഭിക്കാൻ അല്ലാഹുവിനോട് പ്രാർത്ഥിക്കുകയും, അവന്റെ സ്മരണയിൽ ജീവിക്കാൻ ശ്രമിക്കുകയും ചെയ്യേണ്ടത് അനിവാര്യമാണ്.

📜 ആയത്ത് 20-24 — സൂറ അസ്-സുമർ

20لَٰكِنِ الَّذِينَ اتَّقَوْا رَبَّهُمْ لَهُمْ غُرَفٌ مِّن فَوْقِهَا غُرَفٌ مَّبْنِيَّةٌ تَجْرِي مِن تَحْتِهَا الْأَنْهَارُ ۖ وَعْدَ اللَّهِ ۖ لَا يُخْلِفُ اللَّهُ الْمِيعَادَ

പക്ഷെ, തങ്ങളുടെ രക്ഷിതാവിനെ സൂക്ഷിച്ച് ജീവിച്ചവരാരോ അവര്‍ക്കാണ് മേല്‍ക്കുമേല്‍ തട്ടുകളായി നിര്‍മിക്കപ്പെട്ടിട്ടുള്ള മണിമേടകളുള്ളത്‌. അവയുടെ താഴ്ഭാഗത്തു കൂടി അരുവികള്‍ ഒഴുകികൊണ്ടിരിക്കുന്നു. അല്ലാഹുവിന്‍റെ വാഗ്ദാനമത്രെ അത്‌. അല്ലാഹു വാഗ്ദാനം ലംഘിക്കുകയില്ല.

21أَلَمْ تَرَ أَنَّ اللَّهَ أَنزَلَ مِنَ السَّمَاءِ مَاءً فَسَلَكَهُ يَنَابِيعَ فِي الْأَرْضِ ثُمَّ يُخْرِجُ بِهِ زَرْعًا مُّخْتَلِفًا أَلْوَانُهُ ثُمَّ يَهِيجُ فَتَرَاهُ مُصْفَرًّا ثُمَّ يَجْعَلُهُ حُطَامًا ۚ إِنَّ فِي ذَٰلِكَ لَذِكْرَىٰ لِأُولِي الْأَلْبَابِ

നീ കണ്ടില്ലേ, അല്ലാഹു ആകാശത്തു നിന്ന് വെള്ളം ചൊരിഞ്ഞു. എന്നിട്ട് ഭൂമിയിലെ ഉറവിടങ്ങളില്‍ അതവന്‍ പ്രവേശിപ്പിച്ചു. അനന്തരം അത് മുഖേന വ്യത്യസ്ത വര്‍ണങ്ങളിലുള്ള വിള അവന്‍ ഉല്‍പാദിപ്പിക്കുന്നു. പിന്നെ അത് ഉണങ്ങിപോകുന്നു. അപ്പോള്‍ അത് മഞ്ഞനിറം പൂണ്ടതായി നിനക്ക് കാണാം. പിന്നീട് അവന്‍ അതിനെ വൈക്കോല്‍ തുരുമ്പാക്കുന്നു. തീര്‍ച്ചയായും അതില്‍ ബുദ്ധിമാന്‍മാര്‍ക്ക് ഒരു ഗുണപാഠമുണ്ട്‌.

22أَفَمَن شَرَحَ اللَّهُ صَدْرَهُ لِلْإِسْلَامِ فَهُوَ عَلَىٰ نُورٍ مِّن رَّبِّهِ ۚ فَوَيْلٌ لِّلْقَاسِيَةِ قُلُوبُهُم مِّن ذِكْرِ اللَّهِ ۚ أُولَٰئِكَ فِي ضَلَالٍ مُّبِينٍ

23اللَّهُ نَزَّلَ أَحْسَنَ الْحَدِيثِ كِتَابًا مُّتَشَابِهًا مَّثَانِيَ تَقْشَعِرُّ مِنْهُ جُلُودُ الَّذِينَ يَخْشَوْنَ رَبَّهُمْ ثُمَّ تَلِينُ جُلُودُهُمْ وَقُلُوبُهُمْ إِلَىٰ ذِكْرِ اللَّهِ ۚ ذَٰلِكَ هُدَى اللَّهِ يَهْدِي بِهِ مَن يَشَاءُ ۚ وَمَن يُضْلِلِ اللَّهُ فَمَا لَهُ مِنْ هَادٍ

അല്ലാഹുവാണ് ഏറ്റവും ഉത്തമമായ വര്‍ത്തമാനം അവതരിപ്പിച്ചിരിക്കുന്നത്‌. അഥവാ വചനങ്ങള്‍ക്ക് പരസ്പരം സാമ്യമുള്ളതും ആവര്‍ത്തിക്കപ്പെടുന്ന വചനങ്ങളുള്ളതുമായ ഒരു ഗ്രന്ഥം. തങ്ങളുടെ രക്ഷിതാവിനെ ഭയപ്പെടുന്നവരുടെ ചര്‍മ്മങ്ങള്‍ അതു നിമിത്തം രോമാഞ്ചമണിയുന്നു. പിന്നീട് അവരുടെ ചര്‍മ്മങ്ങളും ഹൃദയങ്ങളും അല്ലാഹുവെ സ്മരിക്കുന്നതിനായി വിനീതമാവുകയും ചെയ്യുന്നു. അതത്രെ അല്ലാഹുവിന്‍റെ മാര്‍ഗദര്‍ശനം. അതുമുഖേന താന്‍ ഉദ്ദേശിക്കുന്നവരെ അവന്‍ നേര്‍വഴിയിലാക്കുന്നു. വല്ലവനെയും അവന്‍ പിഴവിലാക്കുന്ന പക്ഷം അവന് വഴി കാട്ടാന്‍ ആരും തന്നെയില്ല.

24أَفَمَن يَتَّقِي بِوَجْهِهِ سُوءَ الْعَذَابِ يَوْمَ الْقِيَامَةِ ۚ وَقِيلَ لِلظَّالِمِينَ ذُوقُوا مَا كُنتُمْ تَكْسِبُونَ

എന്നാല്‍ ഉയിര്‍ത്തെഴുന്നേല്‍പിന്‍റെ നാളില്‍ കടുത്ത ശിക്ഷയെ സ്വന്തം മുഖം കൊണ്ട് തടുക്കേണ്ടിവരുന്ന ഒരാള്‍ (അന്ന് നിര്‍ഭയനായിരിക്കുന്നവനെ പോലെ ആകുമോ?) നിങ്ങള്‍ സമ്പാദിച്ചു കൊണ്ടിരിക്കുന്നത്‌, നിങ്ങള്‍ ആസ്വദിച്ചു കൊള്ളുക. എന്ന് അക്രമികളോട് പറയപ്പെടുകയും ചെയ്യും.

← ആയത്ത് 21 📖 അസ്-സുമർ ആയത്ത് 23 →

അസ്-സുമർഖുർആൻ സൂചിക

75ആയത്ത്

MeccanRevelation

22ആയത്ത്

വിവർത്തനം — അസ്-സുമർ 22

സൂറ അസ്-സുമർ ആയത്ത് 22 - വായിക്കുക, കേൾക്കൂ, വിവർത്തനം, മലയാളം : അപ്പോള്‍ ഏതൊരാളുടെ ഹൃദയത്തിന് ഇസ്ലാം സ്വീകരിക്കാന്‍ അല്ലാഹു വിശാലത നല്‍കുകയും അങ്ങനെ അവന്‍…

സൂറ ആയത്ത് 22/75 — സൂറ അസ്-സുമർ الزمر (Meccan). വായിക്കുക കേൾക്കൂ വിവർത്തനം (മലയാളം). കേൾക്കൂ: സൂറ അസ്-സുമർ കേൾക്കൂ, സൂറ അസ്-സുമർ വിവർത്തനം, സൂറ അസ്-സുമർ mp3, സൂറ അസ്-സുമർ pdf. ആയത്ത് 20–24. മലയാളത്തിൽ: தமிழ்.