Suuratu An-Nur — Aaya 21

1. Sarɗiiji kelme ɗe ngoni e Aaya nden:

• خُطُوَاتِ الشَّيْطَانِ: Laawol e ɗatal Seyṭaana, woni ko o yamira e ko o sellina.
• الْفَحْشَاءِ: Konngol e golle ɓennduɗe ɗe hakkille jaɓataa.
• الْمُنكَرِ: Kala ko sariya (Shari'a) haɗi.
• زَكَىٰ: Laaɓi, laaɓtiniraa e junuubi.
• يُزَكِّي: O laaɓtinira, O hisna.

1. Firo Aaya nden:

Ko ɗum noddetaa onon gomɗimɓe Alla e Nulaaɗo Makko on, wata on jokku laawi e ɗatal Seyṭaana. Kala mo jokki laawi Seyṭaana, pellet, Seyṭaana no yamira mo golle ɓennduɗe e konngol ɓenndungol e kala ko sariya Alla haɗi. Ko ɗum woni ko o sellinta e nder ɓerɗe yimɓe haa ɓe mbaɗa ko bonɗo.

Sinno wonaa ɓural Alla e yurmeende Makko ɗon e hoore mo'on onon gomɗimɓe ɓen, hay gooto e mo'on laaɓtinaano e junuubi makko haa abada. Kono Alla no laaɓtinira mo O muuyi, O jaɓana mo tuuba makko, O hisna mo e junuubi. Alla ko Nanoowoɗo konngol mon, Annduɗo ko ɓerɗe mon suuɗi e golle mon ɗen fof; hay huunde e mun suuɗaaki Mo, O yoɓitoyay on ɗum.

1. Nafaaji ɗi Aaya nden waajnata:

• Aaya nden no haɗa gomɗimɓe ɓen jokkude laawi Seyṭaana, nden no ɓeɓɓina ɓe e laawol laaɓngol.
• No hollira wonnde Seyṭaana ko ayɗo no sellinta bonɗi e nder ɓerɗe, nden no ɓeɓɓina gomɗimɓe ɓen e reentaade mo.
• No hollira wonnde laaɓtinal e tuuba ko ɓural Alla e yurmeende Makko, wonaa e doole neɗɗo; ɗum noon no ɓeɓɓina gomɗimɓe ɓen ɗaɓɓude yurmeende Alla.
• No hollira wonnde Alla Nanoowoɗo e Annduɗo, nden no ɓeɓɓina gomɗimɓe ɓen e reentaade konngol maɓɓe e golle maɓɓe.
• Aaya nden no hollira yurmeende Alla e gomɗimɓe ɓen, tawde O jaɓanay ɓe tuuba, O laaɓtinirta ɓe, ɗum noon no ɓeɓɓina yimɓe ɓen e naatde e lislaamu e yiɗde Alqur'aana.