Basahin Surah Al-Balad sa Filipino

Surah Al-Balad sa Arabe at Filipino

Basahin ang Surah Al-Balad na may kumpletong salin sa Filipino at audio na babasahin. Salin bawat talata. (20 Talata — مكية). Al-Balad Pakinggan, Al-Balad Salin, Al-Balad mp3, Al-Balad pdf.

Basahin at Pakinggan ang Surah Al-Balad

🎧 Talata

Ayat: —

Repeat: x1

لَا أُقْسِمُ بِهَٰذَا الْبَلَدِ ۝١

📖 Salin Talata 1

Ako ay sumusumpa sa pamamagitan ng Lungsod na ito (ang Makkah)

وَأَنتَ حِلٌّ بِهَٰذَا الْبَلَدِ ۝٢

📖 Salin Talata 2

At ikaw ay isa sa (malayang) mamamayan ng Lungsod na ito

وَوَالِدٍ وَمَا وَلَدَ ۝٣

📖 Salin Talata 3

At sa pamamagitan ng nagsilang ( [o naging ama] , alalaong baga ay si Adan) at ang isinilang ( [o naging anak] , alalaong baga, ang kanyang naging lahi

لَقَدْ خَلَقْنَا الْإِنسَانَ فِي كَبَدٍ ۝٤

📖 Salin Talata 4

Katotohanang Aming nilikha ang tao sa paggawa at pagsisikap (sa pakikitalad sa buhay)

أَيَحْسَبُ أَن لَّن يَقْدِرَ عَلَيْهِ أَحَدٌ ۝٥

📖 Salin Talata 5

Inaakala ba niya na walang sinuman ang may kakayahan na makakapangyari sa kanya

يَقُولُ أَهْلَكْتُ مَالًا لُّبَدًا ۝٦

📖 Salin Talata 6

At siya ay nagtuturing (sa kapalaluan): “Aking nilustay ang kayamanan sa pagmamalabis!”

أَيَحْسَبُ أَن لَّمْ يَرَهُ أَحَدٌ ۝٧

📖 Salin Talata 7

Inaakala ba niya na walang sinuman ang nakakamatyag sa kaniya

أَلَمْ نَجْعَل لَّهُ عَيْنَيْنِ ۝٨

📖 Salin Talata 8

Hindi baga Namin nilikha ang kanyang dalawang mata

وَلِسَانًا وَشَفَتَيْنِ ۝٩

📖 Salin Talata 9

At ang dila, at dalawang labi

وَهَدَيْنَاهُ النَّجْدَيْنِ ۝١٠

📖 Salin Talata 10

At Aming pinatnubayan siya sa dalawang landas (ng tumpak at mali)

فَلَا اقْتَحَمَ الْعَقَبَةَ ۝١١

📖 Salin Talata 11

Datapuwa’t siya ay hindi nagsumikap na tahakin ang matarik na daan (ng kaligtasan)

وَمَا أَدْرَاكَ مَا الْعَقَبَةُ ۝١٢

📖 Salin Talata 12

At ano nga ba ang ipinapahiwatig ng matarik na daan (ng pag-akyat)

فَكُّ رَقَبَةٍ ۝١٣

📖 Salin Talata 13

(Ito nga): Ang pagpapalaya sa isang leeg (alipin, atbp)

أَوْ إِطْعَامٌ فِي يَوْمٍ ذِي مَسْغَبَةٍ ۝١٤

📖 Salin Talata 14

At pagbibigay ng pagkain sa panahon ng taggutom (at pagdarahop)

يَتِيمًا ذَا مَقْرَبَةٍ ۝١٥

📖 Salin Talata 15

Sa ulila na may kawing ng pagkakamag-anak

أَوْ مِسْكِينًا ذَا مَتْرَبَةٍ ۝١٦

📖 Salin Talata 16

At sa naghihikahos (na lugmok sa kahirapan)

ثُمَّ كَانَ مِنَ الَّذِينَ آمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ ۝١٧

📖 Salin Talata 17

Kung magkagayon, siya ay isa sa mapapabilang sa mga sumasampalataya at nagtatagubilin sa isa’t isa sa pagiging matimtiman at matiyaga, at (gayundin) ay nagtatagubilin sa isa’t isa sa pagiging maawain at bukas ang puso

أُولَٰئِكَ أَصْحَابُ الْمَيْمَنَةِ ۝١٨

📖 Salin Talata 18

Ang kanilang lugar ay nasa Kanang Kamay (ang magsisipanirahan sa Paraiso)

وَالَّذِينَ كَفَرُوا بِآيَاتِنَا هُمْ أَصْحَابُ الْمَشْأَمَةِ ۝١٩

📖 Salin Talata 19

Datapuwa’t sila na hindi sumampalataya sa Aming Ayat (katibayan, kapahayagan, aral, tanda, atbp.), sila nga ang titipunin sa Kaliwang Kamay (ang magsisipanirahan sa Impiyerno)

عَلَيْهِمْ نَارٌ مُّؤْصَدَةٌ ۝٢٠

📖 Salin Talata 20

Sa kanila ang Apoy ay ilulukob nang ganap (alalaong baga, sila ay mababalot ng Apoy na walang anumang singawan, butas o bintana)

← 89 Al-Balad (90/114) 91 →

Basahin Surah Al-Balad sa Filipino – Salin at Audio

90البلد Al-Balad 📚 20 Talata مكية