Surah Ar-Rum Talata 30 - Basahin, Pakinggan, Salin, Filipino : Kaya’t iharap mo (O Muhammad) nang tunay ang iyong mukha…

Ar-Rum · 30/60

Salin Transliterasyon — Surah Ar-Rum

فَأَقِمْ وَجْهَكَ لِلدِّينِ حَنِيفًا ۚ فِطْرَتَ اللَّهِ الَّتِي فَطَرَ النَّاسَ عَلَيْهَا ۚ لَا تَبْدِيلَ لِخَلْقِ اللَّهِ ۚ ذَٰلِكَ الدِّينُ الْقَيِّمُ وَلَٰكِنَّ أَكْثَرَ النَّاسِ لَا يَعْلَمُونَ ۝٣٠

🔤 Transliteration

Fa aqim wajhaka liddeeni Haneefaa; fitratal laahil latee fataran naasa `alaihaa; laa taabdeela likhalqil laah; zaalikad deenul qaiyimu wa laakinna aksaran naasi laa ya`lamoon

📖 Salin (Sa Filipino)

📖 Sa Filipino

Kaya’t iharap mo (O Muhammad) nang tunay ang iyong mukha sa Pananampalatayang dalisay ng Islam at Hanifan (alalaong baga, ang tanging sumamba lamang kay Allah, at sa Fitrah (ang likas na damdamin ng paniniwala sa pagiging tanging Isa ni Allah), na sa pamamagitan nito (Fitrah) ay Kanyang nilikha ang sangkatauhan. Huwag hayaan na magkaroon ng pagbabago sa Khalq-illah (alalaong baga, ang pananampalataya ni Allah, sa Islam at sa Kanyang Kaisahan); ito ang Tuwid na Pananampalataya, datapuwa’t ang karamihan sa mga tao ay walang kaalaman

🌐 Additional reference in Melayu

📖 Ayah 📜 Tafsir 📚 Al-Waseet 🔤 Ayah (I'rab)

🎧 Pakinggan

📜

Salin — Tafsir

Mga Kahulugan ng mga Salita:

فَأَقِمْ وَجْهَكَ – Ituon ang iyong sarili at maging matatag sa layunin.
حَنِيفًا – Nakahilig palayo sa lahat ng maling pananampalataya tungo sa tunay na relihiyon.
فِطْرَةَ اللهِ – Ang likas na kaayusan na nilikha ng Allah sa mga tao.
لَا تَبْدِيلَ لِخَلْقِ اللهِ – Walang pagbabago sa likas na pagkakalikha ng Allah; ito ay babala laban sa pagpapalit ng relihiyon ng Allah.
الدِّينُ الْقَيِّمُ – Ang tuwid at matuwid na relihiyon na walang pagbaluktot.

Paliwanag ng Talata:

O Propeta Muhammad, ituon mo ang iyong sarili at ang iyong mga tagasunod sa relihiyong itinakda ng Allah para sa iyo—ang Islam. Manatili kayong matatag dito, na lumalayo sa lahat ng ibang relihiyong binaluktot o pinalitan. Ito ang likas na pagkakalikha ng Allah sa sangkatauhan: ang pagkilala sa Kanya bilang nag-iisang Diyos at ang pagsamba sa Kanya lamang. Walang sinuman ang makapagpapabago sa likas na kaayusang ito na itinanim ng Allah sa puso ng bawat tao. Ang relihiyong ito—ang Islam—ay ang tuwid na landas na umaakay sa kasiyahan ng Allah at sa Kanyang Paraiso. Subalit ang karamihan sa mga tao ay hindi nakakaalam nito dahil sa kanilang kawalan ng pagmumuni-muni at pag-unawa, kaya't sila ay lumilihis sa ibang mga landas.

Mga Aral na Makukuha:

Ang Islam ay ang relihiyong naaayon sa likas na pagkakalikha ng tao; kaya't sinumang bumabalik sa kanyang likas na kalinisan ay matatagpuan ang katotohanan ng Islam.
Ang pagiging matatag sa relihiyon ay nangangailangan ng taos-pusong pagtuon at paglalayo sa lahat ng maling paniniwala.
Walang sinumang makapagpapabago sa utos ng Allah; ang Kanyang relihiyon ay mananatiling walang pagbabago, at sinumang lumihis dito ay nalalayo sa katotohanan.
Ang kamangmangan ang pangunahing dahilan ng pagkaligaw ng marami; kaya't ang paghahanap ng kaalaman at pagmumuni-muni sa mga tanda ng Allah ay daan tungo sa tamang patnubay.
Ang relihiyong ito ay nagbibigay ng kapanatagan sa puso at kaligayahan sa buhay, sapagkat ito ang landas na itinakda ng Lumikha para sa Kanyang mga nilikha.

📜 Talata 28-32 — Surah Ar-Rum

28ضَرَبَ لَكُم مَّثَلًا مِّنْ أَنفُسِكُمْ ۖ هَل لَّكُم مِّن مَّا مَلَكَتْ أَيْمَانُكُم مِّن شُرَكَاءَ فِي مَا رَزَقْنَاكُمْ فَأَنتُمْ فِيهِ سَوَاءٌ تَخَافُونَهُمْ كَخِيفَتِكُمْ أَنفُسَكُمْ ۚ كَذَٰلِكَ نُفَصِّلُ الْآيَاتِ لِقَوْمٍ يَعْقِلُونَ

Inilantad Niya ang isang talinghaga (paghahambing) mula sa inyong sarili. Mayroon ba kayong mga katambal mula sa mga nakamtan ng inyong kanang kamay (alalaong baga, ang inyong mga alipin), upang maging kahati bilang kapantay sa kayamanan na ipinagkaloob Namin sa inyo? Nangangamba ba kayo sa kanila ng katulad ng pangangamba ninyo sa isa’t isa? Samakatuwid, sa gayon Namin ipinapaliwanag ang mga Tanda sa mga tao na may pang-unawa. [Alalaong baga, paano kayo nag-akibat sa Amin ng mga katambal na Aming nilikha, gayong kayo sa inyong sarili ay hindi tatanggap ng mga katambal ninyo mula sa inyong mga alipin]

29بَلِ اتَّبَعَ الَّذِينَ ظَلَمُوا أَهْوَاءَهُم بِغَيْرِ عِلْمٍ ۖ فَمَن يَهْدِي مَنْ أَضَلَّ اللَّهُ ۖ وَمَا لَهُم مِّن نَّاصِرِينَ

Hindi, ang mga mapaggawa ng kasamaan (ay tangi) lamang na sumusunod sa kanilang sariling pagnanasa, na salat sa karunungan. Kung gayon, sino ang mamamatnubay sa mga tao na hinayaan ni Allah na mapaligaw? Sa kanila, walang sinuman ang makakatulong

30فَأَقِمْ وَجْهَكَ لِلدِّينِ حَنِيفًا ۚ فِطْرَتَ اللَّهِ الَّتِي فَطَرَ النَّاسَ عَلَيْهَا ۚ لَا تَبْدِيلَ لِخَلْقِ اللَّهِ ۚ ذَٰلِكَ الدِّينُ الْقَيِّمُ وَلَٰكِنَّ أَكْثَرَ النَّاسِ لَا يَعْلَمُونَ

31۞ مُنِيبِينَ إِلَيْهِ وَاتَّقُوهُ وَأَقِيمُوا الصَّلَاةَ وَلَا تَكُونُوا مِنَ الْمُشْرِكِينَ

(Mamalagi) kayong lumilingon sa Kanya (lamang) sa pagsisisi at inyong pangambahan Siya at maging masunurin. Magsipagtakda kayo ng palagiang pagdarasal (Iqamat- us-Salah) at huwag kayong mapabilang sa Al-Mushrikun (mga tao na nag-aakibat sa pagsamba sa iba pang diyus- diyosan bukod pa kay Allah, walang pananalig, buhong, tampalasan, walang paniniwala sa Kaisahan ni Allah, atbp)

32مِنَ الَّذِينَ فَرَّقُوا دِينَهُمْ وَكَانُوا شِيَعًا ۖ كُلُّ حِزْبٍ بِمَا لَدَيْهِمْ فَرِحُونَ

At sa mga naghahati-hati sa kanilang Pananampalataya (sa pagkakaroon ng mga iba’t ibang sekta at paglisan sa Kaisahan ni Allah, ang pagdaragdag ng mga bagong bagay [Bid’a] at pagsunod sa kanilang maimbot na hangarin), ang bawat isang sekta ay nangagagalak sa anupamang nasa sa loob (na pinanghahawakan ng kanilang sekta). [Isinalaysay ni Abu Huraira na ang Propeta ay nagsabi: Ang mga Hudyo at Kristiyano ay naghiwa-hiwalay sa pitumpu’t isa o pitumpu’t dalawang pangrelihiyong sekta, at ang pamayanang ito ay mahahati sa pitumpu’t tatlong pangrelihiyong sekta, ang lahat ay nasa Impiyerno, maliban sa isa, at ang isang ito ay ako at ang aking mga kapanalig ay naroroon ngayon, alalaong baga, ang sumusunod sa Qur’an at sa Sunna ng Propeta (mga legal na paraan, kautusan, mga gawa ng pagsamba, pahayag, atbp]

← Talata 29 📖 Ar-Rum Talata 31 →

Ar-RumTalaan ng Quran

60Talata

MeccanRevelation

30Talata

Salin — Ar-Rum 30

Surah Ar-Rum Talata 30 - Basahin, Pakinggan, Salin, Filipino : Kaya’t iharap mo (O Muhammad) nang tunay ang iyong mukha…

Surah Talata 30/60 — Surah Ar-Rum الروم (Meccan). Basahin Pakinggan Salin (Filipino). Pakinggan: Surah Ar-Rum Pakinggan, Surah Ar-Rum Salin, Surah Ar-Rum mp3, Surah Ar-Rum pdf. Talata 28–32. Sa Filipino: Melayu.

📚 Banal na Quran 🎧 Pakinggan mp3 ⬇ mp3