Suuratu Al-A'raf — Aaya 33

1. Sarɗiiji kelme ɗe ngoni e Aaya nden:

• الْفَوَاحِشَ: ko ɓiɗɗi golle bonɗe ɗe ngoŋkiri, hono jina, wuyɓe, ekn.
• مَا ظَهَرَ مِنْهَا وَمَا بَطَنَ: ko feeñi e majje e ko suuɗii.
• الْإِثْمَ: bakkaatu e junuubi.
• الْبَغْيَ: tooñe e townugol e hoore yimɓe.
• سُلْطَانًا: hujja e ɓeyngu.

1. Firo Aaya nden:

Maaku — an Nulaaɗo — e ɓee sirkooɓe: pellet, Joomi am harmini tan ko ɓiɗɗi golle bonɗe ɗe ngoŋkiri, ko feeñi e majje e ko suuɗii. O harmini kadi bakkaatu e junuubi fof, e tooñe e hoore yimɓe ko aldaa e goonga. O harmini kadi nde kafidataɗon e Alla goɗɗum mo ɓeyngu (hujja) jippinaaka e mum. O harmini kadi nde wowloton e hoore Alla ko nganndaaɗon, wano harminagol ko Alla daginiri walla daginagol ko O harmini, e fiyakuuji goɗɗi ɗi nganndaa.

1. Nafaaji ɗi Aaya nden hollata:

• Alla harminii tan ko bonɗi e ko tooña, o harminaani ko moƴƴi e ko newi.
• Goonga e laaɓal ko ɗi ngoni e diina lislaamu, tawde Alla haɗii fenaande e haala ko nganndaa.
• Sirku ko bone mawɗo, tawde Alla haɗii kafidugol e Makko ko aldaa e hujja.
• Diina lislaamu ina reena hakkeeji yimɓe, tawde Alla haɗii tooñe e hoore maɓɓe.
• Nde aɗa ɗooftoo Alla e ko O harmini, aɗa heɓa welu e jam e nder nguurndam maa e laakara.