Suuratu Al-Anfal — Aaya 58

1. Maanaaji kelme ɗe ngoni haa ɓurɗe faaleede e nder ndee aaya:

• "خِيَانَةً": ko woni janfa, walla fenaande e nder ahadi.
• "فَانبِذْ": ko woni woppu walla firlit e maɓɓe ahadi maa.
• "عَلَىٰ سَوَاءٍ": ko woni e dow laawol fotondirngol, tawi an e kamɓe fof on nganndi wonde ahadi ndin gasii.

1. Firo ndee aaya:

Si a hulii, an Nulaaɗo, ɓen yimɓe ɓe a waɗani ahadi nde ɓe ngollata e fenaande walla ɓe firtata ahadi ndin, tawi maande mayre feeñii e maa, nde tawnoo a anndi ɓe ngoonɗinaani, haray anndin ɓe wonde a firlitii ahadi maɓɓe ndin, woppu ɓe e ndin ahadi. Waɗ ɗum tawa an e kamɓe fof on e nder anndal gootal wonde ahadi ndin gasii, wata a yani e maɓɓe jaasi tawa a anndinaani ɓe, sabu yanugol e neɗɗo jaasi tawa anndinaaka mo ko fenaande. Pellet, Alla yiɗaa fenaaɓe ɓen, ɓe firtata ahadi maɓɓe, o añi ɓe. Haray reenta-ɗaa fenaande.

1. Nafaaji ɗi ndee aaya jogitii:

• Ndii aaya no holliri wonde lislaamu ko diina nunɗal e goonga, ngal yamiri wonde neɗɗo wata waɗ fenaande hay e ayɓe mum.
• Nde no anndini wonde Alla yiɗaa fenaaɓe ɓen, ɗum noon ko ɗum haɓɓii e ɓerɗe gollirɓe goonga.
• Nde no janngini wonde e nder jokkondiral hakkunde yimɓe, ko ɓuri moƴƴude ko laaɓal e ɓannginal, wata goɗɗo waɗ huunde e ɓernde mum tawa o anndinaani gollodiiɗo mum.
• Ndii aaya no holliri wonde Alla no reeni jokkondiral e ahadiiji, no haɓɓii e nunɗal, ɗum noon ko ɗum waɗata lislaamu yiɗeede e yimɓe fof.