Сура Аль-Мунафикъун pdf Нохчийн

Сура Аль-Мунафикъун

PDF —

11 Аят Medinan PDF

Built right in your browser — download starts automatically

Сура Аль-Мунафикъун pdf — Дахьа (Нохчийн)

Сура Аль-Мунафикъун pdf Нохчийн — Дахьа Сура Аль-Мунафикъун Гочдар. Аль-Мунафикъун (Medinan) 11 Аят.

← Аль-ДжумугӀаАль-Мунафикъун Ат-Тагъабун →

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сура Аль-Мунафикъун

11 Аят · Medinan · Нохчийн

ﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ

Хьуна тIе мунепикъаш баьхкича, цара элира: "Оха тешалла до: баккъалла а, хьо Делан элча ма ву." Далла хууш ду хьо, баккъалла а, Шен элча вуйла. Дала тешалла до: баккъалла а, и мунепикъаш харцлуьйш ма бу.

ﮣﮤﮥﮦﮧﮨﮩﮪﮫﮬﮭﮮﮯﮰ

Шайн дуйнаш шайна /бусалбанашкара зен ца хилийта/ турс хилла лийцира цара – /иштта/ цара дIатилийна /нах/ Делан некъах. Баккъалла а, ма вон хили-кх цара деш хилларг!

ﮱﯓﯔﯕﯖﯗﯘﯙﯚﯛﯜﯝ

Иза ду цара ийман диллина хиларна тIаккха керстадарна. Церан дегнех мухIар тоьхна – уьш ца кхета.

ﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻ

Хьуна уьш гича, хьо цецвоккху церан догIмаша‚ цара хабар дуьйцуш, ахь ладугIу церан даше. ГIортийна бIогIамаш санна бу уьш (шаьш хIоьттина Iа ца луш). Массо а мохь шайна дуьхьал бу моьтту царна. Уьш мостагIий бу‚ хьо ларлолахь царах. Дала хIаллакбийр бу уьш. Муха генабевлла уьш /ийманах билгалонаш еъначул тIаьхьа/?!

ﭑﭒﭓﭔﭕﭖﭗﭘﭙﭚﭛﭜﭝﭞﭟ

Цаьрга элча: "Схьадуьйла‚ Делан элчано гечдар доьхур ду шуна"‚ шайн кортош хьебо цара. Хьуна гина уьш дIабоьрзуш /ийманах/, шаьш кура а бовлий.

ﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰﭱﭲﭳ

Царна цхьатерра ду: ахь царна гечдар дехча а‚ ца дехча а. Данне а Дала гечдийр дац царна. Баккъалла а, Дала нис ца бо песикъ нах.

ﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅﮆﮇﮈﮉ

Уьш бу олуш: "Харжаш ма йе Делан элчанна гергахь болчарна – дIасабаржийта уьш /Мадинатера/". Делан ю стигалийн а, лаьттан а хазнаш, амма мунепикъаш кхеташ бац-кх.

ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜ

Цара (мунепикъаша) олу: "Тхо Мадинате юхадирзича , сийлахь болчара сийсаза берш арабохур бу цу (Мадината) чуьра". Делан ду сий‚ Цуьнан элчанан а ду‚ муъма нехан а ду‚ делахь а мунепикъашна ца хаьа-кх.

ﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯ

ХIай ийман диллинарш! Шу юкъах ма дохийла шун бахамо а‚ шун доьзало а Дела хьехорах (дийнахь-бусий дечу пхеа ламазах). И деш берш – уьш бу эшнарш.

ﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦ

Харжаш йе /Делан новкъахь/ Оха шайна деллачу рицкъанах шайх цхьанна тIе валар кхачале‚ тIаккха цо олуш: "Веза Дела‚ Ахь со тIаьхьатеттинехьара цхьа кIеззиг заманна, ас сагIа доккхур дара‚ со хир вара дика Iамалш йечарах".

ﯧﯨﯩﯪﯫﯬﯭﯮﯯﯰﯱﯲﯳ

ТIаьхьатоттур дац Дала цхьа а са , цуьнан Iожалла еъча. Дела дика хууш верг ву аш дийриг.

Делера Куръан

Tuesday, August 18, 2026

Don't forget us in your sincere prayers