Сура Аль-Муззаммиль pdf

73:1 ХIай /бедарх/ дIахьаьрчинарг !

73:2 ГIатта буса‚ цхьа кIеззиг /буьйса/ йитий /хьайна садаIа/.

73:3 Цуьнан ах /йита/‚ я цунах цхьа кIеззиг эшае.

73:4 Я тIетоха цунна. Къуръан деша (меллаша, хазачу) дешарца.

73:5 Оха дуьхьалтухур ду хьуна деза дош .

73:6 Баккъалла а, буьйсанан хан еза ю (ламаз дечунна)‚ вунō билгал ю дашца .

73:7 Баккъалла а, хьуна /дан/ дийнахь дехха гIуллакхаш ду (Къуръан деша мукъа ца волу хьо).

73:8 Хьехае хьуо Кхиош-Кхобуш волчун /Делан/ цIе. /Дуьненан гIуллакхех/ хада Цунна (Дала) Iибадат дарца, (дог цIена) хадарца.

73:9 Малхбалин а‚ малхбузен а Кхиош-Кхобург ву Иза‚ вац кхин дела Иза воцург‚ лаца Цунах /хьайна/ векал (тIетовжа гIоьнча).

73:10 Собаре хила цара (Маккин керстанаша) олучунна тIехь‚ бита уьш хазачу кепара. /Дукха бехкаш ца бохуш, цатам ца беш/.

73:11 Вита Со а‚ и шайгахь ниIматаш долу /дин/ харцдеш берш а‚ собар де цаьрца цхьа кIеззиг.

73:12 Баккъалла а, Тхоьгахь буржалш а ду‚ /жоьжахатин/ цIе а ю.

73:13 Лога чохь дуьсур долу даар а ду‚ лазош долу Iазап а ду.

73:14 Оцу /къемат/дийнахь латта а‚ лаьмнаш а дегалур ду‚ лаьмнех хир бу Iенаш болу г1амаран барз.

73:15 Баккъалла а, Оха ваийтина шуьга элча /Мухьаммад/ шуна тIехь теш хилла‚ Оха ФирIавне а элча /Муса/ вахийтарх терра.

73:16 ФирIавн Iеса хилира элчанна – тIаккха Оха иза схьалецира чIогIачу схьалацарца.

73:17 Шу муха к1елхьардовлур ду /хIай къурайшийн тоба/, аш керстаналла дича, ша бераш къежбийр болчу (къемат) дийнах (цуьнан 1азапах)? –

73:18 Стигал этIар ю /оцу дийнан эрчаллах/. Цуьнан (Делан) ваIда кхочушхилла.

73:19 Баккъалла а, хIара хьехам бу. Шена луучо шен Кхиош-Кхобучуьнга некъ схьалоцур бу /цунах/.

73:20 Баккъалла а, хьан Кхиош-Кхобучунна хууш ду хьо буьйсанан кха дèкъан шина дèкъал кIеззиг йолчу заманчохь гIаьттина /Шена Iамал йеш/ вуйла‚ цуьнан ах заманчохь‚ кха дèкъан цхьа дáкъа заманчохь а‚ хьоьца болчарах цхьа тоба ю, /иштта буса гIаьттина, Iамал йеш – иза а хаьа Далла/. Дáла барам бина буьйсанан а‚ дийнан а. Цунна хии шуна /ерриг буьйса я цунах дукхахъерг Iибадат дарца денъян/ мегар доцийла, /хIинца/ гечдина Цо шуна – деша Къуръанах шайна атта дерг /буса/. Цунна (Далла) хии‚ шух хир ву цомгушниг‚ кхиберш лаьттахула бевлла лелаш бу Делан ниIмат лоьхуш (шайна рицкъ тардеш)‚ /цхьа/ кхиберш Делан новкъахь тIом беш бу – деша цунах (Къуръанах) шайна атта дерг. ХIоттаде ламаз‚ д1ало закат‚ аш д1ало Далла хаза декхар /юхалург/. Аш шайна хьалхадаьккхина диканиг шуна иза карор ду Далла гергахь диканиг а‚ сийлахь-еза ял а хилла. Деле гечдар дēха. Баккъалла а, Дела т1ех гечдийриг а ву‚ къинхетаме верг а ву.