Сура Аль-Жинн pdf Нохчийн

PDF —

28 Аят Meccan PDF

Built right in your browser — download starts automatically

Сура Аль-Жинн pdf — Дахьа (Нохчийн)

Сура Аль-Жинн pdf Нохчийн — Дахьа Сура Аль-Жинн Гочдар. Сура Аль-Жинн (Meccan) 28 Аят.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сура Аль-Жинн

28 Аят · Meccan · Нохчийн

ﭑﭒﭓﭔﭕﭖﭗﭘﭙﭚﭛﭜﭝﭞ

72:1 Ахь āла /х1ай элча, хьан къоме/: "Соьга ваьхьица хаийтина: "ЛадуьйгIира /Къуръане/ жинийн цхьана тобано ‚ тIаккха цара элира: "Баккъалла а, тхуна хезира цхьа тамаше дешар !

ﭟﭠﭡﭢﭣﭤﭥﭦﭧﭨﭩ

72:2 Цо (Къуръано) нисво нийсачу новкъа‚ тхо цунах тийшира‚ оха лацанне а лоцур вац тхаьш кхиош-кхобуш волчу Делаца цхьа а накъост.

ﭪﭫﭬﭭﭮﭯﭰﭱﭲﭳ

72:3 Баккъалла а, лакхадели тхо кхиош-кхобуш волчу Делан возалла – ца леци Цо зуда-накъост а‚ доьзалхо а.

ﭴﭵﭶﭷﭸﭹﭺﭻ

72:4 Баккъалла а, хили тхан Iовдалниг олуш Далла тIехь кIорггера харцдерг.

ﭼﭽﭾﭿﮀﮁﮂﮃﮄﮅﮆ

72:5 Тхуна моьттура цкъа а эр дац адамо а‚ жино а Далла тIехь харцдерг.

ﮇﮈﮉﮊﮋﮌﮍﮎﮏﮐﮑﮒ

72:6 Адамийн цхьа божарий бара ларлуш жинийн божаршца (цаьргара гIо лоьцуш) – цара совбехира уьш тиларца (Делан дозанех бовларца).

ﮓﮔﮕﮖﮗﮘﮙﮚﮛﮜ

72:7 Баккъалла а, царна моьттура шуна моьттуш хилларг: "Цкъа а Дала цхьа а денвийр вац"‚ – аьлла.

ﮝﮞﮟﮠﮡﮢﮣﮤﮥ

72:8 /Жинаша элира/: "Тхо хьакхаделира стигалах‚ тхуна иза карийра нуьцкъалчу гIаролех‚ цIе тухучу седарчех юьззина.

ﮦﮧﮨﮩﮪﮫﮬﮭﮮﮯﮰﮱﯓﯔ

72:9 Тхо хилира цигахь охьахууш ладогIаран охьахаарна. ЛадугIуш волчунна хIинца карор шена кIело йина Iаш болу цIе туху седа.

ﯕﯖﯗﯘﯙﯚﯛﯜﯝﯞﯟﯠﯡﯢ

72:10 Тхуна хаац‚ вониг лууш ду лаьттахь болчарна я уьш кхиош-кхобуш волу Дела царна нийса некъ лууш ву.

ﯣﯤﯥﯦﯧﯨﯩﯪﯫﯬﯭ

72:11 Тхох диканаш а ду‚ тхох уьш доцурш а ду‚ тхо хилира тайп-тайпана некъенаш.

ﯮﯯﯰﯱﯲﯳﯴﯵﯶﯷﯸﯹ

72:12 Тхуна хиира: тхан цкъа а ницкъ кхочур бац Дела (-н омранах довла) лаьттахь а‚ тхан цкъа а ницкъ кхочур бац девдда кIелхьардовла а.

ﯺﯻﯼﯽﯾﯿﰀﰁﰂﰃﰄﰅﰆﰇﰈﰉ

72:13 Тхуна нийса некъ (Къуръан) хезча‚ тхо Цунах (Делах) тийшира. Ша кхиош-кхобуш волчу шен Делах тешаш верг – кхоьрур вац шен мела эшарх а‚ зулам хиларх а /къа сов даьлла/.

ﭑﭒﭓﭔﭕﭖﭗﭘﭙﭚﭛﭜ

72:14 Баккъалла а, тхох /Далла/ муьт1ахь дерш а ду‚ тхох /бакъдолчух/ дIадирзинарш а ду. Ткъа шаьш /Далла/ муьт1ахь хилларш – дикачунна тIе /нийсачу новкъа/ нисбелла.

ﭝﭞﭟﭠﭡﭢ

72:15 Амма бакъболчу некъах дIабирзинарш – царах хили жоьжахатина ягориг".

ﭣﭤﭥﭦﭧﭨﭩﭪ

72:16 Уьш нисбеллехьара /исламан/ новкъа, Оха малор дара царна шортта хи (оьшучу хенахь шортта догIа доуьйтур дара Оха царна)‚

ﭫﭬﭭﭮﭯﭰﭱﭲﭳﭴﭵﭶ

72:17 Цуьнца уьш зерхьама. Ша кхиош-кхобуш волу шен Дела хьехорах дIавоьрзуш верг – Цо вохуьйтур ву и лан хала долчу Iазапа чу.

ﭷﭸﭹﭺﭻﭼﭽﭾﭿ

72:18 Баккъалла а, маьждигаш Делан ду – аш ма кхайкха Делаца цхьа а!

ﮀﮁﮂﮃﮄﮅﮆﮇﮈﮉﮊ

72:19 Баккъалла а, Делан лай (Мухьаммад) д1ахIоьттича Цуьнга кхойкхуш, уьш (бусалба жинаш) дисира, тIеттIа цунна тIе гулделла /ладогIа лууш/.

ﮋﮌﮍﮎﮏﮐﮑﮒﮓ

72:20 Ахь āла /цу керстанашка, хIай Мухьаммад/: "Баккъалла а, ас кхойкху со кхиош-кхобуш волчу сайн Деле‚ Цуьнца цхьа а накъост ца лоцу ас".

ﮔﮕﮖﮗﮘﮙﮚﮛﮜ

72:21 Ахь āла: "Баккъалла а, со вац сан долахь шуна зен долуш‚ нийса некъ болуш а".

ﮝﮞﮟﮠﮡﮢﮣﮤﮥﮦﮧﮨﮩ

72:22 Ахь āла /х1ай элча/: "Баккъалла а, со Делах ларор вац цхьаммо а‚ суна карор яц Иза воцург вада меттиг.

ﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜ

72:23 Делера дерг а‚ Цуьнан элчаналлин дерг а дIакхачор бен /нахе дац суна тIехь/. Далла а‚ Цуьнан элчанна а Iесалла еш верг – баккъалла а, цунна жоьжахатин цIе хир ю‚ уьш цу чохь гуттар лаьтташ.

ﯝﯞﯟﯠﯡﯢﯣﯤﯥﯦﯧﯨ

72:24 Шайна хир ду аьлла ваIда йинарг галлалц – тIаккха хуур ду царна‚ мила ву вунō ледара гIоьнчий хиларца‚ вунō кIезиг ницкъ хиларца.

ﯩﯪﯫﯬﯭﯮﯯﯰﯱﯲﯳﯴ

72:25 Ахь āла /цу мушрикашка, х1ай элча/: "Суна хаац‚ герга ду и шуна хир ду аьлла ваIда йинарг, я со кхиош-кхобуш волчу сан Дала цунна хан тоьхна‚

ﯵﯶﯷﯸﯹﯺﯻﯼ

72:26 къайле хуург /ву Иза/‚ Цо ца кхиаво Шен къайленна тIе цхьа а,

ﯽﯾﯿﰀﰁﰂﰃﰄﰅﰆﰇﰈﰉﰊ

72:27 элчанех Ша /шена/ резахилларг воцург . Т1аккха, баккъалла а, Цо лоьлуьйту элчанна хьалхахула а‚ тIехьахула а /иза жинех а, шайт1анан васвасаллах а Iалашвеш маликийн/ тергаман тоба.

ﰋﰌﰍﰎﰏﰐﰑﰒﰓﰔﰕﰖﰗﰘ

72:28 Шена (элчанна) хаийта цара (хьалха хиллачу) элчанаша) дIакхачийна дуйла шаьш кхиош-кхобуш волчу шайн Делан элчаналла. Цаьргахь дерг кхоччуш хууш ву Иза‚ хIор хIума дагарйина Цо барамца".

Делера Куръан

Wednesday, September 9, 2026

Don't forget us in your sincere prayers