Surah Ar-Ra'd Talata 4 - Basahin, Pakinggan, Salin, Filipino : At sa kalupaan ay may magkakadatig na malawak na landas,…

Ar-Ra'd · 4/43

Salin Transliterasyon — Surah Ar-Ra'd

وَفِي الْأَرْضِ قِطَعٌ مُّتَجَاوِرَاتٌ وَجَنَّاتٌ مِّنْ أَعْنَابٍ وَزَرْعٌ وَنَخِيلٌ صِنْوَانٌ وَغَيْرُ صِنْوَانٍ يُسْقَىٰ بِمَاءٍ وَاحِدٍ وَنُفَضِّلُ بَعْضَهَا عَلَىٰ بَعْضٍ فِي الْأُكُلِ ۚ إِنَّ فِي ذَٰلِكَ لَآيَاتٍ لِّقَوْمٍ يَعْقِلُونَ ۝٤

🔤 Transliteration

Wa fil ardi qita`um muta jaawiraatunw wa jannaatum min a`naabinw wa zar`unw wa nakheelun sinwaanunw wa ghairu sinwaaniny yusqaa bimaaa`inw waahid; wa nufaddilu ba`dahaa `alaa ba`din fil-ukul; inna fee zaalika la aayaatil liqawminy ya`qiloon

📖 Salin (Sa Filipino)

📖 Sa Filipino

At sa kalupaan ay may magkakadatig na malawak na landas, at mga halamanan na nagsisigapang, at mga bukiring natatamnan ng mais, at mga palmera, na sumisibol sa dalawa o tatlo mula sa isang punong ugat o isang sibol sa iisang ugat, na dinidiligan ng magkatulad (o parehong) tubig, magkagayunman, ang iba sa kanila ay ginawa Naming higit na mainam na kainin kaysa iba. Katotohanan, sa ganitong mga bagay ay may Ayat (mga tanda, aral, kapahayagan, katibayan, atbp.) sa mga tao na nakakaunawa

🌐 Additional reference in Melayu

📖 Ayah 📜 Tafsir 📚 Al-Waseet 🔤 Ayah (I'rab)

🎧 Pakinggan

📜

Salin — Tafsir

Mga Kahulugan ng mga Salita:

Qita'un mutajawirat – mga kapirasong lupa na magkakatabi o magkakalapit.
Jannat – mga hardin o taniman.
S'inwan – mga puno ng palma na nagmumula sa iisang ugat.
Ghairu sinwan – mga puno ng palma na hiwalay ang bawat ugat.
Al-ukul – bunga o ani.

Paliwanag ng Talata:

Sa mundong ito, may mga kapirasong lupa na magkakatabi—ang ilan ay mataba at nagbibigay ng kapaki-pakinabang na pananim, samantalang ang iba ay maalat o baog na walang tumutubo. Sa matabang lupain, may mga hardin ng ubas, mga pananim na iba-iba, at mga puno ng palma: ang ilan ay magkakasama sa iisang ugat, at ang iba naman ay hiwalay. Lahat ng ito ay dinidiligan ng iisang tubig, ngunit sa kabila ng pagkakapareho ng lupa at tubig, pinag-iba namin ang kanilang bunga—sa lasa, kulay, laki, at hugis. Ang ilan ay matamis, ang iba ay maasim; ang ilan ay mas masarap kaysa sa iba. Tunay na sa mga ito ay may mga tanda at patunay ng kapangyarihan ng Diyos, para sa mga taong gumagamit ng kanilang isipan upang magmuni-muni at makaunawa sa Kanyang mga aral.

Mga Aral at Benepisyo:

Ang pagkakaiba-iba ng mga lupa, halaman, at bunga sa kabila ng iisang tubig at lupa ay malinaw na ebidensya ng walang limitasyong kapangyarihan ng Diyos na lumikha at magbigay ng kaayusan sa lahat ng bagay.
Ang talatang ito ay nag-aanyaya sa tao na magnilay sa kalikasan, sapagkat ang tunay na karunungan ay nakakamit sa pamamagitan ng paggamit ng isip upang makilala ang Dakilang Lumikha.
Ang pagkakaiba-iba ng mga bunga ay nagpapaalala sa atin na ang Diyos ay may karunungan sa Kanyang nilikha; hindi lahat ay magkakatulad, at ito ay tanda ng Kanyang perpektong disenyo.
Ang pagmumuni-muni sa mga likha ng Diyos ay nagpapalalim ng pananampalataya at nagtuturo sa tao na magpasalamat sa mga biyayang ipinagkaloob, at magtiwala sa Kanyang katarungan at awa.

📜 Talata 2-6 — Surah Ar-Ra'd

2اللَّهُ الَّذِي رَفَعَ السَّمَاوَاتِ بِغَيْرِ عَمَدٍ تَرَوْنَهَا ۖ ثُمَّ اسْتَوَىٰ عَلَى الْعَرْشِ ۖ وَسَخَّرَ الشَّمْسَ وَالْقَمَرَ ۖ كُلٌّ يَجْرِي لِأَجَلٍ مُّسَمًّى ۚ يُدَبِّرُ الْأَمْرَ يُفَصِّلُ الْآيَاتِ لَعَلَّكُم بِلِقَاءِ رَبِّكُمْ تُوقِنُونَ

Si Allah ang Siyang nagtaas sa kalangitan na wala ni anumang haligi kayong mapagmamalas. At pagkatapos, Siya ay nag-istawa (pumaibabaw) sa Luklukan (sa paraang naaangkop sa Kanyang Kamahalan, at hindi literal na Siya ay pisikal na nakaupo na tulad ng mga nilikha). Ipinailalim Niya (sa Kanyang pag-uutos) ang araw at buwan (upang magpatuloy na umiinog)! Ang bawat isa ay tumatakbo sa (kanyang daan) sa natatakdaang panahon. Siya ang namamahala sa lahat ng bagay-bagay (pangyayari), na nagpapaliwanag sa Ayat (mga tanda, katibayan, kapahayagan, aral, atbp.) sa masusing paraan, upang kayo ay manampalataya ng may katiyakan sa pakikipagtipan ninyo sa inyong Panginoon

3وَهُوَ الَّذِي مَدَّ الْأَرْضَ وَجَعَلَ فِيهَا رَوَاسِيَ وَأَنْهَارًا ۖ وَمِن كُلِّ الثَّمَرَاتِ جَعَلَ فِيهَا زَوْجَيْنِ اثْنَيْنِ ۖ يُغْشِي اللَّيْلَ النَّهَارَ ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ

At Siya ang naglatag ng sangkalupaan at naglagay dito ng matatatag na mga bundok, at mga ilog, at lahat ng uri ng bungangkahoy. Lumikha Siya ng Zawjain (lahat ng uri na magkapares, o dalawang uri na magkaiba, tulad ng itim at puti, matamis at maasim, maliit at malaki, atbp.). Nilikha Niya ang gabi upang pangkanlong sa araw (maghapon). Katotohanan, sa ganitong mga bagay ay may Ayat (mga tanda, aral, kapahayagan, katibayan, atbp.) sa mga tao na nagmumuni-muni

4وَفِي الْأَرْضِ قِطَعٌ مُّتَجَاوِرَاتٌ وَجَنَّاتٌ مِّنْ أَعْنَابٍ وَزَرْعٌ وَنَخِيلٌ صِنْوَانٌ وَغَيْرُ صِنْوَانٍ يُسْقَىٰ بِمَاءٍ وَاحِدٍ وَنُفَضِّلُ بَعْضَهَا عَلَىٰ بَعْضٍ فِي الْأُكُلِ ۚ إِنَّ فِي ذَٰلِكَ لَآيَاتٍ لِّقَوْمٍ يَعْقِلُونَ

5۞ وَإِن تَعْجَبْ فَعَجَبٌ قَوْلُهُمْ أَإِذَا كُنَّا تُرَابًا أَإِنَّا لَفِي خَلْقٍ جَدِيدٍ ۗ أُولَٰئِكَ الَّذِينَ كَفَرُوا بِرَبِّهِمْ ۖ وَأُولَٰئِكَ الْأَغْلَالُ فِي أَعْنَاقِهِمْ ۖ وَأُولَٰئِكَ أَصْحَابُ النَّارِ ۖ هُمْ فِيهَا خَالِدُونَ

At kung ikaw (o Muhammad) ay nanggigilalas (sa kahungkagan ng paniniwala ng mga mapagsamba sa diyus- diyosan, na nagtatakwil sa mensahe ng Kaisahan ni Allah at sa Islam, at nagturing sa mga iba sa pagsamba maliban pa kay Allah), kung gayon, higit na kataka-taka ang kanilang sinasabi: “Kung kami ba ay maging alabok na, katotohanang bang kami ay bubuhaying muli sa bagong (ibang) paglikha?” Sila nga ang hindi sumasampalataya sa kanilang Panginoon! Sila nga ang magkakaroon ng kadenang bakal na tatali sa kanilang mga kamay at nakakabit sa kanilang leeg. Sila ang magsisipanirahan sa Apoy upang manatili rito magpakailanman

6وَيَسْتَعْجِلُونَكَ بِالسَّيِّئَةِ قَبْلَ الْحَسَنَةِ وَقَدْ خَلَتْ مِن قَبْلِهِمُ الْمَثُلَاتُ ۗ وَإِنَّ رَبَّكَ لَذُو مَغْفِرَةٍ لِّلنَّاسِ عَلَىٰ ظُلْمِهِمْ ۖ وَإِنَّ رَبَّكَ لَشَدِيدُ الْعِقَابِ

Sila ay nagtatanong sa iyo na madaliin ang kasamaan bago ang kabutihan, kahit na ang mga babalang parusa ay tunay na sumapit na sa kanila. Datapuwa’t katotohanan, ang iyong Panginoon ay Puspos ng Pagpapatawad sa sangkatauhan kahima’t sila ay mapaggawa ng kamalian. At katotohanan, ang iyong Panginoon ay Mahigpit (din) sa pagpaparusa

← Talata 3 📖 Ar-Ra'd Talata 5 →

Ar-Ra'dTalaan ng Quran

43Talata

MedinanRevelation

4Talata

Salin — Ar-Ra'd 4

Surah Ar-Ra'd Talata 4 - Basahin, Pakinggan, Salin, Filipino : At sa kalupaan ay may magkakadatig na malawak na landas,…

Surah Talata 4/43 — Surah Ar-Ra'd الرعد (Medinan). Basahin Pakinggan Salin (Filipino). Pakinggan: Surah Ar-Ra'd Pakinggan, Surah Ar-Ra'd Salin, Surah Ar-Ra'd mp3, Surah Ar-Ra'd pdf. Talata 2–6. Sa Filipino: Melayu.