Suuratu Al-Isra — Aaya 12

1. Sifaaji konngooji ɗi ngoni haɗa e faamde:

• آيَتَيْنِ (aayaatayn): ma'ana maandeeji ɗiɗi walla dalillaaji ɗiɗi.
• فَمَحَوْنَا (fa maḥawnaa): men momti walla men itti nyifaa.
• مُبْصِرَةً (mubṣirah): ɓanngunde walla ndayndu e yiygol.
• لِتَبْتَغُوا (litabtaghuu): fii yo on ɗaɓɓu walla on waaɗu.
• فَضْلًا (faḍlan): ɓural walla arsike.
• عَدَدَ السِّنِينَ (ʿadada as-siniin): limoore duuɓi.
• الْحِسَابَ (al-ḥisaab): hasaawa walla limoore.
• فَصَّلْنَاهُ تَفْصِيلًا (faṣṣalnaahu tafṣiilan): men ɓanngini ɗum ɓannginagol laaɓtungol.

1. Firo aaya nden:

Alla taguɗo kala huunde waɗii jemma e ñalawma ɗiɗi maandeeji ɗi ngoni dalillaaji e dow gootum Alla e baawɗe Makko. No ɗi ceerori e juutgol e raɓɓondirgol e ɓuuɓgol e ɓowgol. O waɗi jemma ɗam niɓɓiɗam fii yo yimɓe ɓe fooɗa e ɗam, ɓe ɗaana, ɓe wele. O waɗi ñalawma ɗam ɓannguɗam e yaynagol fii yo yimɓe ɓe yiy e ɗam, ɓe ɗaɓɓu arsike mo Joomi maɓɓe totta e ɓural Makko, ɓe gollu golle maɓɓe. E fii yo ɓe anndu limoore duuɓi e hasaawa lebbi e balɗe e waktuuji, sabu lomlondirgol jemma e ñalawma. Kala huunde Alla ɓannginii ɗum ɓannginagol laaɓtungol, fii yo goonga seera e meere, kala huunde nde anndee no haaniri.

1. Nafaaji ɗi aaya nden hollata:

• Aaya nden no hollu wonnde Alla ko Gooto, baawɗo kala huunde, sabu no O tagiri jemma e ñalawma e ceerol maɓɓe ngal.
• No hollu wonnde Alla no newi yimɓe ɓe, O waɗanii ɓe jemma fii fooɗgol e ñalawma fii gollal, ɗum ko yurmeende e ɓural Makko.
• No hollu wonnde lomlondirgol jemma e ñalawma ko sabu anndugol limoore duuɓi e hasaawa waktuuji, ɗum no newna nguurndam yimɓe.
• No hollu wonnde Alla ɓannginii kala huunde ɓannginagol laaɓtungol, ɗum no newna faamde diina e aduna.
• Aaya nden no rewa ɓerɗe yimɓe e lislaamu e Alqur'aana, sabu no hollu wonnde Alla no teddinaa e kala huunde, O newi yimɓe ɓe e kala fannu nguurndam maɓɓe.