စူရာ အဇ်-ဇုမား — အာယာသ် 41

၁။ အာယသ်တော်တွင် ရှင်းလင်းရန် လိုအပ်သော ဝေါဟာရများ

• الْكِتَابَ (အလ်ကီတာဗ်) — ကျမ်းတော်၊ ဤနေရာတွင် ကုရ်အာန်ကျမ်းတော်ကို ဆိုလိုသည်။
• بِالْحَقِّ (ဗိလ်ဟက္က်) — အမှန်တရားနှင့်တကွ၊ မှန်ကန်သောအားဖြင့်။
• اهْتَدَىٰ (အ့ဟ်သဒါ) — တရားလမ်းမှန်ကို ရရှိခဲ့သည်။
• ضَلَّ (ဒလ္လ) — လမ်းမှားသို့ ရောက်ခဲ့သည်၊ လမ်းလွဲခဲ့သည်။
• وَكِيلٍ (ဝကီလ်) — အာမခံသူ၊ တာဝန်ခံသူ၊ အတင်းအကြပ် ထိန်းချုပ်သူ။

၂။ အာယသ်တော်၏ အဓိပ္ပာယ် ရှင်းလင်းချက်

ဧကန်စင်စစ် ငါအရှင်မြတ်သည် အသင် (တမန်တော်မုဟမ္မဒ်) အပေါ်သို့ ဤကုရ်အာန်ကျမ်းတော်ကို လူသားအားလုံးအတွက် အမှန်တရားနှင့်တကွ ချမှတ်ပေးအပ်တော်မူခဲ့သည်။ ဤကျမ်းတော်သည် လူသားတို့အား မှန်ကန်သောလမ်းစဉ်သို့ ပို့ဆောင်ရန်နှင့် သူတို့၏ အကျိုးစီးပွားအတွက် ဖြစ်သည်။ ထို့ကြောင့် မည်သူမဆို တရားလမ်းမှန်ကို လက်ခံကျင့်သုံး၍ လမ်းမှန်သို့ ရောက်ခဲ့လျှင် ထိုလမ်းမှန်ရခြင်း၏ အကျိုးကျေးဇူးသည် သူ့ကိုယ်တိုင်အတွက်သာ ဖြစ်သည်။ အလ္လာဟ်အရှင်မြတ်သည် မည်သူ၏ လမ်းမှန်ရခြင်းကိုမျှ လိုအပ်တော်မူသည် မဟုတ်။ အလ္လာဟ်အရှင်မြတ်သည် လူသားအားလုံး၏ ကိုးကွယ်မှုကို လိုအပ်တော်မူသော ဆင်းရဲနွမ်းပါးသူ မဟုတ်တော်မူပေ။ ထို့အတူ မည်သူမဆို လမ်းမှားသို့ လိုက်ခဲ့လျှင် ထိုလမ်းလွဲမှု၏ ဆိုးကျိုးနှင့် ပြစ်ဒဏ်သည် သူ့ကိုယ်တိုင်အပေါ်သာ ကျရောက်မည်။ သူ၏ လမ်းလွဲမှုသည် အလ္လာဟ်အရှင်မြတ်အား မည်သို့မျှ ထိခိုက်နစ်နာစေမည် မဟုတ်ပေ။ အို တမန်တော်၊ အသင်သည် သူတို့အပေါ် တာဝန်ခံသူ၊ သူတို့၏ လုပ်ရပ်များကို ထိန်းသိမ်းစောင့်ကြည့်သူ၊ သူတို့အား ယုံကြည်မှုလက်ခံရန် အတင်းအကြပ် ခိုင်းစေသူ မဟုတ်ပေ။ အသင်၏ တာဝန်မှာ အရှင်မြတ်၏ သတင်းစကားကို ရှင်းလင်းစွာ ပို့ချပေးရန်သာ ဖြစ်သည်။ လမ်းမှန်ကို လိုက်နာခြင်း သို့မဟုတ် လမ်းလွဲခြင်း၏ တာဝန်သည် လူသားတစ်ဦးချင်းစီ၏ ကိုယ်ပိုင် ရွေးချယ်မှုအပေါ် မူတည်သည်။

၃။ ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

• အလ္လာဟ်အရှင်မြတ်သည် လူသားအားလုံးအတွက် အမှန်တရားနှင့်တကွ ကုရ်အာန်ကျမ်းတော်ကို ချမှတ်ပေးအပ်ခြင်းသည် အရှင်မြတ်၏ ကြီးမားသော ကရုဏာတော်နှင့် ဂရုစိုက