Suuratu Ash-Shura — Aaya 53

1. Maanaaji konngol ɗi ngonkaani ɓannginaade:

• "صِرَاطِ": laawol.
• "تَصِيرُ": ruttotoo, yiltotoo.

1. Firo aayaa nden:

Oo ko laawol Alla, On mo woodani kala ko woni e kammuuli e kala ko woni e leydi. Ko Alla tagi ɗi fow, ko Kanko jeyi ɗi, ko Kanko kadi woni e toppitaade ɗi. Pellet, kala huunde e fiyakuuji aadee fow ko e Alla tun ruttotoo, woni ko e juuɗe Makko fow, huunde suɓotooki e Makko. O ñaawira kala e ko o golli: mo moƴƴi heɓay moƴƴere, mo bonni heɓay boniya.

1. Nafaaji ɗi aayaa nden hollata:

• Aayaa nden no hollira wonde laawol Alla ko laawol feewungal, ko ɗum woni lislaamu, ko ɗum woni laawol daɗndungal e aduna e laakara.
• No hollira wonde Alla ko jeyɗo kala huunde wonnde e kammuuli e leydi, ko ɗum addanta gomɗinɗo ɓernde deeƴnde e hoolaare e Makko.
• No hollira wonde kala fiyakuuji aadee fow ko e Alla ruttotoo, ko ɗum waajnata aadee yo o cara e golle moƴƴe, o hoola Alla tun, o rewa Kanko tan.
• No hollira wonde Alla no ñaawira kala e golle mum, ko ɗum woni weeyo e hoolaare wonande ɓen gomɗimɓe e kulol wonande ɓen fennuɓe.