Vakio Surah Al-Qalam Malagasy – Fandikana, Fanononana ary Feo

Surah Al-Qalam amin'ny teny Arabo sy Malagasy

Vakio ny Surah Al-Qalam miaraka amin'ny fandikana malagasy feno, fanononana ary feo fitononana. Dikan-teny isaky ny andininy. (52 Andininy — مكية). Al-Qalam Henoy, Al-Qalam Fandikana, Al-Qalam mp3, Al-Qalam pdf.

Vakio sy Henoy ny Surah Al-Qalam

🎧 Andininy

Ayat: —

Repeat: x1

ن ۚ وَالْقَلَمِ وَمَا يَسْطُرُونَ ۝١

📖 Fandikana Andininy 1

Noun; Mianiana amin'ny penina sy izay nosoratan'izy ireo aho !

مَا أَنتَ بِنِعْمَةِ رَبِّكَ بِمَجْنُونٍ ۝٢

📖 Fandikana Andininy 2

Fa tsy adala akory ianao nohon'ny fahasoavan'i Tomponao.

وَإِنَّ لَكَ لَأَجْرًا غَيْرَ مَمْنُونٍ ۝٣

📖 Fandikana Andininy 3

Ary hamafisina fa hisy valisoa tsy hitsahatra mihitsy ho anao.

وَإِنَّكَ لَعَلَىٰ خُلُقٍ عَظِيمٍ ۝٤

📖 Fandikana Andininy 4

Hamafisina fa ianao dia ambony toetra mendrika tokoa.

فَسَتُبْصِرُ وَيُبْصِرُونَ ۝٥

📖 Fandikana Andininy 5

Ho hitanao ary ho hitan'izy ireo ihany koa.

بِأَييِّكُمُ الْمَفْتُونُ ۝٦

📖 Fandikana Andininy 6

Fa iza aminareo no very saina ?

إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ ۝٧

📖 Fandikana Andininy 7

Ny Tomponao no tena mahafantatra izay very lalana ary fantany ireo mankany amin'ny lalana mahitsy.

فَلَا تُطِعِ الْمُكَذِّبِينَ ۝٨

📖 Fandikana Andininy 8

Koa aoka ianao tsy hankato ireo mpilaza lainga.

وَدُّوا لَوْ تُدْهِنُ فَيُدْهِنُونَ ۝٩

📖 Fandikana Andininy 9

Fa tian'izy ireo raha mandefitra amin'izy ireo ianao mba handeferan'izy ireo aminao.

وَلَا تُطِعْ كُلَّ حَلَّافٍ مَّهِينٍ ۝١٠

📖 Fandikana Andininy 10

Koa aza mankato ireo fatra mpanozona, mendrika ho tevahina.

هَمَّازٍ مَّشَّاءٍ بِنَمِيمٍ ۝١١

📖 Fandikana Andininy 11

Mpanala baraka, mpanendrikendrika.

مَّنَّاعٍ لِّلْخَيْرِ مُعْتَدٍ أَثِيمٍ ۝١٢

📖 Fandikana Andininy 12

Mpanakana ny tsara , mpandika lalàna , mpanota.

عُتُلٍّ بَعْدَ ذَٰلِكَ زَنِيمٍ ۝١٣

📖 Fandikana Andininy 13

Mafy fo, ary ankoatr'izany dia tsy manan-dray.

أَن كَانَ ذَا مَالٍ وَبَنِينَ ۝١٤

📖 Fandikana Andininy 14

Na dia manana harena sy zaza maro aza izy.

إِذَا تُتْلَىٰ عَلَيْهِ آيَاتُنَا قَالَ أَسَاطِيرُ الْأَوَّلِينَ ۝١٥

📖 Fandikana Andininy 15

Koa rehefa torina aminy ny faminaniana avy Amiko dia lazainy fa angano sy ariran'ny Ntaolo izany.

سَنَسِمُهُ عَلَى الْخُرْطُومِ ۝١٦

📖 Fandikana Andininy 16

Asinay famantarana eo amin'ny vavany.

إِنَّا بَلَوْنَاهُمْ كَمَا بَلَوْنَا أَصْحَابَ الْجَنَّةِ إِذْ أَقْسَمُوا لَيَصْرِمُنَّهَا مُصْبِحِينَ ۝١٧

📖 Fandikana Andininy 17

Nosedranay izy ireo tahaka ny nosedranay ireo Tompon'ny saha, izay niozona fa hanao fiotazana ny maraina.

وَلَا يَسْتَثْنُونَ ۝١٨

📖 Fandikana Andininy 18

Saingy tsy niteny hoe : raha sitrapon'I Allah izany.

فَطَافَ عَلَيْهَا طَائِفٌ مِّن رَّبِّكَ وَهُمْ نَائِمُونَ ۝١٩

📖 Fandikana Andininy 19

Ka nisy loza avy any amin'i Tomponao ary nilatsaka nandritra ny natorian'izy ireo.

فَأَصْبَحَتْ كَالصَّرِيمِ ۝٢٠

📖 Fandikana Andininy 20

Ary ny marina dia tahaka ny nokakasana avokoa ny zavatra rehetra.

فَتَنَادَوْا مُصْبِحِينَ ۝٢١

📖 Fandikana Andininy 21

Nifampiantso izy ireo ny maraina.

أَنِ اغْدُوا عَلَىٰ حَرْثِكُمْ إِن كُنتُمْ صَارِمِينَ ۝٢٢

📖 Fandikana Andininy 22

Mandehana vao maraina any an-tsaha ianareo, raha te-hioty ny vokatra.

فَانطَلَقُوا وَهُمْ يَتَخَافَتُونَ ۝٢٣

📖 Fandikana Andininy 23

Dia nandeha ary izy ireo no sady niresaka moramora hoe :

أَن لَّا يَدْخُلَنَّهَا الْيَوْمَ عَلَيْكُم مِّسْكِينٌ ۝٢٤

📖 Fandikana Andininy 24

Aza avelanareo hidiran'ireo mahantra mihitsy ao androany.

وَغَدَوْا عَلَىٰ حَرْدٍ قَادِرِينَ ۝٢٥

📖 Fandikana Andininy 25

Nandeha vao maraina izy ireo, tapa-kevitra ny hahihitra sady natoky fa fahefan'izy ireo izany.

فَلَمَّا رَأَوْهَا قَالُوا إِنَّا لَضَالُّونَ ۝٢٦

📖 Fandikana Andininy 26

Ka rehefa hitan'izy ireo izany dia hoy izy ireo : Very lalana tokoa isika.

بَلْ نَحْنُ مَحْرُومُونَ ۝٢٧

📖 Fandikana Andininy 27

Na tena niala maina isika.

قَالَ أَوْسَطُهُمْ أَلَمْ أَقُل لَّكُمْ لَوْلَا تُسَبِّحُونَ ۝٢٨

📖 Fandikana Andininy 28

Hoy ny olo-marina indrindra tamin'izy ireo : "Tsy efa nolazaiko taminareo va raha mba nanome voninahitra an'I Allah mantsy ianareo"

قَالُوا سُبْحَانَ رَبِّنَا إِنَّا كُنَّا ظَالِمِينَ ۝٢٩

📖 Fandikana Andininy 29

Dia hoy izy ireo : "Voninahitra ho an'i Tomponay ! Eny nanao ny tsy rariny tokoa izahay."

فَأَقْبَلَ بَعْضُهُمْ عَلَىٰ بَعْضٍ يَتَلَاوَمُونَ ۝٣٠

📖 Fandikana Andininy 30

Avy eo dia nifampitodika izy ireo nifanome tsiny.

قَالُوا يَا وَيْلَنَا إِنَّا كُنَّا طَاغِينَ ۝٣١

📖 Fandikana Andininy 31

Ka hoy izy ireo : "loza ho anay ! Nikomy tokoa izahay !"

عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ ۝٣٢

📖 Fandikana Andininy 32

Maniry izahay ny mba hanoloan'i Tomponay izany amin'ny zavatra tsaratsara kokoa, ny hanantona ny Tomponay no fanirianay.

كَذَٰلِكَ الْعَذَابُ ۖ وَلَعَذَابُ الْآخِرَةِ أَكْبَرُ ۚ لَوْ كَانُوا يَعْلَمُونَ ۝٣٣

📖 Fandikana Andininy 33

Toy izany ny famaizana, fa lehibe noho izany ny famaizana any ankoatra, raha mba fantatr'izy ireo mantsy !

إِنَّ لِلْمُتَّقِينَ عِندَ رَبِّهِمْ جَنَّاتِ النَّعِيمِ ۝٣٤

📖 Fandikana Andininy 34

Fa mahazo ireo zaridainam-pahasambarana eo akaikin'i Tompony kosa ireo vontom-pinoana.

أَفَنَجْعَلُ الْمُسْلِمِينَ كَالْمُجْرِمِينَ ۝٣٥

📖 Fandikana Andininy 35

Moa va ataonay tahaka ireo mpanao ratsy ireo mpankato?

مَا لَكُمْ كَيْفَ تَحْكُمُونَ ۝٣٦

📖 Fandikana Andininy 36

Inona no mahazo anareo ? Fa ahoana ny fomba fitsaranareo ?

أَمْ لَكُمْ كِتَابٌ فِيهِ تَدْرُسُونَ ۝٣٧

📖 Fandikana Andininy 37

Sa manana Boky hianarana kosa va ianareo ?

إِنَّ لَكُمْ فِيهِ لَمَا تَخَيَّرُونَ ۝٣٨

📖 Fandikana Andininy 38

Ka ho azonareo amin'izany izay irinareo ?

أَمْ لَكُمْ أَيْمَانٌ عَلَيْنَا بَالِغَةٌ إِلَىٰ يَوْمِ الْقِيَامَةِ ۙ إِنَّ لَكُمْ لَمَا تَحْكُمُونَ ۝٣٩

📖 Fandikana Andininy 39

Sa nahazo fanomezan-toky marina avy Aminay va ianareo hatramin'ny andro fitsanganana, ka hanomezanay araka izay fanapahan-kevitrareo ?

سَلْهُمْ أَيُّهُم بِذَٰلِكَ زَعِيمٌ ۝٤٠

📖 Fandikana Andininy 40

Anontanio azy ireo izay hiantoka izany aminy.

أَمْ لَهُمْ شُرَكَاءُ فَلْيَأْتُوا بِشُرَكَائِهِمْ إِن كَانُوا صَادِقِينَ ۝٤١

📖 Fandikana Andininy 41

Na koa manana mpiray antoka va izy ireo ? Aoka ary ho entin'izy ireo izany, raha tena mpilaza ny marina izy ireo !

يَوْمَ يُكْشَفُ عَن سَاقٍ وَيُدْعَوْنَ إِلَى السُّجُودِ فَلَا يَسْتَطِيعُونَ ۝٤٢

📖 Fandikana Andininy 42

Amin'ny andro hiatrehan'izy ireo ny zavatra mampihorohoro, ka hiantsoana azy ireo amin'ny fiankohofana, kanefa tsy afaka hanao izany intsony izy ireo.

خَاشِعَةً أَبْصَارُهُمْ تَرْهَقُهُمْ ذِلَّةٌ ۖ وَقَدْ كَانُوا يُدْعَوْنَ إِلَى السُّجُودِ وَهُمْ سَالِمُونَ ۝٤٣

📖 Fandikana Andininy 43

Dia hiondrika ny fijerin'izy ireo, ary hanarona azy ny fahafaham-baraka, kanefa dia nantsoina ho amin'ny fiankohofana izy ireo tamin'ny fotoana nahasalama azy ireo.

فَذَرْنِي وَمَن يُكَذِّبُ بِهَٰذَا الْحَدِيثِ ۖ سَنَسْتَدْرِجُهُم مِّنْ حَيْثُ لَا يَعْلَمُونَ ۝٤٤

📖 Fandikana Andininy 44

Avelao ary aho hiaraka amin'izay miampanga ity lahateny ity ho lainga, fa ho entinay miandalana amin'izay tsy fantany izy ireo !

وَأُمْلِي لَهُمْ ۚ إِنَّ كَيْدِي مَتِينٌ ۝٤٥

📖 Fandikana Andininy 45

Ka omeko fe-potoana izy ireo fa tena azo antoka tokoa ny tetiko !

أَمْ تَسْأَلُهُمْ أَجْرًا فَهُم مِّن مَّغْرَمٍ مُّثْقَلُونَ ۝٤٦

📖 Fandikana Andininy 46

Sa mangataka tambiny amin’izy ireo va ianao hany ka vesaran-trosa maro izy ireo ?

أَمْ عِندَهُمُ الْغَيْبُ فَهُمْ يَكْتُبُونَ ۝٤٧

📖 Fandikana Andininy 47

Sa fantatr'izy ireo va ny zava-miafina ; ka avy amin'izany no anoratany (ny laingany).

فَاصْبِرْ لِحُكْمِ رَبِّكَ وَلَا تَكُن كَصَاحِبِ الْحُوتِ إِذْ نَادَىٰ وَهُوَ مَكْظُومٌ ۝٤٨

📖 Fandikana Andininy 48

Zakao amim-paharetana ny didin'ny Tomponao, fa aza manao tahaka ilay olon'ny trondro (jonasy), izay niantso an'I Allah tao anatin'ny tebiteby mafy.

لَّوْلَا أَن تَدَارَكَهُ نِعْمَةٌ مِّن رَّبِّهِ لَنُبِذَ بِالْعَرَاءِ وَهُوَ مَذْمُومٌ ۝٤٩

📖 Fandikana Andininy 49

Raha tsy tonga taminy ny fitahiana avy amin'ny Tompony dia ho voatsipy, ka afa-baraka teny amin'ny tany tsy misy olona izy.

فَاجْتَبَاهُ رَبُّهُ فَجَعَلَهُ مِنَ الصَّالِحِينَ ۝٥٠

📖 Fandikana Andininy 50

Dia nofidin'ny Tompony izy, ka nataony ho isan'ireo olo-mendrika.

وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ ۝٥١

📖 Fandikana Andininy 51

Kely fotsiny no tsy handratran'ireo tsy mpino anao amin'ny fijeriny (feno fahatezerana), rehefa mandre ny fampahatsiarovana izy ireo, ka miteny hoe: "Tena adala tokoa izy!"

وَمَا هُوَ إِلَّا ذِكْرٌ لِّلْعَالَمِينَ ۝٥٢

📖 Fandikana Andininy 52

Ary tsy inona izany fa fampahatsiarovana ihany ho an'izao tontolo izao.

← 67 Al-Qalam (68/114) 69 →

Vakio Surah Al-Qalam Malagasy – Fandikana, Fanononana ary Feo

68القلم Al-Qalam 📚 52 Andininy مكية