చదవండి సూరా అల్-ఖలమ్ తెలుగు అనువాదం

సూరా అల్-ఖలమ్ అరబిక్ మరియు తెలుగు

సూరా అల్-ఖలమ్ని పూర్తి తెలుగు అనువాదం మరియు ఆడియో తిలావత్‌తో చదవండి. (52 వచనం — مكية). అల్-ఖలమ్ వినండి, అల్-ఖలమ్ అనువాదం, అల్-ఖలమ్ mp3, అల్-ఖలమ్ pdf.

సూరా అల్-ఖలమ్ చదవండి మరియు వినండి

🎧 వచనం

Ayat: —

Repeat: x1

ن ۚ وَالْقَلَمِ وَمَا يَسْطُرُونَ ۝١

📖 అనువాదం వచనం 1

నూన్, కలం సాక్షిగా! మరియు వారు (దేవదూతలు) వ్రాస్తున్న దాని సాక్షిగా

مَا أَنتَ بِنِعْمَةِ رَبِّكَ بِمَجْنُونٍ ۝٢

📖 అనువాదం వచనం 2

నీ ప్రభువు అనుగ్రహం వలన నీవు (ఓ ముహమ్మద్) పిచ్చివాడవు కావు

وَإِنَّ لَكَ لَأَجْرًا غَيْرَ مَمْنُونٍ ۝٣

📖 అనువాదం వచనం 3

మరియు నిశ్చయంగా, నీకు ఎన్నటికీ తరిగిపోని ప్రతిఫలం ఉంది

وَإِنَّكَ لَعَلَىٰ خُلُقٍ عَظِيمٍ ۝٤

📖 అనువాదం వచనం 4

మరియు నిశ్చయంగా, నీవు ఉత్తమమైన శీలవంతుడవు

فَسَتُبْصِرُ وَيُبْصِرُونَ ۝٥

📖 అనువాదం వచనం 5

కావున త్వరలోనే నీవు చూడగలవు మరియు వారు కూడా చూడగలరు

بِأَييِّكُمُ الْمَفْتُونُ ۝٦

📖 అనువాదం వచనం 6

మీలో ఎవరికి పిచ్చి ఉందో

إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ ۝٧

📖 అనువాదం వచనం 7

నిశ్చయంగా, నీ ప్రభువు! ఆయనకు ఎవడు మార్గభ్రష్టుడయ్యాడో తెలుసు మరియు ఎవడు సన్మార్గం మీద ఉన్నాడో కూడా ఆయనకు బాగా తెలుసు

فَلَا تُطِعِ الْمُكَذِّبِينَ ۝٨

📖 అనువాదం వచనం 8

కావున నీవు ఈ అసత్యవాదులను అనుసరించకు

وَدُّوا لَوْ تُدْهِنُ فَيُدْهِنُونَ ۝٩

📖 అనువాదం వచనం 9

ఒకవేళ నీవు (ధర్మం విషయంలో) మెత్తపడితే వారు కూడా మెత్తపడ కోరుతున్నారు

وَلَا تُطِعْ كُلَّ حَلَّافٍ مَّهِينٍ ۝١٠

📖 అనువాదం వచనం 10

కావున నీవు ప్రమాణాలు చేసే ప్రతి నీచుడిని అనుసరించకు

هَمَّازٍ مَّشَّاءٍ بِنَمِيمٍ ۝١١

📖 అనువాదం వచనం 11

చాడీలు చెప్పేవాడిని, ఎత్తి పొడుస్తూ ఉండేవాడిని

مَّنَّاعٍ لِّلْخَيْرِ مُعْتَدٍ أَثِيمٍ ۝١٢

📖 అనువాదం వచనం 12

మంచిని నిరోధించేవాడిని, హద్దు మీరి ప్రవర్తించే పాపిష్ఠుడిని

عُتُلٍّ بَعْدَ ذَٰلِكَ زَنِيمٍ ۝١٣

📖 అనువాదం వచనం 13

నిర్ధయుడిని, ఇంతే గాకుండా అపఖ్యాతి గల (నిందార్హుడైన) వాడిని

أَن كَانَ ذَا مَالٍ وَبَنِينَ ۝١٤

📖 అనువాదం వచనం 14

వాడు ధనవంతుడూ మరియు సంతాన భాగ్యంతో తలతూగుతూ ఉన్నవాడు అయినా సరే

إِذَا تُتْلَىٰ عَلَيْهِ آيَاتُنَا قَالَ أَسَاطِيرُ الْأَوَّلِينَ ۝١٥

📖 అనువాదం వచనం 15

ఒకవేళ వాడికి మా సూచనలు (ఆయాత్) వినిపిస్తే, అందుకు వాడు: ఇవి పూర్వకాలపు కట్టుకథలే!" అని అంటాడు

سَنَسِمُهُ عَلَى الْخُرْطُومِ ۝١٦

📖 అనువాదం వచనం 16

మేము త్వరలోనే వాడి ముక్కు మీద వాత పెడ్తాము

إِنَّا بَلَوْنَاهُمْ كَمَا بَلَوْنَا أَصْحَابَ الْجَنَّةِ إِذْ أَقْسَمُوا لَيَصْرِمُنَّهَا مُصْبِحِينَ ۝١٧

📖 అనువాదం వచనం 17

నిశ్చయంగా, మేము ఆ తోటవారిని పరీక్షించినట్లుగా వీరిని కూడా పరీక్షిస్తాము. ఎవరైతే తెల్లవారగానే తప్పక దాని పంట కోసుకుందామని ప్రతిజ్ఞ చేసుకున్నారో

وَلَا يَسْتَثْنُونَ ۝١٨

📖 అనువాదం వచనం 18

మరియు (అల్లాహ్ కోరితే) అనే, మినహాయింపుకు తావు ఇవ్వకుండా

فَطَافَ عَلَيْهَا طَائِفٌ مِّن رَّبِّكَ وَهُمْ نَائِمُونَ ۝١٩

📖 అనువాదం వచనం 19

కావున వారు పడుకొని ఉండగానే నీ ప్రభువు తరఫు నుండి దానిపై (ఆ తోటపై) ఒక ఆపద వచ్చి పడింది

فَأَصْبَحَتْ كَالصَّرِيمِ ۝٢٠

📖 అనువాదం వచనం 20

దాంతో తెల్లవారే సరికి అది (ఆ తోట) పంట కోసిన పొలం వలే మారి పోయింది

فَتَنَادَوْا مُصْبِحِينَ ۝٢١

📖 అనువాదం వచనం 21

తరువాత ఉదయం లేచి వారు ఒకరితో నొకరు ఇలా చెప్పుకోసాగారు

أَنِ اغْدُوا عَلَىٰ حَرْثِكُمْ إِن كُنتُمْ صَارِمِينَ ۝٢٢

📖 అనువాదం వచనం 22

మీరు పంటను కోయదలుచుకుంటే ఉదయమే మీ పొలానికి వెళ్ళండి

فَانطَلَقُوا وَهُمْ يَتَخَافَتُونَ ۝٢٣

📖 అనువాదం వచనం 23

ఆ తరువాత వారు ఒకరితోనొకరు (ఈ విధంగా) మెల్లగా చెప్పుకుంటూ బయలు దేరారు

أَن لَّا يَدْخُلَنَّهَا الْيَوْمَ عَلَيْكُم مِّسْكِينٌ ۝٢٤

📖 అనువాదం వచనం 24

ఈ రోజు ఏ పేదవాడిని కూడా మీ దగ్గరకు రానివ్వకండి

وَغَدَوْا عَلَىٰ حَرْدٍ قَادِرِينَ ۝٢٥

📖 అనువాదం వచనం 25

మరియు వారు (పేదవారిని) దగ్గరకు రానివ్వకూడదని గట్టి నిర్ణయంతో తెల్లవారు ఝామున బయలు దేరారు

فَلَمَّا رَأَوْهَا قَالُوا إِنَّا لَضَالُّونَ ۝٢٦

📖 అనువాదం వచనం 26

వారు దానిని (తోటను) చూసి ఇలా వాపోయారు: నిశ్చయంగా, మనం దారి తప్పాము

بَلْ نَحْنُ مَحْرُومُونَ ۝٢٧

📖 అనువాదం వచనం 27

కాదు! కాదు! మనం సర్వం కోల్పోయాము

قَالَ أَوْسَطُهُمْ أَلَمْ أَقُل لَّكُمْ لَوْلَا تُسَبِّحُونَ ۝٢٨

📖 అనువాదం వచనం 28

వారిలో మధ్యరకానికి చెందినవాడు ఇలా అన్నాడు: ఏమీ? నేను మీతో అనలేదా? మీరు ఎందుకు ఆయన (అల్లాహ్) పవిత్రతను కొనియాడరని (ఇన్ షా అల్లాహ్!` అనరని)

قَالُوا سُبْحَانَ رَبِّنَا إِنَّا كُنَّا ظَالِمِينَ ۝٢٩

📖 అనువాదం వచనం 29

వారు ఇలా అన్నారు: మా ప్రభువు సర్వలోపాలకూ అతీతుడు! నిశ్చయంగా, మేమే దుర్మార్గులము

فَأَقْبَلَ بَعْضُهُمْ عَلَىٰ بَعْضٍ يَتَلَاوَمُونَ ۝٣٠

📖 అనువాదం వచనం 30

తరువాత వారు అభిముఖులై ఒకరి నొకరు నిందించుకోసాగారు

قَالُوا يَا وَيْلَنَا إِنَّا كُنَّا طَاغِينَ ۝٣١

📖 అనువాదం వచనం 31

వారు ఇలా వాపోయారు: అయ్యో! మా పాడుగాను! నిశ్చయంగా, మేము తలబిరుసుతనం చూపాము

عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ ۝٣٢

📖 అనువాదం వచనం 32

బహశా! మన ప్రభువు మనకు దీనికి బదులుగా దీని కంటే శ్రేష్ఠమైన దానిని ప్రసాదించ వచ్చు! నిశ్చయంగా, మనం మన ప్రభువు వైపునకు (పశ్చాత్తాపంతో) మరలుదాము

كَذَٰلِكَ الْعَذَابُ ۖ وَلَعَذَابُ الْآخِرَةِ أَكْبَرُ ۚ لَوْ كَانُوا يَعْلَمُونَ ۝٣٣

📖 అనువాదం వచనం 33

ఈ విధంగా ఉంటుంది శిక్ష! మరియు పరలోక శిక్ష దీని కంటే ఘోరంగా ఉంటుంది. వారు ఇది తెలుసుకుంటే ఎంత బాగుండేది

إِنَّ لِلْمُتَّقِينَ عِندَ رَبِّهِمْ جَنَّاتِ النَّعِيمِ ۝٣٤

📖 అనువాదం వచనం 34

నిశ్చయంగా, దైవభీతి గలవారికి వారి ప్రభువు వద్ద పరమానందకరమైన స్వర్గవనాలు ఉంటాయి

أَفَنَجْعَلُ الْمُسْلِمِينَ كَالْمُجْرِمِينَ ۝٣٥

📖 అనువాదం వచనం 35

ఏమీ? మేము విధేయులను (ముస్లింలను) నేరస్థులతో సమానంగా ఎంచుదుమా

مَا لَكُمْ كَيْفَ تَحْكُمُونَ ۝٣٦

📖 అనువాదం వచనం 36

మీకేమయింది? మీరు ఏ విధమైన నిర్ణయాలు చేస్తున్నారు

أَمْ لَكُمْ كِتَابٌ فِيهِ تَدْرُسُونَ ۝٣٧

📖 అనువాదం వచనం 37

మీ వద్ద ఏదయినా (దివ్య) గ్రంథముందా? దాని నుండి మీరు నేర్చుకోవటానికి

إِنَّ لَكُمْ فِيهِ لَمَا تَخَيَّرُونَ ۝٣٨

📖 అనువాదం వచనం 38

నిశ్చయంగా, అందులో మీకు, మీరు కోరేదంతా ఉందని

أَمْ لَكُمْ أَيْمَانٌ عَلَيْنَا بَالِغَةٌ إِلَىٰ يَوْمِ الْقِيَامَةِ ۙ إِنَّ لَكُمْ لَمَا تَحْكُمُونَ ۝٣٩

📖 అనువాదం వచనం 39

లేక, పునరుత్థాన దినం వరకు, మీరు నిర్ణయించుకున్నదే మీకు తప్పక లభిస్తుందని, మేము మీతో చేసిన గట్టి ప్రమాణం ఏదైనా ఉందా

سَلْهُمْ أَيُّهُم بِذَٰلِكَ زَعِيمٌ ۝٤٠

📖 అనువాదం వచనం 40

వారిలో దీనికి ఎవడు హామీగా ఉన్నాడో అడుగు

أَمْ لَهُمْ شُرَكَاءُ فَلْيَأْتُوا بِشُرَكَائِهِمْ إِن كَانُوا صَادِقِينَ ۝٤١

📖 అనువాదం వచనం 41

లేక, వారికి ఎవరైనా (వారు అల్లాహ్ కు కల్పించిన) భాగస్వాములు ఉన్నారా? ఒకవేళ వారు సత్యవంతులే అయితే తమ ఆ భాగస్వాములను తీసుకు రమ్మను

يَوْمَ يُكْشَفُ عَن سَاقٍ وَيُدْعَوْنَ إِلَى السُّجُودِ فَلَا يَسْتَطِيعُونَ ۝٤٢

📖 అనువాదం వచనం 42

(జ్ఞాపకముంచుకోండి) ఏ రోజయితే పిక్క ఎముక తెరిచి వేయబడుతుందో! మరియు వారు సాష్టాంగం (సజ్దా) చేయటానికి పిలువబడతారో, అప్పుడు వారు (కపట విశ్వాసులు), అలా (సజ్దా) చేయలేరు

خَاشِعَةً أَبْصَارُهُمْ تَرْهَقُهُمْ ذِلَّةٌ ۖ وَقَدْ كَانُوا يُدْعَوْنَ إِلَى السُّجُودِ وَهُمْ سَالِمُونَ ۝٤٣

📖 అనువాదం వచనం 43

వారి చూపులు క్రిందికి వాలిపోయి ఉంటాయి, అవమానం వారిని ఆవరించి ఉంటుంది. మరియు వాస్తవానికి వారు నిక్షేపంగా ఉన్నప్పుడు సాష్టాంగం (సజ్దా) చేయటానికి ఆహ్వానించబడితే (తిరస్కరించేవారు)

فَذَرْنِي وَمَن يُكَذِّبُ بِهَٰذَا الْحَدِيثِ ۖ سَنَسْتَدْرِجُهُم مِّنْ حَيْثُ لَا يَعْلَمُونَ ۝٤٤

📖 అనువాదం వచనం 44

కావున నన్ను మరియు ఈ సందేశాన్ని అబద్ధమని తిరస్కరించే వారిని వదలండి. వారు గ్రహించని విధంగా మేము వారిని క్రమక్రమంగా (వినాశం వైపునకు) తీసుకొని పోతాము

وَأُمْلِي لَهُمْ ۚ إِنَّ كَيْدِي مَتِينٌ ۝٤٥

📖 అనువాదం వచనం 45

మరియు నేను వారికి కొంత వ్యవధి నిస్తున్నాను. నిశ్చయంగా, నా పన్నాగం చాలా దృఢమైనది

أَمْ تَسْأَلُهُمْ أَجْرًا فَهُم مِّن مَّغْرَمٍ مُّثْقَلُونَ ۝٤٦

📖 అనువాదం వచనం 46

లేక, (ఓ ప్రవక్తా!) నీవు వారిని ఏదైనా ప్రతిఫలం ఇవ్వమని అడుగుతున్నావా? వారికి దాని రుణం భారమవటానికి

أَمْ عِندَهُمُ الْغَيْبُ فَهُمْ يَكْتُبُونَ ۝٤٧

📖 అనువాదం వచనం 47

లేక, వారి వద్ద ఏదైనా అగోచర జ్ఞానం ఉందా? వారు దానిని వ్రాసి పెట్టడానికి

فَاصْبِرْ لِحُكْمِ رَبِّكَ وَلَا تَكُن كَصَاحِبِ الْحُوتِ إِذْ نَادَىٰ وَهُوَ مَكْظُومٌ ۝٤٨

📖 అనువాదం వచనం 48

కావున నీవు నీ ప్రభువు ఆజ్ఞ కొరకు వేచి ఉండు. మరియు నీవు, చేపవాని (యూనుస్) వలే వ్యవహరించకు. (గుర్తుకు తెచ్చుకో) అతను దుఃఖంలో ఉన్నప్పుడు (తన ప్రభువును) మొర పెట్టుకున్నాడు

لَّوْلَا أَن تَدَارَكَهُ نِعْمَةٌ مِّن رَّبِّهِ لَنُبِذَ بِالْعَرَاءِ وَهُوَ مَذْمُومٌ ۝٤٩

📖 అనువాదం వచనం 49

అతని ప్రభువు అనుగ్రహమే గనక అతనికి అందక పోయి ఉంటే, అతను అవమానకరమైన స్థితిలో (చేప కడుపులో పడి ఉండేవాడు కాని మేము అతనిని క్షమించాము). కావున అతను చౌట (బంజరు) మైదానంలో విసరి వేయ బడ్డాడు

فَاجْتَبَاهُ رَبُّهُ فَجَعَلَهُ مِنَ الصَّالِحِينَ ۝٥٠

📖 అనువాదం వచనం 50

చివరకు అతని ప్రభువు అతనిని ఎన్నుకొని సత్పురుషులలో చేర్చాడు

وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ ۝٥١

📖 అనువాదం వచనం 51

మరియు ఆ సత్యతిరస్కారులు, ఈ సందేశాన్ని (ఖుర్ఆన్ ను) విన్నప్పుడు, తమ చూపులతో నీ కాళ్ళు ఊడగొడతారా అన్నట్లు (నిన్ను జారించి పడవేసేటట్లు) నిన్ను చూస్తున్నారు. మరియు వారు నిన్ను (ఓ ముహమ్మద్!): నిశ్చయంగా ఇతడు పిచ్చివాడు!" అని అంటున్నారు

وَمَا هُوَ إِلَّا ذِكْرٌ لِّلْعَالَمِينَ ۝٥٢

📖 అనువాదం వచనం 52

కాని సర్వలోకాల (వారికి) ఇదొక హితోపదేశం మాత్రమే

← 67 అల్-ఖలమ్ (68/114) 69 →

చదవండి సూరా అల్-ఖలమ్ తెలుగు అనువాదం – పఠనం మరియు ఆడియో

68القلم Al-Qalam 📚 52 వచనం مكية