Surah An-Nahl Talata 91 - Basahin, Pakinggan, Salin, Filipino : At inyong tuparin ang kasunduan ni Allah (Bai’a; ang katapatansa…

An-Nahl · 91/128

Salin Transliterasyon — Surah An-Nahl

وَأَوْفُوا بِعَهْدِ اللَّهِ إِذَا عَاهَدتُّمْ وَلَا تَنقُضُوا الْأَيْمَانَ بَعْدَ تَوْكِيدِهَا وَقَدْ جَعَلْتُمُ اللَّهَ عَلَيْكُمْ كَفِيلًا ۚ إِنَّ اللَّهَ يَعْلَمُ مَا تَفْعَلُونَ ۝٩١

🔤 Transliteration

Wa awfoo bi Ahdil laahi izaa `aahattum wa laa tanqudul aimaana ba`da tawkeedihaa wa qad ja`altumul laaha `alaikum kafeelaa; innal laaha ya`lamu maa taf`aloon

📖 Salin (Sa Filipino)

📖 Sa Filipino

At inyong tuparin ang kasunduan ni Allah (Bai’a; ang katapatansa Islam) nangkayoaymakipagkasundo, athuwag ninyong labagin (sirain) ang inyong mga sumpa matapos na inyong pagtibayin ito, at katiyakang kayo ay nagtalaga kay Allah bilang inyong Tagapanagot (Tagapaggarantiya). Katotohanan! Talastas ni Allah ang inyong ginagawa

🌐 Additional reference in Melayu

📖 Ayah 📜 Tafsir 📚 Al-Waseet 🔤 Ayah (I'rab)

0:00

📜

Salin — Tafsir

Mga Kahulugan ng mga Salita:

Biy’ahdillah – sa kasunduan ng Allah, ito ay ang lahat ng mga pangako na ginawa ng tao sa kanyang Panginoon o sa kanyang kapwa, na naaayon sa mga kautusan ng Islam.
Tawkidiha – ang pagpapatibay at pagtitibay nito sa pamamagitan ng panunumpa sa Ngalan ng Allah.
Kafil – saksi, tagapag-ingat, at tagagarantiya.

Paliwanag ng Talata:

Iniutos ng Allah sa Kanyang mga lingkod na tuparin ang lahat ng mga kasunduan na kanilang pinasukan—maging ito man ay kasunduan sa pagitan nila at ng Allah, tulad ng mga obligasyong panrelihiyon at mga panata, o kasunduan sa pagitan nila at ng kanilang kapwa tao, tulad ng mga kontrata at mga pangako—hangga’t ito ay hindi sumasalungat sa Aklat ng Allah at sa Sunnah ng Kanyang Propeta (sumakanya nawa ang kapayapaan). Ipinagbabawal ang paglabag sa mga panunumpa pagkatapos na ito ay patibayin at gawing matatag sa pamamagitan ng pagbanggit sa Ngalan ng Allah, lalo na’t ginawa nila ang Allah bilang saksi at tagagarantiya sa kanilang mga pangako. Ang Allah ay nakakaalam ng lahat ng kanilang mga gawain—lihim man o hayag—at hindi Niya ito pababayaan; sa Kanya ang gantimpala para sa mga tapat at ang parusa para sa mga taksil.

Mga Aral na Makukuha:

Ang pagtupad sa pangako at kasunduan ay tanda ng tunay na pananampalataya at katapatan sa Allah, at ito ay ugali ng mga mabubuting lingkod na minamahal ng Allah.
Ang panunumpa sa Ngalan ng Allah ay isang malaking responsibilidad; kaya dapat pag-isipang mabuti bago mangako, at kapag nakapangako na, nararapat itong tuparin upang mapanatili ang tiwala ng mga tao at ang takot sa Allah.
Ang kaalaman ng Allah sa lahat ng ating ginagawa ay nagtutulak sa atin na maging tapat at matuwid sa lahat ng pagkakataon, sapagkat walang maililihim sa Kanya.
Ang pagsunod sa mga kasunduan ay nagpapalaganap ng kapayapaan at pagkakaisa sa lipunan, at nagpapalakas ng ugnayan ng mga tao sa isa’t isa, na siyang ninanais ng Islam para sa ikabubuti ng lahat.

📜 Talata 89-93 — Surah An-Nahl

89وَيَوْمَ نَبْعَثُ فِي كُلِّ أُمَّةٍ شَهِيدًا عَلَيْهِم مِّنْ أَنفُسِهِمْ ۖ وَجِئْنَا بِكَ شَهِيدًا عَلَىٰ هَٰؤُلَاءِ ۚ وَنَزَّلْنَا عَلَيْكَ الْكِتَابَ تِبْيَانًا لِّكُلِّ شَيْءٍ وَهُدًى وَرَحْمَةً وَبُشْرَىٰ لِلْمُسْلِمِينَ

At (alalahanin) ang Araw na Aming ititindig sa bawat bansa (pamayanan) ang isang saksi mula sa kanilang lipon nang laban sa kanila. At ikaw (o Muhammad) ay Aming itatanghal bilang isang saksi laban sa mga ito. At Aming ipinanaog sa iyo ang Aklat (ang Qur’an) bilang paghahantad ng lahat ng bagay, isang patnubay, isang Habag, at mabuting balita para sa kanila na nagsuko ng kanilang sarili (kay Allah bilang mga Muslim)

90۞ إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنكَرِ وَالْبَغْيِ ۚ يَعِظُكُمْ لَعَلَّكُمْ تَذَكَّرُونَ

Katotohanan, si Allah ay nagtatagubilin ng Al-Adl (alalaong baga, katarungan at pagsamba lamang kay Allah at wala ng iba, sa Kanyang Kaisahan, at pagsunod sa Islam) at Al-Ihsan (alalaong baga, ang maging matiyaga sa pagsasagawa ng inyong tungkulin kay Allah nang ganap, para sa Kanyang Kapakanan at ayon sa Sunna [mga legal na paraan] ng Propeta sa mahinusay na paraan), at pagbibigay (ng tulong) sa mga kaanak at kamag-anak (alalaong baga, ang lahat ng mga ipinag-utos ni Allah na maibibigay sa kanila, katulad ng kayamanan, pagdalaw, pagmamalasakit, o anumang uri ng tulong, atbp.), at nagbabawal ng Al-Fasha (alalaong baga, lahat ng masasamang gawa, katulad ng bawal na seksuwal na pakikipagtalik, pagsuway sa magulang, pagsamba sa mga diyus-diyosan, pagsisinungaling, pagsaksi ng walang katotohanan, pagpatay ng buhay ng walang kapamahalaan, atbp.), at Al-Munkar (alalaong baga, lahat ng mga bawal sa batas ng Islam; lahat ng uri nang pagsamba sa mga diyus-diyosan, kawalan ng pananalig, at lahat ng uri ng kasamaan, atbp.) at Al-Baghi (alalaong baga, ang lahat ng uri ng pangmamaliit at pang-aapi) ay Kanyang pinaaalalahanan kayo, upang kayo ay makinig at sumunod

91وَأَوْفُوا بِعَهْدِ اللَّهِ إِذَا عَاهَدتُّمْ وَلَا تَنقُضُوا الْأَيْمَانَ بَعْدَ تَوْكِيدِهَا وَقَدْ جَعَلْتُمُ اللَّهَ عَلَيْكُمْ كَفِيلًا ۚ إِنَّ اللَّهَ يَعْلَمُ مَا تَفْعَلُونَ

92وَلَا تَكُونُوا كَالَّتِي نَقَضَتْ غَزْلَهَا مِن بَعْدِ قُوَّةٍ أَنكَاثًا تَتَّخِذُونَ أَيْمَانَكُمْ دَخَلًا بَيْنَكُمْ أَن تَكُونَ أُمَّةٌ هِيَ أَرْبَىٰ مِنْ أُمَّةٍ ۚ إِنَّمَا يَبْلُوكُمُ اللَّهُ بِهِ ۚ وَلَيُبَيِّنَنَّ لَكُمْ يَوْمَ الْقِيَامَةِ مَا كُنتُمْ فِيهِ تَخْتَلِفُونَ

At huwag maging katulad niya na nagtatastas ng sinulid na kanyang hinabi matapos na ito ay maging matibay sa pamamagitan nang pagsasabi ng inyong sumpa bilang isang paraan ng pandaraya sa lipon ninyo, kung hindi, marahil ang isang bansa (pamayanan) ay magiging higit na marami kaysa sa ibang bansa (pamayanan). Si Allah ay sumusubok sa inyo sa pamamagitan nito (alalaong baga, siya na sumusunod kay Allah at tumutupad ng Kasunduan ni Allah at siya na sumusuway kay Allah at sumisira sa Kasunduan ni Allah). At sa Araw ng Muling Pagkabuhay, katiyakan na Kanyang gagawing maliwanag sa inyo ang mga bagay na hindi ninyo pinagkakasunduan (alalaong baga, ang isang nananampalataya ay nagsasabi at nananalig sa Kaisahan ni Allah at sa pagka-Propeta ni Propeta Muhammad na itinatatwa ng mga hindi sumasampalataya, at ito ang kanilang pagkakaiba sa buhay sa mundong ito)

93وَلَوْ شَاءَ اللَّهُ لَجَعَلَكُمْ أُمَّةً وَاحِدَةً وَلَٰكِن يُضِلُّ مَن يَشَاءُ وَيَهْدِي مَن يَشَاءُ ۚ وَلَتُسْأَلُنَّ عَمَّا كُنتُمْ تَعْمَلُونَ

At kung niloob lamang ni Allah, Kanyang magagawa kayong (lahat) na maging isang bansa (pamayanan), datapuwa’t hinahayaan Niya ang sinuman na Kanyang maibigan na mapaligaw, at pinapatnubayan Niya (sa tamang landas) ang sinuman na Kanyang mapusuan. Datapuwa’t katiyakang kayo ay tatawagin upang magsulit ng inyong ginawa

← Talata 90 📖 An-Nahl Talata 92 →

An-NahlTalaan ng Quran

128Talata

MeccanRevelation

91Talata

Salin — An-Nahl 91

Surah An-Nahl Talata 91 - Basahin, Pakinggan, Salin, Filipino : At inyong tuparin ang kasunduan ni Allah (Bai’a; ang katapatansa…

Surah Talata 91/128 — Surah An-Nahl النحل (Meccan). Basahin Pakinggan Salin (Filipino). Pakinggan: Surah An-Nahl Pakinggan, Surah An-Nahl Salin, Surah An-Nahl mp3, Surah An-Nahl pdf. Talata 89–93. Sa Filipino: Melayu.