سورت آل عمران آیت 12 - لوستل, واورئ, ژباړه, پښتو : ته ووایه هغو كسانو ته چې كفر يې كړى دى:…

آل عمران · 12/200

ژباړه لیکلاسته — سورت آل عمران

قُل لِّلَّذِينَ كَفَرُوا سَتُغْلَبُونَ وَتُحْشَرُونَ إِلَىٰ جَهَنَّمَ ۚ وَبِئْسَ الْمِهَادُ ۝١٢

🔤 Transliteration

Qul lillazeena kafaroosatughlaboona wa tuhsharoona ilaa jahannam; wa bi`sal mihaad

📖 ژباړه (پښتو)

📖 پښتو

ته ووایه هغو كسانو ته چې كفر يې كړى دى: ژر دى چې تاسو به مغلوب كړى شئ او جهنم ته به را یوځای (راجمع) كړى شئ او هغه بده استوګنه ده

🌐 Additional reference in فارسی

📖 Ayah 📜 Tafsir 📚 Al-Waseet 🔤 Ayah (I'rab)

🎧 واورئ

📜

ژباړه — Tafsir

د کلمو معناګانې:

سَتُغْلَبُونَ: ته به ماته درکړل شي، ماته به وخورئ.
تُحْشَرُونَ: راټول به شئ، راوستل به شئ.
جَهَنَّمَ: د دوزخ اور.
الْمِهَادُ: فراش، بستره، د اوسېدو ځای.

تفسیر:

اى رسوله! ته هغو كسانو ته ووايه چې كافران شوي دي، كه هغوى يهوديان وي يا د مكې مشركان او نور كافران، چې بېشكه تاسو به په دنيا كې ماته وخورئ او مغلوب به شئ، لكه څنګه چې په بدر كې مسلمانانو ته ماتې وركړل شوه. بيا به تاسو په داسې حالت كې مړه شئ چې پر كفر يې ولاړ يئ، او د قيامت په ورځ به تاسو د دوزخ اور ته راټول او روان كړى شئ. دا اور به ستاسو لپاره د اوسېدو ځاى او فراش وي، او دا ډېر بد فراش او بد اوسېدو ځاى دى.

فايدې:

دا آيت د مؤمنانو لپاره د تسليت او خوښۍ پېغام دى، چې د كافرانو پر ضد د الله تعالى مرسته او بريا به تل د مؤمنانو ملګرې وي.
پکښې د كافرانو لپاره خبرداری دى چې د دوى عاقبت په دنيا كې ذلت او رسوايي ده او په آخرت كې د دوزخ اور دى.
دا آيت د دې خبرې ثبوت دى چې الله تعالى د خپلو بندګانو له حاله خبر دى او د هغوى د دښمنانو په مقابل كې به يې مرسته كوي.
پکښې د آخرت د حشر او جمع كېدو تصدیق دى، چې ټول خلک به د حساب لپاره راټول شي او هر څوك به د خپلو عملونو سزا يا جزا ویني.
دا آيت د اسلام د حقانيت او د مسلمانانو د برياليتوب يو روښانه ثبوت دى، ځكه چې دا وړاندوينه د بدر په جګړه كې په واقعيت بدله شوه.

📜 آیت 10-14 — سورت آل عمران

10إِنَّ الَّذِينَ كَفَرُوا لَن تُغْنِيَ عَنْهُمْ أَمْوَالُهُمْ وَلَا أَوْلَادُهُم مِّنَ اللَّهِ شَيْئًا ۖ وَأُولَٰئِكَ هُمْ وَقُودُ النَّارِ

بېشكه هغه كسان چې كفر يې كړى دى، هېڅ كله به هم د هغوى مالونه او اولادونه له دوى څخه د الله (له عذاب) نه هېڅ شى لرې نه كړى شي او همدغه كسان د اور خشاك دي

11كَدَأْبِ آلِ فِرْعَوْنَ وَالَّذِينَ مِن قَبْلِهِمْ ۚ كَذَّبُوا بِآيَاتِنَا فَأَخَذَهُمُ اللَّهُ بِذُنُوبِهِمْ ۗ وَاللَّهُ شَدِيدُ الْعِقَابِ

(حال د دوى داسى دى) لكه حال (او عادت) د فرعونیانو او د هغو كسانو چې له دوى نه مخكې وو، چې زمونږ ایتونه به يې دروغ ګڼل، نو الله هغوى د خپلو ګناهونو په سبب ونیول او الله ډېر سخت عذاب وركوونكى دى

12قُل لِّلَّذِينَ كَفَرُوا سَتُغْلَبُونَ وَتُحْشَرُونَ إِلَىٰ جَهَنَّمَ ۚ وَبِئْسَ الْمِهَادُ

13قَدْ كَانَ لَكُمْ آيَةٌ فِي فِئَتَيْنِ الْتَقَتَا ۖ فِئَةٌ تُقَاتِلُ فِي سَبِيلِ اللَّهِ وَأُخْرَىٰ كَافِرَةٌ يَرَوْنَهُم مِّثْلَيْهِمْ رَأْيَ الْعَيْنِ ۚ وَاللَّهُ يُؤَيِّدُ بِنَصْرِهِ مَن يَشَاءُ ۗ إِنَّ فِي ذَٰلِكَ لَعِبْرَةً لِّأُولِي الْأَبْصَارِ

یقینًا شته تاسو لپاره لویه نښه په هغو دوه ډلو كې چې یو بل ته مخامخ شوې وې، یوه ډله د الله په لار كې جنګېدله او بله كافره وه، دوى به هغوى لره له خپل ځان نه دوه چنده (زیات) لیدل، دسترګو په لیدلو سره، او الله په خپل مدد سره قوت وركوي (مضبوطوي) چا ته چې وغواړي، یقینًا په دې كې د سترګو خاوندانو لپاره خامخا عبرت (اونصیحت) دى

14زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالْأَنْعَامِ وَالْحَرْثِ ۗ ذَٰلِكَ مَتَاعُ الْحَيَاةِ الدُّنْيَا ۖ وَاللَّهُ عِندَهُ حُسْنُ الْمَآبِ

ښايسته كړى شوې ده خلقو ته مینه د مرغوبو خوندَوَرو شیانو چې ښځې دي او زامن دي او راجمع كړى شوې ډېر مالونه دي له سرو زرو نه او سپینو زرو نه او اسونو نه، چې نښه دار كړى شوي دي او له څارويو نه او فصل نه، دا د دنيايي ژوند سامان دى او له الله سره د ورګرځېدلو ښه ځای دى

→ آیت 11 📖 آل عمران آیت 13 ←

آل عمرانقرآن فهرست

200آیت

MedinanRevelation

12آیت

ژباړه — آل عمران 12

سورت آل عمران آیت 12 - لوستل, واورئ, ژباړه, پښتو : ته ووایه هغو كسانو ته چې كفر يې كړى دى:…

سورت آیت 12/200 — سورت آل عمران آل عمران (Medinan). لوستل واورئ ژباړه (پښتو). واورئ: سورت آل عمران واورئ, سورت آل عمران ژباړه, سورت آل عمران mp3, سورت آل عمران pdf. آیت 10–14. پښتو: فارسی.

📚 مقدس قرآن 🎧 واورئ mp3 ⬇ mp3