Suuratu Al-A'raf — Aaya 23

1. Sifaaji konngi ɗi ngam faamde Aaya nden:

• "ظَلَمْنَا أَنفُسَنَا": haray men tooñi ko'e amen, men bonni ɗum.
• "تَغْفِرْ": haɗa junuubi, yaafa.
• "تَرْحَمْنَا": yurmeende e newaare.
• "الْخَاسِرِينَ": ɓen hayruɓe, ɓen bonniiɓe fii maɓɓe.

1. Firo Aaya nden:

Aadama e Hawwaa wi'i: "Joomi amen, men tooñi ko'e amen, men bonni ɗum, sabu men waɗi ko Aɗa haɗi men kon, hono ñaamde e leggal ngal. Si A yaafaani men junuubi amen, A yurminaani men, haray men naatii e ɓen hayruɓe, ɓen bonniiɓe fii maɓɓe ka aduna e ka laakara." Ɗee konngi ɗi Aadama heɓi e Joomi mum, o torii e majji, Alla jaɓi tuuba makko.

1. Nafaaji ɗi Aaya nden hollata:

• Aaya nden no hollu wonnde tuuba e yaafuyeede ko laawol ɓen goonɗinɓe, nde woni ko ɓe mbaɗata nde ɓe fennii junuubi maɓɓe.
• No hollu wonnde neɗɗo fof no waawi tooñde ko'e mum, kono ko ɓuri moƴƴude ko nde o ruttotoo e Joomi mum, o toroo yaafuyeede.
• No hollu wonnde yurmeende Alla ɗe ngoni ko ɓuri mawnude, kadi ko Kanko woni jaafoowo junuubi ɓen tuubooɓe.
• No hollu wonnde si neɗɗo yalti e laawol Alla, o waɗi junuubi, o ruttotaako, haray ko o hayruɗo ka aduna e ka laakara.
• No hollu wonnde Alla no jaɓa tuuba ɓen tuubooɓe, hono no O jaɓi tuuba Aadama, ɗum ko newaare e yurmeende wonande ɓen goonɗinɓe.