Аль-Джинн сүрөсү — Аят 5

1. Сөздөрдүн мааниси:

• ظَنَنَّا: биз ойлодук, биз эсептедик.
• لَن تَقُولَ: эч качан айтпайт, айтуу мүмкүн эмес.
• كَذِبًا: жалган, ойдон чыгарылган сөз.

1. Аяттын түшүндүрмөсү:

Жиндердин бир тобу өздөрүнүн окуясын айтып жатып: «Биз мурун адамдар да, жиндер да Аллах жөнүндө жалган айтпайт деп ойлочубуз. Аллахтын жубайы же баласы бар деген сөздөрдү эч ким айта албайт деп эсептечүбүз. Ошондуктан мушриктердин Аллахка жубай жана бала таңуу жөнүндөгү сөздөрүн чындык деп кабыл алып, аларга ээрчип кеттик. Эми Куранды угуп, акыйкатты билгенден кийин, алардын сөздөрү анык жалган экенин түшүндүк», — дешти. Бул аят жиндердин да, адамдардын да Аллах жөнүндө жалган сүйлөөгө батынгандыгын жана буга чейин жиндер адамдардын жалган сөздөрүнө ишенип келгендигин баяндайт.

1. Аяттан алынуучу пайдалар:

• Куранды окуп, үйрөнүү аркылуу адам туура жолду таап, мурунку жаңылыш ишенимдерин таштай алат.
• Эч кимге сокур ээрчүү туура эмес; ар бир сөздүн чындыгын текшерүү керек.
• Аллах жөнүндө жалган сүйлөө чоң күнөө экенин билүү.
• Куран адамды жана жинди түз жолго салуучу, адашуудан куткаруучу китеп экенин түшүнүү.
• Ислам дини акыйкатты, чындыкты үйрөтүп, жалгандан алыстатат.