سوڕەتی نازیعات — ئایه‌ت 6

﴿يَوْمَ تَرْجُفُ الرَّاجِفَةُ﴾

واتەى وشەكان:

• تَرْجُفُ: دەلەرزێت، دەجوڵێت و دەهەژێت.
• الرَّاجِفَةُ: لەرزینەكەى یەكەم، كە فووكردنەكەى یەكەمە (نەفخەى یەكەم) كە بەهۆیەوە هەموو بوونەوەر دەمرن.

تەفسیرى ئایەتەكە:

ئەم ئایەتە باسى ڕۆژێك دەكات كە دڵ و دەروونى مرۆڤ لەبەر بیری دەلەرزێنێت: ئەو ڕۆژەى زەوى دەلەرزێت و دەهەژێت بە فووكردنەى یەكەم، كە پێى دەگوترێت "الراجفة". ئەمە ئەو فووكردنەیە كە بەهۆیەوە هەموو ژیان لەسەر زەوى كۆتایى دێت و هەموو بوونەوەر دەمرن، زەوى و چیاكەکان دەهەژێن و هەموو شتێك وێران دەبێت.

ئەم ڕووداوە بەشێكە لە نیشانە گەورەكانی كۆتایی جیهان و سەرەتای ژیانى دوایى. خواى گەورە لەم ئایەتەدا بەو ڕووداوە گەورەیە ئاگادارمان دەكاتەوە بۆ ئەوەى خۆمان ئامادە بكەین بۆ ئەو ڕۆژە، چونكە دوای ئەم لەرزینە، فووكردنەى دووەم دێت كە هەموو خەڵك زیندوو دەكرێنەوە بۆ لێپرسینەوە.

ئەی مرۆڤە! ئەم ڕۆژە بە دڵنیاییەوە دێت، كەس نازانێت كەی دەبێت، بەڵام دڵنیاین كە دێت. ئایا ئامادەیت بۆ ئەو ڕۆژە؟ ئەم ژیانە كورتە و خەیاڵییە، بەڵام ئەو ڕۆژە ڕاستە و هەرگیز لەناو ناچێت. با هەر كەسێك لە ئێمە بەشداری چاكە بكات و لە خراپە دوور بێت، بۆ ئەوەى لەو ڕۆژەدا بە ئاسوودەیى ڕووبەڕووى لێپرسینەوە ببێتەوە و سەربكەوێت بۆ بەهەشتى بەرین.