Basahin Surah An-Nazi'at sa Filipino

Surah An-Nazi'at sa Arabe at Filipino

Basahin ang Surah An-Nazi'at na may kumpletong salin sa Filipino at audio na babasahin. Salin bawat talata. (46 Talata — مكية). An-Nazi'at Pakinggan, An-Nazi'at Salin, An-Nazi'at mp3, An-Nazi'at pdf.

Basahin at Pakinggan ang Surah An-Nazi'at

🎧 Talata

Ayat: —

Repeat: x1

وَالنَّازِعَاتِ غَرْقًا ۝١

📖 Salin Talata 1

Sa pamamagitan ng (mga anghel) na bumabatak (sa kaluluwa ng mga walang pananampalataya at tampalasan) ng may matinding dahas

وَالنَّاشِطَاتِ نَشْطًا ۝٢

📖 Salin Talata 2

Sa pamamagitan ng (mga anghel) na mabanayad na kumukuha (ng kaluluwa ng mga sumasampalataya at mapapalad)

وَالسَّابِحَاتِ سَبْحًا ۝٣

📖 Salin Talata 3

At sa pamamagitan ng (mga anghel) na bumababa sa kalangitan na may dalang pag-uutos ng kanilang Panginoon (o ang mga lumilipad [na mga anghel] o lumalangoy [na mga planeta] sa kanilang daan o landas

فَالسَّابِقَاتِ سَبْقًا ۝٤

📖 Salin Talata 4

At sa pamamagitan nila na nagpapatuloy na nangunguna na katulad ng isang karera (alalaong baga, ang mga anghel, o mga bituin o mga kabayo, atbp)

فَالْمُدَبِّرَاتِ أَمْرًا ۝٥

📖 Salin Talata 5

At sa pamamagitan ng mga anghel na nagsasaayos upang gawin ang Pag-uutos ng kanilang Panginoon, (kaya’t katunayang kayo na hindi sumasampalataya ay tatawagin upang magsulit)

يَوْمَ تَرْجُفُ الرَّاجِفَةُ ۝٦

📖 Salin Talata 6

Sa Araw na (kung ang unang Pag-ihip ng Tambuli ay gawin), ang kalupaan at kabundukan ay mayayanig nang marahas (at ang lahat ay mamamatay)

تَتْبَعُهَا الرَّادِفَةُ ۝٧

📖 Salin Talata 7

Na susundan ng pangalawang Pag-ihip ng Tambuli (at ang lahat ay ibabangon)

قُلُوبٌ يَوْمَئِذٍ وَاجِفَةٌ ۝٨

📖 Salin Talata 8

Sa Araw na ito, ang (ibang) mga puso ay magsisitibok sa pangamba at hapis

أَبْصَارُهَا خَاشِعَةٌ ۝٩

📖 Salin Talata 9

Na ang kanilang mga mata ay nakatuon sa lupa

يَقُولُونَ أَإِنَّا لَمَرْدُودُونَ فِي الْحَافِرَةِ ۝١٠

📖 Salin Talata 10

Sa gayon , sila ay magtuturing: “Ano! Kami baga ay katotohanang ibabalik (na muli) sa aming dating anyo ng buhay

أَإِذَا كُنَّا عِظَامًا نَّخِرَةً ۝١١

📖 Salin Talata 11

Ano? Kahit kami ay lansag- lansag na mga buto na?”

قَالُوا تِلْكَ إِذًا كَرَّةٌ خَاسِرَةٌ ۝١٢

📖 Salin Talata 12

Sila ay magsasabi: “Ito, sa gayong pangyayari, ay isang pagbabalik na walang pakinabang!”

فَإِنَّمَا هِيَ زَجْرَةٌ وَاحِدَةٌ ۝١٣

📖 Salin Talata 13

Datapuwa’t katotohanang ito ay isang Hiyaw lamang (o isang Pag-ihip)

فَإِذَا هُم بِالسَّاهِرَةِ ۝١٤

📖 Salin Talata 14

At pagmasdan! Natagpuan nila ang kanilang sarili sa ibabaw ng lupa na buhay matapos ang kanilang kamatayan

هَلْ أَتَاكَ حَدِيثُ مُوسَىٰ ۝١٥

📖 Salin Talata 15

Narinig na ba ninyo ang kasaysayan ni Moises

إِذْ نَادَاهُ رَبُّهُ بِالْوَادِ الْمُقَدَّسِ طُوًى ۝١٦

📖 Salin Talata 16

Nang siya ay tawagin ng kanyang Panginoon sa banal na Lambak ng Tuwa

اذْهَبْ إِلَىٰ فِرْعَوْنَ إِنَّهُ طَغَىٰ ۝١٧

📖 Salin Talata 17

(Na nagsasabi): “Pumaroon ka kay Paraon. Katotohanang siya ay nagmalabis sa pagsuway at paglabag (sakanyangmgakasalanan, kawalanngpananalig, pagsamba sa mga diyus-diyosan, atbp.).”

فَقُلْ هَل لَّكَ إِلَىٰ أَن تَزَكَّىٰ ۝١٨

📖 Salin Talata 18

At iyong sabihin (sa kanya): “Nais mo bang dalisayin ang iyong sarili (sa kasalanan ng kawalang pananalig, sa pagiging isang mananampalataya)

وَأَهْدِيَكَ إِلَىٰ رَبِّكَ فَتَخْشَىٰ ۝١٩

📖 Salin Talata 19

At upang mapatnubayan kita sa iyong Panginoon, at ikaw ay magkaroon ng pagkatakot sa Kanya?”

فَأَرَاهُ الْآيَةَ الْكُبْرَىٰ ۝٢٠

📖 Salin Talata 20

At ipinamalas ni Moises sa kanya ang dakilang Tanda (mga himala)

فَكَذَّبَ وَعَصَىٰ ۝٢١

📖 Salin Talata 21

Datapuwa’t si Paraon ay nagtakwil dito at sumuway

ثُمَّ أَدْبَرَ يَسْعَىٰ ۝٢٢

📖 Salin Talata 22

At siya ay tumalikod na labis na tumututol (laban kay Allah)

فَحَشَرَ فَنَادَىٰ ۝٢٣

📖 Salin Talata 23

At kanyang tinipon ang kanyang tao (at mga sundalo) at sumigaw ng malakas

فَقَالَ أَنَا رَبُّكُمُ الْأَعْلَىٰ ۝٢٤

📖 Salin Talata 24

Na nagsasabi: “ Ako ang inyong panginoon, ang kataas-taasan.”

فَأَخَذَهُ اللَّهُ نَكَالَ الْآخِرَةِ وَالْأُولَىٰ ۝٢٥

📖 Salin Talata 25

Datapuwa’t sinakmal siya ni Allah ng kaparusahan, (at ginawa siya) na isang halimbawa, sa Kabilang Buhay , at sa buhay na ito

إِنَّ فِي ذَٰلِكَ لَعِبْرَةً لِّمَن يَخْشَىٰ ۝٢٦

📖 Salin Talata 26

Katotohanang naririto ang isang nagtuturong tagubilin (at aral) sa sinumang may pagkatakot kay Allah

أَأَنتُمْ أَشَدُّ خَلْقًا أَمِ السَّمَاءُ ۚ بَنَاهَا ۝٢٧

📖 Salin Talata 27

Ano? Kayo baga ay higit na mahirap likhain kaysa sa kalangitan na Kanyang itinatag

رَفَعَ سَمْكَهَا فَسَوَّاهَا ۝٢٨

📖 Salin Talata 28

Sa kaitaasan ay Kanyang itinaas ang kulandong nito at Kanyang ginawaran yaon nang kaayusan at pagiging ganap

وَأَغْطَشَ لَيْلَهَا وَأَخْرَجَ ضُحَاهَا ۝٢٩

📖 Salin Talata 29

Ang kanyang gabi ay nilukuban Niya ng kadiliman, at ang kanyang katanghalian ay ginawaran Niya ng liwanag

وَالْأَرْضَ بَعْدَ ذَٰلِكَ دَحَاهَا ۝٣٠

📖 Salin Talata 30

At matapos ito, ay inilatag Niya ang kalupaan nang malawak

أَخْرَجَ مِنْهَا مَاءَهَا وَمَرْعَاهَا ۝٣١

📖 Salin Talata 31

At nagpasibol Siya mula rito ng kanyang tubig at kanyang pastulan (na luntiang halaman)

وَالْجِبَالَ أَرْسَاهَا ۝٣٢

📖 Salin Talata 32

At ang kabundukan ay itinindig Niya nang matatag

مَتَاعًا لَّكُمْ وَلِأَنْعَامِكُمْ ۝٣٣

📖 Salin Talata 33

Bilang kapakinabangan sa inyo at sa inyong bakahan (at hayupan)

فَإِذَا جَاءَتِ الطَّامَّةُ الْكُبْرَىٰ ۝٣٤

📖 Salin Talata 34

Datapuwa’t kung dumatal na ang dakilang kapinsalaan (alalaong baga, ang Araw ng Kabayaran, atbp)

يَوْمَ يَتَذَكَّرُ الْإِنسَانُ مَا سَعَىٰ ۝٣٥

📖 Salin Talata 35

Sa Araw na ang tao ay makakaala-ala ng lahat ng kanyang pinagsumikapan (pinagdaanang mga gawa)

وَبُرِّزَتِ الْجَحِيمُ لِمَن يَرَىٰ ۝٣٦

📖 Salin Talata 36

At ang Apoy ng Impiyerno Ay Ganap Namatatambadngmalapit Sa(bawat) isa na nakamasid

فَأَمَّا مَن طَغَىٰ ۝٣٧

📖 Salin Talata 37

At sa kanya na nag-Tagha (lumabag at sumuway sa lahat ng hangganan na itinakda ni Allah, kawalan ng paniniwala, pang-aapi, kasamaan, atbp)

وَآثَرَ الْحَيَاةَ الدُّنْيَا ۝٣٨

📖 Salin Talata 38

At minahalaga ang buhay sa mundong ito (sa pamamagitan ng pagsunod sa kanyang masamang hangarin at mga pagnanasa)

فَإِنَّ الْجَحِيمَ هِيَ الْمَأْوَىٰ ۝٣٩

📖 Salin Talata 39

Katotohanan! Ang kanyang pananahanan ay Apoy ng Impiyerno

وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ ۝٤٠

📖 Salin Talata 40

Datapuwa’t siya na may pagkatakot sa kanyang pagharap (sa pagsusulit) sa kanyang Panginoon, at nagtimpi ng kanyang sarili sa marumi at maitim na hangarin at pagnanasa

فَإِنَّ الْجَنَّةَ هِيَ الْمَأْوَىٰ ۝٤١

📖 Salin Talata 41

Katotohanan! Ang kanilang pananahanan ay Halamanan (ng Paraiso)

يَسْأَلُونَكَ عَنِ السَّاعَةِ أَيَّانَ مُرْسَاهَا ۝٤٢

📖 Salin Talata 42

Sila ay nagtatanong sa iyo (o Muhammad) tungkol sa oras? Kailan kaya ang kanyang takdang panahon

فِيمَ أَنتَ مِن ذِكْرَاهَا ۝٤٣

📖 Salin Talata 43

Ikaw ay walang Kaalaman na magpahayag ng anuman (tungkol) dito

إِلَىٰ رَبِّكَ مُنتَهَاهَا ۝٤٤

📖 Salin Talata 44

Nasa iyong Panginoon lamang (ang Kaalaman) ng Takdang Araw

إِنَّمَا أَنتَ مُنذِرُ مَن يَخْشَاهَا ۝٤٥

📖 Salin Talata 45

At ikaw (o Muhammad) ay isa lamang Tagapagbabala sa mga may pangangamba rito

كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا ۝٤٦

📖 Salin Talata 46

Sa Araw na ito ay kanilang mapagmamalas, (wari) bang sila ay umidlip lamang ng isang gabi sa mundong ito, (o ang pinakamatagal) ay hanggang sa pagdatal ng umaga

← 78 An-Nazi'at (79/114) 80 →

Basahin Surah An-Nazi'at sa Filipino – Salin at Audio

79النازعات An-Nazi'at 📚 46 Talata مكية