Surah As-Saffat pdf Malagasy

PDF —

182 Andininy Meccan PDF

Built right in your browser — download starts automatically

Surah As-Saffat pdf — Alaino (Malagasy)

Surah As-Saffat pdf Malagasy — Alaino Surah As-Saffat Fandikana. Surah As-Saffat (Meccan) 182 Andininy.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah As-Saffat

182 Andininy · Meccan · Malagasy

ﭑﭒﭓ

37:1 Mianiana amin’ireo izay nalahatra amin’ny laharana Aho,

ﭔﭕﭖ

37:2 Sy amin’ireo izay manosika mafy (ireo rahona),

ﭗﭘﭙ

37:3 Ary amin’ireo izay mamaky ho fampahatsiahivana (Koroany) :

ﭚﭛﭜﭝ

37:4 Hamafisina, fa tokana ny Zanaharinareo,

ﭞﭟﭠﭡﭢﭣﭤﭥ

37:5 Ilay Tompon’ny lanitra sy ny tany, sy izay eo anelanelany, ary Tompon’ireo fiposahan’ny masoandro ”.

ﭦﭧﭨﭩﭪﭫﭬ

37:6 Hamafisina, fa Izahay no nampihaingo ny lanitra akaiky indrindra amin’ny ravak’ireo kintana,

ﭭﭮﭯﭰﭱﭲ

37:7 Mba ho fiarovana amin’ny satana mpikomy rehetra,

ﭳﭴﭵﭶﭷﭸﭹﭺﭻﭼ

37:8 Tsy afaka hihaino ireo manan-kaja ambony intsony izy ireo, satria ho torahana izy ireo avy amin’ny fitodihana rehetra,

ﭽﭾﭿﮀﮁﮂ

37:9 Sady ho voatosika. Ary hahazo famaizana tsy manam-pahataperana izy ireo.

ﮃﮄﮅﮆﮇﮈﮉﮊ

37:10 Afa-tsy izay mihaino an-tsokosoko, dia hanenjika azy ny poti-kintana mandoaka.

ﮋﮌﮍﮎﮏﮐﮑﮒﮓﮔﮕﮖﮗﮘ

37:11 Anontanio àry izy ireo, moa ve izy ireo no tena sarotra amboarina indrindra noho izay noharianay ? Fa fotaka madity no noharianay azy ireo.

ﮙﮚﮛﮜ

37:12 Nefa gaga ianao, ary maneso izy ireo.

ﮝﮞﮟﮠﮡ

37:13 Ary rehefa ampahatsiahivina (ny Kor’ány) izy ireo, dia tsy mandray izany.

ﮢﮣﮤﮥﮦ

37:14 Ary rehefa mahita famantarana izy ireo, dia manao izay hanesoana izany.

ﮧﮨﮩﮪﮫﮬﮭ

37:15 Ary miteny izy ireo hoe: “Majika miharihary ihany izany ”.

ﮮﮯﮰﮱﯓﯔﯕﯖ

37:16 Rehefa maty izahay, ary lasa vovoka sy taolana, dia mbola ho velomina indray ve ?

ﯗﯘﯙ

37:17 Na koa ireo razambenay taloha ? ”

ﯚﯛﯜﯝﯞ

37:18 Dia lazao hoe : “Eny ! Ary ho ambany tokoa ianareo”.

ﯟﯠﯡﯢﯣﯤﯥﯦ

37:19 Tsy hisy afa-tsy hiaka tokana ihany, dia indro izy ireo fa hijery.

ﯧﯨﯩﯪﯫﯬ

37:20 Ka hiteny izy ireo hoe : “Loza ho anay ! Tonga ny andro hanomezana ny valin-kasasarana”.

ﯭﯮﯯﯰﯱﯲﯳﯴ

37:21 “Izany no andro fitsarana, izay nolazainareo fa lainga”.

ﯵﯶﯷﯸﯹﯺﯻﯼﯽ

37:22 “Angoninareo ireo izay nanao ny tsy rariny sy ny vadin’izy ireo, ary izay rehetra notompoiny,

ﯾﯿﰀﰁﰂﰃﰄﰅ

37:23 Ankoatran'I Allah dia tarihinareo makany amin’ny làlan’ny afobe izy ireo.

ﰆﰇﰈﰉﰊ

37:24 Ary ajanony izy ireo fa tsy maintsy hanontaniana.

ﭑﭒﭓﭔﭕ

37:25 “Nahoana àry ianareo no tsy mifamonjy ? ”

ﭖﭗﭘﭙﭚ

37:26 Nefa amin’izany andro izany dia hankato tanteraka izy ireo

ﭛﭜﭝﭞﭟﭠ

37:27 Ary hifampitodika izy ireo hifanontany

ﭡﭢﭣﭤﭥﭦﭧ

37:28 Hiteny izy ireo hoe : “Tonga taminay tamin’ny fanehoana ny tsara ianareo”.

ﭨﭩﭪﭫﭬﭭ

37:29 Dia hoy izy ireo hoe : “ Ianareo koa aza tsy nino ”.

ﭮﭯﭰﭱﭲﭳﭴﭵﭶﭷﭸﭹ

37:30 Ary izahay dia tsy nanana fahefana taminareo. Fa ianareo kosa dia efa vahoaka mpihoa-pefy.

ﭺﭻﭼﭽﭾﭿﮀﮁ

37:31 Ary dia tanteraka aminay àry izao ny tenin’ny Tomponay, ka hanandrana (famaizana) tokoa izahay

ﮂﮃﮄﮅﮆ

37:32 Nofitahinay tokoa ianareo fa raha ny marina dia izahay mihitsy no efa very lalana.

ﮇﮈﮉﮊﮋﮌ

37:33 Ary amin’izany andro izany dia hitambatra ao anatin’ny famaizana izy rehetra.

ﮍﮎﮏﮐﮑ

37:34 Tahaka izany tokoa no hanaovanay ireo mpanao heloka bevava.

ﮒﮓﮔﮕﮖﮗﮘﮙﮚﮛﮜ

37:35 Rehefa nilazana izy ireo hoe : “Tsy misy Zanahary hafa afa-tsy Allah” dia nanambony tena izy ireo.

ﮝﮞﮟﮠﮡﮢﮣ

37:36 Ary niteny hoe : “Moa ve izahay no hamela ireo zanaharinay nohon'ny mpanao tononkalo adala ?”

ﮤﮥﮦﮧﮨﮩ

37:37 Kanefa tonga niaraka tamin’ny fahamarinana izy ary nanamarina ireo Iraka (teo aloha).

ﮪﮫﮬﮭﮮ

37:38 Marina tokoa fa ianareo dia tena hanandrana ny famaizana mangirifiry.

ﮯﮰﮱﯓﯔﯕﯖ

37:39 Ary tsy omena valin’asa ianareo raha tsy araka ny asa nataonareo ihany

ﯗﯘﯙﯚﯛ

37:40 Afa-tsy ireo mpanompon’I Allah izay voafidy

ﯜﯝﯞﯟﯠ

37:41 Ho azy ireny ny valin-kasasarana efa fantatra

ﯡﯢﯣﯤ

37:42 Voankazo maro ary omen-kaja izy ireo

ﯥﯦﯧﯨ

37:43 .Ao amin’ny zaridainam-pahasambarana

ﯩﯪﯫﯬ

37:44 Eo ambonin’ireo farafara mifanatrika.

ﯭﯮﯯﯰﯱﯲ

37:45 Ho entina mitety azy ireo ny kaopy feno rano avy amin’ny loharano.

ﯳﯴﯵﯶ

37:46 Fotsy, ankafizin’ireo mpisotro azy.

ﯷﯸﯹﯺﯻﯼﯽﯾ

37:47 Tsy misy hahavery (ny sain’izy ireo) ao, ary tsy hahamamo azy ireo izany.

ﯿﰀﰁﰂﰃ

37:48 Ary izy ireo dia hanana vehivavy tsara, manana fijery maontina, baribary maso.

ﰄﰅﰆﰇ

37:49 Izy ireo dia tahaka ny atody voatahiry tsara.

ﰈﰉﰊﰋﰌﰍ

37:50 Ary ny sasany amin'izy ireo dia hitodika amin'ny ankilany hifanontany.

ﰎﰏﰐﰑﰒﰓﰔﰕ

37:51 Hiteny ny iray amin’izy ireo hoe : “Izaho dia nana-namana"

ﭑﭒﭓﭔﭕ

37:52 Izay niteny hoe : “moa ve ianao tena anisan’ireo mpino ?”

ﭖﭗﭘﭙﭚﭛﭜﭝ

37:53 “Moa ve raha maty isika ary lasa vovoka sy taolana, dia mbola ho tsaraina ?”

ﭞﭟﭠﭡﭢ

37:54 Hiteny izy hoe : “ Moa ve ianareo mba te-hitazana avy aty ambony ?”

ﭣﭤﭥﭦﭧﭨ

37:55 Dia nijery avy eny ambony izy ka nahatazana azy teo afovoan’ny afobe

ﭩﭪﭫﭬﭭﭮ

37:56 Ary hiteny izy hoe : “Mianiana amin’I Allah aho fa saika noverezinao aho !”

ﭯﭰﭱﭲﭳﭴﭵ

37:57 Ary raha tsy noho ny fahasoavan’ny Tompoko dia tena anisan’ireo tao (anatin’ny afobe) koa aho.

ﭶﭷﭸﭹ

37:58 Moa ve marina fa tsy ho faty isika,

ﭺﭻﭼﭽﭾﭿﮀ

37:59 Afa-tsy ny fahafatesantsika tamin’ny voalohany ary tsy ho faizina isika”

ﮁﮂﮃﮄﮅﮆ

37:60 Marina fa izany tokoa ilay fahombiazana lehibe.

ﮇﮈﮉﮊﮋ

37:61 Ho an’ny zavatra toy izany no tokony hiasan’ireo izay miasa.

ﮌﮍﮎﮏﮐﮑﮒ

37:62 Moa ve tsy izany no mendrika kokoa ho fonenana sa ny hazon’ny Zakkom[105]

ﮓﮔﮕﮖﮗ

37:63 Marina fa Izahay dia nanao izany ho fitsapana ho an’ireo mpanao ny tsy rariny.

ﮘﮙﮚﮛﮜﮝﮞ

37:64 Izany dia hazo izay mivoaka avy any amin’ny farany ambany amin’ny afobe.

ﮟﮠﮡﮢﮣ

37:65 Ireo voany dia tahaka ny lohan’ireo satana.

ﮤﮥﮦﮧﮨﮩﮪ

37:66 Tsy maintsy mihinana amin'izany izy ireo ary hameno ny kibony

ﮫﮬﮭﮮﮯﮰﮱﯓ

37:67 Manaraka izany dia hisy avy eny ambony ny fifangaroan-drano ratsy, mangotraka ho an’izy ireo.

ﯔﯕﯖﯗﯘﯙ

37:68 Ary ny fiverenan’izy ireo dia mankany amin’ny afobe (Djahim)

ﯚﯛﯜﯝﯞ

37:69 Izy ireo dia nahita ireo razambeny tao anatin’ny fahaverezana

ﯟﯠﯡﯢﯣ

37:70 Koa indro izy ireo mihazakazaka manaraka ny dian’izy ireo.

ﯤﯥﯦﯧﯨﯩ

37:71 Ary izany no tena nahavery ny ankamaroan’ireo efa talohan’izy ireo.

ﯪﯫﯬﯭﯮ

37:72 Ary efa nalefanay tokoa tamin’izy ireo ny mpampitandrina maro.

ﯯﯰﯱﯲﯳﯴ

37:73 Jereo àry, mba nanao ahoana ny fiafaran’ireo izay nahazo fampitandremana !

ﯵﯶﯷﯸﯹ

37:74 Afa-tsy ireo mpanompon’i Allah izay voafidy.

ﯺﯻﯼﯽﯾﯿ

37:75 Ary efa niantso anay tokoa i Noa fa izahay no mpamaly ny antso tsara indrindra.

ﰀﰁﰂﰃﰄﰅ

37:76 Ary navotanay izy sy ny fianakaviany tamin’ny tebiteby lehibe.

ﭑﭒﭓﭔﭕ

37:77 Ary nataonay ny taranany no hany sisa tavela.

ﭖﭗﭘﭙﭚ

37:78 Ary nataonay ho mandrakizay eo amin’ny taranaka avy afara ny fahatsiarovana azy.

ﭛﭜﭝﭞﭟﭠ

37:79 Fiadanana ho an’i Noa eo amin’izao tontolo izao

ﭡﭢﭣﭤﭥ

37:80 Toy izany no amalianay soa ireo mpanao soa.

ﭦﭧﭨﭩﭪ

37:81 Tena marina fa izy dia isan’ireo mpanomponay mpino.

ﭫﭬﭭﭮ

37:82 Ary dia narendrikay ireo vahoaka sasany.

ﭯﭰﭱﭲﭳﭴ

37:83 Ary anisany mpiray finoana aminy tokoa i Ibrahim (Abrahama)

ﭵﭶﭷﭸﭹﭺ

37:84 Raha tonga tamin’ny Tompony izy amin’ny fo madio.

ﭻﭼﭽﭾﭿﮀﮁ

37:85 Rehefa niteny izy tamin’ny Rainy sy ny vahoakany hoe : “Inona no tompoinareo ?"

ﮂﮃﮄﮅﮆﮇ

37:86 Mitady Tompo maro hafa ivelan’I Allah ve ianareo ?

ﮈﮉﮊﮋﮌ

37:87 Inona ary ny hevitrareo mahakasika ny Tompon'izao tontolo izao ?

ﮍﮎﮏﮐﮑ

37:88 Avy eo dia nanopy maso izy ka nijery ireo kintana

ﮒﮓﮔﮕ

37:89 Sady niteny izy hoe : “Marina tokoa fa marary aho”

ﮖﮗﮘﮙ

37:90 Nimboho azy izy ireo dia nandeha.

ﮚﮛﮜﮝﮞﮟﮠ

37:91 Dia nizotra moramora nankany amin’ny sampin’izy ireo izy, ary niteny hoe : “Moa ve tsy mihinana ianareo ?"

ﮡﮢﮣﮤﮥ

37:92 Fa inona no tsy mampiteny anareo?

ﮦﮧﮨﮩﮪ

37:93 Avy eo nokapohiny antsokosoko izy ireo tamin’ny tanany havanana.

ﮫﮬﮭﮮ

37:94 Tamin’izany dia nanantona azy am-pihazakazahana ireo olona.

ﮯﮰﮱﯓﯔ

37:95 Niteny (tamin’izy ireo) izy hoe : “Moa ve ianareo dia manompo izay (sary) nataonareo ihany".

ﯕﯖﯗﯘﯙ

37:96 Nefa I Allah no nahary anareo sy izay ataonareo

ﯚﯛﯜﯝﯞﯟﯠﯡ

37:97 Niteny izy ireo hoe : “Hanamboary fata-mihiboka (lafaoro) ho azy ka atsipio ao anatin’ny afo mamaivay izy.

ﯢﯣﯤﯥﯦﯧ

37:98 Nitady hanao teti-dratsy taminy izy ireo ; ka nataonay latsaka ambany indrindra izy ireo.

ﯨﯩﯪﯫﯬﯭﯮ

37:99 Ary niteny izy hoe : Izaho dia handeha any amin’ny Tompoko ary hitari-dalana ahy Izy.

ﯯﯰﯱﯲﯳﯴ

37:100 Tompo ô ! Omeo taranaka mba ho anisan’ireo mpanao soa aho.

ﯵﯶﯷﯸ

37:101 Nolazainay vaovao mahafaly izy fa hahazo zazalahy be fangoraham-po.

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ

37:102 Ary rehefa nahatratra ny taona ahafahany miaraka aminy izy dia niteny (Ibrahimo) hoe: “Anaka, izaho dia nahita tamin’ny nofy fa nanao sorona anao. Ka ahoana àry ny fahitanao izany”. Niteny (Ismaely) hoe: “Ry dada ô! Ataovy izay nandidiana anao fa ho hitanao aho, raha sitrak’i Allah, fa anisan’ireo manam-paharetana.

ﭑﭒﭓﭔﭕ

37:103 Avy eo rehefa nanaiky (ny didin’i Allah) izy roa dia nojereny,

ﭖﭗﭘﭙ

37:104 Ka indro Izahay niantso azy hoe: “ Ô ry Ibrahimo !

ﭚﭛﭜﭝﭞﭟﭠﭡﭢ

37:105 Tena notanterahinao tokoa ny nofy. Tahaka izany no hanomezanay valisoa ireo mpanao asa soa.

ﭣﭤﭥﭦﭧﭨ

37:106 Izany tokoa no fitsapana tena miharihary.

ﭩﭪﭫﭬ

37:107 Ary nosolonay izy (Ismaely) tamin’ny alalan’ny fanatitra lehibe.

ﭭﭮﭯﭰﭱ

37:108 Ary nataonay ho mandrakizay eo amin’ny taranaka avy afara ny fahatsiarovana azy.

ﭲﭳﭴﭵ

37:109 “Fiadanana anie ho amin’i Ibrahimo”.

ﭶﭷﭸﭹ

37:110 Tahaka izany no hanomezanay valisoa ireo mpanao asa soa

ﭺﭻﭼﭽﭾ

37:111 Tena marina fa izy dia isan’ireo mpanomponay mpino.

ﭿﮀﮁﮂﮃﮄ

37:112 Ary nolazanay azy ny vaovao mahafaly momban'i Isaka (Ishaka), izay ho mpaminany anisan’ireo olo-mendrika.

ﮅﮆﮇﮈﮉﮊﮋﮌﮍﮎﮏﮐ

37:113 Ary nohasoavinay izy sy Isaka ary misy amin’ny taranak’izy ireo ny mpanao asa tsara sy ny mpanao ny tsy rariny miharihary amin’ny tenany.

ﮑﮒﮓﮔﮕﮖ

37:114 Ary efa nomenay tombotsoa i Mosesy sy Harona,

ﮗﮘﮙﮚﮛﮜ

37:115 Ary navotanay izy roa sy ny vahoakany tamin’ny tebiteby lehibe.

ﮝﮞﮟﮠﮡ

37:116 Ary novonjenay izy ireo ary dia izy ireo no mpandresy.

ﮢﮣﮤﮥ

37:117 Ary nomenay azy roa ny Boky mazava.

ﮦﮧﮨﮩ

37:118 Ary notarihinay amin’ny lalana mahitsy izy roa

ﮪﮫﮬﮭﮮ

37:119 Ary nataonay ho mandrakizay eo amin’ny taranaka avy afara ny fahatsiarovana azy roa.

ﮯﮰﮱﯓﯔ

37:120 “ Fiadanana anie ho amin’i Mosesy sy Harona ”.

ﯕﯖﯗﯘﯙ

37:121 Toy izany no amalianay soa ireo mpanao soa.

ﯚﯛﯜﯝﯞ

37:122 Tena marina fa izy roa dia anisan’ireo mpanomponay mpino.

ﯟﯠﯡﯢﯣ

37:123 Ary marina fa i Ilyasa (Elia) dia anisan’ireo Iraka.

ﯤﯥﯦﯧﯨﯩ

37:124 Rehefa niteny tamin’ny vahoakany izy hoe : " Moa ve tsy matahotra ianareo ?"

ﯪﯫﯬﯭﯮﯯ

37:125 Mitalaho amin’i Baal ve ianareo? Ary avelanareo Ilay Tsara indrindra amin’ireo mpahary

ﯰﯱﯲﯳﯴﯵ

37:126 I Allah no Tomponareo sy Tompon’ireo razambenareo taloha.

ﭑﭒﭓﭔ

37:127 Ka nolazain’izy ireo ho mpandainga Izy, tena marina fa izy ireo dia ho ao (anatin’ny afobe).

ﭕﭖﭗﭘﭙ

37:128 Afa-tsy ireo mpanompon’I Allah izay voafidy.

ﭚﭛﭜﭝﭞ

37:129 Ary nataonay ho mandrakizay eo amin’ny taranaka avy afara ny fahatsiarovana azy.

ﭟﭠﭡﭢﭣ

37:130 “ Fiadanana anie ho amin’I Iliyasa sy ireo mpanaraka azy ”.

ﭤﭥﭦﭧﭨ

37:131 Toy izany no amalianay soa ireo mpanao soa.

ﭩﭪﭫﭬﭭ

37:132 Tena marina fa izy dia anisan'ireo mpanomponay mpino.

ﭮﭯﭰﭱﭲ

37:133 Ary tena marina fa i Lota dia anisan’ireo iraka.

ﭳﭴﭵﭶﭷ

37:134 Rehefa navotanay izy sy ny fianakaviany manontolo

ﭸﭹﭺﭻﭼ

37:135 Afa-tsy vehivavy antitra iray anisan’ireo naringana.

ﭽﭾﭿﮀ

37:136 Avy eo dia nopotehinay koa ny sasany.

ﮁﮂﮃﮄﮅ

37:137 Ary marina fa ianareo dia tena mandalo eo amin’izy ireo amin’ny maraina

ﮆﮇﮈﮉﮊ

37:138 Sy amin’ny alina. Moa ve tsy mba misaina ianareo?

ﮋﮌﮍﮎﮏ

37:139 Ary marina fa i Younouss (Jonasy) dia anisan’ireo iraka.

ﮐﮑﮒﮓﮔﮕ

37:140 Rehefa nandositra tamin’ilay sambo feno izy

ﮖﮗﮘﮙﮚ

37:141 Dia nandray anjara tamin’ny ankitsapaka ka voatendry ho anisan’ny atsipy (anatin’ny ranomasina) izy.

ﮛﮜﮝﮞﮟ

37:142 Ka natelin’ny trondro izy fa mendrika omena tsiny.

ﮠﮡﮢﮣﮤﮥ

37:143 Raha tsy anisan’ireo mpidera ny voninahitr’i Allah izy

ﮦﮧﮨﮩﮪﮫﮬ

37:144 Dia tokony ho tavela tao anatin’ny kibony (trondro) mandra-pahatonga ny andro hananganana azy amin’ny maty.

ﮭﮮﮯﮰﮱﯓ

37:145 Natsipinay teny an-tanety izy ary izy dia tsy salama.

ﯔﯕﯖﯗﯘﯙ

37:146 Ary dia nampanirianay voatavo ny teo amboniny.

ﯚﯛﯜﯝﯞﯟﯠ

37:147 Ary nalefanay izy (ho mpaminany) tany amin’ny vahoaka iray hetsy na mihoatra.

ﯡﯢﯣﯤﯥ

37:148 Koa nino izy ireo ary nomenay azy ireo ny fahafinaretana mandritra ny fotoana voafetra.

ﯦﯧﯨﯩﯪﯫ

37:149 Hametrao fanontaniana àry izy ireo: “ Moa ve ho an’ny Tomponao ireo zazavavy ary ho azy ireo ny zazalahy?

ﯬﯭﯮﯯﯰﯱﯲ

37:150 Na noharianay ho vavy ireo anjely ary izy ireo no vavolombelona?

ﯳﯴﯵﯶﯷﯸ

37:151 Marina fa izy ireo dia niteny tamin’ny lainga nataon’izy ireo hoe

ﯹﯺﯻﯼﯽ

37:152 “Nanan-janaka I Allah” ary marina fa izy ireo dia tena mpandainga

ﯾﯿﰀﰁﰂ

37:153 Moa ve tsy nisafidy ireo zaza vavy Izy noho ireo zaza lahy ?

ﭑﭒﭓﭔﭕ

37:154 Inona no mahazo anareo? Fa ahoana ny fomba fitsaranareo?

ﭖﭗﭘ

37:155 Moa tsy mieritreritra ve ianareo?

ﭙﭚﭛﭜﭝ

37:156 Sa manana porofo mazava ianareo?

ﭞﭟﭠﭡﭢﭣ

37:157 Ento àry ny Bokinareo raha toa ka marina ny anareo.

ﭤﭥﭦﭧﭨﭩﭪﭫﭬﭭﭮﭯ

37:158 Ary nataon’izy ireo misy rohim-pihavanana eo Aminy sy ireo Djiny; nefa efa fantatr’ireo Djiny fa izy ireo dia tena ho ao (amin’ny afobe).

ﭰﭱﭲﭳﭴ

37:159 Voninahitra anie ho an’I Allah noho izay hamaritan’izy ireo Azy

ﭵﭶﭷﭸﭹ

37:160 Afa-tsy ireo mpanompon’I Allah izay voafidy.

ﭺﭻﭼﭽ

37:161 Marina fa ianareo sy izay tompoinareo

ﭾﭿﮀﮁﮂ

37:162 Dia tsy afaka maka fanahy (na iza na iza) ianareo amin’izany

ﮃﮄﮅﮆﮇﮈ

37:163 Afa-tsy izay hiditra ao anatin’ny afobe (Djahim).

ﮉﮊﮋﮌﮍﮎﮏ

37:164 Tsy misy na dia iray aza aminay ka tsy manana toerana efa fantatra

ﮐﮑﮒﮓ

37:165 Ary izahay (Anjely) dia tena milahatra araka ny laharana

ﮔﮕﮖﮗ

37:166 Ary izahay no tena mpidera ny voninahitr’I Allah

ﮘﮙﮚﮛ

37:167 Ary izy ireo dia tena manana fahazarana miteny hoe :

ﮜﮝﮞﮟﮠﮡﮢ

37:168 Raha nanana fampahatsiahivana avy tamin’ny razambenay izahay

ﮣﮤﮥﮦﮧ

37:169 Dia tena efa lasa mpanompo voafidin’I Allah izahay!

ﮨﮩﮪﮫﮬﮭ

37:170 Tsy nino izany izy ireo ary dia ho fantatr’izy ireo tsy ho ela izany.

ﮮﮯﮰﮱﯓﯔ

37:171 Ary efa nomenay ireo Iraka Mpanomponay ny Teninay,

ﯕﯖﯗﯘ

37:172 Fa izy ireo no tena hahazo ny fanavotana

ﯙﯚﯛﯜﯝ

37:173 Ary ny miaramilanay no tena ho mpandresy.

ﯞﯟﯠﯡﯢ

37:174 Ary miataha azy ireo ianao (ry Mohammad), mandra-pahatongan’ny fotoana vitsivitsy

ﯣﯤﯥﯦ

37:175 Ary araho maso izy ireo fa tsy ho ela dia hahita izy ireo !

ﯧﯨﯩ

37:176 Ny famaizana avy Aminay ve no tadiavin’izy ireo hafainganina?

ﯪﯫﯬﯭﯮﯯﯰ

37:177 Fa raha ho latsaka amin’ny toeran’izy ireo izany dia ho ratsy tokoa ny marainan’ireo izay nampitandremina!

ﯱﯲﯳﯴﯵ

37:178 Ary miataha azy ireo ianao (ry Mohammad), mandra-pahatongan’ny fotoana vitsivitsy;

ﯶﯷﯸﯹ

37:179 Ary araho maso fa tsy ho ela dia hahita izy ireo !

ﯺﯻﯼﯽﯾﯿﰀ

37:180 Voninahitra anie ho an’ny Tomponao, Ilay Tompon’ny Hery noho izay hamaritan’izy ireo Azy.

ﰁﰂﰃﰄ

37:181 Ka fiadanana anie ho amin’ireo Iraka

ﰅﰆﰇﰈﰉ

37:182 Ary Dera ho an’I Allah, Tompon’izao tontolo izao !

Koraña Masina

Wednesday, September 9, 2026

Don't forget us in your sincere prayers

Surah As-Saffat pdf

Surah As-Saffat pdf — Alaino (Malagasy)

Related

More Surah PDF